گجرات(نمائندہ باغی ٹی وی)حکومت پنجاب، محکمہ صحت نے ضلع کے پانچ ٹی ایچ کیو، 13رورل ہیلتھ سنٹرز، میٹرنٹی ہستپالوں سمیت 71سرکاری ہسپتالوں میں ہیلتھ کونسلز کے ذریعے اخراجات کیلئے 17.7ملین روپے کے فنڈز جاری کر دیے ہیں، میڈیکل سپرنٹنڈنٹس ہسپتالوں میں مریضوں کو بہتر خدمات کی فراہمی کیلئے ہیلتھ کونسلز کی منظوری سے یہ فنڈز خرچ کر سکیں گے، یہ تفصیلات ڈپٹی کمشنر / ایڈمنسٹریٹر ڈسٹرکٹ ہیلتھ اتھارٹی ڈاکٹر خرم شہزاد نے بات چیت کے دوران بتائیں، سی ای او ہیلتھ ڈاکٹر زاہد تنویر بھی اس موقع پر موجود تھے۔ انہوں نے بتایا کہ ضلع گجرات میں ٹی یچ کیو، سول ہسپتالوں، گورنمنٹ میٹرنٹی ہسپتالوں، رورل ہیلتھ سنٹرز اور بنیادی مراکز صحت کی 110ہیلتھ کونسلز رجسٹرڈ ہیں تاہم ابتدائی طور پر 71ہیلتھ کونسلز کیلئے فنڈز جاری ہوئے ہیں۔ ڈپٹی کمشنر نے بتایا کہ ٹی ایچ کیو ہسپتال کھاریاں کیلئے 28لاکھ 92ہزار روپے، ٹی ایچ کیو سرائے عالمگیر، ٹی ایچ کیو لیول ہسپتال کنجاہ اور ڈنگہ کیلئے فی ہسپتال 15لاکھ92ہزار روپے، ٹی ایچ کیو لیول ہسپتال لالہ موسیٰ کی ہیلتھ کونسل کیلئے 7لاکھ روپے کے فنڈز جاری ہوئے ہیں، حکومت پنجاب ہیلتھ ڈیپارٹمنٹ نے مجموعی طور پر ٹی ایچ کیو لیول ہسپتالوں کی ہیلتھ کونسلز کے ذریعے اخراجات کیلئے 8.3ملین روپے کے فنڈز کا اجراء کیا ہے۔ انہوں نے بتایا کہ 13رورل ہیلتھ سنٹرز اور میٹرنٹی ہسپتالوں کیلئے مجموعی طور پر 4.9ملین روپے کے فنڈز جاری کئے گئے ہیں، ان ہسپتالوں کی ہیلتھ کونسلز کو انکی ضروریات کو مد نظر رکھتے ہوئے زیادہ سے زیادہ 6لاکھ روپے کے فنڈز دیے گئے ہیں، بقیہ فنڈز 53بنیادی مراکز صحت کیلئے جاری کئے گئے ہیں۔ ڈپٹی کمشنر نے بتایا کہ ہسپتال ہیلتھ کونسلز کے ان فنڈز سے طبی آلات کی مرمت، ہسپتالوں میں مریضوں کے بیٹھنے کیلئے بہتر فرنیچر، پنکھے اور دیگر ضروریات پوری کر سکتے ہیں۔ انہوں نے امید ظاہر کی کہ باقی ہیلتھ کونسلز کیلئے فنڈز بھی جلد جاری ہو جائیں گے۔
Category: صحت
فیصل آباد ایم پی اے میاں طاہر جمیل کے خلاف تھانہ بٹالہ کالونی میں زیادتی کا مقدمہ درج
فیصل آباد(نمائندہ باغی ٹی وی) ایم پی اے میاں طاہر جمیل کے خلاف تھانہ بٹالہ کالونی میں زیادتی کا مقدمہ درج ہو گیا۔ ایم پی اے طاہر جمیل پر 14 سالہ ملازمہ پر تشدد اور زیادتی کا الزام ہے۔ مقدمہ میں طاہر جمیل کی زوجہ اور دو بیٹے بھی نامزد ہے۔ مقدمہ متاثرہ بچی کے والد کی مدعیت میں درج کیا گیا۔ یاد رپے کچھ دن پہلے بچی کو چائلڈ پروڈکشن والے اپنے ساتھ لے گئے تھے جب بچی نے بیان دیا تھا طاہر جمیل کیخلاف کہ یہ گھریلو ملازمہ پر تشدد کرتا ہے۔
