Category: صحت

پشاور: ملک بھر میں ڈینگی وائرس کے پی میں‌بھی پھیلنے لگا ، اطلاعات کے مطابق خیبرپختونخوا میں 900 سے زائد افراد میں مرض کی تشخیص ہوگئی، صوبائی حکومت ڈینگی کے خلاف مسلسل مزاحمت کررہی ہے ، لیکن فی الحال ڈینگی کسی کے قابومیں آنے کا نام نہیں‌لے رہا ،

ہفتے میں ایک سے دو مرتبہ قیلولہ دل کی صحت کے لیے انتہائی مفید ہے، تحقیق نے تصدیق کردی

وفاقی وزارت صحت کی طرف سے جاری کیے گئے اعدادوشمار کےمطابق اب تک خیبر پختونخوا میں 900 سے زائد کیسز کی تصدیق ہوگئی۔ پشاور میں سب سے زیادہ 715 افراد میں مرض کی تشخیص ہوئی، محکمہ صحت کے مطابق سوات میں 74، ایبٹ آباد 31، کوہاٹ 23، بٹگرام 17، صوابی 13 اور ہری پور میں اب تک ڈینگی کے 12 کیسز رپورٹ ہوئے۔

لندن : جو حفظان صحت کا نظریہ آج سے 14 سال قبل پیش کیا گیا آج کی سائنس نے اسے سچ اور 100 فیصد درست مان لیا ہے ، اطلاعات کےمطابق برطانوی طبی ماہرن نے ایک تحقیق کے بعد یہ ثابت کیا ہے کہ دن کے اوقات میں کچھ دیر نیند لینے یعنی ’’قیلولہ‘‘ کرنے کے فوائد اور نقصانات پر برسوں سے بحث جاری ہے۔ کچھ ماہرین کا کہنا ہے کہ قیلولہ ہماری صحت کےلیے مفید ہے جبکہ بعض طبّی ماہرین اسے نقصان دہ قرار دیتے ہیں۔

قیلولہ لے حوالے سے لیوزین یونیورسٹی ہاسپٹل، سوئٹزرلینڈ میں 35 سے 75 سال کے افراد پر 5 سال تک کیے گئے ایک مطالعے سے معلوم ہوا ہے کہ وہ لوگ جو ہفتے میں ایک سے دو مرتبہ قیلولہ کرتے ہیں ان میں دل کے دورے، فالج اور دل کی خرابی کے خطرات 48 فیصد تک کم ہوجاتے ہیں۔

یہ تحقیق ڈاکٹر نیڈائن ہازلر کی نگرانی میں کی گئی جبکہ اس میں امراضِ قلب سے متعلق ایک وسیع البنیاد مطالعے ’’کولاس‘‘ (CoLaus) کے اعداد و شمار استعمال کیے گئے تھے، جو 5 سال تک جاری رہا تھا۔

ان طبی ماہرین کا دعویٰ ہے کہ ان تمام اعداد و شمار میں سے صحت اور انفرادی معمولات سے متعلق دیگر عوامل کے اثرات نفی کرنے کے بعد معلوم ہوا کہ جو لوگ ہفتے میں ایک سے دو مرتبہ قیلولہ کیا کرتے تھے، وہ قیلولہ نہ کرنے والوں کے مقابلے میں امراضِ قلب سے 48 فیصد زیادہ محفوظ رہے۔

اس تحقیق میں یہ بات اخذ کی گئی کہ اگر کسی رضاکار نے ہفتے میں دو مرتبہ سے زیادہ بھی قیلولہ کیا تو اس کے دل کی صحت کو پہنچنے والا فائدہ ویسا ہی رہا جتنا ہفتے میں ایک سے دو مرتبہ قیلولہ کرنے والوں میں دیکھا گیا، چاہے وہ صرف چند منٹ تک ہی کیوں نہ کیا گیا ہو۔

لاہور : فرسٹ ایڈ کا عالمی دن ، دنیا بھر کی طرح 1122 بھی فرسٹ ایڈ کو عالمی دن کے طورمنا رہی ہے، اس بات کااعلان ترجمان ریسکیوپنجاب نے اپنے اعلان میں کیا ہے ،

