Baaghi TV

Category: صحت

  • ڈینگی لاروے کی تلفی کا عمل شروع

    ڈینگی لاروے کی تلفی کا عمل شروع

    شیخوپورہ (نمائندہ باغی ٹی وی ) شیخوپورہ کی پانچوں تحصیلوں میں ڈینگی کے لاروے کی تلفی کے سلسلہ میں محکمہ صحت،میونسپل کمیٹیوں کا عملہ فعال کردار ادا کرے۔ وہ قبرستانوں ٹائر شاپس،جوہڑکا روزانہ کی بنیاد پر معائنہ کریں اور اس سلسلہ میں عوام کو آگاہی دیں تاکہ گھروں کی چھتوں پر کچرا اور دیگر سامان میں بارشی پانی کھڑا نہ ہو ان خیالات کا اظہار ڈپٹی کمشنر محمد اصغر جوئیہ نے ڈینگی کے حوالے سے ایک اجلاس سے خطاب کرتے ہوئے کیا۔

    اس موقع پرایڈیشنل ڈپٹی کمشنر جنرل احسان الحق سی ای او ہیلتھ ڈاکٹر محمد اشرف، ڈسٹرکٹ ہیلتھ آفیسر ڈاکٹر عادل شہزاد، ڈپٹی ڈائریکٹر لیبر نوید سرور ڈپٹی ڈائریکٹر لو کل گورنمنٹ عارف طفیل ڈپٹی ڈی ایچ اوز کے علاوہ دیگر محکموں کے افسران نے شرکت کی انہوں نے کہاکہ عوام کو چاہئے کہ وہ ڈینگی کی ٹیموں کے ساتھ مکمل تعاون کریں اور ان کے بتائے ہوئے ایس او پیز پر عمل کریں۔

  • بلوچستان میں کینسر کا ہسپتال بنایا جائے مطالبہ ٹوئٹر پر ٹاپ ٹرینڈ

    بلوچستان میں کینسر کا ہسپتال بنایا جائے مطالبہ ٹوئٹر پر ٹاپ ٹرینڈ

    کینسر تیزی سے پھیلتا ہوا ایسا مہلک مرض ہے، جس کے علاج کی استطاعت ہر خاص و عام کی نا بس کی بات ہے اور نا ہی بدقسمتی سے پورے بلوچستان میں کینسر کے علاج کے لیئے کوئی ایک ہسپتال قائم ہے۔ اس مہلک مرض کے شکار مریضوں کے لیے کراچی ایک واحد شہر ہے جہاں جانا پڑتا ہے۔ چوںکہ ہر کسی کا نہ وہاں پہ گھر ہے نہ ہر کوئی وہاں رشتہ دار رکھتا ہے کہ جن کے گھر ٹہرا جائے۔ اس لیے ہم بلوچستانیوں کو علاج کا خرچہ اٹھانے کے ساتھ رہائش کا الگ خرچہ کرنا پڑتا ہے۔

    باغی ٹی وی :تاہم کینسر میں مبتلا چند لوگوں کے علاج کی خاطر مقامی سطح پر چندہ مہم سے کام چلایا گیا، جس کے وقتی طور پر بہتر نتائج تو نکلے مگر یہ مستقل حل نہیں ہے۔ کیوںکہ کسی مریض کے لیئے 70 یا 80 لاکھ چندہ اکھٹا کرنا ایک دو یا تین بار صحیح مگر بار بار ممکن نہیں ہے۔

    او لیول کی 13 سالہ طالبہ ایمن نے2017 میں کینسر ہسپتال کے قیام کی خاطر سوشل میڈیا اور دیگر ذرائع سے مہم شروع کی تھی۔

    12 نومبر 2019 کو ایمن نے انڈیپینڈنٹ اردو کو ایک انٹر ویو میں بتایا تھا کہ کہ انہیں اُس وقت کینسر ہسپتال کی ضرورت زیادہ محسوس ہوئی جب انہیں سوشل میڈیا کے ذریعے معلوم ہوا کہ بلوچستان کے دو نوجوان شاہ مریداور ریحان رند کینسر کے باعث جان کی بازی ہار گئے۔