فیصل آباد میں زیرالتواءانکوائریز کو ترجیحی بنیادوں پر مکمل کرنے کی ہدایت
فیصل آباد(نمائندہ باغی ٹی وی )ایڈیشنل ڈائریکٹر جنرل اینٹی کرپشن پنجاب عبدالرب چوہدری نے ہدایت کی ہے کہ زیر التواءانکوائریز کو ترجیحی بنیادوں پر مکمل کریں اس ضمن مےں دئیے گئے اہداف کے حصول کو یقینی بنائیں تاکہ بدعنوانی میں ملوث پائے جانے والے ملازمین کے خلاف کارروائی کرکے کرپشن کے ناسور پر قابو پایا جا سکے۔انہوں نے یہ ہدایت اپنے دورہ کے دوران اینٹی کرپشن اسٹیبلشمنٹ فیصل آباد ریجن کے افسران سے میٹنگ کے دوران جاری کی۔ڈائریکٹر اینٹی کرپشن سجاد احمد خان ودیگر افسران بھی اس موقع پر موجود تھے۔ایڈیشنل ڈائریکٹر جنرل نے سرکاری محکموں میں کرپشن کے خلاف مہم کے سلسلے میں فیصل آباد ریجن کی کارکردگی کا تفصیلی جائزہ لیا اور کہا کہ اینٹی کرپشن کے ہائی پروفائل مقدمات کی تفتیش جلد مکمل کریں اس ضمن میں تمام تر قانونی تقاضوں اور تکنیکی مہارتوں کو بروئے کار لایا جائے تاکہ ٹھوس اور جامع انداز میں حقائق سامنے آسکیں۔انہوں نے کہا کہ اینٹی کرپشن کے تمام مقدمات کی تفتیش میںمیرٹ اور غیر جانبداری برقرار رہنی چاہیے۔انہوں نے کہا کہ سرکاری ملازمین کے خلاف کریشن کی شکایات کا جائزہ لے کر الزام علیہ کو ناجائز ہراساں نہ کیا جائے بلکہ انصاف کے تقاضے پورے کریں۔ایڈیشنل ڈائریکٹر جنرل نے کہا کہ سرکاری خزانے کی خرد برد اور محکمانہ بے قاعدگی میں ملوث ملزمان سے کوئی رعایت نہیں ہونی چاہیے۔انہوں نے کہا کہ ترقیاتی منصوبوں میں فنڈز کے شفاف استعمال پر گہری نظر رکھیں۔انہوں نے اینٹی کرپشن اسٹیبلشمنٹ فیصل آباد ریجن کی مجموعی کارکردگی پر اپنے اطمینان کا اظہار کیا۔ڈائریکٹر اینٹی کرپشن سجاد احمد خان نے انکوائریز اور مقدمات کی تفتیش کے سلسلے میں فیصل آباد ریجن کی کارکردگی کے بارے میں بریفنگ دی اور کہا کہ کرپشن کے خلاف مہم کی کامیابی کے لئے پرعزم انداز میں فرائض انجام دیئے جارہے ہیں اس ضمن میں درخواست گزاروں کو ہر ممکن ریلیف کی فراہمی میں تمام تر پیشہ وارانہ صلاحیتوں کوبروئے کار لایا جا رہا ہے۔
فیصل آباد کے سرکٹ ہاﺅس میں کھلی کچہری لگا کر عوام کے مسائل سنے گئے
فیصل آباد، وزیر اعلی پنجاب سردار عثمان بزدار کی ہدایات پر عوامی مسائل سے آگاہی اور ان کے حل کے لئے سرکٹ ہاﺅس میں کھلی کچہری کا انعقاد کیا گیا۔ڈویژنل کمشنر محمود جاوید بھٹی،آرپی او غلام محمود ڈوگر،ایڈیشنل ڈپٹی کمشنر(ریونیو) طارق خاں نیازی اورایس ایس پی آپریشنز علی رضا نے عوامی مسائل سنے اور موقع پر ہی افسران کو داد رسی کی ہدایت کی۔