Category: صحت

لسی کا چھاٹا سا بیج بہت سی خصوصیات کا حامل ہے اللہ تعالیٰ نے بہت سے اجزا پیدا کئے ہیں جو انسان کے لئے نہایت کارآمد ہیں مگر ان میں سے بہت سے ایسے قدرتی اجزا ہیں جن سے بہت کم لوگ واقف ہیں انہی میں سے السی کے بیج بھی شامل ہیں السی کے بیج اپنے اندر جادوئی خصوصیات رکھتے ہیں اس کی بیج دو طرح کے ہوتے ہیں سنہری اور براؤن دونوں ہی بہت فائدہ مند ہیں السی کی تاثیر گرم ہرتی ہے بہتر بیج وہ ہوتے ہیان جو تازہ اور موتے ہو تے ہیں ایران میں اس کے پودے کی چھال سے کپڑے بنتے ہیں جسکو کتان کہتے ہیں

السی کے بیج پیس کر دن میں کسی بھی وقت ایک چمچ کھانا صحت کے لیے بےحد مفید ہے السی کے بیج نقاہت اور تھکاوٹ سے محفوظ رکھتے ہیں دل کو صحتمند بناتے ہیں جسمانی کمزوری دور کرتے ہیں اور شوگر سے بھی محفوظ رکھتے ہیں السی کے بیجوں میں فائبر بھرپور مقدار میں پایا جاتا ہے جو معدہ کو مضبوط اور طاقتور بناتا ہے السی کے بیج نظام انہضام کو درست رکھتے ہیں اس سے معدہ اپنے فعال بہترین طریقے سے سرانجام دیتا ہے

السی کے بیج کے استعمال دل کی مختلف مہلک بیماریوں سے بچاتے ہیں اور کولیسٹرول نارمل رہتا ہے ایک تحقیق میں بتایا گیا کہ کولیسٹرول کے لئے ادویات کھانے سے کولیسٹرول لیول اتنا کم نہیں ہوتا جتنا کم السی کے بیج کھانے سے ہوتا ہے السی کے بیج جسم میں اینٹی آکسیڈنٹ کی مقدار بڑھاتے ہیں جن کی وجہ سے انسان کئی بیماریوں سے محفوظ رہتا ہے السی کے بیج ورم سوجن بلغمی کھانسی جلدی امراض اور گردے مثانے کی پتھری میں بے حد مفید ہیں جو لوگ کسی وجہ سے مچھلی اورگوشت نہیں کھا سکتے وہ السی کھا لیں-

پودینہ ایک خوشبودار سبزی ہے اس کی منفرد خوشبو ہر کسی کو اپنی طرف کھینچتی ہے اس کی پتیاں کھانے کو خوشبودار لذیذ اور ذائقے دار بناتی ہیں قدرت نے پودینے میں بے شمار خصوصیات چھپا رکھی ہیں پودینہ اللہ پاک کی دی ہوئی نعمتوں میں سے ایک بڑی نعمت ہے عام طور پر پودینے کو ایک معمولی سبزی سمجھا جاتا ہے مگر یہ سستی اور معمولی سمجھی جانے والی سبزی اپنے اندر بہت سے طبی خزانے چھپائے ہوئے ہے

پودینے کی بہت سی اقسام ہیں عام گھروں میں استعمال ہونے والے پودینے کو منٹ گارڈن یا پودینہ بوستانی کہتے ہیں یہ پودینہ پاکستان ہندوستان عرب ممالک یورپ اور امریکہ میں کثرت سے پایا جاتا ہے پودینے کی ایک اور قسم جاپانی پودینہ بھی ہے اس سے مینتھال حاصل کیا جاتا ہے یہ چائنہ اور جاپان میں کاشت کیا جاتا ہے جبکہ پودینے کی ایک قسم پتھریلی اور نرم جگہوں پر آبشاروں کے کناروں پر اگتی ہے اسے خودرو کہا جاتا ہے

نہروں کے کنارے اگنے والے پودینے کو نہری پودینہ یا مارش منٹ بھی کہتے ہیں یہ صابن کو خوشبودار بنانے میں استعمال کیا جاتا ہے سر درد کی صورت میں اسکا روغن لگانےسے آرام ملتا ہے

پودینے کی تاثیر گرم اور خشک ہے پیٹ کے امراض کے لئے بہت شافی دوا ہے کھٹی ڈکاروں سے نجات ملتی ہے پودینہ سانس میں بدبو پیدا کرنے والے بیکٹیریاز کو ختم کرنے میں مدد دیتا ہے اسکو زہر کا توڑ بھی کہا جاتا ہے بچھو شہد کی مکھی بھر وغیرہ کے کاٹنے پر پودینے کا لیپ لگانے سے آرام ملتا ہے

پودینہ زودہضم معدہ اور آنتوں کو طاقت دینے والی سبزی ہے معدہ اسے دو سے تین گھنٹوں میں ہضم کر لیتا ہے پودینہ بد ہضمی ڈکاروں کی کثرت گیس اور منہ کی بدبو دور کرنے کے لئے انتہائی مفید ہے پودینے کا رائتہ بھی انتہائی خوش ذائقہ ہوتا ہے اور شوق سے کھایا جاتا ہے پودینہ جسم اور دماغ کو متحرک رکھتا ہے اسکے استعمال سے دماغ کو سکون حاصل ہوتا ہے اور جسم توانائی محسوس کرتا ہے

