Category: بین الاقوامی

گزشتہ روز انتقال کر جانے والے با لی وڈ کے لیجنڈری اداکار دلیپ کمار کی رشتہ دار ہونے کا دعویٰ کرنے والی خاتون سامنے آگئیں۔

باغی ٹی وی : دلیپ کمار طویل عرصے تک علیل رہنے کے بعد 7 جولائی کو 98 برس کی عمر میں ممبئی میں انتقال کر گئے تھے، انہیں پھیپھڑوں میں انفیکشن، گردوں کے مسائل اور مثانے کا کینسر بھی لاحق تھا۔

اداکار کے انتقال پر جہاں پاکستان اور بھارت میں ان کے مداح آبدیدہ دکھائی دیے، وہیں ان کی رحلت کے بعد گزشتہ روز ان کی رہائش گاہ پر ایک عمر رسیدہ خاتون کو روتے ہوئے دیکھا گیا، جنہوں نے دعویٰ کیا کہ وہ دلیپ کمار کی رشتہ دار ہیں۔

ہندوستان ٹائمز کے مطابق دلیپ کمار کے انتقال کے بعد ان کی رہائش گاہ پر سیاہ لباس میں ملبوس ایک خاتون روتی ہوئی آئیں اور انہوں نے دعویٰ کیا کہ وہ لیجنڈری اداکار کی رشتے دار ہیں عمر رسیدہ خاتون نے زبردستی دلیپ کمار کے گھر میں اندر داخل ہونے کی کوشش کی جب کہ کسی بھی عام فرد کو لیجنڈری اداکار کے گھر میں داخل ہونے کی اجازت نہیں تھی۔

لیجنڈری اداکار کے انتقال کے بعد ممبئی کی مقامی انتظامیہ نے ان کی رہائش گاہ پر سیکیورٹی کے انتظامات کے تحت اضافی پولیس نفری تعینات کر رکھی تھی۔

دلیپ کمار کی رہائش گاہ پر تعینات پولیس اہلکاروں نے ہی مذکورہ خاتون کو اندر جانے نہیں دیا لیکن خاتون نے روتے ہوئے جذباتی انداز میں تمام حربے استعمال کرکے خود کو دلیپ کمار کی رشتے دار ثابت کرنے کی کوشش کی۔

خاتون نے دلیپ کمار کی رہائش گاہ کے باہر روتے ہوئے پولیس اہلکاروں کو بتایا کہ وہ جلدی میں اداکار کے موت کی خبر سن کر دوڑی چلی آئیں اور وہ تصویر لانا بھول گئیں، جس سے ثابت ہوسکتا تھا کہ وہ دلیپ کمار کی رشتے دار ہی ہیں۔

موجودوہاں پر دلیپ کمار اور سائرہ بانو کے رشتے داروں نے بھی خاتون کو دلیپ کمار کے رشتے داروں نے پہنچاننے سے انکار کردیا اور تصدیق کی کہ وہ ان کے خاندان سے تعلق نہیں رکھتیں۔

مذکورہ خاتون نے میڈیا کے سامنے روتے ہوئے دلیپ کمار کے حوالے سے بات کی اور کہا کہ وہ ایک اچھے اور پیارے انسان تھے۔

بالی وڈ اداکارہ عالیہ بھٹ نے ہالی ووڈ ٹیلنٹ ایجنسی کے ساتھ معاہدہ کر لیا-

باغی ٹی وی :بھارتی میڈیا کے مطابق بالی ووڈ اداکارہ پریانکا چوپڑا ہالی ووڈ میں کئی پراجیکٹس میں کام کرچکی ہیں جن میں ڈراما ’’کوانٹیکو‘‘، فلم ’’بے واچ‘‘ اور ’’دی وہائٹ ٹائیگر‘‘ شامل ہیں۔

تاہم اب عالیہ بھٹ نے بھی اداکارہ پریانکا چوپڑا کے نقش قدم پر چلنے کا فیصلہ کرلیا ہے اور اپنے ہالی ووڈ کے خوابوں کی طرف پہلا قدم بڑھاتے ہوئے ایک ہالی ووڈ ٹیلنٹ ایجنسی کے ساتھ معاہدہ کیا ہے۔

میڈیا رپورٹس کے مطابق عالیہ بھٹ نے ہالی ووڈ میں کام کرنے کا موقع حاصل کرنے کے لیے ایک امریکی ٹیلنٹ ایجنسی ڈبلیو ایم ای کے ساتھ معاہدے پر دستخط کیے ہیں۔

