پی سی بی اور انگلش بورڈ کے متعصبانہ سلوک کے خلاف صحافیوں کا احتجاج
باغی ٹی وی : برطانیہ میں مقیم پاکستانی صحافی منگل کو ایجبسٹن کرکٹ گراؤنڈ میں پاکستان اور انگلینڈ کے مابین تیسرے ایک روزہ انٹرنیونل کے آغاز سے قبل احتجاج کریں گے۔
پاکستان کرکٹ بورڈ اور انگلش کرکٹ بورڈ کے متعصبانہ اور امتیازی سلوک کے خلاف بیرون ملک مقیم پاکستانی صحافی ایکشن کمیٹی کے مطالبہ پر احتجاج کیا جائے گا۔
برطانیہ میں پاکستانی صحافی نے پاکستان انگلینڈ سیریز کو کور کرنے کے لئے منظوری سے انکار کیا۔ ای سی بی عہدیدار کا کہنا ہے کہ انہوں نے پی سی بی کی سفارش پر 5 صحافیوں کو کور کرنے کی اجازت دی ۔
صحافی تنظیموں کی طرف سے کہا گیا کہ مرکزی دہارے میں شامل پاکستانی میڈیا تنظیموں کے کسی بھی ورکنگ جرنلسٹ کو کام نہ کرنے کا کہنا تھا ایک سنگین مسئلہ ہے ۔
اس احتجاج میں تمام پاکستانی صحافی تنظیمیں لندن مانچسٹر بریڈ فورڈ اور برمنگھم سے شرکت کریں گی
وزیر خارجہ کی تاجک ہم منصب سے ملاقات ، تعلقات کو مزید مستحکم کرنے کا عزم
باغی ٹی وی : شنگھائی تعاون تنظیم (ایس سی او) کے وزرائے خارجہ کی کونسل اجلاس کے موقعہ پر وزیر خارجہ کی تاجک وزیر خارجہ سے ملاقات ہوئی .
وزیر خارجہ شاہ مخدوم شاہ محمود قریشی نے آج دوشنبہ میں شنگھائی تعاون تنظیم (ایس سی او سی ایف ایم) کے وزرائے خارجہ کی مجلس عاملہ کے اجلاس کے موقع پر ، تاجکستان کے وزیر خارجہ ، سرجو الدین محددین سے دوطرفہ ملاقات کی۔
تاجکستان کے صدر کے حالیہ دورہ پاکستان کو یاد کرتے ہوئے ، دونوں وزرائے خارجہ نے دونوں رہنماؤں کے وژن کے مطابق دوطرفہ تجارت کو مزید فروغ دینے ، علاقائی رابطے کو فروغ دینے اور عوام سے عوام کے تعلقات کو مضبوط بنانے کا عزم کیا۔
دونوں وزرائے خارجہ نے دو طرفہ تعلقات کا جائزہ لیا ، خاص طور پر مشترکہ وزارتی کمیشن کی بحالی اوار پارلیمانی روابط میں اضافہ ، کاسا 1000 کی جلد تکمیل پر بھی غور کیا ۔
وزیر خارجہ قریشی نے علاقائی رابطے کی اہمیت پر زور دیا۔ ٹرانزٹ ٹریڈ میکانزم اور دونوں ممالک کے مابین تعلیم اور سیاحت کے شعبوں میں تعاون پر اتفاق کیا.
انہوں نے افغانستان کی حالیہ ترقی پذیر صورتحال پر بھی تبادلہ خیال کیا۔ وزیر خارجہ قریشی نے افغانستان میں پائیدار امن و استحکام کے حصول کے لئے اپنے تاجک ہم منصب پاکستان کے سہولت کار کے کردار سے آگاہ کیا۔ وزیر خارجہ نے اس بات کا اعادہ کیا کہ افغانستان میں ایک جامع ، وسیع البنیاد اور جامع سیاسی تصفیہ کے سوا کوئی دوسرا راستہ نہیں ہے۔ انہوں نے اس امید کا اظہار کیا کہ افغان رہنما صورتحال کی فوری ضرورت کو تسلیم کریں گے اور تاریخی موقع سے فائدہ اٹھائیں گے۔ وزیر خارجہ نے پرامن ، متحدہ ، مستحکم اور خوشحال افغانستان کے لئے پاکستان کی مستقل حمایت کا اعادہ کیا۔
وزیر خارجہ قریشی نے اس سال تاجک چیئر کے تحت شنگھائی تعاون تنظیم کی کامیاب ذمہ داری پر اپنے تاجک ہم منصب کو مبارکباد پیش کی جس میں شنگھائی تعاون تنظیم سمیت کثیرالجہتی شعبے میں دونوں ممالک کے مابین قریبی تعاون کی تعریف کی۔ روابط کو بڑھانے پر اتفاق کیا گیا.