این سی ایچ ڈی ملک گیر ادارہ ، تعلیم ، صحت ، ہنگامی حالات میں گراں قدر خدمات سرانجام دیں ، امیراللہ خاں مروت

اس دن کو عالمی دین کے طور پر منانے کے حوالے سے بات کرتے ہوئے ترجمان ریسکیو پنجاب کا کہنا تھ اکہ اس دن کو منانے کا مقصد لوگوں میں فرسٹ ایڈ کی تربیت کی اہمیت کواجاگر کرنا ہے، انٹرنیشنل فرسٹ ایڈ کی مرکزی تقریب ایل او ایس میں جاری ہے

ریسکیوذرائع کے مطابق آج کی اس تقریب میں مختلف طبقہ ہائے فکر سے ریسکیو رضاکار کثیر تعداد میں شریک ہوئے ہیں‌،ریسکیو رضاکار تربیت کے عملی مظاہرے کے ساتھ ساتھ فرسٹ ایڈ آگاہی واک بھی کی گئی ہے ،

لاہور : تقدیر کے سامنے تدبیر بے بس ، حکومتی کوششیں بھی بے اثر ہونے لگیں‌ ، ڈینگی بے قابو ہوگیا، اطلاعات کے مطابق لاہور میں ڈینگی نے خطرے کی گھنٹی بجا دی , 24 گھنٹوں کے دوران ڈینگی بخار کے5نئے مریض سامنے آگئے۔مچھروں کی افزائش کیلئے موزوں موسم ہونے کے باعث ڈینگی وائرس کی پیدائش بھی بڑھ گئی

محکمہ صحت حکومت پنجاب کے مطابق پچھلے چوبیس گھنٹوں کے دوران 5 مریضوں میں ڈینگی وائرس کی تصدیق ہوگئی، شالامار ٹاؤن کی رہائشی 69 سالہ زرینہ بی بی اور ڈیفنس فیز فائیو کی رہائشی 23 سالہ رابعہ بی بی کے شالامار ہسپتال میں ٹیسٹوں کے بعد ڈینگی بخار میں مبتلا ہونے کی تصدیق کی گئی۔

ذرائع کے مطابق لاہور کے نیشنل ہسپتال میں ڈیفنس کے رہائشی 77 سالہ محمد منیر، سروسز ہسپتال میں اوورسیز سوسائٹی رائیونڈ روڈ کے رہائشی 28 سالہ عبدالمنان اور حمید لطیف ہسپتال میں ماڈل ٹاؤن کے رہائشی 32 سالہ عدنان خالد کے ڈینگی بخار میں مبتلا ہونے کی تصدیق کی گئی ہے, شہر میں سرکاری طور پر ڈینگی کیسز کی مجموعی تعداد 27 ہوگئی ہے۔

ہارورڈ: اللہ تعالیٰ‌نے انسان کے استعمال کی عام غذاوں میں بھی وہ طاقت اور مدافعت پیدا کردی ہے جو بڑی طاقت ور ادویات میں بھی نہیں‌پاگئی جاتی ، برطانوی طبی ماہرین کا کہنا ہے کہ بلیو بیری سے لے کر شاخ گوبھی تک کئی طرح کے پھل امراض کو روکتے ہیں اور جسمانی دفاعی نظام مضبوط کرتے ہیں۔

عام استمعال کی غذاوں کی افادیت کے بارے میں تحقیقات کرتے ہوئے ہارورڈ یونیورسٹی کے سائنسداں اور غذائی ماہر پروفیسر ولیم لائی نے اپنی نئی کتاب میں ایسی غذاؤں کا تذکرہ کرتے ہوئے کیا ہے جو طاقتور دواؤں کے طور پر کام کرتی ہیں۔

ہارورڈ یونیورسٹی کے سائنسداں اور غذائی ماہر پروفیسر ولیم لائی کا خیال ہے کہ غذا خود بطور دوا استعمال کی جاسکتی ہے کیونکہ پھلوں، سبزیوں اور دیگر سمندری غذاؤں میں دریافت ہونے والے بایو ایکٹیو کیمیکلز اور دیگر مرکبات زبردست تاثیر رکھتے ہیں۔

