فیصل آباد ویسٹ مینجمنٹ کمپنی کے زیراہتمام عیدالاضحی پرصفائی ستھرائی کے حوالے سے ویسٹ ورکرز کی عمدہ کارکردگی کی ستائش کے لئے تقریب نصرت فتح علی خاں آڈیٹوریم میں منعقد ہوئی۔ڈویژنل کمشنر محمود جاوید بھٹی اس موقع پر مہمان خصوصی تھے۔ڈپٹی کمشنر سردار سیف اللہ ڈوگر،ایڈیشنل ڈپٹی کمشنر ہیڈ کوارٹرز قیصر عباس رند،اسسٹنٹ کمشنر(جنرل)مصور خاں نیازی،سی ای او ویسٹ مینجمنٹ کمپنی کاشف رضا اعوان،ڈائریکٹر آرٹس کونسل صوفیہ بیدار،جنرل مینجر آپریشنز کرنل عماد اقبال گل،سینئر مینجر آپریشنز اعجاز بندیشہ ودیگر افسران کے علاوہ عیدالاضحی صفائی آپریشن میں ڈیوٹی انجام دینے والے ویسٹ ورکرز بھی موجود تھے۔ڈویژنل کمشنر نے کہا کہ حکومت پنجاب کی ہدایات پر شہر میں عیدالاضحی کے بڑے صفائی آپریشن کو کامیاب بنانے کے لئے مربوط حکمت عملی کے تحت کام کیا گیا جس کے لئے ویسٹ مینجمنٹ کمپنی کے ویسٹ ورکرز کی انتھک کاوشیں لائق تحسین ہیں۔انہوں نے ویسٹ ورکرز کو سلام پیش کرتے ہوئے کہا کہ انہوں نے انتہائی تندہی،محنت اور شہریوں کی خدمت کے جذبے کے ساتھ فرائض انجام دئیے اور عیدالاضحی کے ایام میں شہر کے گلی محلوں اورسڑکوں پر متحرک رہے تاکہ قربانی کے جانوروں کی الائشیں اٹھانے میں تاخیر اورماحول تعفن زدہ نہ ہو۔انہوں نے کہا کہ مختلف شہری حلقوں نے بھی عیدالاضحی صفائی پلان پر بہترین عملدرآمد اور ویسٹ مینجمنٹ کمپنی کی عمدہ کارکردگی کو سراہاہے جو کہ بڑی کامیابی اور اس کا تسلسل برقراررہنا چاہیے۔ڈپٹی کمشنر نے کہا کہ عیدالاضحی صفائی پلان کی کامیابی ویسٹ ورکرز کی محنت کا نتیجہ اور شہریوں کی جانب سے ستائش اس امر کا ثبوت ہے کہ وہ عیدکے ایام میں صفائی ستھرائی کے حوالے سے کمپنی کی کارکردگی سے مطمن نظر آئے۔انہوں نے عیدصفائی آپریشن پرمامور ورکرز کو ان کی عمدہ کارکردگی پر مبارکباددی اور فیصل آباد ویسٹ مینجمنٹ کمپنی کے زیراہتمام تقریب کے انعقاد کو سراہا۔انہوں نے کہا کہ احساس،محنت اور ذمہ داری سے فرائض انجام دینے کے حوصلہ افزاء نتائج حاصل ہوتے ہیں اور آئندہ بھی ٹیم ورک کی حیثیت سے شہریوں کو صاف ستھرا ماحول فراہم کرنے کے مشن میں کمی نہیں آنی چاہیے۔سی ای او ویسٹ مینجمنٹ کمپنی نے تقریب میں شرکت اور ویسٹ ورکرزکا حوصلہ بڑھانے پر کمشنر محمود جاوید بھٹی،ڈپٹی کمشنر سردار سیف اللہ ڈوگر اور دیگر افسران کا شکریہ ادا کیا۔انہوں نے بتایا کہ عیدالاضحی صفائی آپریشن میں ویسٹ ورکرز نے گلی محلوں،شاہرات پر مشنری جذبے سے قربانی کے جانوروں کی الائشوں کوٹھکانے لگایا جبکہ عوامی شکایات کابھی تیزرفتاری سے ازالہ کیا گیا۔انہوں نے بتایا کہ عیدپر فرائض انجام دینے والے ملازمین کو 15دن کی تنخواہ بطوراعزازیہ دینے کا بھی فیصلہ کیا گیا ہے جس کے لئے ورکنگ پیپرز تیار کئے گئے ہیں۔اس موقع پرویسٹ ورکرز کو ان کی عمدہ کارکردگی کے اعتراف میں تعریفی سر ٹیفکیٹس بھی دئیے گئے۔
