Category: بین الاقوامی

الحدیدہ میں حوثی باغیوں طرف سے بچھائے گئے بارودی سرنگوں کا جال ناکارہ بنا دیا گیا.

تفصیلات کے مطابق یمن میں مشترکہ فورسز کی انجینئرنگ ٹیم نے جمعرات کے روز مغربی شہر الحدیدہ کے رہائشی علاقوں میں موجود بارودی سرنگوں اور دھماکا خیز آلات کی نئی کھیپ کو تباہ کر دیا۔ یہ دونوں چیزیں باغی حوثی ملیشیا نے علاقہ چھوڑ کر جانے سے پہلے یہاں نصب کر دی تھیں۔

مشترکہ فورسز کے عسکری میڈیا نے واضح کیا ہے کہ الحدیدہ میں آزاد کرائے جانے والے علاقوں اور سڑکوں کو ان مہلک ہتھیاروں سے پاک کیے جانے کی کوششیں جاری ہیں۔

حوثیوں کی جانب سے بچھائی گئی بارودی سرنگیں آزاد کرائے جانے والے علاقوں میں مغربی ساحل کے لوگوں کے واسطے ایک بھیانک خواب بن چکی ہیں۔ یہاں کوئی دن ایسا نہیں گزرتا جب شہریوں کا جانی نقصان واقع نہ ہو۔ دیہات، کھیتوں اور رام راستوں پر نشانہ بننے والوں میں اکثریت خواتین اور بچوں کی ہوتی ہے۔

ادھر الحدیدہ صوبے کے جنوبی ضلع التحیتا میں حوثی ملیشیا نے شہریوں کے گھروں کو نشانہ بنانے کی کارروائیاں تیز کر دی ہیں۔ یہ سلسلہ اقوام متحدہ کی جنگ بندی کی بڑھتی ہوئی خلاف ورزیوں اور شہریوں کے خلاف جاری جرائم کی کڑی ہے۔

امریکی وزیر خارجہ مائیک پومپیو کا کہنا ہے کہ اگر ضرورت پڑی تو وہ تہران جانے کے لیے تیار ہیں۔ پومپیو نے باور کرایا کہ وہ "ایرانی عوام سے مخاطب ہونے کا موقع پانے کے لیے” ایرانی ٹیلی وژن پر آنے کے لیے بھی تیار ہیں۔

تفصیلات کے مطابق امریکی وزیر خارجہ نے یہ بات جمعرات کے روز "بلومبرگ ٹی وی” سے بات کرتے ہوئے کہی۔ پومپیو کا کہنا تھا کہ "میں ایرانی عوام سے براہ راست بات کرنے کے موقع کا خیر مقدم کروں گا۔ میں نے پہلے بھی اس بارے میں بات کی تھی”۔

پومپیو نے اس جانب توجہ دلائی کہ ایرانی وزیر خارجہ محمد جواد ظریف جب امریکا آتے ہیں تو میڈیا اور امریکی رائے عامہ سے مخاطب ہوتے ہیں ،،، ان کے لیے امریکی فریکوینسیز پر ایرانی پروپیگنڈا پھیلانا بھی ممکن ہے۔

امریکی وزیر خارجہ نے اس خواہش کا اظہار کیا کہ انہیں بھی وہاں جانے کا موقع ملے گا تا کہ وہ پروپیگنڈا نہیں بلکہ حقیقت بیان کریں اور ایرانی عوام کو آگاہ کریں کہ ان کے حکمرانوں نے کیا کیا ہے جس کے سبب اب ایران کو نقصان پہنچ رہا ہے۔

واشنگٹن ایران پر الزام عائد کر چکا ہے کہ وہ مئی کے بعد سے سلسلہ وار تخریب کاری اور حملوں کا ذمے دار ہے۔ ان کارروائیوں میں آبنائے ہرمز اور خلیج میں کئی بحری جہازوں کو نشانہ بنایا گیا۔

پومپیو نے مزید کہا کہ "ہم انہیں (ایرانیوں کو) اس بات پر قائل کرنے کے لیے مطلوبہ دباؤ ڈال رہے ہیں کہ اگر انہوں نے آسانی کے ساتھ نارمل اقدامات کا مظاہرہ کیا تو ایرانی عوام کے لیے ایک نارمل زندگی گزارنا ممکن ہو گا”۔

آبنائے ہرمز سے گزرنے والے تمام برطانوی جہازوں کے لیے "فریگیٹ” کا ہمراہ ہونا لازم قرار دے دیا گیا.

