Category: صحت

کراچی:ملک بھر بیماریوں کی روک تھام کے سلسلے میں‌جاری اقدامات میں پلاسٹک بیگ پر پابندی لگادی گئی ہے اور اس کا اطلاق یکم اکتوبرسےہو گا،سندھ کی صوبائی حکومت نے آگاہی مہم چلانے کا اعلان بھی کردیا۔صوبےمیں پلاسٹک بیگ بنانے، فروخت کرنےاوراستعمال کرنےوالوں کیخلاف کارروائی ہوگی

دوسری طرف صوبائی حکومت نےاس سلسلےمیں آگاہی مہم چلانےاورکپڑے کےبیگ تقسیم کرنےکافیصلہ کیا ہے مشیرماحولیات مرتضیٰ وہاب کا کہنا ہے کہ مقررہ مدت سے قبل تمام تیارکنندگان پلاسٹک بیگ کا اسٹاک ختم کردیں، پلاسٹک بیگ ماحول پر ہی نہیں قومی خزانے پر بھی بوجھ ہیں۔ سندھ حکومت کی پلاسٹک سےانکارمہم میں تمام سیاسی وسماجی تنظیموں اورطبقات کوشامل کرنےکافیصلہ کیا گیا ہے۔

یاد رہے کہ ماہرین طب مسلسل خبردار کررہے ہیں کہ پلاسٹک بیگ کےانسانی زندگی پر بہت خطرناک اثرات مرتب ہوتے ہیں، اس کا استعمال نہ صرف بیماریوں میں اضافہ کرتا ہےبلکہ سمندری حیات کوبھی نقصان پہنچتاہے۔

لاہور : ہیپا ٹائٹس کے مریضوں کو گھر کی دہلیز تک علاج معالجے کی سہولیات پہنچانے کے لیے شیخ اعجاز احمد ٹرسٹ اور جناح ہسپتال کا آؤٹ ریچ پروگرام شروع ہوگیا، ستوکتلہ میں سکریننگ کیمپ کا انعقاد، سینکڑوں شہریوں کا چیک اپ اور ٹیسٹ کیلئے خون کے نمونے حاصل کئے گئے

ذرائع کے مطابق شیخ اعجاز احمد ٹرسٹ اور جناح ہسپتال کے ہیپاٹائٹس آؤٹ ریچ پروگرام کے تحت پہلے سکریننگ کیمپ میں ڈاکٹر عتیق ابوبکر، ڈاکٹر خواجہ طاہر محمود، عاطف بٹ سمیت ٹیم ممبران کی جانب سے ستوکتلہ کے رہائشیوں کا چیک اپ کیا گیا۔

اس موقع پر ڈاکٹر عتیق کا کہنا تھا کہ تشخیص ہونے پر مریضوں کا مفت علاج ہوگا۔ہیپاٹائٹس آؤٹ ریچ پروگرام کے تحت مرحلہ وار شہر کے دیگر علاقوں میں بھی سکریننگ کیمپ لگائے جائیں گے اور مریض کی تشخیص کی صورت میں مفت علاج بھی فراہم کیا جائے گا۔

سڈنی : آسٹریلوی ڈاکٹروں کا کہنا ہےکہ صرف ٹی وی بند کردینے سے بھی وزن کم کرنا ممکن ہے، آسٹریلوی طبی ماہرین کا کہنا ہے کہ ہوتا یہ ہے کہ اکثر لوگ کھانے کے دوران ٹی وی دیکھنے کے عادی ہوتے ہیں اور ایسا کرتے ہوئے انہیں اس بات کا اندازہ نہیں ہوپاتا کہ وہ کتنی تعداد میں کھانا کھا لیتے ہیں۔

ڈاکٹروں نے نئی تحقیق سے متعلق گفتگو کرتے ہوئے کہا کہ اگر دوبہر اور رات کے کھانے کے وقت ٹی وی دیکھنے یا ریڈیو سننے کی عادت چھوڑ دیں تو صرف ایسا کرنے سے ہی وزن میں کمی آسکتی ہے؟

ذرائع کے مطابق آسٹریلوی ڈاکٹروں کا کہنا ہے کہ دراصل اس کی سب سےبڑی وجہ یہ ہے کہ ٹی وی دیکھنے کے دوران کھانا کھاتے وقت آپ اپنے چبانے کی آواز نہ تو سن پاتے ہیں اور نہ ہی اس کی جانب دیہان دیتے ہیں۔لیکن اگر آپ یہ عادت چھوڑ دیں تو آپ کے چبانے کی آواز آپ کو زیادہ کیلوریز جسم کا حصہ بنانے نہیں دیتی۔

