فروکہ/سرگودہا(نمائندہ باغی ٹی وی) اسٹنٹ کمشنر ساہیوال صابر حسین شاہ کا عوامی شکایات پر فروکہ رورل ہیلتھ سنٹر کا دورہ مقامی سٹاف عملہ کی جانب سے شہریوں اور مریضوں کے ساتھ نامنا سب رویہ پر نوٹس لے لیا جبکہ مقامی سٹاف عملہ کوفوری تبدیل کرنے کا فیصلہ کر لیا گیا شہر بھر میں سیاسی ہلچل جبکہ سینئر میڈیکل آفیسر بھی پریشان عوام کا اسسٹنٹ کمشنر ساہیوال کو خراج تحسین ۔تفصیل کے مطابق عوامی شکایات پر اسسٹنٹ کمشنر ساہیوال سید صابر حسین شاہ ہمراہ حکومتی نمائندہ تحصیل ساہیوال سیدمصور شاہ ہمدانی نے فروکہ ہسپتال کا دورہ کیا جس پرعوامی شکایات کو مدنظر رکھتے ہوئے مقامی سٹاف عملہ کے خلاف سخت ایکشن لیتے ہوئے فوری طور پر ہسپتال میں موجود تعینات مقامی عملہ کو تبدیل کرنے کا فیصلہ کیا گیا ۔جبکہ اسسٹنٹ کمشنر نے ہسپتال کے سینئر میڈیکل آفیسر سے سٹاف عملہ کے ناموں کی لسٹ مانگ لی۔تبدیلی کا سنتے ہی مقامی سٹاف عملے کی جانب سے پولیٹیکس اور معززین علاقہ کی سفارشیں کروانے کا بھی سلسلہ جاری۔ذرائع کا کہنا ہے کہ ہسپتال کے سینئر میڈیکل آفیسر نے آج تمام سٹاف کا اجلاسطلب کرلیا جس میں سٹاف عملہ کے ناموں کی لسٹ بنانے کا امکان
Category: صحت
-
پلانک ورزش کے جادوئی اثرات
پلانک ایک جادوئی ورزش ہے جس کے اثرات انسانی جسم پر بہت زیادہ ہے یعنی کم وقت میں اپنا اثر دکھاتی ہے
تفصیلات کے مطابق شروع سے سنتے آئے ہیں کہ ورزش نہایت اہم ہے اور یہ صحت کے لیے لازم ہے مگر مسئلہ یہ ہے کہ ہمارے پاس اتنا وقت نہیں ہے . اگر آپ اپنی مصروف ترین مصروفیت میں سے 20 سے 30 منٹ بھی ورزش کر لیں تو آپ میں لازمی واضح مثبت اثر پڑے گا.
پلانک ایک ایسی ورزش کا نام ہے جس کو اپنی روٹین میں شامل کر لیں تو آپ پر اس کا بہت جلدی اور مثبت اثر آتا ہے، دفاتر میں 8 سے 10 گھنٹے بیٹھنے والوں کے لیے یہ ایک جادوئی ورزش ہے، پلانک کے بے حد فوائد ہیں جن میں کمر کے درد کا ختم ہو جانا، کمر کے پٹھوں کا مضبوط ہونا، پیٹ سمیت اضافی وزن کے کم ہونے کے ساتھ ساتھ برداشت بھی پیدا ہوتی ہے۔
پلانک ایک محنت طلب ورزش ہے جس کے بہترین نتائج آپ کو دنوں میں ملتے ہیں، اسی لیے اسے چیلنج سمجھ کی بھی کیا جاتا ہے، پلانک نہ صرف آپ کے پیٹ کو دنوں میں کم کرتا ہے بلکہ ساتھ ہی سارے جسم کو بے ڈھنگی شکل سے ایک مناسب شکل بھی دیتا ہے، پلانک کمر کے درد کے لیے موزوں ورزش ہے۔