ایڈیشنل ڈپٹی کمشنرجنرل میاں آفتاب احمد،اسسٹنٹ کمشنرز مصور خاں نیازی،شمائلہ منظور،ناذیہ موہل،شاہد ندیم،محمد اورنگزیب،خرم شہزاد بھٹی،ایم ڈی واسا فقیر محمد چوہدری،سی ای او ہیلتھ ڈاکٹر مشتاق احمد سپرا،سی ای او ایجوکیشن علی احمد سیان،ڈپٹی ڈائریکٹر سوشل ویلفیئر خالد بشیر،ایڈمن آفیسر ریاض حسین انجم ،دیگر محکموں کے ڈویژنل وضلعی اور پولیس افسران کھلی کچہری میں موجود تھے۔ڈویژنل کمشنر نے کہا ہے کہ وزیراعلی پنجاب سردار عثمان بزدار کی ہدایت پرہر جمعہ کو کھلی کچہری کا انعقاد کرکے عوامی مسائل ان کی دہلیز پر حل کئے جارہے ہیں۔انہوں نے درخواست گزاروں کے مختلف محکموں سے متعلقہ مسائل تحمل مزاجی سے سنتے ہوئے موقع پر موجودافسران کو نہ صرف داد رسی بلکہ تعمیلی رپورٹ سے بھی آگاہ کرنے کی ہدایت کی۔ انہوں نے کہا کہ کھلی کچہریوں کو نتیجہ خیز بنانے کے لئے اقدامات جاری ہیں اس سلسلے میں محکموں کی کارکردگی کی کڑی مانیٹرنگ کی جا رہی ہے۔انہوں نے کہاکہ حکومت پنجاب کی ہدایات پر لوگوں کے مسائل سے آگاہی کے لئے اوپن ڈور پالیسی پر عملدرآمدبھی جاری ہے اور کھلی کچہری میں متعلقہ محکموں کے افسران کی موجودگی میں عوام سے رابطہ کرکے ان کی شکایات ومسائل کو حل کرنے کے لئے موقع پر ہی اقدامات کئے جارہے ہیں۔انہوں نے کہاکہ ڈویژنل انتظامیہ کی طرف سے کھلی کچہری میں موصول ہونے والی درخواستوں پر محکمانہ کارروائی کی براہ راست نگرانی کی جارہی ہے تاکہ درخواست گزار کو جلدازجلد ریلیف فراہم کیا جاسکے۔ڈویژنل کمشنر نے بعض محکموں سے متعلقہ لوگوں کی شکایات سنتے ہوئے متعلقہ افسران کو حکم دیا کہ وہ شہریوں کے لئے قابل رسائی رہیں اور ان کے مسائل کے حل میں خصوصی دلچسپی لیں۔انہوں نے درخواست گزاروں کو یقین دلایا کہ ان کی شکایات کے حل کے لئے محکمانہ کارکردگی کی کڑی مانیٹرنگ کی جارہی ہے اور انہیں ہر ممکن ریلیف فراہم کریں گے۔انہوں نے افسران سے کہا کہ وہ کھلی کچہری میں پیش کی جانے والی شکایات کے حل میں گہری دلچسپی لیں اور درخواست گزاروں کو اطمینان بخش ریلیف فراہم کریں۔آر پی او نے پولیس سے متعلقہ لوگوں کی شکایات سنتے ہوئے کہا کہ مظلوم کو جلد انصاف کی فراہمی اولین ترجیح ہے جس میں کوتاہی کرنے والے پولیس افسران جواب دہ ہوں گے۔انہوں نے ہدایت کی کہ مختلف وارداتوں کے مقدمات درج کرنے میں تاخیر نہ کریں اور درج مقدمات کے ملزمان کی گرفتاری اور مسروقہ مال کی برآمدگی کے لئے حتی المقدور کوششیں کی جائیں۔انہوں نے کہا کہ تھانوں میں سائلان کے ساتھ اچھا برتاو¿ ہونا چاہیے اور جرائم کی بیخ کنی کے لئے پٹرولنگ میں اضافہ کریں۔ایڈیشنل ڈپٹی کمشنر ریونیو اور ایس ایس پی اپریشنز نے کہا کہ عوامی مسائل کا تیز رفتار حل ترجیح ہے اس ضمن میں لیت ولعل سے کام لینے والے افسران سے وضاحت بھی طلب کی جارہی ہے۔انہوں نے درخواست گزاروں سے کہا کہ وہ اپنے مسائل کے حل کے لئے کھلی کچہری میں پیش ہوں ان کی ہر ممکن حد تک داد رسی کی جائے گی۔