دوسری جانب عالیہ بھٹ نے حال ہی میں اپنے ہوم پروڈکشن میں بننے والی فلم ’’ڈارلنگ‘‘ کی شوٹنگ کا آغاز کیا ہے۔ اس کے علاوہ وہ بہت جلد سنجے لیلا بھنسالی کی ہدایت کاری میں بننے والی فلم ’’گنگو بائی کاٹھیاواڑی‘‘ میں مرکزی کردار ادا کرتی نظر آئیں گی۔

عالیہ بھٹ نے’’گنگو بائی کاٹھیا واڑی‘‘ میں کام کرنے کا تجربہ بیان کرتے ہوئے بتایا کہ ہم نے اس فلم کی شوٹنگ 8 دسمبر 2019 کو شروع کی تھی اور فلم کی شوٹنگ ختم ہونے میں 2 سال لگ گئے۔

اس فلم کے سیٹ نے دو بار لاک ڈاؤن اور دو طوفان دیکھے، فلم کے ہدایت کار اور فنکاروں کو کورونا ہوا جس کی وجہ سے شوٹنگ کئی بار روکنی پڑی لیکن اس کے باوجود میں نے اس فلم سے بہت کچھ سیکھا۔

اداکار دھرمیندر دلیپ کمار کو آخری بار دیکھ کر جذبات پر قابو نہ رکھ سکے اور ان کا چہرہ ہاتھوں میں لیے روتے رہے۔

باغی ٹی وی : دلیپ کمار گزشتہ روز دنیا بھر میں موجود اپنے مداحوں کو اداس چھوڑ کر ہمیشہ کے لیے اس جہان فانی سے کوچ کرگئے۔ دلیپ کمار کے انتقال کی خبر سنتے ہی شاہ رخ خان، دھرمیندر، انیل کپور،شگفتہ اعظمی، ودیا بالن اور کرن جوہر سمیت بالی ووڈ کی مشہور شخصیات ان کے گھر پہنچیں –

جبکہ بھارتی وزیراعظم نریندر مودی اور وزیراعظم پاکستان عمران خان سمیت دونوں جانب کی مشہور شخصیات نے ان کے انتقال کی خبر سن کر افسوس کا اظہار کیا بالی ووڈ کے سینئر اداکار دھرمیندر بھی دلیپ کمار کو آخری بار دیکھ کر جذبات پر قابو نہ رکھ سکے اور ان کا چہرہ ہاتھوں میں لے کر روتے رہے۔
https://twitter.com/aapkadharam/status/1412823480706473989?s=20
دھرمیندر نے دلیپ کمار کے ساتھ اپنی آخری تصویر سوشل میڈیا پر شیئر کرتے ہوئے لکھا کہ سائرہ نے جب کہا دھرم دیکھو صاحب نے پلک جھپکی ہے جان نکل گئی میری۔ مالک میرے پیارے بھائی کو جنت نصیب کرے۔

Extremely sad , to loose my most affectionate brother in the industry. Jannat naseeb ho 🙏 hamare Dalip Sahab ko 🙏

— Dharmendra Deol (@aapkadharam) July 7, 2021

دھرمیندر نے اپنی اور دلیپ کمار کی ایک یادگار تصویر بھی شیئر کی اور لکھا دوستوں مجھے دکھاوا نہیں آتا لیکن میں اپنے جذبات پر قابو بھی نہیں پاتا اپنے سمجھ کے کہہ جاتا ہوں۔

دوسری جانب بالی ووڈ اداکار عامر خان نے دلیپ کمار کو خراج تحسین پیش کیا ہے انہوں نے دلیپ کمار کے لیے ایک جذباتی پیغام تحریر کیا ہے جس میں انہوں نے دلیپ کمار کا شکریہ اداکرتے ہوئے لکھا یوسف صاحب اپنے کام کے ذریعے ہمیں انمول اور انوکھا تحفہ دینے کا شکریہ۔ میرے لیے آپ ہمیشہ عظیم رہے ہیں اور ہمیشہ عظیم رہیں گے۔ سلام پیار عامر۔

بالی ووڈ کے لیجنڈری اداکار دلیپ کمار کی اہلیہ سائرہ بانو نے اپنے شوہر کے انتقال پر اظہارِ تعزیت کرنے پر بھارتی وزیرِ اعظم نریندر مودی کا شکریہ ادا کیا ہے۔

باغی ٹی وی : ں دلیپ کمار کے تصدیق شدہ ٹوئٹر اکاؤنٹ پر سائرہ بانو کی جانب سے بھارتی وزیرِ اعظم نریندر مودی کے لیے خصوصی پیغام جاری کیا گیا ہے۔
https://twitter.com/TheDilipKumar/status/1412796254958940160?s=20
سائرہ بانو نے اپنے پیغام میں نریندر مودی سے مخاطب ہوتے ہوئے کہا ہے کہ صبح سویرے فون پر آپ کی تعزیت کے لیے بہت شکریہ۔
https://twitter.com/TheDilipKumar/status/1412798689815326728?s=20
اُنہوں نے اپنے اگلے ٹوئٹ میں کہا ہے کہ دلیپ کمار کے نمازِ جنازہ پر ملنے والے پروٹوکول کے لیے نریندر مودی کا ایک بار پھر شکریہ ادا کرنا چاہتی ہوں۔