دفتر کے کام کاج بالخصوص صرف ایک جگہ ہی بیٹھ کر کام کرنے والے فرصت ملتے ہی خود کو تھکا ہوا محسوس کرتے ، ایسے لوگوں کا پلانک کو انجام دینے سے موڈ خوشگوار ہو جاتا ہے اور دماغی تھکاوٹ دور ہو جاتی ہے جس سے انسان خود کو چوکنا، خوش اور ہلکا محسوس کرنے لگتا ہے -
چکوال: صوبائی وزیر صحت کا ڈی ایچ کیو چکوال دورہ اور ایم ایس معطل
چکوال (ارسلان رفیق ) صوبائی وزیر صحت ڈاکٹریاسمین راشدطبی سہولیات کاجائزہ لینے کیلئے اچانک ڈی ایچ کیوچکوال پہنچ گئیں۔صوبائی وزیرہائرایجوکیشن و ٹورایزم راجہ یاسرہمایوں سرفراز بھی اس موقع پرموجودتھے۔ڈاکٹریاسمین راشدنے ناقص کارکردگی پرایم ایس ڈسٹرکٹ ہیڈکوارٹرزہسپتال چکوال اسداسلم کومعطل کردیا۔ڈاکٹریاسمین راشدنے ڈی ایچ کیوچکوال کی ایمرجنسی، آپریشن تھیٹرومختلف شعبہ جات کادورہ کرکے طبی سہولیات کاجائزہ لیا۔صوبائی وزیرصحت نے ہسپتال میں داخل مریضوں کی عیادت کی اورطبی سہولیات بارے دریافت کیا۔پنجاب کے مختلف سرکاری ہسپتالوں کا دورہ کرکے مریضوں کوبہترین طبی سہولیات دینے کی کوشش کررہے ہیں۔ ڈاکٹریاسمین راشدنے کہا کہ وزیراعظم عمران خان کی ہدایت اورویژن کے مطابق پنجاب کے سرکاری ہسپتالوں کو آنے والے مریضوں کیلئے بہترین علاج گاہیں بنانے کاعزم کیاہے۔ پنجاب کے کسی بھی سرکاری ہسپتال میں مریضوں کے بہترین علاج معلاجہ میں غفلت کرنے والا ایم ایس سیدھاگھرجائیگا۔ انہوں نے کہا کہ ہسپتالوں میں مریضوں کی اچھی دیکھ بھال نہ کرنے والے ایم ایس کوفوری عہدے سے ہٹادیاجائیگا۔ ڈاکٹری پیشہ صرف روزگارکاذریعہ نہیں بلکہ آخرت سنوارنے کانادرموقع بھی ہے۔ ڈاکٹریاسمین راشدنے کہا کہ سرکاری ہسپتالوں میں آنے والے ہرمریض کیلئے آسانیاں پیداکی جائیں۔ ہسپتالوں میں صفائی ستھرائی ودیگرطبی سہولیات میں غفلت پرکسی قسم کی معافی نہیں دی جائیگی۔
-
ڈی جی نرسنگ کا نرسوں کی پیشہ وارانہ تربیت پر حکومت کا شکریہ
ڈی جی نرسنگ نے نرسوں کی پیشہ وارانہ تربیت کیلئے حکومت کے اقدامات پر اظہار تشکر کیا ہے
باغی ٹی وی رپورٹ کے مطابق ڈی جی نرسنگ نے نرسوں کی پیشہ وارانہ تربیت کیلئے حکومت کے اقدامات پر اظہار تشکر کیا ہے
انہوں نے کہا کہ پاکستانی نرسز میں ٹیلنٹ کی کمی نہیں،ملکی و بین الاقوامی سطح پر بخوبی خدمات سر انجام دے سکتی ہیں
ڈگری پروگرام کے اجراء سے نرسز کا معیار سروس بہتر ہوگا اور مریضوں کی نگہداشت میں بھی مزیدبہتری آئے گی2019نرسز کا سال ہے، وزیر اعظم کے شعبہ صحت کیلئے ویژن کو سراہتے ہیں:کوثر پروین کی نیورو انسٹی ٹیوٹ میں گفتگو