بالی ووڈکے لیجنڈری اداکار یوسف خان المعروف دلیپ کمار 98 سال کی عُمر میں 7 جولائی کو انتقال کر گئےتھے ان کی رسم چہلم کا اعلان کر دیا گیا ہے-
باغی ٹی وی : بالی ووڈ کے’’شہنشاہ جذبات‘‘ کہلائے جانے والے اداکار یوسف خان المعروف دلیپ کمار کو سانس لینے میں دشواری کے باعث ممبئی کے ہندوجا اسپتال منتقل کیا گیا تھا اور اسی اسپتال میں انہوں نے اپنی زندگی کی آخری سانس لی تھی
گزشتہ دو دنوں سے ان کی حالت میں بہتری آرہی تھی۔ دلیپ صاحب کے مینجر نے تمام لوگوں سے ان کی صحت یابی کی دعا کرنے کے لیے بھی کہا تھا۔ تاہم دلیپ صاحب جانبر نہ ہوسکے اوربالی ووڈ کے ’’ٹریجڈی کنگ‘‘ دلیپ کمار نے 7 جولائی بروز بدھ کی صبح 7:30 بجے ممبئی کے کھار ہندوجا اسپتال میں اپنی زندگی کی آخری سانس لی تھی-
دلیپ کمار کے انتقال کی خبر اُن کے تصدیق شدہ ٹوئٹر اکاؤنٹ پر اُن کے ترجمان فیصل فاروقی کی جانب سے دی گئی تھی سماجی رابطے کی ویب سائٹ ٹوئٹر پر جاری کیئے گئے افسوسناک پیغام میں بتایا گیا تھا کہ ’انتہائی دل اور گہرے رنج و غم کے ساتھ، میں یہ اعلان کررہا ہوں کہ ہمارے دلیپ کمار صاحب کچھ دیر قبل انتقال کرگئے ہیں۔
فیصل فاروقی نے مزید لکھا تھا کہ ’بے شک! ہمیں خُدا نے اس دُنیا میں بھیجا ہے اور ہمیں لوٹ کر اُسی کی طرف جانا ہے۔
تاہم اب اداکار کی رسم چہلم کا کارڈ سوشل میڈیا پر گردش کر رہا ہے جس کے مطابق یوسف خان المعروف دلیپ کمار کے ایصال و ثواب کے لئے مجلس چہلم 26 اگست بروز جمعرات کو بھارتی تائم کے مطابق 7:30 بجے پاکستانی ٹائم کے مطابق 7:00 بجے اور یو اے ای ٹائم کے مطابق 6:30 بجے انڈیا گیٹ تاج ہوٹل ممبئی میں کی جائے گی –
رسم چہلم آن لائن بھی ہو گی جہاں مرحوم دلیپ کمار کے مداح بھی قرآن خوانی اور دعا مین شامل ہو سکیں گے چہلم کی دعا مولانا منظر علی عارفی کرائیں گے-
رسم چہلم میں دلیپ کمار کے سوگواران میں اداکار کی اہلیہ سائرہ بانو، شاہ رخ خان اور ریاض حسن شامل ہیں-
سی آئی اے ڈائریکٹر نے چنئی پر پاکستان کی سابق وزیر اعظم مرحومہ بے نظیر بھٹو کے قتل کا الزام لگایا ہے-
باغی ٹی وی : سوشل میڈیا پر رروس کے ٹی وی چینل کو دیا گیا سی آئی اے کے ڈائریکٹر کے انٹر ویو کا ایک ویڈیو کلپ گردش کر رہا ہے جس میں دیکھا جاسکتا ہے کہ سی آئی اے ڈائریکٹر شو کے میزبان کی جانب سے پوچھے گئے سوال پر بتاتے ہیں کہ انہیں یو ایس کی آفیشل تحقیقاتی ٹیم نے سنسنی خیز انکشاف کیا ہے کہ پاکستان کی سابقہ وزیر اعظم محترمہ بے نظیر بھٹو کے قتل کے پیچھے ڈک چنئی کا ہاتھ ہے-