ضلع فیصل آباد میں انسداد ڈینگی کے حوالے سے اقدامات کے سلسلے میں خانہ پری قابل قبول نہیں
ضلع فیصل آباد میں انسداد ڈینگی کے حوالے سے اقدامات کے سلسلے میں خانہ پری قابل قبول نہیں اس ضمن میں متعلقہ محکمے اپنی ذمہ داریوں کا احساس کریں اور ڈینگی لاروا کے صفایا کے لئے ٹیمیں فیلڈ میںنظر آنی چاہیں ۔ یہ بات ایڈیشنل ڈپٹی کمشنر ( جنرل ) میاں آفتاب احمد نے ڈسٹرکٹ ایمرجنسی رسپانس کمیٹی برائے انسداد ڈینگی کے اجلاس کی صدارت کرتے ہوئے کہی جس میں ڈسٹرکٹ کوارڈینیٹر وبائی امراض ڈاکٹر بلال احمد نے سرویلنس سرگرمیوںسے آگاہ کیا ۔ اسسٹنٹ کمشنر سٹی و صدر شمائلہ منظور ‘ نازیہ موہل ‘ سی ای او ہیلتھ ڈاکٹر مشتاق احمد سپرا ‘ ڈسٹرکٹ ہیلتھ افسران ڈاکٹر محمد آصف شہزاد ‘ ڈاکٹر عدنان محمود ‘ فوکل پرسن الائیڈ ہسپتال ڈاکٹر معصومہ سردار ‘ ڈپٹی ڈسٹرکٹ ہیلتھ افسران ‘میڈیکل سپرنٹنڈنٹس ‘ سول ڈیفنس ‘ ویسٹ مینجمنٹ کمپنی ‘ واسا ‘ پی ایچ اے‘ اوقاف ‘ فشریز ‘ لیبر ‘ ہائر ایجوکیشن ‘ ٹیوٹا ‘ میونسپل کارپوریشن ‘ ضلع کونسل ‘ میونسپل کمیٹیز اور دیگر محکموں و اداروں کے افسران موجود تھے۔ صدر اجلاس نے واضح کیا کہ آئندہ موسم برسات میں ڈینگی لاروا کی افزائش کے خطرات موجود ہیں لہذا انتہائی سنجیدہ انداز میںمتحرک رہاجائے اور ڈینگی لاروا کی افزائش کے ممکنہ ذرائع کا صفایاکرنے کے علاوہ شہریوںمیںآگاہی کا سلسلہ جاری رکھیں۔ انہوںنے بعض محکموں کی طرف سے اینڈ رائڈ موبائل فونز کے ذریعے ڈینگی لاروا کے انسداد کی کارروائیوں میںعدم دلچسپی پر وارننگ دی اورکہا کہ محکموں کی کارکردگی کی مانیٹرنگ کی جارہی ہے لہذا عدم توجہی سے گریز کریں بصورت دیگر محکمانہ کارروائی ہوگی ۔انہوںنے قبرستانوں ‘ پارکوں ‘ نرسریوں‘ ٹائر شاپس اور دیگرمشتبہ جگہوںپرخصوصی توجہ مرکوز رکھنے کی تاکید کرتے ہوئے کہا کہ سرویلنس سرگرمیوںکے بہترین نتائج سامنے آنے چاہیں۔ ڈسٹرکٹ کوارڈینیٹر وبائی امراض ڈاکٹر بلال احمد نے بتایا کہ رواں سال اب تک 368 ان ڈور او 201 آﺅٹ ڈور مقامات سے ڈینگی لاروا کو تلف کیا گیا۔ انہوںنے بتایا کہ ویکٹر سرویلنس روزانہ کی بنیاد پر جاری ہے جبکہ ڈاکٹرز و سٹاف کی ٹریننگ کے علاوہ شہریوں کی آگاہی کے لئے احتیاطی و انسدادی اقدامات پر بھی عمل پیرا ہیں۔ پنجاب انفارمیشن ٹیکنالوجی بورڈ کے نمائندہ ڈاکٹر عدنان نے محکموں کی اینڈرائڈ موبائل فونز کے ذریعے ماہانہ کارکردگی سے آگاہ کیا۔