    ایمن کے بقول انہوں نے جب کینسر کے مریضوں کے علاج معالجے کے لیے’ کوئٹہ آن لائن‘ نامی تنظیم کے پلیٹ فارم سے جدوجہد شروع کی تو انہیں ایسے مریضوں کو قریب سے جاننے کا موقع ملا۔

    ایمن کے مطابق چونکہ کینسر کا علاج مہنگا ہوتا ہے لہذا وہ چاہتی ہیں کہ کوئٹہ میں ہی ہسپتال قائم کیا جائے تاکہ صوبے کے لوگوں کو دوسرے علاقوں میں نہ جانا پڑے۔

    کوئٹہ کے شیخ زید ہسپتال میں کینسر کے مریضوں کے لیے دو سو بیڈ پر مشتمل تین فلوز مختص کرنے کی منظوری ہو چکی ہےصوبائی محکمہ صحت کی دستاویزات کے مطابق شیخ زید ہسپتال کوئٹہ کے تین فلورزپر مشتمل 62 ہزار 936 اسکوائر فٹ کے حصے کو کینسر ہسپتال میں تبدیل کیا جائے گا۔

    سرکاری دستاویزات کے مطابق فیز ون کے تحت ہسپتال میں ریڈیو تھراپی مشین، سی ٹی سیمولیشن اورپلاننگ رومز اور ریڈی ایشن مشینوں کے لیے بنکر بنائے جائیں گے جبکہ فیز ٹو میں تعمیراتی اور کمروں کی تزہین و آرائش کے ساتھ اوپی ڈی کا شعبہ قائم ہو گا۔

    پہلےدونوں فیز مکمل ہونے کے بعد شیخ زید ہسپتال میں جامعہ کینسر کا شعبہ قائم کیاجائے گا جس میں اونکو لوجی سیٹ اپ بھی منتقل کیا جائے گا۔

    محکمہ صحت کی دستاویزات کے مطابق ہسپتال کے لیے دو ریڈیو تھراپی مشینوں کی ضرورت ہوگی، جن کی مالیت 200سے 250 ملین روپےہے۔

    تاہم 11 ستمبر 2020 کو خبریں شامنے آئیں کہ بلوچستان کے پہلے کینسر ہسپتال کی تعمیر کا آغاز کردیا گیا ہے ہسپتال دو سال میں مکمل ہو گا محکمہ صحت کے حکام کے مطابق کوئٹہ شیخ زید ہسپتال کی اضافی اراضی کینسر ہسپتال کیلئے مختص کی گئی ہےہسپتال کا سنگ بنیاد گزشتہ سال وزیر اعلیٰ جام کمال نے رکھا تھا لیکن کورونا وائرس کے باعث ہسپتال کی تعمیر کا آغاز نہیں ہوسکا تھا-

    محکمہ مواصلات و تعمیرات کے حکام نے بتایا تھا کہ کینسر ہسپتال کی تعمیر پر مجموعی طو ایک ارب ستر کروڑ روپے کی لاگت آئے گی اورمنصوبہ دوسال میں مکمل ہوگاصوبائی حکومت نے ہسپتال کی تعمیر کیلئے ابتدائی طور پر چار کروڑ روپے کی رقم ریلیز کردی ہے ۔

    تاہم اب پھر بولچستان میں کینسر کا ہسپتال قائم کرنے جکا مطالبہ زور پکڑ گیا ہے یہاں تک کہ ٹوئٹر پر #CancerHosp4Balochistan ٹرینڈ کر رہا ہے-اور سینکڑوں کی تعداد میں صارفین اس ٹرینڈ کا حصہ بن کر بلوچستان میں کینسر کے ہسپتال کے لئے مطالبہ کر رہے ہیں اور غریبوں کی آواز بن رہے ہیں-

