Baaghi TV

Category: بین الاقوامی

  • قبرص میں اقوام متحدہ کی امن فوج کے فرائض کی مدت میں مزید 6 ماہ کی توسیع

    قبرص میں اقوام متحدہ کی امن فوج کے فرائض کی مدت میں مزید 6 ماہ کی توسیع

    اقوامِ متحدہ کی سلامتی کونسل نے قبرص میں متعین اقوام متحدہ کی امن فوج کے فرائض کی مدت میں مزید 6 ماہ کی توسیع کا فیصلہ کیا ہے تو ترکی نے اس ضمن میں شمالی قبرصی ترک جمہوریہ کی رضا مندی کی عدم موجوگی کو ایک اہم سطح کی کمی قرار دیا ہے۔

    تفصیلات کے مطابق ترک دفترِ خارجہ کی جانب سے جاری کردہ تحریری بیان میں کہا گیا ہے کہ”مسئلہ قبرص کا اصل سبب قبرصی یونانی انتظامیہ کی جانب سے طاقت اور سرمائے کو جریزے کے مشترکہ مالک قبرصی ترکوں کے ساتھ مل بانٹنے کی عدم خواہش ہے۔ اس صورتحال میں تبدیلی نہ آنے اور سیاسی مساوات پر مبنی کسی مشترکہ زمین اور حل نقطہ نظر کی عدم تلاش تک دونوں فریقین کے درمیان نتیجہ خیز اور حقیقی سلسلہ مذاکرات کا قیام ہر گز ممکن نہ بن سکے گا۔ ”

    اعلامیہ میں علاوہ ازیں یہ بھی واضح کیا گیا ہے کہ جزیرے کے مشترکہ مالک اور سیاسی شراکت دار کی حیثیت سے قبرصی ترک ہر گز اقلیت کی حیثیت کو قبول نہیں کریں گے۔

    اعلامیہ میں مشرقی بحیرہ روم میں کشیدگی میں گراوٹ کی اپیل کرنے والے اس فیصلے میں شمالی قبرصی ترک جمہوریہ کی 13 جولائی کی تعاون کی تجویز کاحوالہ نہ دیا جانا بھی ایک بد قسمتی اور نا انصافی ہے۔

    واضح رہے کہ 1913ء میں برطانوی نو آبادیاتی بننے والا قبرص 1960ء میں برطانیہ سے آزادی حاصل کرنے میں کامیاب ہوا۔ 11 سال تک فسادات کے بعد 1964ء میں اقوام متحدہ کی امن فوج تعینات کی گئی جس کے بعد جزیرے کے یونان کے ساتھ الحاق کیا گیا جس پر ترکی نے 1974ء میں جزیرے پر حملہ کر دیا۔ اس کے نتیجے میں شمالی قبرص میں ترکوں کی حکومت قائم ہوگئی جسے ترک جمہوریۂ شمالی قبرص کہلاتی ہے تاہم اسے اقوام متحدہ تسلیم نہیں کرتی۔ شمالی قبرص اور قبرص ایک خط کے ذریعے منقسم ہیں جسے “خط سبز” کہا جاتا ہے۔ شمالی قبرص کو صرف ترکی کی حکومت تسلیم کرتی ہے۔ جمہوریہ قبرص یکم مئی 2004ء کو یورپی یونین کا رکن بنا۔

  • یمنی فوج کی باقم میں پیش قدمی، حوثیوں کی کمک تباہ

    یمنی فوج کی باقم میں پیش قدمی، حوثیوں کی کمک تباہ

    یمن کی آئینی حکومت کی وفادار فوج نے ملک میں ایران نواز حوثی باغیوں کے گڑھ صعدہ گورنری کی باقم ڈاریکٹوریٹ میں اہم پیش قدمی کا دعویٰ کیا ہے۔