ڈاکٹر کا تبادلہ،ڈاکٹرز تنظیموں کا تبادلہ کو سیاسی رنگ دےکر ایک بار پھر ہڑتالی سیاست کا پروگرام
پی ایم اے مظفرگڑھ کے رہنماءکی اپنے ٹرانسفر کو متنازعہ بنانے کی کوشش، پاکستان میڈیکل ایسوسی ایشن مظفرگڑھ کے رہنما ڈاکٹر مقبول عالم کا تبادلہ ہوا تو انہوں نے اپنےتبادلے کو متنازعہ بنانے کے لئے صوبہ پنجاب کے پارلیمانی سیکرٹری وممبر صوبائی اسمبلی اشرف خان رندکے بیٹے کی مقامی ہسپتال کے امور کا جائزہ لینے کی کئی روز پرانی تصاویر سوشل میڈیا پر اپ لوڈ کردیں۔
ذرائع کے مطابق ڈاکٹر مقبول عالم کو آج صبح ہی ڈسٹرکٹ ہیڈکوارٹر ہسپتال مظفرگڑھ سے دیہی مرکز بصیرہ تبادلہ کے آرڈر ملےمقبول عالم نے اپنے تبادلہ کو متنازعہ بنانے کے لئے ایم پی اے اشرف رند کے بیٹے کی ہسپتال کے جائزہ کی تصاویرسوشل میڈیا پر اپ لوڈ کردیں اور چند چینل پر خبر آن ائیر ہونے کے بعد اپنے ٹرانسفر آرڈر سوشل میڈیا کی زینت بناکر اس تبادلے کو سیاسی رنگ دینے کی کوشش کی۔
ذرائع کے مطابق صوبائی پارلیمانی سیکرٹری اشرف خان رند کے بیٹے نے ہسپتال کا دورہ ایک ہفتہ قبل کیا جبکہ ڈاکٹر مقبول عالم کا تبادلہ صبح ہوا تو سیاسی رنگ دینے کے لئے تصاویر سوشل میڈیا پر اپ لوڈ کیں گئیں جس کے بعد جنوبی پنجاب میں پی ایم اے اور دیگر ڈاکٹرزتنظیموں نے اس تبادلے کو سیاسی انتقام قرار دے کر اس کے خلاف مہم شروع کردی۔ذرائع کے مطابق نام نہاد ڈاکٹرز تنظیموں کی جانب سے اس تبادلے کو بنیاد بنا کر ایک بار پھر جنوبی پنجاب میں ہڑتالی سیاست کا منصوبہ بنایا جارہا ہے۔
ادھر صوبائی پارلیمانی سیکرٹری اشرف رند کے مطابق میں ڈاکٹر مقبول عالم کو جانتا تک نہیں تو تبادلہ کیسے کروا سکتا ہوں؟
ڈپٹی کمشنر گوجرانوالہ کا فری ہومیو میڈیکل کیمپ کا انعقاد
گوجرانوالہ: ڈپٹی کمشنر آفس گوجرانوالہ کے کمیٹی روم میں پہلا فری ہو میو میڈیکل کیمپ کا انعقاد کیاگیا جس کا باقاعدہ افتتاح ڈپٹی کمشنر گوجرانوالہ نائلہ باقر نے فیتہ کاٹ کر کیا – اس موقع پر ایڈیشنل ڈپٹی کمشنر (جنرل) ڈاکٹر رابعہ ریاست، ایڈیشنل ڈپٹی کمشنر ہیڈ کوارٹر خالد عمرقریشی، اسسٹنٹ کمشنر ہیڈ کوارٹر شاہد جو تہ، ہومیو پیتھک ڈاکٹرز، لیڈی ڈاکٹرز نے کثیر تعداد میں شرکت کی جبکہ ڈاکٹر میاں عمران اور میاں احسان ہومیو پیتھک میڈیکل کیمپ کے چیف آرگنائزر بھی موجود تھے ہومیو پیتھک میڈیکل کیمپ میں ڈی سی آفس کے سرکاری ملازمین کی سکریننگ اور علاج معالجہ کیلئے HN کیئر اینڈ کیور سنٹر، کینٹ فارما، مسعود فارما اور بلاسم فارما کے تعاون سے ایک روزہ کیمپ کا انعقاد کیاگیا اور ڈی سی آفس کے 175سرکاری ملازمین کی ڈور سٹپ پر سکریننگ اورمفت طبی سہولیات فراہمی مہیا کی گئیں –