تفصیلات کے مطابق برطانوی حکومت کے ترجمان کا کہنا ہے کہ حالیہ طور پر خلیج کے علاقے میں موجود برطانوی بحریہ کی فریگیٹ "ایچ ایم ایس مونٹروز” تمام برطانوی پرچم بردار جہازوں کے ہمراہ سفر کرےگی۔

رائل نیوی کو یہ ذمے داری سونپی گئی ہے کہ وہ آبنائے ہرمز کے راستے گزرنے والے برطانوی پرچم بردار جہازوں کے ہمراہ ہو گی خواہ یہ جہاز اکیلا یا پھر مجموعے کی صورت میں ہو۔ اس شرط کے ساتھ کہ آبنائے ہرمز سے گزرنے سے کافی وقت پہلے اس کا نوٹیفکیشن حاصل کرنا ہو گا۔

برطانوی حکومت کے ترجمان نے باور کرایا کہ جہاز رانی کی آزادی عالمی تجارت اور دنیا کی معیشت کے نظام کے واسطے فیصلہ کن مسئلے کی حیثیت رکھتی ہے … اور ان کا ملک اس آزادی کے دفاع کے لیے ہر ممکن اقدامات کرے گا۔برطانوی فریگیٹ مونٹروز نے نئی پالیسی کے تحت اپنا پہلا مشن بدھ کی شام انجام دیا۔

دوسری جانب فرانس کی وزیرِ دفاع فلورنس بارلے کا کہنا ہے کہ پیرس ، برلن اور لندن اضافی فورسز کی تعیناتی کے بغیر آبنائے ہرمز میں جہاز رانی کی سیکورٹی کے تحفظ کے متعلق معلومات کا باہمی تبادلہ کریں گے۔

برطانیہ کا یہ اقدام امریکا کے نئے وزیر دفاع مارک ایسپر کے بیان کے بعد سامنے آیا ہے۔ ایسپر نے اپنے بیان میں کہا تھا کہ ضرورت پڑنے پر واشنگٹن آبنائے ہرمز سے گزرنے والے اپنے بحری جہازوں کو عسکری رفاقت فراہم کرنے کے لیے تیار ہے۔

آبنائے ہرمز میں تہران کی جانب سے برطانوی تیل بردار جہاز کو قبضے میں لینے کے بعد لندن، پیرس اور برلن خطے میں جہاز رانی کی سیکورٹی کے تحفظ کے واسطے متحرک ہو گئے ہیں۔ اس سے قبل برطانیہ نے جبل طارق میں ایران کا ایک تیل بردار جہاز اس دعوے کے ساتھ تحویل میں لے لیا تھا کہ اس نے یورپی یونین کی پابندیوں کی خلاف ورزی کی ہے اور وہ شام تیل منتقل کر رہا تھا۔

شام کی کئی سال سے جاری خانہ جنگی میں ایسے ان گنت واقعات پیش آچکے جنہیں سن یا دیکھ کر معمولی انسانی ہمدردی رکھنے والے شخص کی آنکھوں سے بھی آنسو جاری ہوجاتے ہیں۔

باغی ٹی وی رپورٹ کے مطابق ایسا ہی ایک واقعہ چند روز قبل اس وقت پیش آیا جب اسدی اور روسی فوج کے جنگی طیاروں نےادلب کے نواحی علاقے اریحا میں وحشیانہ بمباری کرکے تباہی پھیلا دی۔ اس بمباری کے نتیجے میں ایک شامی خاندان ملبے تلے دب گیا۔ اس دوران ملبے سے ایک کم سن بچی رھان نے زخمی حالت میں خود کو نکالا اس اس کےبعد اس نے اپنی شیرخوار بہن تقیٰ کو بھی ملبے سے نکال لیا۔

ادلب کے علاقے اریحا میں پیش آنے والے اس واقعے کو سننے اور دیکھنے والوں کی آنکھوں سے آنسوجاری کردیے اور دلو ں کو پسیج کے رکھ دیا کہ کس طرح ایک ننھی منھی بچی ہمت کرکے اپنی زخموں کی پرواہ کیے بغیر اپنی شیرخوار بہن کو بچانے میں مصروف ہے۔ بچیوں کی بمباری کے نتیجے میں ملبے تلے دب کر جاں بحق ہوگئی تھیں جب کہ والد زندہ بچ جانے کےباوجود تباہی کےاور اپنے گھر بارتباہ ہونے پرہوش کھو بیٹھتا تھا۔ اس میں اپنی بچیوں کو ملبے سے نکالبے کی ہمت اور سکت بھی نہیں رہی تھی۔

مگرصدمے کی خبرابھی مکمل نہیں ہوئی، رھام نے اپنی جان کی پرواہ کیے بغیر اپنی بہن کو بچا کر عالمی سطح پرداد تحسین حاصل کی خود اسپتال میں علاج کی سہولت نہ ملنے پر سسک سسک کر دم توڑ گئی۔

اس کی اس بے سرو سامانی میں موت کی خبر سن کر ہرآنکھ اشک بار ہے۔ جس جس طرح رھام کی اور اس کی شیر خوار بہن تقیٰ کی خبر پہنچی تھی ان پر رھام کی موت بجلی بن کر گی ہے۔