    تفصیلات کے مطابق علب محاذ کے اطراف میں تعینات یمنی فوج کے بریگیڈ 9 کے سربراہ بریگیڈیئر ادیب الشھاب نے بتایا کہ حوثی ملیشیا نے باقم میں تزویراتی اہمیت کے حامل علاقے ‘نایف’ کوباغیوں کو سے آزاد کرانے کے بعد اس پر قومی پرچم پرچم لہرا دیا۔ نایف کے اطراف میں بھی متعدد اہم مقامات باغیوں کےقبضے سے آزاد کرائے گئے ہیں۔ لڑائی میں سرکاری فوج نے باغیوں کے خلاف بھاری ہتھیاروں کا استعمال کیا جب کہ دونوں طرف سے گھمسان کی جنگ کی گئی۔

    بریگیڈیئڑ الشھاب نے بتایا کہ نایف اور اس کے اطراف سے حوثی ملیشیا کےجنگجو فرار ہوگئے جب کہ لڑائی میں بڑی تعداد میں جنگجو ہلاک اور زخمی بھی ہوئے ہیں۔ گولہ باری کےنتیجے میں حوثیوں کی کئی گاڑیاں تباہ ہو گئیں۔

    یمن کی سرکاری فوج کی طرف سے باقم ڈاریکٹوریٹ، اس کے مرکز اور دیگر اہم مقامات کو باغیوں سے آزاد کرانے کی مہم جاری ہے۔ سرکاری فوج کا کہنا ہے کہ وہ باغیوں کو اس کے گڑھ میں بدترین شکست سےدوچار کرکے چھوڑے گی۔

    ادھر ایک دوسرے سیاق میں آئینی حکومت کی معاونت میں لڑنے والی عرب اتحادی فوج نے صعدہ میں کتاف ڈاریکٹوریٹ میں وادی الغول کے مقام پر حوثی باغیوں کمک پربمباری کی جس کے نتیجے میں بڑی تعداد میں حوثی جنگجو ہلاک اور ان کی فوجی گاڑیاں اور اسلحہ تباہ ہوگئے۔
    یمن میں حوثیوں کا اہم فیلڈ کمانڈر ساتھی سمیت ہلاک

  • یورپی کمیشن کا برطانوی وزیراعظم کو انتباہ ، بریگزٹ معاہدے کی پاسداری کریں

    یورپی کمیشن کا برطانوی وزیراعظم کو انتباہ ، بریگزٹ معاہدے کی پاسداری کریں

    لندن :بورس جانسن کو آتے ہی مشکلا ت کا سامنا ، نئے برطانوی وزیر اعظم بورس جانسن سے ٹیلی فون پر بات چیت کرتے ہوئے جان کلاڈ ینکر نے بریگزٹ معاہدے میں کسی بھی قسم کی تبدیلی کے امکان کو مسترد کر دیا ہے۔

    جان کلاڈ ینکر نے کہا کہ موجودہ معاہدہ ہی برطانیہ کی اس یونین سے علیحدگی کا واحد اور بہترین راستہ ہے اور اس سے دستبرداری کا سوال ہی پیدا نہیں ہوتا۔

    اس سے قبل یورپی یونین کے چیف مذاکرات کار میشل بارنیہ نے بھی کہا تھا کہ بورس جانسن جو حاصل کرنا چاہتے ہیں وہ ناممکن ہے۔فرانس اور جمہوریہ آئرلینڈ نے بھی بریگزٹ معاہدے پر از سرنو مذاکرات کے حوالے سے برطانوی وزیر اعظم کو سخت خبردار کیا ہے۔بورس جانسن کو مخاطب ہوتے ہوئے کہا کہ جو وہ چاہتے ہیں ایسے ممکن نہیں

    دوسری طرف جرمن چانسلر انجیلا مرکل نے بھی بریگزٹ معاہدے پر دوبارہ مذاکرات کے امکان کو مسترد کرتے ہوئے برطانوی وزیر اعظم کو بات چیت کی دعوت دی ہے۔

  • عراق کی 14 سالہ ٹیبل ٹینس کی کھلاڑی نجلہ کی کہانی ، نجلہ کی زبانی ، نیویارک ٹائمز نے بہت کچھ بتادیا

    عراق کی 14 سالہ ٹیبل ٹینس کی کھلاڑی نجلہ کی کہانی ، نجلہ کی زبانی ، نیویارک ٹائمز نے بہت کچھ بتادیا