    https://twitter.com/faujkashaheen/status/1352193558485340160?s=20
    https://twitter.com/Sdf_113/status/1352211954992087052?s=20
    صدف نامی صارف نے لکھا کہ بلوچستان میں نہ صرف بھوک ، غربت ، بلکہ بیماری نے بھی اپنی جڑیں گاڑھ رکھی ہیں ، کینسر کے مریضوں میں تیزی سے اضافہ ہو رہا ہےیہ قابل علاج ہے لیکن علاقے کے لحاظ سے یہ بیماری بلوچستان کے لئے غیر معمولی ثابت ہو رہی ہے۔
    https://twitter.com/Sdf_113/status/1352213645309206528?s=20
    اسی صارف نے مزید انکشافات کئے کہ بلوچستان میں 10 سے 12 ہزار افراد کینسر کے مرض میں مبتلا ہیں۔ 90٪ مرد فوڈ ٹریک کینسر میں مبتلا ہیں جنہیں سگریٹ ، براؤن ، پان اور گٹگا فوڈ لاحق ہے جبکہ خواتین کی اکثریت چھاتی کے کینسر میں مبتلا ہے۔
    https://twitter.com/Sdf_113/status/1352212295099805696?s=20
    https://twitter.com/AwaKashmir/status/1352211771277406211?s=20
    https://twitter.com/M___AAziz/status/1352210682821947396?s=20


    https://twitter.com/AwaKashmir/status/1352211109441372164?s=20

  • ایم ایس ڈی ایچ کیو نے دیا اہم بیان

    ایم ایس ڈی ایچ کیو نے دیا اہم بیان

    شیخوپورہ (نمائندہ باغی ٹی وی )ایم ایس ڈی ایچ کیو ہسپتال شیخوپورہ ڈاکٹر اظہر امین نے کہا ہے کہ ہسپتال کے نظام و انصرام کو موثر خطوط پر استوار کرنے کا ثمر ہے کہ ہزاروں مریض روزانہ ہسپتال سے علاج کروارہے ہیں جنہیں موثر چیک اپ اور مفت ادویات کی فراہمی سمیت تمام تر دستیاب جدید طبی سہولیات میسر کی جارہی ہیں

    ٹراما سنٹر پر بھی خصوصی توجہ دی ہے تاکہ ایمرجنسی میں آنے والے مریضوں کے علاج معالجہ اور دیکھ بھال میں کسی طرح کی مشکل یا دشواری لاحق نہ ہو، ان خیالات کا اظہار انہوں نے میڈیا کے نمائندوں سے گفتگو کرتے ہوئے کیا، ڈاکٹر اظہر امین نے کہا کہ ڈی ایچ کیو ہسپتال کے تمام شعبے فعال ہیں ادویات وافر مقدار میں موجود ہیں جبکہ ڈاکٹرز اور پیرامیڈیکل سٹاف بھی ہمہ وقت اپنی خدمات پیش کرنے میں مصروف ہے، ہسپتال میں موجود تمام تر مشینری کارگر اور فنگشنل ہے جس سے روزانہ ہزاروں مریض علاج معالجہ کے حوالے سے استفادہ کررہے ہیں،

    انہوں نے کہا کہ پنجاب حکومت عوام کو علاج معالجہ کی تمام تر معیاری سہولیات فراہم کرنے کی خاطر جس بھرپور انداز میں سرگرم عمل ہے وہ کسی کارہائے نمایا ں سے کم نہیں ہسپتالوں کوفنڈز کی فراہمی میں کسی طرح کا کوئی تعطل واقع نہیں جبکہ دیگر امور کو بھی فعال کیا گیا ہے جس سے شعبہ صحت میں روز بروز انقلابی تبدیلیاں رونما ہوئی ہیں۔

