Category: بین الاقوامی

ایرانی صدر نے کہاہےکہ امریکا کے ساتھ صرف برابری کی سطح پر مزاکرات ہو سکتےہیں

تفصیلات کے مطابق ایران کے صدر حسن روحانی نےکہا ہے کہ ان کا ملک امریکا کے ساتھ برابری کی بنیاد پر مذاکرات کے لیے تیار ہے۔ ان کا کہنا تھا کہ اگر مذاکرات تہران کو گھٹنے ٹیکنے پر مجبور کرنے کے لیے نہیں تو ہم بات چیت کے لیے تیار ہیں۔

تاہم ایرانی صدر نے یہ واضح نہیں کیا کہ ایران کس نوعیت کے مذاکرات پر آمادہ ہے؟ البتہ انہوں نے امریکا کے ساتھ مشروط مذاکرات پر آمادگی کا اشارہ دیا۔

خیال رہے کہ امریکی صدر ڈونلڈ ٹرمپ نے سنہ 2015ء کو ایران اور چھ عالمی طاقتوں کے درمیان طے پائے تاریخی جوہری معاہدے سے علیحدگی اختیار کرلی تھی تاہم امریکا کا کہنا ہے کہ وہ ایران کے ساتھ نئی شرائط پر مذاکرات کے لیے تیار ہے۔

اس دور میں‌اگر آج کوئی کہے کہ دنیا میں ایسا ضلع بھی ہے جہاں 3 ماہ سے لڑکی نے جنم نہیں لیا تو یہ بات من کو نہیں بھائے گی.لیکن یہ بات حقیقت ہے دنیا میں ایسا ضلع موجود ہے اور وہ بھی وہان جو دنیا کی سب سے بڑی جمہوریت ہونے کے دعویدار ہے . ایسا جمتکار بھارت میں ہو رہا ہے
تفصیلات کے مطابق بھارتی ریاست اُترکھنڈ میں132 گاؤں پر مشتمل ضلع اُترکشی میں پچھلے 3 مہینوں کےدوران 216 بچوں نے جنم لیا جس میں ایک بھی لڑکی کی پیدائش نہیں ہوئی۔
مقامی انتظامیہ کی رپورٹ کے مطابق سرکاری اعداد و شمار جاننے کہ بعد یہ تشویش ناک بات سامنے آئی ہے کہ گزشتہ 3 مہینوں کے دوران ایک بھی لڑکی کی پیدائش نہیں ہوئی جس کی وجہ لڑکیوں کا پیدا ہونے سے پہلے قتل ہے۔

اترکشی کے مجسٹریٹ اشیش چوہان کا کہنا ہے کہ مذکورہ گاؤں میں اسقاطِ حمل کے ذریعے لڑکیوں کی پیدائش سے پہلے ہی اُنہیں ختم کر دیا جاتا ہے ۔

انہوں نے کہا کہ یہاں لڑکوں کو کمانے اور اپنا خرچہ خود اُٹھانے کی بناء پر اچھا سمجھا جاتا ہے جبکہ لڑکیوں کو بوجھ سمجھا جاتا ہے۔ان کا کہنا ہے کہ یہ صورتحال بہت تشویس ناک حد تک پہنچ چکی ہے۔

انہوں نے واضح کیا کہ بھارت میں 1994 میں ایک قانون پاس کیا گیا تھا جس کے تحت لڑکیوں کو پیدا ہونے سے پہلے قتل کرنے پر پابندی عائد کر کے ان کی نسل کشی کو غیر قانونی قرار دیا جا چکا ہے مگر ملک میں یہ روایت غیر معمولی طور پر ابھی تک جاری ہے کیونکہ آج تک اس ’سلیکٹو ابورشن‘ پر کوئی سزا عمل میں نہیں آئی ۔

۔واضح رہے کہ اس صورتحال کے نتیجے میں بھارت میں مردوں کے مقابلے میں خواتین کی تعداد کافی حد تک کم ہو گئی ہے، بھارت میں 2011 میں ہونے والی آخری مردم شماری کے سرکاری اعدادو شمار کے مطابق 1000 مردوں کے مقابلے میں خواتین کی تعداد 943 تھی۔