روس ٹوڈے کو دیئے گئے انٹرویو میں سی آئی اے کے ڈائریکٹر نے چنئی پر 8 سال کانگریس کے فریب کا حکم دینے کا الزام بھی عائد کیا –
رچرڈ ڈک چنئی ایک امریکی سیاستدان اور بزنس مین ہیں جنہوں نے 46 ویں نائب کی حیثیت سے خدمات انجام دیں انہوں نے انٹیلی جنس کمیونٹی پر انٹیلی جنس مہیا کرنے کے لئے بھی دباؤ ڈالا چینی صدر کے معاون تھے اور وہائٹ ہاؤس کے ڈپٹی چیف آف اسٹاف تھے انہوں نے براہ راست احکامات پر کانگریس کی جانب سے انسداد دہشت گردی کے خفیہ پروگرام کے بارے میں آٹھ سالوں سے متعلق معلومات کو روک دیا تھا
اس حوالے سے نیو یارک ٹائمز کی رپورٹ کے مطابق سنٹرل انٹیلی جنس ایجنسی نے سابق نائب صدر ڈک چنئی کے براہ راست احکامات پر کانگریس کی جانب سے انسداد دہشت گردی کے خفیہ پروگرام کے بارے میں آٹھ سالوں سے متعلق معلومات کو روک دیا تھا ایجنسی کے ڈائریکٹر لیون ای پنیٹا نے سینیٹ اور ہاؤس انٹیلی جنس کمیٹیوں کو بتایا تھا دو افراد جن کے بارے میں براہ راست علم تھا۔
مسٹر چنئی کی اس رپورٹ کے پیچھے جو کانگریس کی جانب سے نامعلوم پروگرام کو چھپانے کے فیصلے کے پیچھے تھا اس نے اس راز کو مزید گہرا کردیا ، جس میں بتایا گیا تھا کہ بش انتظامیہ نے اس پروگرام اور اس کے خفیہ راز کو ایک اولین ترجیح دی ہے۔
مسٹر پنیٹا ، جنہوں نے 23 جون 2009 کو جب ماتحت اداروں سے اس کے وجود کے بارے میں سب سے پہلے معلوم کیا تو اس نے تردید کی ، اگلے دن علیحدہ علیحدہ خفیہ اجلاسوں میں دونوں انٹیلی جنس کمیٹیوں کو اس کے بارے میں آگاہ کیا رشتہ داروں اور ساتھیوں کے توسط سے چنئی تک پہنچنے کی کوششیں ناکام ہوئیں۔
یہ سوال کس طرح مکمل طور پر C.I.A. ڈیموکریٹس اور ریپبلیکنز نے مئی سے ہی کانگریس کو حساس پروگراموں کے بارے میں گرما گرم تنازعہ کا سامنا کرنا پڑا ہے ، جب اسپیکر نینسی پلوسی 2002 میں ایجنسی پر یہ انکشاف کرنے میں ناکام رہا ہے کہ وہ دہشت گردی کے ملزم کو واٹر بورڈنگ کررہا ہے ، اس دعوے کو مسٹر پنیٹا نے مسترد کردیا تھا-
ارب پتی رچرڈ برنسن خلائی سیاحت کے کامیاب سفر کے بعد زمین پر واپس آگئے ہیں۔
باغی ٹی وی : ورجن گلیکٹک خلائی جہاز پر سوار تین دیگر مسافروں اور دو کمانڈروں کے ہمراہ انہوں نے کچھ منٹ خلا میں گزارے توقع ہے کہ یہ سفر ابھرتی خلائی سیاحت کی حوصلہ افزائی کا باعث بنے گا۔
پرواز کے دوران برنسن نے کہا کہ یہ مہم جوئی زندگی کے ایک عظیم تجربے کی نمائندگی کرتی ہے۔یہ خلائی جہاز امریکا کی نیو میکسیکو ریاست میں اسپیس پورٹ خلا کے لیے روانہ ہوا۔ اس نے تقریبا 50 منٹ تک خلا میں سفر کیا۔
برنسن نے اعلان کیا کہ وہ ورجن گیلیکٹک ہولڈنگز انک کے لیے ٹیسٹ فلائٹ پر جائیں گےانہوں نے ایک ہفتہ قبل اس وقت یہ اعلان کیا تھا جب ان کی عمر71 سال ہوگئی تھی۔