لاہور14جولائی:……ڈائریکٹر جنرل نرسنگ پنجاب کوثر پروین نے نرسز کی پیشہ وارانہ تربیت کیلئے پنجاب حکومت کی طرف سے اٹھائے گئے خصوصی اقدامات کو خراج تحسین پیش کرتے ہوئے کہا ہے کہ وزیر اعلیٰ پنجاب سردار عثمان بزدار اور وزیر صحت ڈاکٹر یاسمین راشد نے جو نئی پالیسیاں متعارف کرائی ہیں اُس سے نرسنگ کے شعبے میں بلا شبہ نمایاں بہتری آئے گی اور وزیر اعظم عمران خان کے ویژن کے مطابق ہسپتالوں میں نرسنگ کئیر پر خصوصی توجہ دی جانی خوش آئند امر ہے جس سے لا محالہ ہسپتالوں کا معیار مزید بلند ہوگا۔اس امر کا اظہار انہوں نے پنجاب انسٹی ٹیوٹ آف نیورو سائنسز میں مختلف شعبوں کے دورے کے موقع پر نرسز سے گفتگو کرتے ہوئے کیا۔ڈی جی نرسنگ کوثر پروین کا کہنا تھا کہ ایف ایس سی کرنے والی بچیوں کی نرسنگ کے شعبے میں آمد اور نرسز کیلئے ڈگری پروگرام کا اجراء ایسے اقدامات ہیں جن سے نرسز کا معیار سروس بہتر ہوگا اور مریضوں کی نگہداشت میں بھی مزیدبہتری آئے گی۔ انہوں نے کہا کہ 2019نرسز کا سال ہے جس کیلئے پنجاب کے مختلف ہسپتالوں میں نرسز کمیونٹی کیلئے خصوصی پروگرام منعقد کیے جا رہے ہیں۔کوثر پروین نے کہا کہ بلا شبہ ہماری نرسیں کسی بھی لحاظ سے ٹیلنٹ میں پیچھے نہیں۔پنجاب کے مختلف اداروں سے فارغ التحصیل نرسز قومی و بین الاقوامی سطح پر تسلی بخش ہی نہیں بلکہ نمایاں خدمات سرانجام دے رہی ہیں۔
انہوں نے کہا کہ وزیر اعظم عمران خان کی صحت کے شعبے میں ذاتی دلچسپی ہے اور اُن کی حکومت کی طرف سے ہیلتھ سیکٹر بالخصوص نرسنگ کمیونٹی کی فلاح و بہبود کیلئے قابل تقلید پالیسیاں متعارف کرائی جا رہی ہیں جن کی ہم سب دل و جان سے قدر کرتے ہیں۔ ڈی جی نرسنگ نے نرسز سے کہا کہ وہ اپنی پیشہ وارانہ ذمہ داریاں مکمل تندہی اور لگن کے ساتھ سر انجام دیں اور دکھی انسانیت کی خدمت میں کوئی کسر اٹھا نہ رکھیں۔
-
بھارتی گٹکا بیچنے پر انوکھی سزا جان کر حیران ہوں جائیں
بھارتی گٹکا بیچنے پر انوکھی سزا دینے کا فیصلہ کیا گیا، سزا جان کر حیران بھی ہوں گے اور خوش بھی .
تفصیلات کے مطابق ایڈیشل مجسٹریٹ اکاش پرمار نے بھارتی گٹکا فروخت کرنے کا الزام ثابت ہونے پر تینوں مجرمان کو اپنے علاقوں میں 10، 10 پودے لگانے اور ان کی ایک سال تک دیکھ بھال کرنے کی سزا سنائی۔تمام مجرمان کو ہدایت کی گئی کہ وہ پوری ایمانداری سے ایک سال تک لگائے گئے پودوں کی دیکھ بھال کریں۔بعد ازاں مقامی صحافیوں سے بات کرتے ہوئے مجرمان نے عدالتی فیصلے کی حمایت کی اور وعدہ کیا کہ وہ فیصلے کے مطابق پودیں لگا کر پورے ایک سال تک ان کی دیکھ بھال کریں گے.