بھارتی وزیر دفاع راجناتھ سنگھ نے بدھ کو پارلیمنٹ میں خطاب کے دوران کہا کہ وزیر اعظم نریندر مودی نے امریکی صدر ڈونالڈ ٹرمپ کے ساتھ کشمیر پر بات نہیں کی اور اس مسئلے پر مداخلت کا کوئی امکان نہیں کی۔
کشمیر پر ثالثی، بھارتی لوک سبھا میں خوب ہنگامہ آرائی ،مودی جواب دے، اپوزیشن
راجناتھ سنگھ نے کہا کہ کشمیر کے معاملے میں ثالثی کا سوال ہی نہیں کیونکہ یہ شملہ معاہدے کی بھی خلاف ورزی ہے۔
وزیردفاع کے مطابق کشمیر ہمارے لئے قومی مسئلہ ہے۔ اگر کشمیر پر پاکستان کے ساتھ کوئی بات چیت ہوگی تو اس میں پاکستان کے زیرانتظام کشمیر بھی شامل ہوگا.
یاد رہے کہ امریکی صدر ٹرمپ نے صحافیوں سے بات چیت کے دوران کہا تھا کہ وزیراعظم مودی نے انہیں کشمیر کے مسئلے پر ثالث کا کہا تھا۔

ویمن اینڈ چائلڈ ڈیویلمپنٹ کی وزیر امارتی دیوی نے اپنے ایک متنازعہ بیان میں کہا کہ ٹوائلٹ کے اندر کھانا پکانے میں کوئی غلطی نہیں ہے۔
انہوں نے کہا کہ ”اگر کسی ٹوائلٹ اور کچن کے درمیان پارٹیشن موجود ہے تو کھانا تیار میں کوئی حرج نہیںہے۔“
امرتی دیوی کے مطابق ان دنوں ہمارے ہاں کمروں کے ساتھ ہی باتھ روم بنے ہوئے ہیں۔

یاد رہے کہ شووا پوری ضلع میں سلانگر پوکھر گاوں میں بچوں کے لئے دوپہرکے کے کھانے کی تیاری کے لئے ٹوائلٹ کی سیٹ کا استعمال کیا جا رہا تھا۔
یہ گاوں بھوپال سے 350 کلو میٹر واقع ہے۔ اس معاملے کی انکوائری کا حکم دے دیا گیا ہے۔کھانا 50 سے زائد بچوں کے لئے تیار کیا گیا تھا۔
ویمن اینڈ چائلڈ ڈیویلممنٹ کے آفیسر کے مطابق ”گروپ نے اپنی مدد آپ کے تحت ٹوائلٹ کا کنٹرول لیا اور اسے عارضی باورچی خانے کے طور پر استعمال کر رہا تھا۔ سپروائزر اور کارکنان کے خلاف کارروائی کی جا رہی ہے۔“

نریندر مودی کی وزارت عظمیٰ کی دوسری مدت جاری ہے لیکن بے روزگاری کم کرنے کے محاذ پر مودی حکومت اب تک بری ناکام رہی ہے۔
تازہ رپورٹ میں انکشاف ہوا ہے کہ اگلے 4 سالوں میں ملک میں ملازمتوں پر بحران بڑھ سکتا ہے اور اس میں 37 فیصد کمی ہو سکتی ہے۔
رپورٹ کے مطابق ملک میں نئی ملازمتیں کم ہوں گی۔ اکنامک ٹائمز نے ایک خبر شائع کی ہے جس کے مطابق ای کامرس، بینکنگ، فائنانشیل سروس، انشورنس اور بی پی اوآئی ٹی سیکٹر کی ملازمتوں میں سال 23-2019 کے دوران 37 فیصد کی کمی آسکتی ہے

رپورٹ میں یہ بھی کہا گیا ہے کہ مارکیٹنگ، ایڈورٹائزنگ، زراعت، ایگرو کیمیکل، ٹیلی کمیونی کیشنز، بی پی او،آئی ٹی، میڈیا، انٹرٹینمنٹ، ہیلتھ کیئر اور فارماسیوٹیکل جیسے اہم شعبوں میں بھی ملازمتوں کی کمی ہو سکتی ہے۔ ایگریکلچر اور ایگروکیمیکل سیکٹر میں سب سے زیادہ ملازمتوں کا بحران پیدا ہونے کی امید ہے۔ رپورٹ کے مطابق اس سیکٹر میں آئندہ سالوں میں 70 فیصد تک ملازمتوں میںکمی آ سکتی ہے۔
کنسٹرکشن اور رئیل اسٹیQٹ سیکٹر میں 44 فیصد ملازمتوں کا اضافہ ہونے کا امکان ہے۔ آٹو موبائل اور الائیڈ انڈسٹریز میں سب سے زیادہ ملازمتوں کے مواقع مل سکتے ہیں۔