۔۔۔///۔۔۔
Category: صحت
ویسٹ مینجمنٹ کمپنی کے ورکرز کی عمدہ کارکردگی کی ستائش کے لئے تقریب
شیخوپورہ انتظامیہ ڈینگی سے نمٹنے کو ہے تیار
شیخوپورہ (نمائندہ باغی ٹی وی) ڈپٹی کمشنر شیخوپورہ کی زیر صدارت انسداد ڈینگی کے سلسلہ میں اعلی سطح اجلاس کا انعقاد کیا گیا اے ڈی سی آر رانا شکیل اسلم شبیر حسین بٹ سمیت دیگر افسران نے شرکت کی
سی ای او ہیلتھ شیخوپورہ نے بریفنگ کے دوران کہا کہ احتیاط کر کے اس بیماری سے بچا جاسکتا ہےڈینگی سے بچاو کیلیے یو سی لیول پر ہیلتھ کی ٹیمیں کام کر رہی ہیں- ڈینگی بخار قابل علاج ہے مگر بچاو انتہائی ضروری ہے۔ جبکہ ڈینگی ٹیمیں گھر گھر جا کر چیک کریں کہ گھر کے کسی حصہ میں پانی کھڑا نہ ہو اور لوگ فریج، گملے، پرانے ٹائر، اور چھت کو پانی سے صاف رکھیں
ڈینگی سے بچاو کا سپرئے کرنے کے ساتھ ساتھ شہریوں کو گھر گھر آگاہی دی جائے
خبردار : مسلسل بے خوابی امراضِ قلب اور فالج کی وجہ بن سکتی ہے ، ماہرین طب نے خطرے سے آگاہ کردیا
اسٹاک ہوم:مسلسل بے خوابی بہت سی بیماریوں کا سبب بن سکتی ہے ، اسی سلسلے میں حال ہی میں برطانیہ اور سویڈن کے طبی ماہرین نے وسیع تحقیق کے بعد کہا ہے کہ مسلسل بے خوابی کے شکار افراد، خصوصاً خواتین میں دل کے امراض اور فالج کا خطرہ بڑھ سکتا ہے کیونکہ تحقیق سے انسومنیا (بے خوابی) اور شریانوں کی تنگی کے درمیان ایک گہرا تعلق دریافت ہوا ہے۔
برطانیہ اور سویڈن کے طبی ماہرین نے واضح طور پر کہا ہے کہ یہ حتمی طور پر نہیں کہاجاسکتا کہ بےخوابی ہی امراضِ قلب کی مرکزی وجہ ہے یا پھر ان دونوں کیفیات کا باہمی کوئی تعلق ہے۔ یہ تحقیق اسٹاک ہوم میں واقع کیرولنسکا انسٹی ٹیوٹ کی ماہر سوسینا لارسن کی سربراہی میں کی گئی ہے۔ لگ بھگ 13 لاکھ افراد کا ایک طویل عرصے تک مطالعہ کیا گیا ہے اور اس ضمن میں چار بڑے مطالعات کو شامل کیا گیا۔
سائنس دانوں کا کہنا ہے کہ نیند کی کمی کی وجہ بننے والے جینیاتی عوامل ہی امراضِ قلب اور ایک قسم کے فالج سے وابستہ تھے۔ یعنی معلوم ہوا کہ جو جین آپ کو سونے نہیں دیتے، عین وہی جین دل کے بھی دشمن ہیں اور بڑی شریان کے فالج کی وجہ بھی بنتے ہیں۔
برطانیہ اور سویڈن کے طبی ماہرین نے کہا کہ اس تحقیق سے معلوم ہوا ہے کہ زندگی کےلیے نیند کتنی ضروری ہے اور بے خوابی کو نفسیاتی اور دیگر طریقوں سے دور کرکے دل کو ایک بڑے خطرے سے محفوظ رکھا جاسکتا ہے۔ تاہم اس تحقیق کی بعض حدود اور خامیاں بھی ہیں۔ ماہرین نے اب بھی نیند کی کمی کی اصل وجہ نہیں بتائی ہے
آفریدی عہدے سے فارغ ، خبر سے مداح بڑے مایوس
پشاور:ناقض کارکردگی اور انسدادِ پولیو مہم میں عدم دل چسپی کے باعث ایمرجنسی آپریشن سینٹر کے کوآرڈینیٹر کامران آفریدی کو عہدے سے فارغ کر دیا گیا۔