برنسن کی پرواز کےصرف نو روز بعد خلائی سیاحت کی دوڑ میں ایمیزون کے بانی جیف بیزوس 20 جولائی کو خلا سفر پر جا رہے ہیں وہ بلیو اوریجن خلائی جہاز میں خلا میں جائیں گے۔
سفر کا فیصلہ امریکا سے منظوری کے بعد کیا گیا ورجن گیلیکٹک کی فیڈرل ایوی ایشن ایڈمنسٹریشن فیس ادا کرنے والے مسافروں کو لے جاتی ہے برنسن ورجن کے وی ایس ایس یونٹی خلائی جہاز پر سوار ہوئےاس کے ٹیک آف سے لینڈنگ تک کوئی 90 منٹ لگے۔
یہ پرواز نیشنل ایروناٹکس اینڈ اسپیس ایڈمنسٹریشن کی وضع کردہ خلائی لائن کے قریب پہنچ گئی۔ اس لائن کو "کرمان لائن” کہا جاتا ہے جو زمین کی سطح سے 100 کلومیٹر دور ہے۔
خیال رہے کہ متعدد بار تاخیر، ایلون مسک اور جیف بیزوز سے سخت مسابقت کے بعد ورجین گلیکٹک کا یونٹی 22 مشن کامیاب ہوا اس سے قبل بلیو اوریجن نے اپنی پہلی انسانی پرواز 20 جولائی کو بھیجنے کا اعلان کیا تھا جس میں جیف بیزوز بھی شامل ہوں گے تاہم اس اعلان کے فوری بعد ورجن گلیکٹک نے 11 جولائی کو اپنی پہلی پرواز بھیجنے کا اعلان کیا۔
رچرڈ برانسن رچرڈ برانسن کی خلا میں یہ پرواز ورجین کی اہم کامیابی ہے کیونکہ یہ اسپیس شپ 2 کا پہلا مکمل ٹیسٹ بھی تھا اور اس سے کمرشل خلائی پروازوں کا راستہ کھل جائے گاکمپنی کی جانب سے 2022 سے خلائی پروازوں کو شروع کیے جانے کا امکان ہے۔
رچرڈ برانسن نے اس کمپنی کی بنیاد 2004 میں رکھی تھی اور انہیں توقع تھی کہ 2009 میں لوگوں کو خلا کی سیر کرانے کا آغاز ہوسکتا ہے، مگر اس سسٹم کی تیاری مشکل ثابت ہوئی جبکہ مالی اخراجات زیادہ اور 2014 کی تجرباتی پرواز جان لیوا ثابت ہوئی۔
تاہم 17 سال کی کوششوں کے بعد یہ کمپنی توقع کررہی ہے کہ اب اسے کامیابی مل سکے گی جو اب تک سیکڑوں افراد کو 2 سے ڈھائی لاکھ ڈالرز کے ٹکٹ فروخت کرچکی ہے۔
امریکا کی ریاست نیو میکسیکو سے سیاحوں یا سائنسی محققین کو اس اسپیس شپ سے خلا میں بھیجا جائے گا جہاں وہ چند منٹ تک بے وزنی، بالائی خلا سے زمین کے مسحور کن نظارے اور محفوظ لینڈنگ کے تجربے سے گزر سکیں گے۔
بالی ووڈ کے سینئر اداکار مادھو موغے 68 سال کی عُمر میں انتقال کر گئے-
باغی ٹی وی : بھارتی میڈیا رپورٹس کے مطابق مادھو موغے گزشتہ کئی سال سے پھیپھڑوں کے کینسر میں مبتلا تھے حال ہی میں مادھو موغے کی طبعیت مزید بگڑ گئی تھی جس کے بعد وہ گزشتہ روز زندگی کی جنگ ہار گئے اور اس دُنیا سے کوچ کر گئے۔
مادھو موغے کی موت پر بالی ووڈ اسٹارز سمیت دیگر بھارتی فنکاروں کی جانب سے شدید افسوس کا اظہار کیا جارہا ہے۔