اسرائیلی حکام نے انتظامی قید کی پالیسی کے تحت سینیر صحافی محمد انور منیٰ کی قید میں تیسری بار 4 ماہ کی توسیع کردی۔
صہیونی فوج کی طرف سے محمد انور منیٰ کی مدت حراست میں توسیع کی سفارش کی گئی تھی جس پرعدالت نے ان کی قید مزید چار ماہ تک بڑھا دی۔
اسرائیلی فوج نے الخلیل سے 102 فلسطینی مزدور گرفتارکر لیے

یاد رہے کہ 37 سالہ صحافی انور منیٰ کو اسرائیلی فوج نے اگست 2018ءکو غرب اردن کے شمالی شہر نابلس میں ان کی رہائش گاہ سے گرفتار کیا تھا۔ یہ ان کی پہلی گرفتاری نہیں بلکہ وہ اب تک 7 سال اسرائیلی جیلوں میں قید کاٹ چکے ہیں۔
قبل ازیں محمد انور کو سات اگست 2013ء کو کیا گیا تھا اوراپریل 2015ء کو رہا کیا گیا تھا۔

اس سال حجاج کےلیے سعودی حکومت خاص اہتمام کر رہی ہے اس کی ایک جھلک مکہ میں ‘زمزمی صغیر’ کے نام سے حجاج کا استقبال کی صورت دیکھی جا سکتی ہے جب ننھے منے پھول پیش کرتے رہے
تفصیلات کے مطابق سعودی عرب میں عازمین حج کی خدمت اور ان کے استقبال کے لیے کام کرنے والے ‘زمازمہ کنسولی ڈیڈٹ مرکز’ کی طرف سے عازمین حج کے استقبال کی ایک نئی مہم شروع کی گئی ہے۔ ‘زمزمی صغیر’ کے عنوان سے جاری اس مہم میں مکہ اور مدینہ منورہ کوملانے والی مرکزی

شاہراہ پر بچے پھول اور زمزم کی بوتلیں لیے عازمین حج کا استقبال کرتےہیں۔ بچے یہ پھول اور زمزم اللہ کے مہمانوں میں تقسیم کرکےان سے داد تحسین وصول کرتے ہیں۔

زما زمہ’ مرکز کے چیئرمین کے ڈپٹی ڈائریکٹرامیر عبید نے کہا کہ مہم کی سرپرستی رابطہ واطلاعات شعبے کی جانب سے کی جا رہی ہے۔ اس مہم کا مقصد عازمین حج اور ان کے اہل وعیال کی خوشیاں دوبالا کرنا اور انہیں یہ احساس دلانا کہ ان میں اپنائیت کا احساس پیدا کرنا ہے۔

عبید کا کہنا تھا کہ اس مہم کا ایک دوسرا مقصد عوام میں اللہ کے مہمانوں کی خدمت کا جذبہ پیدا کرتے ہوئے عازمین حج کے لیے ہرطرح کی سہولت اور خدمت کے جذبے کوآگے بڑھانا ہے۔ انہوں‌ نے کہا کہ ‘زمزمی صغیر’ مہم کو سوشل میڈیا اور عوام الناس میں غیرمعمولی پذیرائی ملی اور اسے سراہا گیا ہے۔

چین کے صوبہ گوئیڑو میں دو مقامات پر لینڈ سلائیڈنگ سے ایک شخص ہلاک ، چھ دیگر لاپتہ ۔
تفصیلات کے مطابق مقامی انتظامیہ کے مطابق ہجیانگ کاونٹی کے ایک گاوں میں زیر تعمیر مقام کے نزدیک لینڈ سلائیڈنگ سے ایک شخص ہلاک اور چھ دیگر لاپتہ ہو گئے۔
مظفر آباد لینڈ سلائیڈنگ، فیصل آباد مدرسہ کے پانچ طلباء بھی لاپتہ، تبلیغ کیلئے گئے تھے

شہر کے پبلیسٹی ڈیپارٹمنٹ کے مطابق لوپانشوئی شہر کے ایک گاوں میں لینڈ سلائیڈنگ کے ایک اور واقعہ میں 20 سے زائد گھر زمین بوس ہوگئے۔ کم از کم 10 افراد کو بچا لیا گیا۔