ذرائع کے مطابق خیبر پختون خوا میں 8 مہینوں میں پولیو کیسز کی تعداد 8 سے 41 تک پہنچ گئی تھی، جس پر وزیر اعلیٰ خیبر پختون خوا محمود خان نے وزیر صحت اور پولیو فوکل پرسن کی سفارشات پر احکامات جاری کیے۔ذرایع کا کہنا ہے کہ پراجیکٹ ڈائریکٹر ڈاکٹر سلیم کو ای او سی کوآرڈینیٹر کا اضافی چارج سونپ دیا گیا ہے۔
خیبر پختون خوا میں 5 نئے پولیو کیسز سامنے آئے ہیں، اِنڈ پولیو پروگرام کے مطابق رواں سال کے پی کے میں اب تک 32 کیسز سامنے آ چکے ہیں۔ملک بھر میں پولیو کا مرض سنگین صورت حال اختیار کر گیا ہے، پاکستان میں رواں برس پولیو کیسز کی مجموعی تعداد 53 ہو چکی ہے
سب حاضر ہو جائیں ، وزیراعظم نےسب کو اسلام آباد طلب کرلیا
اسلام آباد:پاکستان میں پولیو کے بڑھتے ہوئے واقعات پر وزیراعظم نے نوٹس لے لیا ، اطلاعات کے مطابق وزیراعظم عمران خان نے ملک میں پولیو بیماری سے متاثرہ بچوں کی تعداد میں اضافے کے باعث صورتحال کا جائزہ لینے کے لیے اجلاس طلب کرلیا۔
ذرائع کے مطابق اس اجلاس میں پولیو کے حوالے سے بالخصوص صوبہ خیبر پختونخوا میں آگاہی پھیلانے کے لیے ایک پالیسی وضع کی جائے گی جہاں پولیو کے 70 فیصد کیسز رپورٹ ہوئے تا کہ پولیو وائرس کو پھیلنے سے روکا جا سکے۔کے پی میں پولیوکے مزید واقعات آنے کے بعد صوبے کی حکومت نے ا س معاملے پر ہنگامی اقدامات پہلے ہی شروع کردیئے ہیں.
پاکستان میں حالیہ دنوں میں پولیو کے واقعات بڑھے کے حوالے سے جاری رپورٹ کے مطابق رواں برس کے 8 ماہ کے عرصے میں ملک بھر میں پولیو کے 53 کیسز رپورٹ ہوچکے ہیں جبکہ 2018 میں رپورٹ ہونے والے پولیو کیسز کی کل تعداد 12 اور 2017 میں 8 کیسز رپورٹ ہوئے تھے۔رواں برس اب تک رپورٹ ہوئے کیسز میں سے 41 خیبرپختونخوا اور اس کے قبائلی اضلاع، 5 پنجاب، 4 بلوچستان جبکہ 3 کیسز کا تعلق سندھ سے ہے۔
ذرائع کے مطابق وزیراعظم کی طرف سے بلائے گئے اس اجلاس میں تمام صوبوں کے چیف سیکریٹریز، عالمی عطیات دہندگان تنظیموں، ورلڈ ہیلتھ آرگنائزیشن (ڈبلیو ایچ او)، بل اینڈ میلنڈا گیٹس فاؤنڈیشن، روٹری انٹرنیشنل، مسلح افواج اور دیگر کو مدعو کیا گیا جبکہ پولیو کیسز میں اضافے کے پیشِ نظر خیبرپختونخوا کے وزیراعلیٰ کو خصوصی طور پر دعوت دی گئی ہے۔
پی ٹی آئی کی حکومت بھی ن لیگ کے طریقہ واردات کو اپنانے لگی ، وہ کیا طریقہ واردات ہے ؟ جانیئے اس خبر میں
لاہور: پی ٹی آئی کی حکومت بھی ن لیگ کے طریقہ واردات کو اختیار کرنے لگی ، گڈ گورننس کے نام پر نجکاری کرنے کا وہی انداز اختیارکرنے لگی جس کی وجہ سے ن لیگ کی حکومت سے ملازمین تنگ آگئے تھے. اطلاعات کے مطابق حکومت کی طرف سے ٹیچنگ ہسپتالوں کے بعد پنجاب بھر کے شعبہ صحت کی نجکاری کا فیصلہ ، اس سسٹم کے تحت ریجنل ہیلتھ اتھارٹیز قائم کرکے ڈسٹرکٹ، تحصیل ہسپتال، دیہی اور بنیادی مراکز صحت میں ٹھیکیداری نظام رائج کیا جائے گا