واضح رہے کہ پاکستان دنیا کے ان 7 ممالک میں شامل ہے جو ماحولیاتی تبدیلیوں سے سب سے زیادہ متاثر ہیں اور ان کے تباہ کن اثرات سے ہر سال ہلاکتوں میں اضافہ ہوتا جارہا ہے۔پاکستان عالمی فہرست میں دوسرے نمبر پر ہے جہاں جنگلات تیزی سے ختم ہو رہے ہیں۔
عالمی اقتصادی فورم کی ویب سائٹ پر شائع ہونے والے ایک مضمون میں بتایا گیا کہ کئی دہائیوں سے پاکستان میں درختوں کی کٹائی اور قدرتی آفات کے باعث جنگلات میں شدید کمی واقع ہوئی ہے۔گٹکا یا گٹکھا ایک قسم کا مصالحہ جس میں جوز جوتری، پستہ، کتھا، لونگ، الائچی اور چھالیہ وغیرہ ڈال کر بناتے ہیں اور بھوپال میں پان کی بجائے کثرت سے استعمال ہوتا ہے۔ بھارت، پاکستان اور بنگلہ دیش میں سادہ وقتوں میں چھوٹے سے پیکٹوں میں پایا جانے والا مادہ ہے۔ گٹکھا میں جو سپاری استعمال ہوتی ہے وہ سی گریڈ یعنی سب سے ناقص قسم کی ہوتی ہے۔ اس کے علاوہ تمباکو اور کچھ کیمیائی مادے اور خوشبو ڈال کر اسے پاؤچ میں پیک کیا ہوتا ہے۔ تمباکو کے عادی لوگوں کو اس سے کوئی فرق نہیں پڑتا کہ اس میں جو مواد استعمال ہوئی وہ کیا اور کس قسم کی ہے۔ ان کا مزا تو نیکوٹین اور کیمیائی مادے پورے کر دیتے ہیں
-
بلڈ پریشر کو نیچے لانا ہے تو کیا کھانا ہے؟ماہرین طب نے علاج بالغذا کا نسخہ بتا دیا
لاہور:فشار خون یا بلڈ پریشر کو خاموش قاتل بھی کہا جاتا ہے جو آہستہ آہستہ جسم کو مختلف امراض کا شکار کرکے موت کی جانب لے جاتا ہے .ایک سروے کے مطابق تقریبا 52 فیصد پاکستانی آبادی ہائی بلڈ پریشر کا شکار ہے اور 42 فیصد لوگوں کو معلوم ہی نہیں کہ وہ ہائی بلڈ پریشر کے مرض میں مبتلا ہیں۔
ماہرین طب کا کہنا ہے کہ بلڈ پریشر کے شکار افراد کے لیے غذا بھی خاص ہوتی ہے خاص طور پر نمک سے گریز کیا جاتا ہے تاہم ایسی خوراک کی کمی نہیں جو منہ کا مزہ بھی برقرار رکھتی ہیں اور بلڈپریشر کو بھی قدرتی طور پر متوازن سطح پر رکھتی ہیں۔ خاص طور پر اس کے شکار افراد میں شدید غصہ دماغ کو جانے والی شریان کے پھٹنے کا خطرہ بڑھا دیتا ہے جس سے فالج جیسا مرض لاحق ہوسکتا ہے۔
ماہرین طب نے کون کون سی غذائین اس مرض میں مبتلا کے لیے تجویز کیں ہیں ،ملاحظہ فرمائیں
جو کا دلیہ!
ماہرین طب کے مطابق جو کا دلیہ میگنیشیم سے بھرپور ہوتا ہے اور ایک طبی تحقیق کے مطابق جو کے دلیہ کا استعمال فشار خون کے شکار افراد کے بلڈ پریشر کو نمایاں حد تک کم کرنے میں مدد دیتا ہے۔ اس دلیے میں پائی جانے والی فائبر دل کی صحت کے لیے اہم قرار ادا کرتی ہے۔ اس کے ذائقہ کو بہتر کرنے کے لیے اس میں حفظان صحت کی حامل دیگر غذائیں شامل کی جاسکتیہیں.
پستہ
بلڈ پریشر کے مریضوں کے لیے دوسری کوئی چیز فائدہ مند ہے تو وہ ہے پستہ.ماہرین طب کا کہنا ہے کہ گریوں کا زیادہ استعمال بلڈ پریشر کی سطح کم کرتا ہے، مختلف طبی تحقیقی رپورٹس کے مطابق پستے میں موجود اجزاءبلڈ پریشر کو کم کرنے کے حوالے سب سے بہترین ہوتے ہیں۔ اس میں میگنیشم، پوٹاشیم اور فائبر وغیرہ موجود ہوتے ہیں جو سب بلڈ پریشر کو بہتر بنانے میں کردار ادا کرتے ہیں، کچھ مقدار میں پستے روزانہ کھانے سے طاقتور اینٹی آکسائیڈنٹس بھی جسم کا حصہ بنتے ہیں۔
