Category: بین الاقوامی

چندریان2 کی لانچنگ کے بعد جہاں بھارت میں جشن کا ماحول ہے لیکن اس دوران بھارتی کرکٹر ہربھجن سنگھ کے ٹوئٹ سے لوگوں میں زبردست غصہ ہے۔

Some countries have moon on their flags
🇵🇰🇹🇷🇹🇳🇱🇾🇦🇿🇩🇿🇲🇾🇲🇻🇲🇷

While some countries having their flags on moon
🇺🇸 🇷🇺 🇮🇳 🇨🇳#Chandrayaan2theMoon

— Harbhajan Turbanator (@harbhajan_singh) July 22, 2019

ہربھجن نے اپنے ٹوئٹ میں لکھا ہے کہ کئی ممالک کے جھنڈوں میں چاند ہوتا ہے اور کئی ملکوں کے جھنڈے چاند پر ہوتے ہیں۔ جب بھارتی کرکٹر نے یہ لکھا کہ کئی ممالک کے جھنڈے چاند پر ہوتے ہیں یہاں انہوں نے امریکہ، روس، چین اور ہندوستان کے جھنڈے لگائے۔
انہوںنے مزیدلکھا کہ کچھ ممالک کے جھنڈوں میں چاند ہوتا ہے اور مسلم ممالک پاکستان، ترکی، لیبیا، تیونشیا، ازربائیجان، ملائشیا، مالدیپ اور ماریٹینیا کے جھنڈے لگائے ہیں۔
چندریان 2 چاند مشن، چین نے کیا بھارت کے ساتھ مل کر آئندہ کیلئے خلائی تحقیق کا اعلان

اس پرلوگوں نے زبردست غصہ پایا جا رہا ہے۔ بھارتیوں کے مطابق ہربھجن نے صرف مسلم ممالک کے جھنڈے ہی اپنے ٹوئٹ میں لگائے ہیں جبکہ نیپال سمیت کئی ممالک کے جھنڈوں میں چاند کی تصویر ہے جنہیں نظرانداز کر دیا گیا۔

گورنر مکہ نےخصوصی حج میڈیا ایوارڈ جاری کرنے کا اعلان کردیا

تفصیلات کے مطابق خادم الحرمین الشریفین کے مشیر خاص، مکہ معظمہ کے گورنر اور مرکزی حج کمیشن کے چیئرمین شہزادہ خالد بن فیصل نے ‘حج عبادت اور تہذیبی طرز عمل’ کے عنوان سے ایک نئی رضا کارانہ ابلاغی مہم کا اعلان کیا ہے۔ اس مہم کے لیے’حج امن کا پیغام’ کا سلوگن متعارف کرایا گیا ہے۔ یہ مہم سالانہ میڈیا ایوارڈ کے 12 ویں سیشن کے موقع پر شروع کی گئی ہے۔

اس ایوارڈ کو’ مکہ مکرمہ گورنری نیو ایوارڈ برائےاطلاعات’ کےعنوان سے چار حصوں میں تقسیم کیا جائے گا۔ ایک حصہ مختصر دستاویزی فلم، دوسرا تصاویر، تیسرا ٹویٹس اور چوتھا حصہ سناپ چیٹ پرحج کےحوالےسے خدمات کے لیے مختص ہوگا۔ اس ایوارڈ کی مجموعی مالیت نصف ملین ریال رکھی گئی ہے۔

بھارتی ریاست بہار کے 12 اضلاع سیلاب سے شدید متاثر ہیں۔ بہار میں متعدد ندیاں تاحال خطرے کے نشان سے اوپر بہہ رہی ہیں۔
محکمہ آبی وسائل کے ترجمان اروند کمار کے مطابق کوسی ندی کی آبی سطح میں بیراج کے پاس کمی واقع ہوئی ہے لیکن باگمتی، بوڑھی گنڈک، کملا بلان، ادھوارا زمرے کی ندیاں، کھروئی اور مہانندا کئی مقامات پر خطرے کے نشان سے اوپر بہہ رہی ہیں۔
بھارت، سیلاب سے 2ریاستوں میں 11ملین بے گھر، 128ہلاک
جن مقامات سے ڈیم کے ٹوٹنے کی اطلاع موصول ہوئی ہے وہاں پر مرمت کا کام جاری ہے۔