چہرے کے داغ دھبے کیل مہاسے اور تل ختم کرنے کے لئے تازہ پودینہ پیس کر لیپ لگانے سے فائدہ ہوتا ہے اور جلد کی رنگت بھی نکھرتی ہےہیضے میں پودینے کی خشک پتیوں کو ایک کپ پانی میں ابال کر اس میں لونگ ڈال کر پینے سے افاقہ ہوتا ہے مرچ مصالحے اور روغنی کھانا کھانے کے بعد پودینے کی چند پتیاں کھا لینے سے کھانا جلدی ہضم ہو جاتا ہے

قدرت نے اس دنیا میں مختلف انواع اقسام کے پودے اور جڑی بوٹیاں پیدا کی ہیں ہر جڑی بوٹی اور پودا اپنی افادیت میں اپنی مثال آپ ہے اور ان میں مختلف بیماریوں سے شفا موجود ہے اللہ تعالیٰ نے اس دنیا میں کوئی بھی چیز بے مقصد پیدا نہیں کی ہر چیز میں اسکی حکمت و دانائی چھپی ہوئی ہے ہر شے کو پیدا کرنے کا ایک خاص مقصد ہے اور ہر چیز الگ الگ خصوصیات کی حامل ہیں انہی میں سے ایلو ویرا جسے گھیکوار اور کور گندل بھی کہتے ہیں ایک ایسا پودا ہے جس کے اندر بے شمار طبی فوائد کا خزانہ ہے اس میں کیلشئم پوٹاشئیم آئرن کاپر کرمیم زنک مگنیز پائی جاتی ہیں جو انسانی جسم کے لئے انتہائی مفید ہیں اسمیں وٹامن بی 12 کی اے بی سی ای اور فولک ایسڈ بھی پائے جاتے ہیں ایلوویرا کا باقاعدہ استعمال ان معدنیات اور وٹامنز کی کمی کو پورا کرتا ہے

ایلوویرا پر یورپ میں بہت سی تحقیقات کی گئیں جن سے اس کے بہت سے فوائد سامنے آئے ایلوویرا معدے کی خرابی اور دانت کے درد کو دور کرتا ہے سر کی جلد کے کئے بھی ایلوویرا نہایت مفیدہے یہ جلد کو ٹھنڈک کا احساس دلاتا ہے ہفتے میں ایک مرتبہ سر پہ لگانے سے نہ صرف بال گھنے چمکدارہوجاتے ہیں بلکہ سر کی خشکی بھی دور ہو جاتی ہے اسکے علاوہ بال جھڑنا بھی بند ہو جاتے ہیں

ایلوویرا جوڑوں کے درد اور پٹھوں کی کمزوری بھی دور کرتا ہے اور جگر کے لئے اور تلی کی بیماری کے لئے بہت مفید ہے نزلہ زکام کھانسی اور جوڑوں کے درد کے لئے بھی بہت مفید ہے اور متعدد غدودوں کو فعال بنانے میں بھی مدد دیتا ہے جلد کے امراض اور معدے کی خرابی دور کرنے کے لئے بھی اور غذائی سپلیمنٹ کے طور پر بھی استعمال کیا جا رہا ہے

سبز چائے کیلوریز جلانے میں مدد دیتی ہے اسکا مشروب ذائقے میں اچھا اور صحت کے لئے انتہائی مفید ہے سبز چائےکا ذائقہ لیموں اور شہد کے ساتھ دوبالا ہو جاتا ہے سبز چائے ڈائٹ کرنے والوں کے لئے بہت مفید ہے ویسے تو اس کے بہت سے فوائد سامنے آتے رہتے ہیں تاہم ایک تحقیق کے مطابق سبز چائے کے استعمال سے کینسر سے بچاؤ بھی ممکن ہے یہ معدہ بڑی آنت جگر نرخرا چھاتی اور پھپھڑوں کے کینسر سے بچاتی ہے تحقیق میں سبز چائے کے فوائد پر خاصا زور دیا گیا-

سبز چائے خون میں پھٹکیاں بننے کے عمل کو روکتی ہے کو لیسٹرول لیول کم کرتی ہے خون کو پتلا کرتی ہے جس وجہ سے دل کی بیماریوں اور فالج کے خطرات کم ہو جاتے ہیں الزائمر اور بلڈ پریشر سمیت بہت سی بیماریوں سے بچاؤ کے لیے مفید ہے بیماریوں کے خلاف قوت مدافعت کے نظام کی نشوونما کرتی ہے جسکی وجہ سے گٹھیا کا مرض پیدا نہیں ہوتا- سبز چائے فوڈ پوائزننگ اور دانتوں میں پلاک کا سبب بننے والے بیکٹیریا کے خلاف بھی مزاحمت کرتی ہے-