ذرائع کے مطابق محکمہ پرائمری ہیلتھ نے نجکاری کے منصوبے پر کام کا آغاز کر دیا ہے، خیبرپختونخواہ کی طرز پر پنجاب میں بھی منصوبے کے تحت نو ڈویژنز میں ریجنل ہیلتھ اتھارٹیز قائم ہوں گی جن کو مالی اور انتظامی خودمختاری حاصل ہوگی۔ ڈاکٹرز، نرسز اور پیرامیڈیکس کا سرکاری ملازمت کا درجہ بھی ختم ہوجائے گا، صرف کنٹریکٹ پر بھرتیاں ہونگی، منصوبے پر عملدرآمد کے پہلے مرحلے کے طور پر کلینیکل ٹیسٹوں کی قیمتیں بڑھا دی گئیں۔
پجناب پرائمری ہیلتھ کے ذرائع کے مطابق ریجنل ہیلتھ اتھارٹیز کو نجی شعبہ سے تعلق رکھنے والے افراد چلائیں گے اور ڈاکٹرز، نرسز اور پیرامیڈیکس کا سرکاری ملازمت کا درجہ ختم کر دیا جائے گا۔ نجکاری کے منصوبے کے تحت ڈسٹرکٹ اور تحصیل ہسپتالوں سمیت مراکز صحت کو دیئے گئے بجٹ کو بھی مرحلہ وار کم کیا جائے گا اور ان ہیلتھ فسیلیٹیز کو اپنی آمدنی خود پیدا کرنا ہوگی۔
تمام ضلعی اور تحصیل ہسپتالوں کے بچہ وارڈز میں تمام بنیادی سہولتیں فراہم کرنے کی ہدایت
سرگودھا۔ 19 اگست (اے پی پی) حکومت پنجاب نے سرگودھا سمیت صوبہ بھر کے تمام ضلعی اور تحصیل ہسپتالوں کے بچہ وارڈز میں تمام بنیادی سہولتیں فراہم کرنے کی ہدایت جاری کرتے ہوئے تمام متعلقہ ایم ایس صاحبان کو حکم دیا ہے کہ وہ بچہ وارڈ میں بنیادی سہولتوں کی فراہمی کیلئے تمام اقدامات بروئے کار لائیں اس میں کسی قسم کی غفلت برداشت نہیں کی جائیگی۔ ذرائع کے مطابق حکومت پنجاب نے تمام سرکاری ہسپتالوں کے نرسری وارڈ میں بنیادی سہولتوں کی فراہمی کے احکامات جاری کئے ہیں تاکہ آئندہ اس قسم کے واقعات کو روکا جا سکے۔ عوام نے حکومت کے اس اقدام کو سراہا ہے
بی ایچ یو سرائے مہاجر جنگل کا روپ دھار گیا
سرگودہا،بھکر(نمائندہ باغی ٹی وی )چوک سرائے مہاجر ضلع بھکر محکمہ صحت بھکر اور ہسپتال عملہ کی نااہلی اورچشم پوشی کی وجہ سے بی ایچ یو سرائے مہاجرجنگل کا روپ دھار گیا ہرطرف خود روجھاڑیاں جڑی بوٹیاں اورجنگلی پودے اتنی بہتات کے ساتھ اگے ہوئے ہیں کہ ہسپتال میں کسی جنگل کا گماں ہوتا ہے۔
ایسا معلوم ہوتا ہے کہ انسان کسی جنگل میں آگیا ہو۔
دن میں بھی لوگ ہسپتال میں آنے سے گھبراتے ہیں۔
رہائشی کوارٹر بھوت بنگلہ کا منظر پیش کر رہے ہیں۔ان کوارٹرز کے دروازے کھڑکیاں بھی عوام یاعملہ کے افراد اکھاڑ کر لے جاچکے ہیں۔
آئے روز ہسپتال کے دورے کرنے والے محکمہ صحت کے افسران کو بھی یہ جنگل نظر نہیں آسکا۔
محکمہ اور عملہ کی نااہلی کی وجہ سے ہسپتال تباہ حالی کا شکار ہے۔
عوامی حلقوں نےڈی سی بھکر سے مطالبہ کیا ہے کہ وہ اس کا فوری نوٹس لیں اور ہسپتال میں صفائی کا انتظام کروائیں۔
ڈاکٹریاسمین راشد اپنی کارکردگی بہتر بنانے کے لئے متحرک