    بغداد : عراق کی 14 سالہ نجلہ اماد لفتا ایک بازو سے محروم ہونے کے باوجود دنیائے عرب کی بہترین ٹیبلس ٹینس کی کھلاڑی ہیں. نجلہ بتاتی ہیں کہ اس نے کبھی ہمت نہیں ہاری اور نہ معذوری کو آڑے آنے دیا

    نیویارک ٹائمز نے عراق کی 14 سالہ نجلہ اماد لتفا کی کہانی نجلہ کی زبانی بیان کرتے ہوئے کہا ہے کہ میری دائیں ٹانگ گھٹنے کے قریب سے کٹی ہوئی ہے اور میری بائیں ٹانگ ٹخنے کے قریب سے کٹی ہوئی ہے. جبکہ میرا دایاں بازو کندھے کے قریب سے جدا ہے

    نجلہ اپنی کہانی خود بتاتی ہیں کہ ان تمام تر معذوریوں کے باوجود میں ٹیبل ٹینس ایک اتھلیٹ کی طرح آسانی سے کھیلتی ہوں . نیویارک ٹائمز نے نجلہ کے حوالے سے بتایا ہے کہ نجلہ اس معذوری کے باوجود 4 چاندی اور 4 ہی کانسی کے تمغے جیت چکے ہیں . نجلہ نے مصر میں‌ہونے والے بین الاقوامی ٹورنا منٹ میں یہ اعزازجیتے ہیں

    یا د رہے کہ نجلہ ایک بم دھماکے کا شکار ہوگئی تھی جس کے متعلق اس کا کہنا ہے کہ جب دھماکہ ہوا تو اسے ایسے محسوس ہوا کہ اس کا بازو جسم سے جدا ہو کر دور جا گرا ہے. میرا جسم بری طرح تباہ ہوگیا تھا لیکن آج میں پھر سے نئے عزم کے ساتھ زندگی گزار رہی ہوں اور میری یہ دعا ہے کہ میرا وطن عراق امن کا گہوارہ بن جائے اور وہاں زندگیاں لوٹ آئیں

  • امریکی صدر ٹرمپ کا میکسیکو بارڈر پر دیوار تعمیر کرنے کا اعلان

    امریکی صدر ٹرمپ کا میکسیکو بارڈر پر دیوار تعمیر کرنے کا اعلان

    امریکی صدر ٹرمپ کی طرف سے میکسیکو بارڈر پر دیوار تعمیر کرنے کے منصوبہ کا اعلان کیا گیا ہے،

    باغی ٹی وی کی رپورٹ‌ کے مطابق امریکی سپریم کورٹ کی جانب سے دیوار کی تعمیر کے لیے ٹرمپ انتظامیہ کوگرین سگنل دیا گیا ہے،

    امریکی عدالت کی جانب سے کہا گیا ہے کہ پنٹاگون ملٹری فنڈزکے2.5ارب ڈالردیوارکےلیےمختص کیےجاسکتےہیں،

  • شامی فوج کے شمال مغربی صوبہ ادلب میں فضائی حملے، 10 شہری ہلاک

    شامی فوج کے شمال مغربی صوبہ ادلب میں فضائی حملے، 10 شہری ہلاک

    دمشق : شامی مسلمانوں پر اسد حکومت کے مظالم کا سلسلہ طویل سے طویل تر ہونے لگے ، تازہ واقعہ میں شام کے شمال مغربی صوبے ادلب میں اسدی فوج کے فضائی حملوں میں12 شہری ہلاک اور 76 سے زیادہ زخمی ہوگئے ہیں۔

    مغربی ذرائع ابلاغ کے مطابق ادلب میں واقع قصبے الریحہ پر بمباری کی ہے جس سے دو بچوں سمیت نو شہری مارے گئے ہیں اور اٹھائیس زخمی ہوگئے ہیں۔


    روپورٹ کے مطابق شامی طیاروں نے الریحہ میں دو اقامتی عمارتوں کو فضائی بمباری کو نشانہ بنایا ہے۔ اس قصبے پر اس ہفتے میں شامی فوج کا یہ دوسرا فضائی حملہ ہے۔ گذشتہ بدھ کو ایک اور فضائی حملے میں10 شہری ہلاک ہوگئے تھے۔