لاہور:کیا پاکستانی ڈاکٹرزکی میڈیکل تعلیم اتنی ہی بے وقعت ہوگئی کہ سعودی عرب جیسے برارد ملک نے بھی قدر نہ کی اور سیکڑوں پاکستانی ڈاکٹرز کا مستقبل تاریک کردیا . اطلاعات کے مطابق سعودی عرب اور دیگر عرب ممالک نے پاکستان کے صدیوں پرانے پوسٹ گریجویٹ ڈگری پروگرام، ایم ایس (ماسٹر آف سرجری) اور ایم ڈی (ڈاکٹر آف میڈیسن) کو مسترد کردیا ہے۔اس فیصلے سے کئی قابل ڈاکٹر بے روز گار ہوگئے، ان میں سے زیادہ تر افراد سعودی عرب میں قیام پذیر تھے جنہیں واپس جانے یا ملک بدر کیے جانے کے لیے تیار رہنے کا کہا گیا ہے۔

ذرائع کے مطابق سعودی وزارت صحت نے پاکستان کی ایم ایس/ایم ڈی کی ڈگری مسترد کرتے ہوئے کہا ہےکہ ان ڈگریوں کی وجہ سے ڈاکٹرز کی تعیناتی کے لیے ضروری اسٹرکچرڈ تربیتی پروگرام کی کمی کو قرار دیا۔سعودی عرب کے بعد قطر، متحدہ عرب امارات اور بحرین نے بھی اس ہی طرح کے اقدامات اٹھائے۔خیال رہے کہ مذکورہ فیصلے سے متاثر ہونے والے بیشتر ڈاکٹرز کو سعودی وزارت صحت نے 2016 میں کراچی، لاہور اور اسلام آباد میں انٹرویوز کے بعد تعینات کیا تھا۔

عرب ممالک خصوصا سعودی عرب میں متاثر ہونے والے ڈاکٹروں کا کہنا ہے کہ اس فیصلے سے انہیں شرمندگی ہوئی ہے کیونکہ بالکل اس ہی طرح کے دیگر ممالک کے ڈگری پروگرامز کو، جن میں بھارت، مصر، سوڈان اور بنگلہ دیش شامل ہیں، سعودی عرب اور دیگر عرب ممالک میں قبول کیا جاتا ہے۔انہیں سعودی کمیشن فور ہیلتھ اسپیشلٹیز (ایس سی ایف ایچ) کی جانب سے جاری کردہ برطرفی کا لیٹر موصول ہوا جس میں لکھا تھا کہ ‘آپ کی پروفیشنل کوالیفکیشن کی درخواست مسترد کردی گئی ہے جس کی وجہ یہ ہے کہ آپ کی پاکستان سے حاصل کردہ ماسٹر ڈگری ایس سی ایف ایچ ایس کے قواعد کے مطابق قابل قبول نہیں’۔

کراچی :کراچی میں پھیلنے والی گندگی نے وفاقی حکومت اور سندھ حکومت آمنے سامنے آگئیں، وفاقی حکومت کی آؤ کراچی صاف کریں مہم شروع ہوگئی۔سندھ حکومت نے بھی صفائی مہم کی حمایت کردی۔ ایف ڈبلیو اونےمختلف برساتی نالوں سےکچرانکالنے کا کام شروع کردیا۔

ذرائع کے مطابق شہرقائدکی صفائی کیلئےکلین کراچی مہم کا آغاز ہوگیا۔ پہلے مرحلے میں برساتی نالوں کی صفائی کا کام کیا جارہا ہے۔ گجرنالہ، نہرخیام، محمود آباد نالہ، کورنگی نالہ اوراورنگی نالہ سےایف ڈبلیواوکی ہیوی مشینری کےذریعے کچرا نکال کر لینڈفل سائٹ پرپہنچایاجارہا ہے۔

دوسری طرف رہنماتحریک انصاف خرم شیر زمان کا کہنا ہے کہ مہم کو دو مراحل میں مکمل کیا جائے گا۔ پہلے مرحلے میں نالوں کی صفائی جبکہ دوسرےمرحلےمیں سڑکوں اورگلیوں سےکچراصاف کیاجائےگا۔ صوبائی وزیربلدیات ناصرحسین شاہ نے صفائی مہم میں تعاون کی یقین دہانی کرادی جبکہ سب سے بڑے تعلیمی ادارے جامعہ کراچی کی جانب سےبھی مہم میں شمولیت کا اعلان کیا گیاہے۔