ہارورڈ یونیورسٹی کے سائنسداں اور غذائی ماہر پروفیسر ولیم لائی نے یہ دعویٰ کیا ہے کہ اگر کوئی شخص آنتوں کے کینسر سے شفایاب ہوگیا ہے اور وہ ہفتے میں 14 اخروٹ کھائے تو مرض دوبارہ لوٹنے کا خدشہ 44 فیصد تک کم ہوجاتا ہے۔ اسی طرح چھاتی کے سرطان میں سویا کا پروٹین بہت مفید ثابت ہوتا ہے۔

ہارورڈ یونیورسٹی کے سائنسداں اور غذائی ماہر پروفیسر ولیم لائی کا کہنا ہے کہ ہمارے استعمال کی عام چیزیں مثلا کیوی، گاجریں اور بیریاں جسم میں شکستہ ڈی این اے کی ٹوٹ پھوٹ کی مرمت کرتی ہیں کیونکہ ڈی این اے کی شکستگی کینسر سمیت کئی امراض کی بنیادی وجہ ہے۔ ڈاکٹر ولیم کہتے ہیں کہ اگر آپ صحت کی نعمت پانا چاہتے ہیں تو ہر سرخ گلابی پھل ضرور کھائیے؛ جن میں انار، تربوز، گلابی امرود اور گریپ فروٹ شامل ہیں۔

ہارورڈ یونیورسٹی کے سائنسداں اور غذائی ماہر پروفیسر ولیم لائی کہتے ہیں‌کہاگر آپ وٹامن اے، بی، سی، ڈی اور ای حاصل کرنا چاہتے ہیں تو پالک، سرخ شملہ مرچ، گاجر، دالیں، لوبیا، مشروم، انڈے اور تیل دار مچھلیاں استعمال کریں۔ ان کا استعمال کسی سپلیمنٹ سے کم نہیں۔کافی اور ہلدی، جسم کے حفاظتی جین کو جگاتی ہیں اور یوں ڈی این اے کی ٹوٹ پھوٹ کو دور کرتی ہیں۔

ہارورڈ یونیورسٹی کے سائنسداں اور غذائی ماہر پروفیسر ولیم لائی نے حد کردی تحقیق کرتے ہوئے یہ دعویٰ کردیا کہ قدرت کی پیدا کی ہوئی کوئی چیز بھی بیکار نہیں بلکہ اس میں بے پناہ خزانے چھپے ہوئے ہیں، پروفیسر ولیم کہتے ہیں‌کہ سرخ اور گہری رنگت کی بیریاں بھی اپنے اندر شفا کا خزانہ رکھتی ہیں۔ دوسری جانب سپرفوڈ میں شاخ گوبھی یا بروکولی بھی کسی سے کم نہیں اور اس میں کئی طرح کے انتہائی مفید اجزا پائے جاتے ہیں۔ اگر صرف 10 روز تک ایک پاؤ بروکولی روزانہ کھائی جائے تو ڈی این اے کو ہونے والے نقصان کا ازالہ ہوسکتا ہے۔

لاہور : لاہوریوں کے لیے ایک نئی آزمائش ، ڈینگی وائرس نے پھر سراٹھا لیا ، اطلاعات کے مطابق لاہور پر ڈینگی کے خطرات منڈلانے لگے، میو ہسپتال میں ڈینگی بخار میں مبتلا ایک اور مریض کی تصدیق ہوگئی، جس کے بعد مجموعی طور پر مریضوں کی تعداد 22 ہوگئی۔

محکمہ صحت پنجاب کے مطابق اس سال ابھی تک لاہور میں رواں برس ڈینگی بخار کے اب تک 22 مریضوں کی سرکاری طور پر تصدیق کی جاچکی ہے تاہم حالیہ موسم میں مریضوں کی تعداد مزید بڑھنے کا خدشہ ہے۔دوسری جانب وزیراعلیٰ کی ہدایت پر جنرل ہسپتال انتظامیہ نے ڈینگی کی تشخیص کیلئے مشین اور دو ٹیکنیشنز راولپنڈی بھجوا دیئے،

ذرائع کے مطابق ملک کے دیگر حصوں کی طرح ڈینگی بخار کے راولپنڈی میں وبائی شکل اختیار کرنے کے باعث جنرل ہسپتال نے بھی آٹو کیمسٹری اینلائزر مشین اور دو ٹیکنیشنز کو وزیراعلیٰ پنجاب کی ہدایت پر راولپنڈی روانہ کیے، جنرل ہسپتال کی ٹیم ڈینگی بخار کی تشخیص کیلئے مریضوں کے ٹیسٹ کرے گی تاکہ ان کا بروقت علاج معالجہ ہوسکے۔

