Category: صحت

لاہور : مریضوں کو بہتر سے بہتر اور بروقت صحت کی سہولیات پہنچانے والے اداروں کی کارکردگی کا جائزہ لینے کا فیصلہ ، اطلاعات کے مطابق محکمہ سپیشلائزڈ ہیلتھ کا ٹیچنگ ہسپتالوں کے کلینیکل آڈٹ کا فیصلہ، آڈٹ کے دوران ڈاکٹر اورعملے کی حاضری چیک کرنے سمیت ہسپتالوں میں موجود سہولیات، طبی مشینری کی دیکھ بھال اور صفائی ستھرائی کا جائزہ لیا جائے گا۔

ذرائع کے مطابق محکمہ سپیشلائزڈ ہیلتھ کی جانب سے لاہور سمیت صوبے بھر کے ٹیچنگ ہسپتالوں کے ایم ایس حضرات کو مراسلہ جاری کردیا گیا، ٹیچنگ ہسپتالوں کے سربراہوں کے نام مراسلے میں کہا گیا ہے کہ کلینیکل آڈٹ کی ٹیمیں جلد کام شروع کر دیں گی۔

سپیشلائزڈ ہیلتھ محکعمے کی طرف سے مراسلے میں کہا گیا ہے کہ ٹیچنگ ہسپتالوں میں ڈاکٹرز اور عملے کی حاضری ، مریضوں کو فراہم کی جانے والی علاج معالجے کی سہولتیں اور علاج کی فراہمی پر مریضوں کے اعتماد کا جائزہ لیا جائے گا، کلینیکل آڈٹ میں ہسپتالوں کے پاس دستیاب طبی مشینری اور املاک کی دیکھ بھال، صفائی سمیت انتظامیہ کی مجموعی کارکردگی کا بھی احاطہ کیا جائے گا

لاہور: ڈینگی مچھر کے خاتمے کے لیے کیا اقدامات کیا ، محکمہ تعلیم نے رپورٹ طلب کرلی ، اطلاعات کے مطابق محکمہ تعلیم نے سکولوں میں ڈینگی تدارک کیلئے مانیٹرنگ افسران کو آن لائن رپورٹنگ کرنے کی ہدایت کردی، مانیٹرنگ افسران کیلئےدورہ کےدوران سکول کی صفائی ستھرائی کی دو تصاویرویب سائٹ پرلازمی اپ لوڈکرنا ہونگی۔

سکول ڈیپارٹمنٹ ذرائع کے مطابق احکامات سکولوں میں ڈینگی تدارک کیلئے مستقل اقدامات نہ کیے جانے پر جاری کیے گئے ہیں، جس کے مطابق مانیٹرنگ افسران دورے کے دوران سکول کی صفائی ستھرائی کی تصاویر لازمی لیں گے۔

محکمہ تعلیم کی طرف سے جاری حکم نامے میں کہا گیا ہے کہ ایم اوز کو ہر سکول سے کم از کم دو تصاویر اپ لوڈ کرنا لازمی ہوگا، مراسلہ میں مزید کہا گیا ہے کہ احکامات پر عملدرآمد نہ کرنے پر متعلقہ ایم اوز کے خلاف کاروائی کی جائے گی۔

پیرس:کولڈ ڈرنک پینے والوں کے لیے ایک حوالے سے بری خبر کہ کولڈ ڈرنک پینے والوں کو موت کے خطرات بڑھ جاتے ہیں لیکن دوسری طرف اچھی خبر اس لیے کہ آخر ماہرین نے کولڈ ڈرنک پینے والوں کو نقصانات سے آگاہ کرکے اس سے بچنے کا موقع فراہم کردیا ہے. اس حوالے سے دس یورپی ممالک میں 451,000 افراد پر بیس سال تک کی گئی ایک تحقیق میں انکشاف ہوا ہے کہ روزانہ کولڈ ڈرنک پینے والوں کی زندگی کم ہوجاتی ہے اور ان کےلیے ناگہانی موت کا خطرہ، کبھی کبھار کولڈ ڈرنک پینے والوں کے مقابلے میں بہت زیادہ ہو جاتا ہے۔

تفصیلات میڈیکل ریسرچ جرنل ’’جاما انٹرنل میڈیسن‘‘ کی طرف سے جاری کیے گئے اعدادوشمار کی بات کریں تو روزانہ دو یا دو سے زیادہ بوتل کولڈ ڈرنک پینے والے لوگوں کی اوسط عمر، مہینے میں ایک سے دو بار کولڈ ڈرنک پینے والوں کے مقابلے میں 16 سال تک کم ہوجاتی ہے جبکہ ان میں ناگہانی موت واقع ہونے کا خطرہ بھی غیرمعمولی طور پر زیادہ ہوتا ہے۔ تشویش کی بات یہ ہے کہ ’’شوگر فری‘‘ یا ’’ڈائٹ‘‘ اور شکر والی کولڈ ڈرنک، دونوں کے اثرات میں بہت زیادہ فرق نہیں دیکھا گیا، جس سے اندازہ ہوتا ہے کہ شاید اس کی وجہ شکر نہیں بلکہ وہ دوسرے اجزاء ہیں جو کولڈ ڈرنک کی تیاری میں بنیادی اہمیت رکھتے ہیں؛ البتہ ابھی اس کی تصدیق نہیں ہوسکی ہے۔