مچھلی
بلڈ پریشر والے مریضوں کے لیے صرف ایک ہی گوشت فائدہ دے سکتا ہے اور وہ ہے مچھلی کو گوشت ،مچھلی پروٹین اور وٹامن ڈی کے حصول کا بہترین ذریعہ ثابت ہوتی ہے اور یہ دونوں بلڈپریشر کی شرح کم کرنے میں مددگار ثابت ہوتے ہیں، اس کے علاوہ مچھلی میں صحت بخش اومیگا فیٹی ایسڈز بھی شامل ہوتے ہیں جو دوران خون کولیسٹرول کی شرح کو کم رکھنے کے لیے فائدہ مند عنصر ہے۔اس مرض کے مریض کے لیے بڑے جانور کا گوشت خاص کر گائے کا گوشت زہر سے کم نہیں .ایسے مریضوں کو عید الضحیٰکے موقع پر اس قسم کا گوشت کھانے سے پرہیز کرنا چاہیے
مالٹا
مالٹے پوٹاشیم سے بھرپور ہوتے ہیں اور جیسا بتایا جاچکا ہے کہ پوٹاشیم بلڈ پریشر کو کنٹرول میں رکھنے کے لیے اہم جز ہے۔ اسی طرح اس ترش پھل میں پائے جانے والا فلیونوئڈز کی ایک قسم خون کی شریانوں کے مسائل کا خطرہ کم کرتا ہے اور شریانوں کے افعال کو بہتر رکھتا ہے۔تازہ ترین تحقیق میں یہ بات سامنے آئی ہے کہ مالٹے کے استمعال سے نہ صرف بلڈ پریشر نارمل ہوتا ہے بلکہ اس سے معدے کی اصلاح بھی ہوتی ہے
دالیں
ماہرین طب کے مطابق دالیں، چنے، کالے چنے وغیرہ فائبر اور پوٹاشیم سے بھرپور ہوتے ہیں جو بلڈ پریشر کو بہتر بنانے میں مدد دینے والے اجزاءہیں۔ ایک تحقیق کے مطابق دالیں بلڈ پریشر سے نجات کے لیے بہترین غذا ہے۔ماہرین کے مطابق ان کے استمعال میںبھی اعتدال ہونا چاہیے.
چقندر
چقندر میگنیشم اور پوٹاشیم سے بھرپور سبزی ہے جو کہ ہائی بلڈ پریشر سے مقابلے کے لیے بہترین اجزاءہیں۔ اسی طرح ان میں غذائی نائٹریٹ کی مقدار زیادہ ہوتی ہے جو بلڈ پریشر کو کنٹرول میں رکھنے میں مدد دیتا ہے۔ نظام ہضم کے دوران یہ جز نائٹرک آکسائیڈ میں ہوجاتا ہے اور جذب ہوکر بلڈ پریشر پر مثبت انداز سے اثرات مرتب کرتا ہے۔
یاد رہے کہ پاکستان میں اس مرض کے تیزی سے بڑھنے کے زیادہ اسباب ناقص اور غیر معیاری غذائیں ہیں. دوسری طرف ماہرین طب نے خبردار کیا ہے کہ اس مرض کے اسباب پر اگر توجہ نہ دی گئی اور قابو نہ پایا گیا تو اس سے بہت سے نقصانات کا اندیشہ ہے.
SHAREFacebook Twitter
-
ڈی ایچ کیو ہسپتال سرگودہا میدان جنگ بن گیا ڈاکٹرز کا گارڈز کے ہمراہ مریضوں پر تشدد ویڈیو موصول
سرگودھا(نمائندہ باغی ٹی وی) ڈسٹرکٹ ہیڈ کوارٹر ٹیچنگ ہسپتال سرگودہا کی ایمرجنسی میں 89 شمالی سے آئے مریض اور ورثاء پر ڈاکٹر معاذ ,ڈاکٹر عاصم اور ڈاکٹر مزمل کا گارڈز کے ہمراہ شدید تشدد ایمرجنسی وارڈ 2 گھنٹے تک میدان جنگ بنا رہا تفصیلات کے مطابق
