Category: صحت

لاہور:قدرت کے کمالات کے کیا کہنے! پھل بھی صحت کےلیے فائدہ بخش اور پھلوں کےچھلکوں میں‌بھی چھپا ہے صحت کا راز،صفائی کیلئے اکثر لوگ پھلوں اور سبزیوں کے چھلکے اتار لیا جاتا ہے، لیکن ہر سبزی اور پھل کے ساتھ ایسا نہیں ہوتا۔

ماہرین طب کا دعویٰ ہےکہ چھلکے کا مطلب بھرپور فائبر کا استعمال ہے اور صرف اتنا ہی نہیں بلکہ چھلکے اینٹی اوکسی ڈینٹس، وٹامن اور معدنیات سے بھی بھرپور ہوتا ہے۔ماہرین کا کہنا ہے کہ گودے سے 33 فی صد فائبر چھلکے میں ہوتا ہے اور اینٹی اوکسی ڈینٹس 328 گنا سے زیادہ ہو سکتے ہیں۔

ماہرین طب کا کہنا ہےکہ تحقیق کے دوران یہ بات سامنے آئی ہے کہ مختلف پھلوں اور سبزیوں میں یہ مقدار بھی مختلف ہوسکتے ہیں لیکن اس بات پر سب متفق ہیں کہ چھلکے کی افادیت اپنی جگہ ہے۔پھلوں میں آلو بخارا، خوبانی اور آڑو کے چھلکے میں فائبر 38 فی صد پائی جاتی ہے۔اسی طرح اکثر لوگ سیب کا چھلکا اتار کر کھاتے ہیں جب کہ سیب کا چھلکا فائبر، وٹامن اے اور وٹامن سی سے بھر پور ہوتا ہے۔

یہی وجہ ہے کہ ماہرین غذائیت کھیرے کو چھلکے سمیت کھانے کا مشورہ دیتے ہیں۔ یہاں تک کہ کینو موسمبی کے چھلکے کھائے نہیں جا سکتے لیکن ان کا استعمال بعد میں کیا جاسکتا ہے۔ ان چھلکوں کو سکھانے کے بعد ان کو مختلف طریقوں سے کیا جا سکتا ہے۔

نیویارک:دوپہر کو سونا”قیلولہ” کرنے میں‌بڑی حکمتیں‌اور بھلائیاں ہیں. قیلولہ انسانی صحت پر بہت ہی مثبت اثرات مرتب کرتا ہے. یہ دعویٰ امریکی سائنسدانوں نے اپنی تحقیق میں کیا ہے.امریکی یونیورسٹی کی تحقیق کے مطابق دوپہر کو 15 سے 30 منٹ کی نیند ذہنی ہوشیاری، یاداشت، دماغی افعال کو بڑھانے جبکہ مزاج کو خوشگوار بنانے میں مددگار ثابت ہوتی ہے۔

تحقیق کے مطابق قیلولہ لوگوں کے ذہن کے لیے بہت اچھا ہوتا ہے کیونکہ یہ اس کی صفائی کا کام کرتا ہے۔محققین نے بتایا کہ اگر لوگ قیلولے کو عادت بنالیں تو وہ معلومات کو زیادہ تیزی اور موثر طریقے سے ذخیرہ، برقرار اور یاد کرنے میں کامیاب رہتے ہیں۔

تحقیق میں مزید بتایا گیا ہے کہ دوپہر کی یہ مختصر نیند دماغی افعال پر زبردست مثبت اثرات مرتب کرتی ہے۔تاہم سب سے ضروری امر یہ ہے کہ دوپہر کی نیند مختصر یعنی آدھے گھنٹے سے زیادہ نہ ہو کیونکہ وہ ذہن کے لیے فائدے کی بجائے نقصان دہ ثابت ہوتی ہے۔

محققین نے مزید بتایا کہ یہ جسمانی صحت کے لیے بھی فائدہ مند عادت ہے کیونکہ بلڈ پریشر کو کم کرنے سمیت مستقبل میں ہارٹ اٹیک کے خطرات کو بھی کم کرتی ہے۔یاد رہے کہ مسلمانوں کے ہاں دوپہر کو سونا سنت ہے جس پر غیرمسلم ماہرین مسلسل تحقیق کررہے ہیں. اور تمام تر تحقیقات میں یہ ثابت کیا ہے کہ اس سنت میں‌بہت زیادہ بھلائیاں اور برکتیں ہیں. چین میں بھی ماہرین طب کی ہدایت پر دوپہر کو آرام کرنے کے لیے خصوصی انتظامات کیے جاتے ہیں. تاکہ ملازمین کچھ وقت آرام کرکے کام کا آغاز کریں گے تو اس سے بہتری پیدا ہوگی.