رھام کی ملبے سے نکلنے اوراس کے بعد اپنی بہن کو ملبے سے نکالنے کی تصاویر سوشل میڈیا پر جنگل کی آگ کی طرح پھیل گئیں اور لوگوں نے انہیں بہت زیادہ پسند اور شیئر کیا ہے۔ ننھی رھام کی طرف سے نتائج کی پرواہ کیے بغیر اپنی بہن کی جان بچانے کی کوشش اور جذبے کو خراج تحسین پیش کیا گیا۔

بھارت کو سفارتی محاذ پر ایک اور شکست کھانی پڑی، چین نے مسئلہ کشمیر پر ثالثی کیلئے امریکی پیشکش کی حمایت کر دی۔

باغی ٹی وی رپورٹ کے مطابق چینی وزارت خارجہ کی ترجمان نے ہفتہ وار بریفنگ میں کہا پاک بھارت تعلقات کی بہتری کیلئے امریکا سمیت عالمی برادری کے کردار کے حامی ہیں۔ ان کا کہنا تھا چین پاکستان اور بھارت کا مشترکہ ہمسائیہ ملک ہے، دلی خواہش ہے کہ دونوں ملک ہم آہنگی سے رہیں۔

ترجمان چینی وزارت خار جہ نے کہا چاہتے ہیں فریقین مسئلہ کشمیر پر امن طریقے سے حل کریں، دونوں ملکوں کو دیگر تنازعات بھی مذاکرات کے ذریعے ختم کرنا ہوں گے، دونوں ملکوں کو خطے میں امن و استحکام کے لیے ٹھوس اقدامات کرنے چاہئیں۔

واضح رہے کہ عمران خاں کے دورہ امریکا میں مسئلہ کشمیر کی بازگشت ایک بار پھر سنائی دینے لگی.صدر ٹرمپ نے کہا تھا کہ مجھے مودی نے بھی مسئلہ کشمیر کے حل کےلیے اپیل کی تھی.اس بات پر رد عمل دیتے ہوئے راج ناتھ نے کہا کہ مقبوضہ کشمیر پر امریکی صدر ڈونلڈ ٹرمپ کی جانب سے ثالثی کے بیان پر بھارتی وزیر دفاع راج ناتھ سنگھ نے لوک سبھا (ایوان زیریں) کو بتایا کہ مودی نے ٹرمپ سے ملاقات میں کشمیر کا ذکر تک نہیں کیا تھا، کشمیر پر ثالثی کا سوال ہی پیدا نہیں ہوتا ۔ دونوں رہنمائوں کے درمیان 28جون کو جاپان کے شہر اوساکا میں جی 20-سربراہ اجلاس کے موقع پر ملاقات ہوئی تھی ۔ راج ناتھ نے زور دیتے ہوئے پارلیمنٹ کو بتایا کہ کشمیر پر ثالثی قبول کرنے کا کوئی سوال ہی نہیں اٹھتا۔امریکی صدر کے بیان پر مودی کی خاموشی کے خلاف کانگریس اراکین نے پارلیمنٹ سے واک آؤٹ کیا۔

امریکی وزیر خارجہ مائیک پومپیو اور افغان صدر اشرف غنی کا فون پر رابطہ ہوا ہے۔

فون پر گفتگو کے دوران دونوں رہنماؤں نے افغانستان میں مذاکرات کے ذریعے جنگ کے خاتمے کے لیے کوششیں تیز کرنے پر اتفاق کیا۔مائیک پومپیو نے افغان صدر کو یقین دلایا کہ امریکی صدر ڈونلڈ ٹرمپ کی جنوبی ایشیاء سے متعلق حکمتِ عملی میں کوئی تبدیلی نہیں آئی ہے،انہوں نے افغان صدر کو آگاہ کیا کہ امریکی چیئرمین جوائنٹ چیفس جنرل جوزف ڈنفورڈ اور نمائندہ خصوصی زلمے خلیل زاد کو کابل بھیجا گیا ہے۔

پومپیو نے یہ بھی کہا کہ ان کو بھیجنے کا مقصد ہے کہ وہ امن کوششوں کے سلسلے میں آئندہ کے اقدامات پر تفصیلی تبادلۂ خیال کر سکیں۔

افغانستان کے مسئلے پر اس سے قبل امریکی محکمہ خارجہ کی ترجمان مورگن اورٹیگس نے پریس بریفنگ میں کہا کہ پاکستان کے وزیراعظم عمران خان اور امریکی صدر ٹرمپ کے مابین اہم ملاقات ہوئی جس میں دونوں رہنماوں کے مابین مثبت اور کامیاب مذاکرات ہوئے۔ اب پاک امریکا تعلقات میں پیشرفت کا وقت آ گیا ہے، افغان امن عمل میں امریکا کی نیت پر شک نہیں کیا جا سکتا۔

مورگن اورٹیگس کا مزید کہنا تھا کہ وزیراعظم عمران خان اور صدر ٹرمپ کے درمیان ملاقات انتہائی اہم تھی، دونوں رہنماوں کے درمیان خطے سے متعلق اہم امور زیر غور آئے جبکہ مجموعی طور پر مذاکرات مثبت اور کامیاب رہے۔