صوبائی وزیرصحت پنجاب ڈاکٹریاسمین راشدنے ضلع ٹوبہ ٹیک سنگھ میں صحت انصاف کارڈتقسیم کردئیے ہیں۔ اس موقع پرصوبائی وزیرآشفہ ریاض، سپیشل سیکرٹری محکمہ سپیشلائزڈہیلتھ کیئراینڈمیڈیکل ایجوکیشن میاں شکیل، ریاض فتیانہ، ضلعی انتظامیہ اورصحت انصاف کارڈ لینے والے ہزاروں افراد موجود تھے-
باغی ٹی وی کی رپورٹ کے مطباق صوبائی وزیرصحت پنجاب ڈاکٹریاسمین راشد نے تقریب سے خطاب کرتے ہوئے کہاکہ صحت انصاف کارڈ سے پاکستان کے 72 لاکھ خاندانوں کے کروڑوں افرادمستفیدہونگے۔ ٹوبہ ٹیک سنگھ کی بیشترآبادی صحت انصاف کارڈ سے مفت علاج معالجہ کی سہولت سے مستفیدہوسکیں گے۔ ڈاکٹریاسمین راشدنے کہاکہ تمام ہیلتھ کارڈہولڈرزکاترجیحی بنیادوں پرمعیاری علاج کیاجائیگا۔ ضرورت کے تحت صحت انصاف کارڈکی لمٹ سات لاکھ بیس ہزارسے بھی زیادہ بڑھائی جاسکے گی۔
ڈاکٹریاسمین راشد نے کہاکہصحت انصاف کارڈ کے ذریعے حادثات کے علاوہ آٹھ مہلک بیماریوں کاعلاج معالجہ کی مفت سہولت دستیاب ہوگی۔ابتدائی علاج معالجہ کے بعدمریض کومفت فولواپ کی سہولت بھی دی جائے گی۔ وزیر صحت نے کہاکہ صحت انصاف کارڈ کے ذریعے ہرقسم کی ایمرجنسی، سرجری اورماں بچہ کی صحت سے متعلق طبی مشاورت مفت ملے گی۔
ڈاکٹریاسمین راشد نے کہاکہ وزیراعظم عمران خان کے ویژن کے مطابق ریاست معاشرے کے ناداراوربے کس افراد کاسہارابنے گی۔ ناداراورمستحق لوگوں کوباعزت اندازمیں علاج کی سہولت فراہم کرنا حکومت کی ذمہ داری ہے۔ صوبائی وزیر صحت نے کہاکہ سابق حکمرانوں نے عوام کی فلاح و بہبودکیلئے کوئی تعمیری اقدامات نہیں اٹھائے جبکہ موجودہ حکومت پنجاب کے سرکاری ہسپتالوں میں بہترین طبی سہولیات کویقینی بنارہے ہیں۔
ڈاکٹریاسمین راشدنے ایگری کلچریونیورسٹی ٹوبہ ٹیک سنگھ کیمپس میں پودالگاکرشجرکاری مہم کابھی آغازکیا۔ڈاکٹریاسمین راشد نے کہاکہ وزیراعظم عمران خان کی ہدایت پرلاکھوں پودے لگاکرصدقہ جاریہ میں اپنا حصہ ڈال رہے ہیں۔ صحت مندماحول ہی صحت مندمعاشرے کی ضمانت ہوتاہے۔صوبائی وزیرصحت پنجاب ڈاکٹریاسمین راشد نے ڈسٹرکٹ ہیڈ کوارٹرز ہسپتال ٹوبہ ٹیک سنگھ کا دورہ کیا اور طبی سہولیات کا جائزہ بھی لیا- صوبائی وزیر نے مختلف وارڈز میں مریضوں کی عیادت کی اور ڈاکٹرز کو آنے والے مریضوں کو بہترین علاج معالجے کو بہتر بنانے کی ہدایت بھی کی –
ڈپٹی کمشنر نے کیا ہسپتال کا اچانک دورہ
شیخوپورہ( نمائندہ باغی ٹی وی )ڈپٹی کمشنر شیخوپورہ سید طارق محمود بخاری ڈی ایچ کیو ہسپتال کا اچانک دورہ، ہسپتال میں مریضوں کااحوال دریافت کیا اور ڈیوٹی انچارج وپیرامیڈیکل اسٹاف کو مزید توجہ سے علاج معالجہ کرنے کی ہدایات
انہوں نے اس موقع پر جملہ سٹاف کو وارننگ دیتے ہوئے کہا کہ صفائی کےانتظامات کو مزید بہتر بنایا جائے اور مریضوں کے علاج معالجہ پر توجہ نہ دینے والوں کے خلاف سخت کارروائی عمل میں لائی جائے گی۔اس موقع پر اسسٹنٹ کمشنر شیخوپورہ شبیر حسین بٹ بھی ان کے ہمراہ تھے