    شامی فوج نے آج پھر ادلب کے دوسرے علاقوں میں بھی بمباری کی ہے جس کے نتیجے میں ایک شہری ہلاک اور پندرہ زخمی ہو گئے ہیں۔

    عالمی ذرائع ابلاغ کے مطابق شامی فوج اور اس کے اتحادی روس نے اپریل کے آخر سے ادلب اور اس کے پڑوس میں واقع صوبوں حلب، حماہ اور اللذاقیہ میں باغی گروپوں کے زیر قبضہ علاقوں پر فضائی حملے تیز کر رکھے ہیں۔ رصد گاہ کے مطابق شام اور روس کے ان فضائی حملوں میں 740 افراد ہلاک ہوچکے ہیں۔

  • آذربائیجان کے قریب ایران کا مال بردار بحری جہاز ڈوب گیا

    آذربائیجان کے قریب ایران کا مال بردار بحری جہاز ڈوب گیا

    تہران: ایران کو ایک سانحے کا سامنا ، آذربائیجان کے قریب بحیرہ قزوین میں ایرانی مال بردار بحری جہاز ڈوب گیا .ایران کا مال بردار بحری جہاز آذربائیجان کی لنکران بندرگاہ کے قریب ڈوبا۔

    عالمی میڈیا کے مطابق آذربائیجان کے میری ٹائم حکام کا کہنا ہے کہ بندرگاہ کے قریب حادثے کا شکار ہونے کے بعد انہیں ایرانی مال بردار بحری جہاز کی طرف سے سگنل موصول ہوئے، جہاز کے عملے نے اپنے ڈوبنے کی اطلاع دی اور مدد کی درخواست کی۔

    میڈیا رپورٹ کے مطابق ایران کی انزالی بندرگاہ سے ٹائلز لے کر جانے والا جہاز روس جارہا تھا جو آذربائیجان کی بندرگاہ سے 23 میل کے فاصلے پر حادثے کا شکار ہوگیا۔اس بحری جہاز کے ڈوبنے کی تصاویر اس وقت بڑی زیر بحث ہیں ، دوسری طرف ایران نے اس حادثے کی تحقیات کا اعلان کردیا ہے.

    آذر بائیجان حکام نے واقعہ سے متعلق آگاہ کرتے ہوئے بتایا کہ حادثے کے بعد آذربائیجان کے 2 ہیلی کاپٹرز اور کوسٹ گارڈ نے ریسکیو آپریشن میں حصہ لیا اور جہاز میں سوار عملے کے 9 ارکان کو بچالیا جن میں 7 ایرانی اور 2 بھارتی شہری شامل ہیں۔

  • "ٹک ٹاک” نے گمشدہ خاوند بیوی سے ملادیا

    "ٹک ٹاک” نے گمشدہ خاوند بیوی سے ملادیا

    نئی دہلی : ٹک ٹاک پر کہیں تنقید تو کہیں اس کی حمایت میں بحث جاری ہے .اسی ٹک ٹاک کی وجہ سے کچھ لوگ جیل جاچکے ہیں جبکہ اس پر جاسوسی کے الزامات بھی لگتے رہتے ہیں تاہم بھارت میں ایک خاتون کو اس ایپ کے ذریعے اپنا گمشدہ شوہر مل گیا۔

    بھارتی میڈیا کے مطابق دو بچوں کی والدہ جیاپرادھا کا شوہر سریش تین سال قبل گھر سے چلا تاہم پھر واپس نہ آیا۔پولیس نے انہیں ’گمشدہ‘ قرار دے دیا۔

    بھارتی میڈیا کے مطابق جیاپرادھا کے ایک رشتہ دار نے ٹک ٹاک پر ایک ویڈیو دیکھی جس میں سریش سے ملتا جلتا شخص موجود تھاجب یہ ویڈیو جیا کو دکھائی جنہوں نے فوراً اپنے شوہر کو پہچان لیا۔