  • ڈی ایچ کیو شیخوپورہ کے ڈاکٹر نے دیا اہم بیان

    ڈی ایچ کیو شیخوپورہ کے ڈاکٹر نے دیا اہم بیان

    شیخوپورہ (نمائندہ باغی ٹی وی )ڈسٹرکٹ ہسپتال شیخوپورہ کے ڈاکٹرمحمد وقاص ایم بی بی ایس،ایف سی پی ایس میڈیسن نے کہا ہے کہ حفظان صحت کے اصولوں کے مطابق زندگیاں گزارنے سے امراض کا تدارک کیاجاسکتا ہے انسانی صحت کے لیے پانی کی مقدار کو پورا رکھنے سے گردوں کے فعل کا محفوظ بنایا جاسکتا ہے ڈاکٹر کی ہدایت کے مطابق ادویات کا استعمال کرنا چاہیے دن میں کم از کم8سے 10گلا س پانی پینے والوں کے گردوں میں پتھریاں بننے کا عمل روکا جاسکتا ہے،موسم سرما میں پسینہ کم آنے کی وجہ سے پیاس کی طرف لوگ توجہ کم کردیتے ہیں باڈی کے اندر پانی کی مقدار کم ہونے کی وجہ سے گردوں میں خرابی پیدا ہونے امکانات بڑھ جاتے ہیں،ان خیالات کااظہارنے اپنے جاری بیان میں کیا،انہوں نے کہاکہ اعضائے رئیسہ دل دماغ جگر جسم میں اہمیت اورمرکزی حثیت کے حامل اعضاء ہیں ان کی خوراک اور بہتر ماحول ان کو تندرست رکھ سکتا ہے فضائی آلودگی بیماریوں کی جڑ ہے،فضائی آلودگی اور صحت کا چولی دامن کا ساتھ ہے،سانس صاف ہوگا تو صحت اچھی ہوگی اور اگر فضائی آلودگی زیادہ ہوگی تو امراض ہی پیدا ہونگے،انہوں نے مزید کہاکہ جان ہے توجہان ہے کی مصداق کے مطابق اچھے سے اچھے ڈاکٹر کو چیک اپ کروانا چاہیے نیم حکیموں اورغیر مستند افراد سے علاج معالجہ سے گریز کرنا انتہائی ضروری ہے۔

  • خیبر:پولیو ورکرز کورونا اور برفباری جیسے سخت حالات کے باوجود ہر بچے کو پولیو قطرے پلانے کیلئے پرعزم

    خیبر:پولیو ورکرز کورونا اور برفباری جیسے سخت حالات کے باوجود ہر بچے کو پولیو قطرے پلانے کیلئے پرعزم

    11 جنوری سے ملک کے مختلف حصوں میں انسداد پولیو مہم شروع کی گئی جس میں خیبر وادی تیرہ میں بھی بچوں کو پولیو وائرس سے بچاؤ کے لئے قطرے پلائے گئے-

    باغی ٹی وی : ملک کے مختلف حصوں سمیت وادیِ تیرہ، خیبر میں بھی پولیو ویکسین کی مہم کا آغاز کیا گیا-

    وادی تیرہ میں ان دنوں شدید برف باری کا سلسلہ جاری ہے جس کی وجہ سے سردی میں شدید اضافہ ہوا ہے اوربرف باری کی وجہ سے مقامی لوگوں کا باہر نکلنا بھی محلال ہے تاہم پولیو ورکرز کورونا اور برفباری جیسے سخت حالات کے باوجود ہر بچے کو پولیو وائرس سے بچاؤ کے قطرے پلانے کے لیے پرعزم ہیں-

    دشوار اور پہاڑی راستوں پر روز پیدل میلوں سفر کرکے اپنے فرائض سرانجام دینے پر ہم ان تمام پولیو ورکرز کو خراجِ تحسین پیش کرتےہیں-

    متعلقہ حکام کے مطابق پولیو وائرس کی موجودگی اور پولیو ویکسین پلانے کے حوالے سے انکاری والدین کے باعث بچوں کے وائرس سے متاثر ہونے کے خدشات موجود ہیں، تاہم وہ پولیو وائرس کے خاتمے کے لئے پرعزم ہیں۔