میڈیکل ریسرچ جرنل ’’جاما انٹرنل میڈیسن‘‘ کی تحقیقات سے یہ بھی معلوم ہوا کہ طویل عرصے تک زیادہ کولڈ ڈرنک پینے والے لوگ کولون کینسر اور پارکنسن کے علاوہ مختلف دماغی امراض کے باعث اپنی زندگی سے ہاتھ دھو سکتے ہیں؛ دل اور شریانوں کی کوئی بیماری ان کی جان لے سکتی ہے؛ جبکہ وہ پیٹ کی کسی جان لیوا بیماری کا شکار بھی بن سکتے ہیں۔ یعنی کسی بھی طبّی وجہ سے ان کی ناگہانی موت کے امکانات، کولڈ ڈرنک نہ پینے والے افراد کے مقابلے میں واقعی بہت زیادہ ہوتے ہیں۔اس تحقیق کی تفصیلات میڈیکل ریسرچ جرنل ’’جاما انٹرنل میڈیسن‘‘ کے تازہ شمارے میں شائع ہوئی ہیں۔

لاہور : لاہور ہائی کورٹ میں سرکاری ہپستالوں سے متعلق حکومتی فیصلے کے خلاف درخواست دائر کردی گئی ، درخواست میں مفت علاج اورٹیسٹ کی سہولت ختم کرنےپرقانونی اعتراضات اٹھائےگئے، یہ درخواست رانا سکندر کی طرف سے لاہور ہائی کورٹ میں دائر کی گئی ہے

·
ذرائع کے مطابق پنجاب حکومت کی طرف سے سرکاری ہسپتالوں میں مفت علاج اور ٹیسٹوں کی سہولت ختم کرنے کا اقدام کو لاہور ہائی کورٹ میں چیلنج کردیا گیا ہے. اطلاعات کے مطابق درخواست گزار رانا سکندر نے موقف اختیار کیا کہ حکومت نے غریب آدمی سے سرکاری ہسپتالوں سے مفت علاج اور مفت ٹیسٹوں کی سہولت واپس لے کر ظلم کیا ہے. عدالت نے اس درخواست پر حکومت کو نوٹس جاری کردیا ہے،

وزیراعلیٰ پنجاب نے راولپنڈی میں ڈینگی کے مریضوں میں اضافے پر تشویش کا اظہار کیا۔ عثمان بزدار نے کہا کہ ڈینگی کے مرض پر قابو پانے کے لئے فیلڈ میں عملی اقدامات واضح طور پر نظر آنے چاہیے۔وزیر اعلی نے سیکرٹری صحت سے ڈینگی کے مرض پر کنٹرول کیلئے کئے جانے والے اقدامات کے بارے میں رپورٹ طلب کر لی۔

ذرائع کے مطابقرراوالپنڈی میں ڈینگی وائرس سےایک 60 سالہ خاتون جانبحق ہوگئی تھی ، یہ ڈینگی مریضہ بے نظیرا سپتال میں زیرعلاج تھیں ، یاد رہے کہ راوالپنڈی سے ذرائع کے مطابق ڈینگی سے متاثرہ افراد کے بارے میں یہ خبریں گردش کررہی ہیں‌کہ بڑی تعداد میں‌شہری ڈینگی وائرس سے متاثر ہیں

کوئٹہ:17 ماہ کےبچے میں‌پولیو وائرس کی موجودگی نے محکمہ صحت کی کارکردگی پر سوالیہ نشان لگا دیا ، اطلاعات کےمطابق قلعہ عبداللہ میں 17 ماہ کے بچے میں‌ پولیو وائرس کی تصدیق ہوگئی ہے ، محکمہ صحت کے حکام کا کہنا ہے بچےکےوالدین پولیوویکسین پلانےسےانکاری تھے

·
ذرائع کےمطابق قلعہ عبداللہ میں17ماہ کےبچےمیں پولیووائرس کی تصدیق کے بعد صوبائی حکومت نے ہنگامی طور پر اس علاقے میں‌پولیوویکسین نہ پلانے والے والدین کا ڈیٹا اکھٹا کرنے کے احکامات دیے دیئےگئے ہیں،محکمہ صحت کے حکام نے پولیوکے حوالے سے جو نئے احکامات دیئے ہیں‌ان کے مطابق ویکسین نہ پلانے والے والدین بچے کی صحت کے ذمہ دار ہوں‌گے