لندن: دنیا کے غریب ممالک کی غریب عوام کو صحت کے مسائل کا مسلسل سامنا ،اقوامِ متحدہ کے مطابق دنیا کے متنازعہ، غریب ترین اور جنگ زدہ ممالک میں بچوں کی بڑی تعداد ویکسین سے محروم ہے اور یوں ان میں خطرناک بیماریوں میں مبتلا ہونے کے امکانات بڑھ گئے ہیں۔ادارے کا کہنا کہ بچوں کو سب سے عام بیماریوں سے بچانے والی ویکسین کی شرح میں کمی آئی ہے کیونکہ 95 فیصد بچوں کو ویکسین دینے کا ہدف پورا نہیں ہوسکا ہے۔

عالمی ادارہ صحت اور یونیسیف نے اعدادوشمار پر جاری اپنی رپورٹ میں کہا ہے کہ 2010 کے بعد خناق م تشنج ، اور کالی کھانسی،اور خسرے ،کی ویکسین کی شرح 95 فیصد کے بجائے 86 فیصد کے لگ بھگ ہے۔ اس کا مطلب یہ ہوا کہ دو کروڑ بچوں کو ویکسین نہیں دی گئی، یعنی دس میں سے ایک بچہ اس مرض کا شکار ہوسکتا ہے؛ جبکہ سال 2018 اس ضمن میں بدترین ثابت ہوا ہے۔

دنیا بھر مہاجرت بھی اس سلسلے میں ایک بہت بڑا ایشو ہے ، یونیسیف نے کہا ہے کہ طبی سہولیات میں کمزور ممالک کے دوردراز دیہی علاقوں میں بچوں تک رسائی دوسرا گمبھیر مسئلہ ہے۔ عالمی تنازعات سے بچوں کی بڑی تعداد نقل مکانی پر مجبور ہوئی ہے اور انہیں ویکسین نہیں مل رہی ہے۔

ایک رپورٹ کے مطابق نائجیریا، پاکستان اور بھارت میں 70 لاکھ بچے ویکسین سے محروم رہ گئے ہیں۔ دوسری جانب جنگ کے شکار صومالیہ، مالی، افغانستان، جنوبی سوڈان، شام اور یمن میں حالات اس سے بھی خراب ہیں جہاں سے ڈیٹا بھی نہیں مل سکا ہے۔عالمی ادارہ برائے صحت نے کہا ہے کہ 2018 میں خسرے کے واقعات میں دوگنا اضافہ ہوا ہے یعنی 350,000 کیسز رجسٹر ہوئے ہیں۔

جہلم:پولیو وائرس کے خلاف ہنگامی مہم جوئی کے باوجود ملک بھر سے اس وائرس کے پھیلنے کی خبریں آررہی ہیں. اطلاعات کے مطابق جہلم کے گاؤں اتھرمیں چار سالہ بچی میں پولیو وائرس کی تصدیق ہوئی ہے۔ عدن فاطمہ میں پولیو وائرس کا انکشاف اس وقت ہوا جب بچی کے والدین نے لاہور سے اس کے ٹیسٹ کروائے۔

یہ بھی انکشاف ہوا ہے کہ اس بچی کے علاج کے بعد ڈاکٹروں نے دعویٰ‌ کیا تھا کہ اب یہ بچی پولیو سے محفوظ ہے ،پولیو سے عدن فاطمہ کی بائیں ٹانگ متاثر ہوئی کورس مکمل ہونے کے باوجود وائرس نے محکمہ صحت کی کارکردگی پر سوالیہ نشان اٹھا دیئے ہیں۔

سی ای او ہیلتھ کا مزید کہنا ہے کہ بچی کو پولیو کے ساتھ ساتھ دماغ کا فالج بھی ہوا ہے مکمل رپورٹس آنے کے بعد حتمی نتیجے پر پہنچیں گے۔ متاثرہ بچی کو مزید ٹیسٹوں کے لیے لاہور منتقل کر دیا گیا ہے۔ سی ای او ڈاکٹر وسیم کا کہنا ہے کہ بچی کے والدین کا تعلق جہلم سے ہے مگر اب وہ روزگار کے سلسلے میں سرگودھا کے علاقے بھیرا میں رہائش پذیر ہیں۔ متاثرہ بچی کی پیدائش اور پولیو سے بچاو کا کورس بھی سرگودھا میں ہوا ہے۔ ڈبلیو ایچ او کی ٹیم نے پولیو سے متاثرہ بچی کے گاؤں کا دورہ کیا ہے۔

Comments are closed.

لاہور:ناک میں انگلی ڈالنا صرف اچھی عادت ہی نہیں بلکہ اس کے بڑے نقصانات بھی ہو سکتے ہیں.طبی ماہرین کے مطابق اس سے خطرناک بیماری نمونیا کےجراثیم ہاتھوں سے ناک میں پھیل سکتے ہیں۔ماہرین کے مطابق نمونیا بہت چھوٹے اورعمر رسیدہ افراد کو خاص طور پر بہت نقصان پہنچا سکتا ہے،اس سے ہر سال لاکھوں افراد موت کے منہ میں چلے جاتے ہیں۔

ماہرین طب کا کہنا ہے کہ جہاں کھانسی اور چھینک کے وقت جراثیم کے پھیلاؤ سے بچنا ضروری ہے وہیںناک کو ہاتھ لگاتے وقت بھی احتیاط سے کام لینا چاہیے۔دوسری طرف ماہرین نے والدین کو خبردار کیا ہے کہ بچوں کو ہر وقت ناک میں انگلی ڈالنے یا خارش کرنے سے نہیں روکا جا سکتا لہٰذاکھلونوں سے کھیلنے اور کسی دوسرے سے ہاتھ ملانے کے بعد بچوں کے ہاتھ لازمی دھلوادیں۔

ڈاکٹروں نے اس حوالے خبردار کرتے ہوئے کہا ہے کہ نمونیا نظام تنفس کے ذیلی راستے میں انفیکشن ہونے سے ہوتا ہے جسے پھیپھڑوں کا انفیکشن کہا جاتاہے۔ نمونیا کے زیادہ تر کیس وائرس کے سبب ہوتے ہیں اور یہ نزلہ و زکام کی علامات کے بعد ظاہر ہو سکتے ہیں۔