  • ڈپٹی کمشنر آفس کمیٹی روم میں پولیو ورکرز کی کارکردگی کا جائزہ اجلاس۔

    ڈپٹی کمشنر آفس کمیٹی روم میں پولیو ورکرز کی کارکردگی کا جائزہ اجلاس۔

    ننکانہ صاحب: نمائندہ باغی ٹی وی
    باغی ٹی وی کی رپورٹ کے مطابق بزدار حکومت کی خصوصی ہدایت پر ضلع بھر میں پولیو مہم 11جنوری سے جاری ہے جوکہ 5روز تک جاری رہے گی،پولیو مہم کے دوران تمام پولیو ٹیموں کے نمائندے اپنی ڈیوٹیا ں قومی فریضہ سمجھ کر ادا کریں، تمام طبقات کے لوگ پولیو کے خاتمے میں اپنا قومی کردار ادار کریں،پولیو کے خاتمے کے لیے ہم سب کو مربوط حکمت عملی کے تحت کام کرنا ہوگا،والدین پولیو مہم کے دوران اپنے بچوں کو جسمانی معذوری سے بچانے کے لیے لازمی طور پر پولیو ویکسین کے حفاظتی قطرے ضرور پلوائیں اور پولیو کے موذی مرض کے خاتمے کے لیے اپنا کلیدی کردار ادا کریں۔ان خیالات کااظہار ڈپٹی کمشنر ننکانہ راجہ منصور احمد نے گذشتہ رات ڈپٹی کمشنر آفس کمیٹی روم میں منعقدہ پولیو ورکرز کی کارکردگی کے جائزہ اجلااس کی صدارت کرتے ہوئے کیا۔اجلاس میں اسسٹنٹ کمشنر سٹی صولت حیات وٹو،چیف ایگزیکٹو آفیسر ہیلتھ اتھارٹی ڈاکٹرطارق سہیل سمیت محکمہ صحت کے افسران و پولیو ورکرز بھی موجود تھے ۔سی ای او ہیلتھ اتھارتی ڈاکٹر شکیل احمد نے ڈپٹی کمشنر کو بریفنگ دیتے ہوئے بتایا کہ ضلع بھر میں پولیو مہم کے دوران 2لاکھ 46ہزار5سو63بچوں کو پولیو سے بچاﺅ کے قطرے پلائے جائیں گے جس کے لیے پولیو ٹیمیں گھر گھر جاکر اپنی ڈیوٹیاں سرانجام دے رہی ہیں۔ڈپٹی کمشنر نے کہا کہ کسی بھی ملک یا معاشرے کی ترقی کا دارومدارصحت مند افراد پر منحصر ہوتا ہے ہمیں اپنے ملک کی ترقی و خوشحالی کے لیے قوم کے معماروں کو بیماریوں سے چھٹکارا دلانے کے لیے بروقت پولیو کے قطرے پلاکر اپنا قومی فریضہ ادا کرنا چاہیے۔اس موقع پر ڈپٹی کمشنر راجہ منصور احمد نے معززین شہر، سول سوسائٹی کے اراکین، سماجی تنظیموں نے کارکنوں سے اپیل کی کہ وہ آگے آئیں اور پولیو مہم میں بڑھ چڑھ کر حکومت کاساتھ دیں اور بچوں کو عمر بھر کی معذوری سے بچانے کے لیے اپنا کلیدی کردار ادا کریں۔ انہوں نے محکمہ صحت و دیگر متعلقہ محکموں کے افسران کوسختی سے ہدایت کی کہ کوئی بھی بچہ پولیو کے قطرے پینے سے محروم نہ رہے اور انسداد پولیو مہم کو ایک فریضے اور مشن کے تحت کامیابی سے ہمکنار کیا جائے۔

  • پولیو ورکرز سے اسسٹنٹ کمشنر کی میٹنگ

    پولیو ورکرز سے اسسٹنٹ کمشنر کی میٹنگ

    میاں چنوں:اسسٹنٹ کمشنر ذیشان ندیم کی زیر صدارت ڈپٹی ڈسٹرکٹ ہیلتھ آفیسر کے دفتر میں پولیو مہم کے جائزہ بارے میٹنگ

    میٹنگ میں ڈپٹی ڈسٹرکٹ ہیلتھ آفیسر ڈاکٹر آصف سمیت محکمہ صحت کے ملازمین نے شرکت کی .پولیو ٹیموں نے آج 95 فیصد ٹارگٹ پورا کیا.