واضح رہے کہ دلیپ کمار کو گزشتہ روز ممبئی کے جوہو قبرستان میں سپردِ خاک کیا گیا جبکہ کورونا وائرس کے پیشِ نظر ان کی تدفین میں صرف 20 لوگوں کو آنے کی اجازت تھی۔

پاکستانی سیاسی شوبز اور معروف شخصیات کا دلیپ کمار کے انتقال پر شدید غم کا اظہار

گزشتہ روز دلیپ کمار 98 برس کی عمر میں انتقال کر گئے تھے، ان کے سوشل میڈیا اکاؤنٹ سے ہی ان کی موت کی خبر سامنے آئی تھی۔

سماجی رابطے کی ویب سائٹ ٹوئٹر پر دلیپ کمار کے ترجمان فیصل فاروقی کی جانب سے جاری کیئے گئے افسوس ناک پیغام میں بتایا گیا تھا کہ ’انتہائی گہرے رنج و غم کے ساتھ، میں یہ اعلان کر رہا ہوں کہ ہمارے دلیپ کمار صاحب کچھ دیر قبل انتقال کر گئے-

دلیپ کمار کا انتقال ہماری ثقافتی دنیا کے لیے ایک بہت بڑا نقصان ہے بھارتی…

گزشتہ روز اس دُنیا سے کوچ کر جانے والے بالی ووڈ کے لیجنڈری اداکار یوسف خان المعروف دلیپ کمار کی اہلیہ سائرہ بانو نے کہا ہے کہ خُدا نے مجھ سے میرے جینے کی وجہ چھین لی دلیپ طویل علالت کے بعد 98 سال کی عمر میں ممبئی کے پی ڈی ہندوجا اسپتال میں بدھ کی صبح انتقال کر گئے۔ اس جوڑے کی کوئی اولاد نہیں تھی۔

باغی ٹی وی : ہندوستان ٹائمز کی رپورٹ کے مطابق دلیپ کمار کے ڈاکٹر نے اپنے ایک بیان میں بتایا کہ جب اُنہوں نے سائرہ بانو کو اُن کے شوہر کے انتقال کی خبر دی تو وہ زور زور سے رونے لگیں۔

ان کی موت کی خبر کی تصدیق سب سے پہلے پلمونولوجسٹ ڈاکٹر جلیل پارکر نے کی ، جواداکار کا علاج کر رہے تھےڈاکٹر کے مطابق اس افسوس ناک اور دل دہلا دینے والے موقع پر سائرہ بانو نے کہا کہ ’خُدا نے میری زندگی کی وجہ چھین لی۔

دلیپ کمار اور سائرہ بانو کی محبت کی انوکھی داستان

سائرہ بانو نے کہا کہ ’دلیپ کمار صاحب کے بغیر میں کسی بھی چیز کے بارے میں سوچنے کے قابل نہیں ہوں گی۔‘

اُنہوں نے یہ بھی کہا کہ ’اس مشکل گھڑی میں سب اُن کے لیے دُعا کریں۔‘

یاد رہے کہ دلیپ کمار اور سائرہ بانو کی محبت نے مثال قائم کی ہے، سائرہ بانو نے ہر حال میں اپنے شوہر کا ساتھ دیا اور کبھی اُنہیں تنہا نہیں چھوڑا اب دلیپ کمار کے انتقال کے بعد سائرہ بانو تنہا ہوگئی ہیں جبکہ اُن کے لیے یہ وقت بہت مشکل ہے۔

واضح رہے کہ گزشتہ روز بالی ووڈ لیجنڈری اداکار یوسف خان المعروف دلیپ کمار 98 سال کی عُمر میں انتقال کر گئے ڈاکٹر جلیل پارکر نے بتایا ، "ان کا صبح 7:30 بجے طویل علالت کے باعث انتقال ہوگیا۔” "صبح 8.01 بجے اداکار کے ٹویٹر ہینڈل سے خاندانی دوست فیصل فاروقی نے پوسٹ کیا ،” بہت ہی دل اور گہرے رنج و غم کے ساتھ ، میں کچھ منٹ قبل اپنے پیارے دلیپ صاحب کی وفات کا اعلان کرتا ہوں۔

دلیپ کمار کینسر کی چوتھی اسٹیج پر تھے جس کا علاج ممکن نہیں تھا ڈاکٹرز کا انکشاف