ایڈیشنل ڈپٹی کمشنر (جنرل) ڈاکٹر رابعہ ریاست نے خطا ب کرتے ہوئے کہا کہ ڈی سی آفس میں ہو میو پیتھک میڈیکل کیمپ کے کامیاب انعقاد پر مبارکباد پیش کرتے ہو ئے کہاکہ بلاشبہ ہومیوپیتھی طریقہ علاج پر لوگوں کو غلط فہمیاں ہیں لیکن اس کیمپ کے ذریعے آپ لوگوں کو بہتر انداز سے خدمات پیش کر کے انہیں مطمئن کر سکتے ہیں -ضلعی انتظامیہ ہومیو ڈاکٹرز کی بھرپور سر پرستی کرے گی- ایڈیشنل ڈپٹی کمشنر ہیڈ کوارٹر خالد عمر قریشی نے خطاب کرتے ہو ئے کہا کہ ہومیو پیتھک طریقہ علاج بہتر ہے دور جدید کے ساتھ اس میں مزید بہتری آ چکی ہے اور یہ بے ضرر طریقہ علاج بھی ہے کیونکہ ہومیو ادویات کے سائیڈ افیکٹ بھی کم ہیں ہومیو ڈاکٹرز لوگوں کو بہتر انداز میں مطمئن کریں – میڈیکل کیمپ سے ڈاکٹر میاں عمران، میاں احسان، ڈاکٹر محمدجمیل ڈاکٹر ضیغم حفیظ، ڈاکٹر عبدالقیوم ڈاکٹر کلیم صدیقی، ڈاکٹر نعیم اللہ صدیقی، ڈاکٹر محمد طاہراور دیگر نے بھی خطاب کیا اور ہومیو طریقہ علاج پر روشنی ڈالی اور اپنے درپیش مسائل سے ضلعی انتظامیہ کو آگاہ کیا-
مقررین نے خطاب کرتے ہو ئے کہا کہ ہومیو پیتھک طریقہ علاج دنیا کادوسرا لارجرسسٹم آف میڈیسن ہے اور اس کی باقاعدہ رجسٹریشن بھی ہو چکی ہے اور ہم معیاری کام کررہے ہیں اور ڈاکٹر ز کی علمی فکر اور عملی تربیت بھی کر رہے ہیں ڈی سی آفس میں کیمپ کے انعقاد پر ڈپٹی کمشنر نائلہ باقر کا شکریہ ادا کیا- مقررین نے مزید کہاکہ پاکستان کے علاوہ ملائیشیا، یورپی ممالک اور دیگر ممالک میں بھی یہ طریقہ رائج ہے انہوں نے ضلعی انتظامیہ سے اپیل کی کہ وہ ہماری معاونت کریں تاکہ ہم بلا خوف و خطر مزید بہتری سے لوگوں کا علاج کر سکیں کیمپ کے اختتام پر شرکاء میں شیلڈز بھی تقسیم کی گئیں –
فیصل آباد الائیڈ ہسپتال کا ڈینٹل وارڈ ہیپاٹائٹس، کینسر اور ایڈز کا موجب بنے لگا
فیصل آباد الائیڈ ہسپتال کا ڈینٹل وارڈ ہیپاٹائٹس، کینسر اور ایڈز کا موجب بننے لگا، مریضوں کو دانتوں کی صفائی چیک اپ کے لئیے خون کے بغیر ٹیسٹ کئیے ہیپاٹائٹس بی اور سی نیگٹو کرکے دینے لگے ہیں۔ مریض کی شکایت پر میڈیکل سپریڈنٹ ڈینٹل نے انکوائری کمیٹی قائم کردی ہے۔مریض جنید کی جانب سے شکایت کی گئی تھی۔ڈینٹل وارڈ میں تعینات ملازم امتیاز احمد ہیپاٹائٹس کی رپورٹ نیگٹو کرکے دے رہا ہے۔ رپورٹ نیگٹو کروانے کی مد میں پیسے بٹور رہا ہے۔ میڈیکل سپریڈنٹ ڈینٹل نے مریض کی شکایت پر انکوائری کمیٹی قائم کردی ہے۔ جو شکایت مریض کی جانب سے ملی تھی وہ درست تھی، ملازم امتیاز احمد کی جانب سے جعلی رپورٹ ہیپاٹائٹس کی تیار کرکے دی جارہی تھی، ملازم کا اس طرح کا اقدام مریضوں کے لئیےخطرناک ہوسکتا ہے۔ ملازم کے خلاف کاروائی کے لئیے انکوائری الائیڈ ہسپتال کے میڈیکل سپریڈنٹ ڈاکٹر خرم الطاف کو بھجوادی ہے۔ڈاکٹر خالد بشیر ایم ایس الائیڈ ہسپتال فیصل آباد