لاہور: ڈاکٹروں نے لاہور میں پولیووائرس کے موجود ہونے کا انکشاف کردیا . حکومتی دعوے دھرے کے دھرے رہ گئے ، ضلعی انتظامیہ اور محکمہ صحت کی تمام تر کوششوں کے باوجود لاہور کو پولیو وائرس سے پاک کرنے میں کامیابی حاصل نہ ہوسکی

ذرائع کے مطابق جولائی میں حاصل کئے گئے سیوریج کے تمام نمونوں میں پولیو وائرس کی تصدیق ہوگئی۔ ۔ جولائی میں آوٹ فال روڈ، گلشن راوی اور ملتان روڈ ڈسپوزل سٹیشن سے حاصل کئے گئے سیوریج کے نمونوں میں پولیو وائرس پایا گیا ہے۔ قومی ادارہ صحت نے سیوریج کے نمونوں میں پولیو وائرس کی تصدیق کی گئی ہے۔

یاد رہے کہ گزشتہ برس سے شہر کے سیوریج میں بدستور پولیو وائرس کی موجودگی پائی جارہی ہے اور رواں سال کے دوران شہر میں پولیو کے چار کیسز بھی رپورٹ ہوچکے ہیں، جس سے پولیو کے خلاف بار بار چلائی جانے والی مہم کامیاب دکھائی نہیں دے رہی۔ ڈاکٹرز کا کہنا ہے کہ حالیہ بارشوں کے بعد کئی اور بیماریوں کے پھوٹ پڑنے کا بھی اندیشہ ہے. جس کے لیے حفاظی اقدامات ضروری ہیں

گویلف : ایلو پیتھی اور ہومیوپیتھی سب کو ماننا پڑا ہے کہ کامیاب ہے نسخہ دیسی، جدید اور تازہ ترین تحقیق نے یہ ثابت کردیا ہے کہ سرخ پیاز بریسٹ کینسر کے خلاف ڈھال ثابت ہوسکتی ہے،طبی ماہرین کا کہنا ہے کہ تیزی سے پھیلتے ہوئے بریسٹ کینسرسے بچنا چاہتی ہیں تو پھر پیاز کو اپنے کھانے کا لازمی جز بنا لیں۔

عالمی ذرائع ابلاغ میں اس وقت سرخیوں کے ساتھ سرخ پیاز کی اہمیت کو اجاگر کیا جارہا ہے.اس سلسلے میں‌ کینیڈا کی یونیورسٹی آف گویلف میں کی جانے والی ایک تحقیق کے مطابق سرخ پیاز کینسر کے خلاف بھرپور مزاحمت کرسکتی ہے اور کینسر کے خلیات کو پیدا ہونے سے روکتی ہے۔تحقیق کے لیے ماہرین نے سرخ اور دیگر رنگوں کی پیاز کو کینسر کے خلیات کے سامنے رکھا، انہوں نے دیکھا کہ دیگر رنگوں کی پیاز کے مقابلے میں سرخ پیاز نے کینسر خلیات پر بھرپور وار کیا۔

یونیورسٹی آف گویلف سے وابستہ طبی ماہرین کی بریسٹ کینسر سے متعلق تحقیق سے یہ بھی واضح ہوا کہ سرخ پیاز کینسر کے خلیوں کے درمیان آپس کے رابطے کو منقطع کرتی ہے جبکہ ان کے لیے ایسا ماحول بناتی ہے جس میں وہ مزید افزائش نہیں پا سکتے۔ سرخ پیاز صرف چھاتی کے ہی نہیں بلکہ بڑی آنت کے کینسر سمیت دیگر اقسام کے کینسرز کے خلاف بھی معاون ثابت ہوسکتی ہے۔

کینیڈین طبی ماہرین کا کہنا ہے کہ سرخ پیاز میں موجود ایک جز کوئسٹن کینسر اور امراض قلب سمیت بے شمار بیماریوں سے بچاتا ہے جبکہ یہ قوت مدافعت میں بھی اضافہ کرتا ہے۔ پیاز اور دیگر سبزیوں میں موجود ایک پگمنٹ اینتھو سائنن جو ان سبزیوں کو رنگ دیتا ہے، کوئسٹن کی اثر انگیزی بڑھاتا ہے۔ یعنی جتنا زیادہ پیاز کا رنگ گہرا ہوگا، اس کا مطلب ہوگا کہ اس میں اینتھو سائنن کی اتنی ہی زیادہ مقدار موجود ہے اور یہ پیاز کینسر کے خلاف اتنی ہی زیادہ مؤثر ثابت ہوگی۔