واضح رہے کہ مادھو موغے نے فلم ’پارٹنر‘، ’گھاتک‘ اور ’دامنی‘ سمیت دیگر بھارتی فلموں میں کام کیا ہے دوسری جانب مادھو موغے کو مختلف اداکاروں کی نقل اُتارنے پر بھی بہت شہرت ملی تھی مادھو موغے اکثر و بیشر ٹی وی شوز میں بالی ووڈ کی مقبول ترین فلم ’شعلے‘ کا کردار ’ٹھاکُر‘ کی نقل اُتارا کرتے تھے۔
خیال رہے کہ حال ہی میں بالی ووڈ کے لیجنڈری اداکار دلیپ کمار بی 98 سال کی عمر میں کر گئے دلیپ کمار کے انتقال کی خبر اُن کے تصدیق شدہ ٹوئٹر اکاؤنٹ پر اُن کے ترجمان فیصل فاروقی کی جانب سے دی گئی۔
بالی ووڈ مین کئی مسلمان فنکاروں نے اپنا نام بدل کر شوبز دنیا میں خوب نام بنایا-
باغی ٹی وی : فلم جوار بھاٹا سے اپنے کیرئیر کی شروعات کرنے والے لیجنڈری بالی ووڈ اداکار دلیپ کمار ہی واحد مسلم نہیں تھے جنہوں نے اپنا نام بالی ووڈ میں یوسف کان سے اپنا نام دلیپ کمار تبدیل کیا تاہم دلیپ کمار ہی واحد شخص نہیں تھے جنہوں نے بالی ووڈ کے لئے اپنا نام تبدیل کیا تھا بلکہ اور بھی مسلم فنکار ہیں جنہوں نے اپنا اصل نام تبدیل کر کے ہندو نام رکھا تھا-
مینا کماری: ٹریجڈی کوئین مینا کماری بھی ان فنکاروں میں سے ایک ہیں ان کا اصل نام ماہ جبین تھا 1933ء میں ممبئی میں پیدا ہوئیں۔ 1939ء میں فلم ہدایت کار وجے بھٹ کے کہنے پر اداکارہ نے اپنا نام ’بے بی مینا‘ رکھا تاہم بعد میں ان کا یہ نام بھی بدل کر ’مینا کماری‘ ہوگیا۔ان کی شخصیت اور اداکاری کو دیکھتے ہوئے لوگوں نے گرودت کا نسوانی اوتار اور بالی ووڈ کی سنڈریلا بھی کہا جاتا تھا۔ان کا فلمی کیرئر 1939ء تا 1972ء رہا۔
مینا کماری کی سوانح عمری کے مصنف ونود مہتا کو کسی ڈائریکٹر نے بتایا کہ “ ٹریجڈی کنگ دلیپ کمار بھی ان کے سامنے سنجیدگی برقرار نہیں رکھ پاتے تھے۔ راج کمار اکثر ان کے سامنے اپنے ڈائیلاگ بھول جایا کرتے تھے۔ مدھوبالا بھی مینا کماری کی مداح تھی اور کہا کرتی تھی کہ “مینا کماری کی جیسی آواز کسی کی نہیں ہے۔ ستیہ جیت رائے نے مینا کماری کی یوں تعریف کی “بلا شبہ وہ سب سے زیادہ ذہین اداکارہ تھی۔“ امیتابھ بچن نے کہا “مینا کماری جس طرح ڈائلاگ بولتی تھی اس طرح کوئی بھی کبھی نہیں بول سکتا ہے، آج تک کوئی نہیں بول سکا ہے اور شاید کبھی کوئی بول نہیں سکتا ہے“۔
مدھوبالا: پشتو فیملی میں پیدا ہوئی مدھو بالا کا ممتاز جہاں دہلوی ہے سن 1933ء میں پاکستان کے شہر صوابی میں پیدا ہوائیں۔ اپنی خوبصورتی اور منفرد انداز کی وجہ سے انہیں ’مدھو بالا‘ کہا گیا۔ مدھو بالا اپنے وقت کی خوبصورتی ترین اداکاراؤں میں سے تھیں۔1950 سے 1960ء کے عشرے کی انتہائی خوبصورت اور ہمہ جہت خوبیوں سے مالا مال اداکارہ مدھو بالا نے اپنی فلمی زندگی کا سفر نو سال کی عمر سے شروع کیا تھا۔ 1950 کے عشرے میں وہ سب سے زیادہ مقبول اور معاوضہ لینے والی اداکارہ تھیں-