    پولیو کی ٹیمیں بسوں,کوچز, رکشہ اور دیگر مقامات پر پولیو کے قطرے لازمی پلائیں. پولیو کی ٹیمیں قطرے پلاتے وقت کورونا کی ایس او پیز کا خصوصی خیال کریں. پولیو مہم 11 سے 15 تاریخ تک جاری رہی گی۔والدین بھی لازمی اپنے 5 سال تک کے بچوں کو پولیو قطرے پلائیں. اسسٹنٹ کمشنر

  • پمز ہسپتال میں گرینڈ ہیلتھ الائنس کی جانب سے ایم ٹی آئی آرڈیننس کے خلاف احتجاج

    پمز ہسپتال میں گرینڈ ہیلتھ الائنس کی جانب سے ایم ٹی آئی آرڈیننس کے خلاف احتجاج

    پمز ہسپتال میں گرینڈ ہیلتھ الائنس کی جانب سے ایم ٹی آئی آرڈیننس کے خلاف احتجاج

    باغی ٹی وی :احتجاج میں سیاسی و سماجی شخصیات کا اظہارِ یکجہتی کے لیے آمد کا سلسلہ جاری سیکرٹری جنرل جماعت اسلامی ویمن ونگ عائشہ سید کا مظاہرین سے خطاب کہا کہ پمز اسلام آباد کی نجکاری کے خلاف جماعت اسلامی حلقہ خواتین ڈاکٹرز و پیرا میڈیکل اسٹاف کے احتجاج کی مکمل حمایت کرتی ہے۔

    عائشہ سید نے کہا کہ پیمز ہسپتال ایک قومی ادارہ ہے اور اس کی نجکاری کسی صورت میں قبول نہیں پمز ہسپتال کے نجکاری کے خلاف جاری تحریک میں جماعت اسلامی حلقہ خواتین پمز کا بھرپور ساتھ دے گی۔

    عائشہ سید نے کہا کہ ایم ٹی آئی آرڈیننس غریب مریضوں سے علاج چھیننے کے مترادف ہے خیبرپختونخوا میں ایم ٹی ائی سسٹم سے سرکاری ہسپتالوں کا معیار انتہائی گر گیا ہے۔

    عائشہ سید نے کہا کہ خیبر پختونخواہ میں ایم ٹی آئی کی ناکامی سے سبق سیکھنے کی بجائے حکومت پمز اسپتال کا بیڑا غرق کرنے پر تلی ہوئی ہے۔

  • پولیو مہم کے حوالے سے اجلاس: اے ڈی سی جی کی فیلڈ میں ٹیموں کی حاضری اور کارکردگی کو سختی سے مانیٹر کرنے کی ہدایت

    پولیو مہم کے حوالے سے اجلاس: اے ڈی سی جی کی فیلڈ میں ٹیموں کی حاضری اور کارکردگی کو سختی سے مانیٹر کرنے کی ہدایت

    1 جنوری سے شروع ہونے والی پولیو مہم کے حوالے سے اجلاس.

    باغی ٹی وی :ایڈیشنل ڈپٹی کمشنر جنرل شاہد کاٹھیا کی زیر صدارت انسداد پولیو مہم پر اہم اجلاس منعقد ہوا اجلاس میں تمام آلائیڈ محکموں کے افسران نے شرکت کی-

    اجلاس میں شروع ہونے والی انسداد پولیو مہم کے حوالے سے مائیکرو پلان کا جائزہ لیا گیا تمام متعلقہ حکام نے مائیکرو پلان پیش کیا.

    اجلاس میں ایڈیشنل ڈپٹی کمشنر جنرل شاہد کاٹھیا کو تفصیلی بریفنگ دی گئی.

    ایڈیشنل ڈپٹی کمشنر جنرل شاہد کاٹھیا نے پولیو مہم کو مؤثر اور کامیاب بنانے کے لئے تمام تر ضروری اقدامات اٹھانے کی ہدایت کی-.

    انہوں نے کہا کہ فیلڈ میں ٹیموں کی حاضری اور کارکردگی کو سختی سے مانیٹر کیا جائے.