تحصیل ہیڈ کوارٹر ہسپتال ساہیوال کے ڈاکٹر موت بانٹنے میں مصروف
سرگودہا(نمائندہ باغی ٹی وی )تحصیل ہیڈ کوارٹر ہسپتال ساہیوال کے ڈاکٹر موت بانٹنے میں مصروف تفصیلات کے مطابق
کل چکڑالا شہر کا ایک غریب لڑکا بجلی کا کرنٹ لگنے سے بے ہوش ہو گیا گھر والے فوراً بچے کو ساہیوال سول ہسپتال لے کر پہنچے تو وہاں ڈیوٹی پر موجود گھٹیا ڈاکٹر صاحب نے بغیر کسی تحقیق کے کہا کہ بچہ فوت ہوگیا ہے ۔
وہ بیچارے روتے چیختے اس بچے کو گھر واپس لے کر آگئے۔
اچانک ایک خاتون کا ہاتھ اس بچے کی نبض پر پڑا تو اس کی نبض چل رہی تھی۔
گھر والے فوراً بچے کو ڈسٹرکٹ ہیڈ کوارٹر ہسپتال سرگودھا لے کر گئے۔ وہاں پر موجود ڈاکٹروں کی ٹیم نے معائنہ کیا اور کہا کے اس بچے کی پانچ منٹ پہلے ڈیتھ ہو گئی ہے اگر آپ لوگ پندرہ منٹ پہلے آ جاتے تو شاید یہ بچہ بچ جاتا
لاہور کے بعد ملتان میں بھی ایڈز کے مریض سامنے آ گئے
سندھ کے بعد پنجاب میں بھی خطرناک بیماری ایڈز کے مریضوں میں اضافہ ہونے لگا، لاہور کے بعد ملتان میں بھی دو مریضوں میں اٰیڈز کی تصدیق ہو گئی
لاہور میں ایڈز کے کتنے رجسٹرڈ مریض، خوفناک اعدادوشمار سامنے آ گئے
بلاول کے حلقہ میں ایڈزکیوں؟ عالمی ماہرین کی ٹیم نے خطرناک انکشاف کردئیے
باغی ٹی وی کی رپورٹ کے مطابق پنجاب کے شہر ملتان کے نشتر ہسپتال میں زیر علاج دو مریضوں میں ایڈز کی تصدیق ہوئی ہے، ایک مریض کا تعلق شجاع آباد اور دوسرے کا مظفر گڑھ سے تھا ، 58 سالہ عبدالجبار سکنہ شجاع آباد اور امتیاز سکنہ مظفر گڑھ کا نشتر ہسپتال میں علاج ہو رہا تھا ، جن کے لیبارٹری میں رپورٹ آنے کے بعد ایڈز کی تصدیق ہوئی ،دونوں مریضوں کو نشتر اسپتال ملتان کے آئی سولیشن وارڈ میں منتقل کر دیا گیا ہے .
ایک سال میں ایڈز سے 2460 لوگوں کی ہوئی موت، بڑی خبر
پنجاب ایڈز کنٹرول پروگرام کے اعدادو شمار کے مطابق صوبائی دارالحکومت لاوہر میں ایچ آئی وی ایڈز کے رجسٹرڈ مریضوں کی تعداد 1200 سے زیادہ ہے. جن میں 200 خواتین بھی شامل ہیں
سندھ حکومت نے ایڈز پھیلایا میں ریل پھیلاوں گا، شیخ رشید احمد
شیخ رشید کی جانب سے سندھ کو ایڈزستان کہنے پر بلاول نے کیا کام کیا؟
بلاول کے شہر لاڑکانہ میں مزید 617 افراد میں ایڈز کی تشخیص
ایڈز سے متاثرہ افراد کو تنہا نہیں چھوڑیں گے، بلاول