سرگودھا ایمرجنسی میں چیک اپ کے لئے آنے والے 89 شمالی کے رہائشی کو ڈاکٹر مزمل , ڈاکٹر عاصم اور ڈاکٹر معاذ نے گارڈز کے ہمراہ ایمرجنسی وارڈ کو بند کرکے مریض افتخار احمد اور اس کے بھائی کو تشدد کا نشانا بنایا,تھانہ فیکٹری ایریا کے ایس ایچ او نے بھاری نفری کے ہمراہ ڈاکٹرز سے مریض اور اس کے لواحقین کی جان بخشی کروائی. اس واقع کی ویڈیوز باغی ٹی وی نے حاصل کر لیں جس میں تشدد اور ہنگامہ دکھایا جا سکتا ہے لواحقین کا وزیر اعظم پاکستان سے نوٹس لینے کا مطالبہ -
ساہیوال:نجی ہاؤسنگ سکیم کے مکین مصیبت اور عذاب میں مبتلا۔
ساہیوال:شالیمار ٹاؤن گندے جوہڑ میں تبدیل،وبائی امراض پھوٹنے کا خدشہ،
راہگیروں اور عوام الناس کو سخت مشکلات کا سامنا،ڈویلپر اور متعلقہ حکام بے حسی اور چشم پوشی کا مظاہرہ کرنے لگے
تفصیلات کے مطابق ساہیوال بائی پاس پر واقع شالیمار ٹاؤن سیوریج کی خرابی اور نکاسی آب کا نظام نہ ہونے کے باعث گندے جوہڑ میں تبدیل ہوچکا ہے،سڑکوں اور پلاٹوں میں جگہہ جگہہ سیوریج کا پانی کھڑا ہے،جس سے ٹاؤن بھر میں تعفن پھیل چکا اور راہگیروں کا گزرنا محال ہوگیا ہے،جابجا کھڑا گندہ پانی مچھر اور دیگر موذی جانوروں کی افزائش کا باعث بننے کے ساتھ ساتھ زمینی پانی کو آلودہ کررہا ہے،جس سے گیسٹرو،ہیضہ ملیریا اور دیگر کئی وبائی امراض پھوٹنے کا اندیشہ ہے،
سرکاری حکام کے مطابق سیوریج کے پانی کی نکاسی یا نظام کی درستگی ان کے دائرہ کار میں نہیں یہ ڈویلپر کا کام ہے جبکہ ڈویلپر اپنی جیب گرم کرنے کے بعد منظر سے ہی غائب ہوچکا ہے،شالیمار ٹاؤن میں سینکڑوں گھروں کے مکین اب مچھروں کے رحم و کرم پر کسی مسیحا کے منتظر ہیں -
شیخوپورہ پولیس نے کیا روڈ سیفٹی واک کا اہتمام
شیخوپورہ(نمائندہ باغی ٹی وی) شیخوپورہ پولیس کی جانب سے روڈ سیفٹی اور ٹریفک قوانین کے متعلق آگاہی فراہم کر نے کے لئےایک واک کا اہتمام کیا گیا واک کی قیادت ڈی پی اوشیخوپورہ غازی محمد صلاح الدین نے کی دیگر شرکاء میں ڈی ایس پی ٹریفک مقصود احمد لون، ٹریفک وارڈنز، ڈسٹرکٹ پولیس، مختلف کالجز کے طلباء، صحافیوں، وکلاء اور شہریوں کی کثیر تعداد نے شرکت کی۔ ڈی ایس ٹریفک نے شرکاء سے گفتگو کر تے ہوئے کہا کہ ٹریفک قوانین پر پابندی سے شہریوں کی جان و مال کے تحفظ کو یقینی بنایا جا سکتا ہے ،اس سلسلہ میں شیخوپورہ ٹریفک پولیس کئی اہم اقدامات بروئے کار لارہی ہے ،قانون پر عمل کرنا ہی زندگی ہے غفلت لاپرواہی کو زندگی سے دور کریں اور محفوظ رہیں،شہریوں کی حفاظت کرنا ہمارا اولین فرض ہے۔ ڈی پی او شیخوپورہ غازی محمد صلاح الدین نے واک کے شرکاء اور صحافیوں سے گفتگو کرتے ہوئے کہا کہ ٹریفک پولیس ایک کرپشن فری ادارہ ہے،مقصد چالان کرنا نہیں بلکہ شہریوں کی زندگی کا تحفظ ہے،دوران ڈرئیونگ موبائل سننے کے خطرات ،سیٹ بیلٹ کے استعمال،ہیلمٹ کے بغیر مو ٹر سائیکل چلانے کے خطرات،سڑک استعمال کرنے والے دیگر افراد کے حقوق کا خیال رکھنا،اور ہیڈ برج کے استعمال،زیبرا کراسنگ کا استعمال،تیز رفتاری کے خطرات اور دیگر ٹریفک قوانین کے متعلق اگاہی فراہم