مدھو بالا نے دو دہائیوں کے فلمی سفر میں 73 بالی ووڈ فلموں میں کام کیا میڈیا میں مدھو بالا کو ہندوستانی سینما کی سب سے زیادہ خوبصورت اور بااثر شخصیت مانا جاتا ہے مدھو بالا کا فلمی سفر جتنا کامیاب رہا ان کی اپنی ذاتی زندگی اتنی ہی ناکام رہی۔ انہوں نے اپنے دور کے کامیاب اداکار اور شہنشاہ جذبات دلیپ کمار سے محبت کی۔ چھ سال تک ان کے درمیان میں دوستی رہی لیکن مدھو بالا کے والد عطاء اللہ خان گنڈہ پور کو ان کی دوستی پسند نہیں آئی اور یہ حسین جوڑی ٹوٹ گئی۔ اس کے بعد مدھو بالا نےگلوکار کشور کمار سے شادی کی لیکن کم عمری میں ہی 1969ء میں ان کا انتقال ہو گیا۔
اجیت :دنیا انہیں لائن کے نام سے جانتی ہے لیکن بہت کم لوگ ایسے ہیں جو ان کے اصلی نام کو جانتے ہیں فلم ’بے قصور‘ کی پروڈکشن کے دوران پروڈیوسر کے ارنتھ نے اداکار حامد علی خان کا نام ’اجیت‘ رکھا حامد علی خان نے اجیت نام سے فلم انڈسٹری میں بہت نام کمایا۔ہندی فلموں می اپنے منفی کرداروں کی وجہ سے پہچانے گئے۔ ان کے ڈائیلاگ مثلاً فلم ’زنجیر‘ میں ’للی ڈونٹ بی سلی‘، ’یادوں کی بارات‘ میں ’مونا ڈارلنگ‘ اور فلم ’کالی چرن‘ میں ’دنیا مجھے لائن کے نام سے جانتی ہے ‘ کافی مقبول ہوئے۔ ان کی مقبول فلموں میں ہوں نئے ’زنجیر‘، ’یادوں کی بارات‘، ’کالی چرن‘، ’مسٹر نٹورلال‘، ’مغلِ اعظم‘، ’نیا دور‘، ’کھوٹے سکے ‘، ’چرس‘، ’رام بلرام ‘، ’رضیہ سلطان‘، ’راج تلک‘، ’جگر‘ اور ’شکتی مان‘ بہت مقبول ہوئیں۔ انہوں نے تقریباً چار دہائیوں میں دو سو سے زائد فلموں میں کام کیا۔
جونی واکر : گرودت کو جونی واکر کا اصلی نام بد رالدین جمال الدین قاضی کچھ خاص پسند نہیں آیا اسی لئے انہوں نے ان کو جونی واکر نام دے دیا-
جگدیپ: مزاحیہ اداکار اور فلم شعلے کے سورما بھوپالی جگدیپ کا اصل نام سید اشتیاق احمد جعفری تھا۔ جگدیپ نے اپنے کیریئر کا آغاز بطور چائلڈ آرٹسٹ فلم میکر بی آر چوپڑہ کی فلم افسانہ سے کیا تھا۔ اور پھر کئی فلموں میں انہوں نے لیڈ رول بھی نبھایا اس کے بعد انہوں نے کئی یادگار فلموں میں کام کیا 1957ء میں بمل رائے کی فلم دو بیگھہ زمین ان کے کیریئر کی بہترین ثابت ہوئی اور یہاں ہی سے ان کے کامیڈی دور کا آغاز ہوا لیکن فلم ہدایت کار بمل رائے کی درخواست پر انہوں نے اپنا نام تبدیل کیا ان کی یادگار فلموں میں شعلے، انداز اپنا اپنا، افسانہ، آر پار اور دیگر شامل ہیں۔ رمیش سپی کی شہرہ آفاق فلم شعلے میں سورما بھوپالی کا کردار آج بھی لوگ اتنا ہی پسند کرتے ہیں جتنا اس وقت جب یہ فلم ریلیز ہوئی تھی فلم شعلے کے علاوہ وہ امیتابھ بچن کی فلم شہنشاہ، فیروز خان کی مشہور فلم قربانی، بلاک بلاسٹر فلم لیلیٰ مجنوں جیسی کئی ہٹ فلموں میں نظر آئے۔انہوں نے اپنے فلمی کیریئر کا آغاز بچپن میں بی آر چوپڑا کی فلم ’افسانہ‘ میں 1951ء سے کیا تھا اداکار نے 400 سے زائد فلموں میں اداکاری کے جوہر دکھائے-
ارجن:مسلم اداکار فیروز خان نے بی آر چوپڑا کی پروڈکشن ’مہا بھارتہ‘ میں ’ارجن‘ کا کردار ادا کیا تھاا مہا بھارتہ کی کامیابی نے انہیں اسکرین پر نام بنانے میں مدد دی اور اداکارہ ’ارجن‘ کے نام سے مشہور ہوئے-
سنجے خان: فیروز خان کے بھائی شاہ عباس خان نے اپنا نام بدل کر سنجے خان رکھ لیا انہوں نے اپنے فلمی کیریئر کا آغاز فلم ’دوستی‘، ’حقیقت‘ اور ’دس لاکھ‘ سے کیا۔ شروعات میں انہیں ’خان‘ کہہ کر پکارا جانے لگا لیکن کچھ ہی عرصے بعد وہ ’سنجے‘ کے نام سے مشہور ہوئے۔
جایانت: امجد خان نے والد جایانت خان نے بالی ووڈ میں ڈیبیو سے پہلے وجے بھٹ کے کہنے پر اپنا نام اپنا نام زکریا خان سے جایانت کر دیا -زکریا خان 1915ء میں پشاور میں ایک پختون گھرانے میں پیدا ہوئے زکریا خان نے 1935ء میں فلم ’لال چیتا‘ سے اپنے کیریئر کا آغاز کیا-
نمی: 50 اور 60 کی دہائی کی مشیقر اداکارہ نمی کا اصل نام نواب بانو تھا انہوں نے بالی ووڈ میں ڈیبیو کی وجہ سے اپنا نام تبدیل کیا تھا بعد ازاں انہوں نے نمی نام سے خوب شہرت حاصل کی اور ایک کامیاب اداکارہ بنیں-
بھارت میں القاعدہ سے تعلق رکھنے والے دو افراد کو گرفتار کیا گیا ہے
بھارتی ریاست اترپردیش کے دارالحکومت لکھنو کے علاقے کاکوری میں انسداد دہشت گردی سکواڈ نے کاروائی کی ہے اور القاعدہ سے تعلق رکھنے والے دو افراد کو گرفتار کرنے کا دعویٰ کیا ہے، خبر رساں ادارے کے بعد انسداد دہشت گردی سکواڈ نے شک کی بنیار پر گھر کی تلاشی لی، اس دوران قریبی گھروں کو خالی کرا لیا گیا تھا، آپریشن میں بڑی تعداد میں کمانڈوز نے حصہ لیا، بم ڈسپوزل سکواڈ کو بھی طلب کیا گیا تھا
انسداد دہشت گردی سکواڈ نے گھر سے دو افراد کو گرفتار کیا ہے جن کا تعلق القاعدہ سے بتایا جا رہا ہے، گھر سے بھاری مقداد میں بارود اور دیگر اشیا بھی برآمد کی گئی ہیں،جس مکان پر چھاپہ مارا گیا وہ شاہد نامی شخص کا ہے جس نے کرائے پر دے رکھا تھا، پولیس نے مالک مکان کو بھی گرفتار کر لیا ہے اور القاعدہ سے تعلق رکھنے والے دو افراد کو گرفتار کرنے کے بعد تحقیقات کے لئے نا معلوم مقام پر منتقل کر دیا ہے