لاہور:اللہ رب العزت معذوری اور بیماری سے سب کو محفوظ رکھیں ، مصرکا ایک لڑکا جو کہ ذہنی مریض ہے ، بھوک لگنے پر چمچ ، کانٹے اور زیورات ہی نگل گیا ، اطلاعات کے مطابق مصر میں ڈاکٹروں کی ایک ٹیم نے دو گھنٹے کے آپریشن کے بعد ایک ذہنی مریض کے پیٹ سے چمچوں، کانٹوں اور زیورات سمیت مختلف اشیاءنکال لیں ہیں ۔

المنصورہ یونیورسٹی کے زیر انتظام طبی مرکز میں ایک 20 سالہ نوجوان کے پیٹ سے 20 چمچے اور کانٹوں کے علاوہ دانتوں کے 6 برش، سونے کی ایک انگوٹھی اور کئی زنجیریں اور بعض عجیب سی اشیاءنکال لی گئیں۔ڈاکٹروں کی ٹیم کے مطابق مذکورہ نوجوان نے یہ چیزیں گزشتہ 6 ماہ کے دوران نگل لی تھیں۔اپریشن کے بعد ذہنی مریض نوجوان کی حالت اب بہتری کی طرف جارہی ہے

مریض کی ماں کو باورچی خانے کی کئی اشیاءاور اپنے بعض زیورات کے غائب ہونے کا علم تھا مگر وہ یہ نہیں جانتی تھی کہ یہ اشیاءاس کے بیٹے نے نگل لی ہیں. لیکن جب نوجوان لڑکےنے پیٹ میں شدید درد کی شکایت کی تو ضروری معائنے اور ایکسرے کے نتیجے مین انکشاف ہوا کہ مریض کے پیٹ میں باورچی خانے میں استعمال ہونے والی اشیاءکے علاوہ سونے کی انگوٹھیاں اور زنجیریں بھی موجود تھیں۔

اسلام آباد:ڈینگی ناراض ہوگیا ، اطلاعات کے مطابق اس وقت ملک بھر میں وبائی شکل اختیار کرگیا ہے ، اطلاعات کے مطابق وفاقی دارالحکومت سمیت مختلف شہروں میں ڈینگی وائرس نے وبائی صورت اختیار کر لی، 2900 سے زاید افراد ڈینگی کا شکار بن گئے۔محکمہ صحت نے 2 مریضوں کی اموات کی بھی تصدیق کر دی ہے، راولپنڈی کی رہایشی نادیہ اور بابر دوران علاج دم توڑ گئے

محکمہ صحت کی طرف سے جاری اعدادوشمار کے مطابق اسلام آباد میں 53 جب کہ پنجاب میں مزید 200 سے زاید افراد میں ڈینگی وائرس کی تصدیق ہو گئی ہے، اب تک ملک بھر میں دو ہزار نو سو سے زاید افراد شکار بن چکے ہیں۔

اسلام آباد سے ملنے والی معلومات کے مطابق صرف پچھلے 24 گھنٹوں میں‌ پمز اسپتال میں 31، پولی کلینک میں 22 افراد میں ڈینگی کی تصدیق ہوئی ہے۔ اس وقت پمز اسپتال میں 32 اور پولی کلینک میں 18 مریض زیر علاج ہیں۔

ڈینگی سے متعلق آگاہی دینے والے ادارے کے مطابق صورت حال اس قدر بگڑ چکی ہے کہ پمز میں اب تک ڈینگی کے 1713، پولی کلینک میں 74 کیسز رپورٹ ہو چکے ہیں، جب کہ پنجاب بھر میں ڈینگی کے 1219 کیسز ریکارڈ ہوئے، چوبیس گھنٹوں میں مزید 133 افراد میں ڈینگی کی تصدیق ہوئی۔
کوہاٹ کی تحصیل لاچی میں 12 افراد میں ڈینگی کی تصدیق ہوئی، پشاور میں ڈینگی سے متاثرہ 25 افراد اسپتال میں داخل ہوئے۔