کی ، انہوں نے کہا کہ شیخوپورہ پولیس کی ایجوکیشن ٹیم کالجز کے دورے کر کے طلباء کے لئے روڈ سیفٹی کے متعلق آگاہی لیکچرز کا اہتمام کر رہی ہے ،اس کے علاوہ مختلف شاہراوں پر بھی یہ ٹیم شہریوں کو اس سلسلہ میں ٹریفک قوانین کے متعلق معلومات فراہم کر رہی ہے تاکہ شہری قانون کی پاسداری کرتے ہوئے ٹریفک قوانین پر عمل کریں اور اپنی اوراپنے خاندان کی حفاظت کو یقینی بنائیں ، شہریوں نے ٹریفک بہترین سفری سہولیات مہیا کرنے کے لئے اپنے فرائض سرانجام دینے والے پولیس اہلکاران کو خراج تحسین پیش کیا۔
-
غذائی سپلیمنٹس صحت کے لیے کس حد تک فائدہ مند؟ویسٹ ورجینیا یونیورسٹی نے سب کچھ بتا دیا
واشنگٹن: غذائی سپلیمنٹس صحت کے لیے فائدہ مند ہیں یا نقصان دہ اس بارے پہلے مختلف آرا آتی رہی ہیں لیکن حال ہی میں امریکہ میں ایک تحقیق ہوئی جس کے مطابق وٹامن اور غذائی سپلیمنٹس صحت کو کسی قسم کا فائدہ پہنچانے کی بجائے فالج جیسے امراض کا خطرہ بڑھا سکتے ہیں۔
طبی جریدے اینالز آف انٹرنل میڈیسین جرنل طبی تحقیق میں سامنے آیا۔ویسٹ ورجینیا یونیورسٹی کی تحقیق میں بتایا گیا کہ بیشتر غذائی سپلیمنٹس کسی قسم کا فائدہ نہیں پہنچاتے بلکہ پیسوں کا ضیاع ہوتے ہیں، جبکہ وٹامن ڈی اور کیلشیئم کے امتزاج پر مبنی سپلیمنٹس فالج کا خطرہ بڑھا سکتے ہیں۔طبی جریدے اینالز آف انٹرنل میڈیسین جرنل نے اس بارے ماہرین کی مکمل تحقیق پیش کی ہے۔
ماہرین طب کا کہنا ہے کہ اس طرح کے سپلیمنٹس اکثر ہڈیوں کی مضبوطی کے لیے کھائے جاتے ہیں اور ان کا استعمال درمیانی عمر کے افراد میں زیادہ ہوتا ہے، جو پہلے ہی فالج کے خطرے کی زد میں ہوتے ہیں۔اس تحقیق کے دوران 10 لاکھ افراد پر ہونے والے 277 ٹرائلز کا تجزیہ کیاگیا اور دیکھا گیا کہ 16 مختلف اقسام کے نیوٹریشنل سپلیمنٹس اور 8 غذائی سپلیمنٹس کیا اثرات مرتب کرتے ہیں۔
طبی جریدے اینالز آف انٹرنل میڈیسین جرنل کی تحقیق کے نتائج سے معلوم ہوا کہ ان سپلیمنٹس کی اکثر خون کی شریانوں سے جڑے امراض یا موت سے بچانے میں کوئی مدد فراہم نہیں کرتے۔ایک اندازے کے مطابق دنیا بھر میں 34 فیصد بالغ افراد روزانہ وٹامنز اور سپلیمنٹس کا استعمال کرتے ہیں اور اس پر سالانہ 37 ارب ڈالرز خرچ کیے جاتے ہیں۔
محققین کا کہنا تھا کہ کچھ سپلیمنٹس مختلف طبی مسائل سے تحفظ میں کسی قسم کی مدد فراہم کرتے ہیں جیسے فولک ایسڈ فالج کے خلاف کسی حد تک تحفظ فراہم کرسکتا ہے یا مچھلی کے تیل کے کیپسول میں موجود فیٹی ایسڈز کسی حد تک امراض قلب سے بچانے میں مدد دیتے ہیں۔
تاہم ملٹی وٹامنز، وٹامن اے، وٹامن بی سکس، وٹامن سی، وٹامن ای، وٹامن ڈی اور آئرن وغیرہ صحت کو کسی قسم کا فائدہ نہیں پہنچاتے۔محققین کا کہنا تھا کہ کیلشیئم اور وٹامن ڈی کے امتزاج پر مبنی سپلیمنٹس فالج کا خطرہ 17 فیصد تک بڑھاتے ہیں جبکہ دیگر سپلیمنٹس سے خون کی شریانوں کے امراض وغیرہ سے تحفظ میں کوئی خاص فرق نہیں پڑتا۔