    اے ڈی سی جی کا کہنا تھا کہ کسی بھی قسم کی غفلت اور کوتاہی کا مظاہرہ نہیں کیا جائے گا.

  • حمید لطیف ہسپتال لاہور:زندگی کے مسیحا کیسے چند ٹکوں کی خاطر موت باٹنے لگے

    حمید لطیف ہسپتال لاہور:زندگی کے مسیحا کیسے چند ٹکوں کی خاطر موت باٹنے لگے

    حمید لطیف ہسپتال لاہور میں زندگی کے مسیحا کیسے چند ٹکو ں کی خاطر موت باٹنے لگے-

    باغی ٹی وی : حمید لطیف ہسپتال لاہور میں ہارون آباد کے مشہور ڈاکٹر ارشد صاحب کے ساتھ کیا کیا ہسپتال والوں نے جو یہ عام عوام کے ساتھ کرتے ہیں –

    ہارون آباد کے مشہور ڈاکٹرارشد صاحب کے بیٹے ڈاکٹر نعمان نے میڈیا سے گفتگو کرتے ہوئے حمید لطیف ہسپتال لاہور کے گھناؤنے عمل کا پردہ فاش کیا ڈاکٹر نعمان کا کہنا تھا کہ ان کے والد جو کہ خود ایک مشہور ڈاکٹر ہیں کو بلڈ ہریشر اور شوگر کا مسئلہ تھا لیکن انہوں نے کورونا کی وارڈ میں ڈال دیا اور ایک ہفتے کورونا وارڈ میں رکھا اور چھ لاکھ کا بل بنا دیا –
    https://twitter.com/Ayesha701900053/status/1346197826573901826?s=19
    ڈاکٹر نعمان نے بتایا کہ لیکن بعد میں پتہ چلا کہ ان کو گردوں کا مسئلہ ہے یہ میرے والد کی صحت کے ساتھ 7 دن کھیلتے رہے ہیں میرے والد گردے کمزور اور فیل ہو گئے ہیں ڈائلاسز پر ہیں اور خود چل کر آئے تھے لیکن آج ان کی کنڈیشن یہ ہو گئی ہے کہ اٹھ کر بیٹھ بھی نہیں سکتے-

    انہوں نے بتایا کہ ان کے کنسلٹنٹ ڈاکٹر راجہ یاسر ہیں جو سارے گھناؤنے ماحول اور گھناونے کھیل کے پیچھے ان کا بڑا ہاتھ ہے لوگوں کو کورونا میں داخل کر لیتے ہیں ان لوگوں کو پتہ ہی نہیں ہوتا کہ ان کے ساتھ کیا کھیل کھیلا جا رہا ہے-

    ڈاکٹر نعمان نے بتایا کہ میں خود کنسلٹنٹ فزیشن ڈاکٹر ہوں اور یہاں سے اس لئے نکل رہا ہوں کہ میں یہ سب کچھ خود اپنی آنکھوں سے دیکھا ہے پہلے تو صرف سنا تھا اب دیکھ بھی لیا ہے مریض بھی ڈاکٹر ہیں ڈاکٹر ضیا ان کا نام ہے اور سارا کچھ انہیں کے ساتھ ہوا ہے ان کو سانس کا مسئلہ ہے جو گردوں کی وجہ سے ہے –

    انہوں نے کہا کہ اور ہمارے ساتھ بے انتہائی زیادتی ہوئی یہاں سے ہماری سنی نہیں گئی شاید میڈیا کے توسط سے ہی ہماری سنی جائے ہم تو چلے جائیں گےہم اتنے صاحب حثییت تو ہیں کہ ہم شاید برداشت کرلیں لیکن جو یہاں ہمارے ساتھ ظلم ہوا زیادتی ہوئی میرے والد کی صحت کے ساتھ کھیلا گیا اس کا کون ذمہ دار ہے میری اپیل ہے کہ اس ہسپتال اور اس ڈاکٹر راجہ یاسر کا بائیکاٹ کریں اپنے مریضوں کو گھناؤنے ماحول اور ہسپتال سے بچایا جائے-