پولیس کا کہنا ہے کہ ابتدائی طور پر کچھ نہیں کہہ سکتے کہ انکا ٹارگٹ کیا تھا تا ہم جونہی تحقیقات مکمل ہوں گی سب بتا دیا جائے گا
افغانستان میں حکومتی فورسز اور طالبان میں جھڑپیں جاری ہیں طالبان نے افغانستان کے مزید 2 اضلاع پر قبضہ کرلیا ہے-
باغی ٹی وی: پل خمری، تعلقان ، قلعہ نو، شبرخان، میدان شہر، غزنی، قندھار اورلشکرگاہ میں لڑائی جاری ہے افغان صوبہ نمروزکے شہردل آرام میں کار بم دھماکہ ہو جس کے نتیجے میں افغان سیکیورٹی فورسزکے15اہلکارہلاک ہو گئے ہیں-
واضح رہے کہ غزنی اور قندھار سمیت کئی بڑوں شہروں پر قبضہ کے لیے گھمسان کا رن جاری ہے، کابل سمیت کئی بڑے شہروں میں بے یقینی کی صورت حال ہے قندھار، قندوز، کابل، تخار، بامیان، پروان اور بلخ صوبوں میں طالبان نے افغان فورسز پر حملے کئے ہیں –
افغانستان فورسز نے 200کے قریب طالبان جنگجووں کو مارنے کا دعویٰ کیا ہے جبکہ طالبان نے حکومتی فورسز کے دعوے کو مسترد کردیا ہے اور دعویٰ کیا ہے کہ قندھار شہر میں پولیس اسٹیشن اور کئی چیک پوسٹوں کا قبضہ حاصل کر لیا ہے۔صوبہ قندوز میں حکومتی فورسز کے دو ہیلی کاپٹر گر کر تباہ ہو گئے۔ صوبہ پکتیکا میں سکیورٹی اہلکار مزاحمت کئے بغیر طالبان کے ساتھ شامل ہو گئے۔
ادھر افغان عوام حکومت اور طالبان سے جنگ بندی کی امید لگائے بیٹھے ہیں۔ کابل کے شہریوں کا کہنا ہے چار دہائیوں سے بدامنی میں رہنے پر مجبور ہیں، اب ان کے ملک میں امن ہو جانا چاہے۔
شہری کا کہنا تھا کہ فریقین لڑ رہے ہیں اور عوام بیچ میں پھنس چکے ہیں۔ افغان شہریوں نے موجودہ صورت حال پر امریکا کو ذمہ دار قرار دیتے ہوئے کہا کہ امریکا کو افغانستان کے مستقبل کی کوئی فکر نہیں۔
وزیر خارجہ شاہ محمود قریشی سرکاری دورہ پر تاجکستان پہنچ گئے ہیں-
باغی ٹی وی : باخبر ذرائع کے مطابق وزیرخارجہ شاہ محمودقریشی کی 3روزہ سرکاری دورےپرتاجکستان پہنچے ہیں دوشنبے ہوائی اڈے پرنائب وزیرخارجہ تاجکستان نے شاہ محمود قریشی کا استقبال کیا تاجکستان میں تعینات پاکستانی سفیر اورسفارت خانےکےسینئرافسران بھی موجود تھے-
شنگھائی تعاون تنظیم کی وزرائے خارجہ کونسل اجلاس میں شرکت کریں گے اور وزرائےخارجہ کونسل اجلاس سےخطاب بھی کریں گے ساتھ ہی وزرائے خارجہ کانٹیکٹ گروپ برائےافغانستان اجلاس میں شریک ہوں گے-
وزیرخارجہ تاجکستان،کرغزستان،ازبکستان، افغانستان،روس اورچین کے وزرائےخارجہ سےملاقاتیں کریں گے ملاقاتوں میں دو طرفہ تعلقات، علاقائی روابط کےفروغ پرتبادلہ خیال ہوگا-
شاہ محمودقریشی تاجک صدرامام علی رحمان سےبھی ملاقات کریں گے-