    پولیس جب سریش کو ڈھونڈنےمیں کامیاب ہوئی تو سریش نےبتایا کہ وہ گھریلو مسائل سے تنگ آکر شہر چھوڑ کر چلے گئے تھے۔گھر والوں سے تنگ آکر میں نے ایک خواجہ سرا سے دوستی کرلی

  • ممبئی ڈوب گیا، بارشوں نے ہر طرف تباہی مچادی

    ممبئی ڈوب گیا، بارشوں نے ہر طرف تباہی مچادی

    ممبئی : بارشوں سے بھارتی شہر ممبئی میں‌بڑے پیمانے پر نقصان کی خبریں آرہی ہیں اور بھارتی میڈیا تو یہاں تک کہہ رہا ہے کہ ممبئی ڈوب گیا ، تفصیلات کے مطابق ممبئی میں طوفانی بارشوں سے سیلابی صورتحال، ٹرین میں سیکڑوں مسافر پھنس گئےبھارت کے ساحلی شہر ممبئی میں طوفانی بارشوں سے سیلابی صورتحال پیدا ہوگئی۔


    بھارتی میڈیا کی طرف سے یہ خبریں مسلسل آرہی ہیں کہ ممبئی میں طوفانی بارشوں کے باعث سیلابی صورتحال سے ایک ٹرین مہالکشمی ایکسپریس پانی میں پھنس گئی جس میں تقریباً 700 مسافر سوار تھے۔

    بھارتی میڈیا کے مطابق صورت حال اس قدر خراب ہوچکی ہے کہ مسافروں کو ریسکیو کرنے کے لیے ہیلی کاپٹر، کشتیوں اور تیراکوں کی مدد لی گئی .ٹرین میں پھنسے مسافروں نے بتایا کہ جمعہ کی رات طوفانی بارش کے باعث وہ تقریباً 15 گھنٹے بنا کچھ کھائے پیے ٹرین میں پھنسے رہے۔


    دوسری طرف بھارتی میڈیا نے ملک کی اجتماعی تصویر کشی کی ہے اور کہا ہے کہ بارشوں سے صورت حال اس قدر خراب ہے کہ جاری بارشوں سے ٹرانسپورٹ کا نظام اور فضائی آپریشن درہم برہم ہوگیا ہے جس کے بعد 10 سے زائد فلائٹس منسوخ اور متعدد کا رخ دوسرے شہروں کی جانب موڑ دیا گیا ہے۔

  • یغور مسلمان واپس چین چلے جائیں ، ترکی

    یغور مسلمان واپس چین چلے جائیں ، ترکی

    استبول ” ترکی کی طرف سے یغور مسلمانوں کو واپس چین بھیجے جانے کا امکان ، یغور مسلمان ترکی کے اس اقدام پر پریشان ، ترکی حکومت سے واپس چین نہ بھیجنے کی دہائیاں کرنے لگے

    غیر ملکی میڈیا کے مطابق ترکی نے یغور مسلمانو‌ں سے کہا ہےکہ اب ترکی زیادہ دیر تک ان کی مہمان نوازی نہیں کرسکتا ، ترکی کے اپنے بھی مسائل ہیں. لہٰذا اب آپ واپس اپنے ملک چلے جائیں .

    دوسری طرف یغور مسلمانوں نے ترک حکومت کے اس حکم نامے کے خلاف احتجاج کیا ہے اور حکومت سے مطالبہ کیا ہے کہ انہیں واپس چین نہ بھیجا جائے ، کیونکہ وہ اصلاٰ اور نسلاٰ ترک ہیں

    بعض غیر ملکی میڈیا کے مطابق ترک حکومت کے اس فیصلے کے پیچھے چین حکومت کی سفارتکاری بھی نظر آتی ہے چین دوسرے ممالک میں رہائش پزیر یغور مسلمانوں کو چین میں یغور مسلمانوں کے مسائل کو عالمی سطح پر نمایاں کرنے کا ذمہ دار سمجھتا ہے اورچین چاہتا ہے کہ چین ان کو واپس بلا کر اس معاملے کو دبا سکتا ہے.