محکمہ فلڈ کنٹرول کے ایک افسر نے بتایا کہ بہار کے 12 اضلاع شیوہر، سیتامڑھی، مظفر پور، ایسٹ چمپارن، مدھوبنی، دربھنگہ، سہرسہ، سپول، کشن گنج، ارریہ، پورنیہ اور کٹیہار میں سیلاب سے 104 لوگوں کی اموات ہو چکی ہے جبکہ کم وبیش8ملین افراد متاثر ہوئے ہیں۔
سیلاب متاثرہ اضلاع میں کل 81 ریلیف کیمپ ہیں جہاں 76 ہزار سے زیادہ لوگ پناہ لئے ہوئے ہیں۔

امریکہ نے دعوی کیا ہےکہ اس نے ایران کے ایک ہی ہفتے میں دو ڈرون مار گرائے ہیں.

تفصیلات کے مطابق امریکی سینٹرل کمانڈ کے سربراہ جنرل کینتھ میکنزی نے کہا کہ گذشتہ ہفتے امریکی بحری جنگی جہاز نے خلیجی خطے میں ایران کے دو ڈرون طیارے مار گرائے۔انہوں‌نے مزید کہا کہ اس وقت صورت حال کافی پیچیدہ ہے۔ ہمیں یقین ہے کہ ہم نے ایران کےدو ڈرون مار گرائے۔ ہوسکتا ہے کہ دو سے بھی زیادہ ہوں مگر دو طیاروں کےگرائے جانے کا یقین ہے۔

انٹر نیشل میڈیا چینل سے بات کرتے ہوئےجنرل میکنزی کام مزید کہنا تھا کہ ایران کا ایک ڈرون طیارہ امریکی راڈار سے غائب ہوگیا جب کہ دوسرے کو پانی میں‌مار گرایا گیا۔

خیال رہے کہ گذشتہ ہفتے امریکی صدر ڈونلڈ ٹرمپ نے آبنائے ہرمز میں ایران کا ایک بغیر پائلٹ ڈرون طیارہ مار گرانے کا دعویٰ کیا تھا مگر ایران نے اپنے کسی طیارے کے مار گرائے جانے کی تردید کرتے ہوئے کہا تھا کہ لگتا ہے کہ امریکا نے غلطی سے اپنا ہی ڈرون مار گرایا ہے۔

اسرائیلی حکام نے النقب صحرا میں فلسطینی خانہ بدوش قصبے عراقیب کے تمام گھروں کو 147 ویں بار گرا دیا۔اسرائیلی بلڈوزروں نے گاوں پر ہلہ بول کر تمام خیمے اور کچے مکانات مسمار کر دیئے۔
اسرائیل نے یروشلم میں فلسطینیوں کے مکان گرانا شروع کردئیے
بچوں ، خواتین اور بزرگوں سمیت درجنوں شہری بے گھر ہو گئے۔عراقیب کے رہائشی مسلسل خوف کی حالت میں زندگی گزار رہے ہیں کیونکہ نئے گھروں کی تعمیر کے بعد بھی کسی وقت انکے گھروں کو دوبارہ گرا دیا جائے گا۔
یادرہے کہ اسرائیل عراقیب قصبہ کو تسلیم نہیں کرتا اور یہاں سے مقامی آبادی کو نکال کر صہیونی کمیونٹی کوآباد کرنا چاہتا ہے۔

فلسطینی اتھارٹی کے صدر محمود عباس نے کہا ہے کہ مقبوضہ بیت المقدس کے مزرق میں صور باھر میں اسرائیل کی طرف سے گھر گرائے جانے کے جواب میں کل سے اہم ملاقاتوں کا سلسلہ شروع کیا جائے گا۔

صدر کے ترجمان نبیل ابو ردینہ کے مطابق ان ملاقاتوں کے دوران اسرائیل کے ساتھ تعلقات اور اسکے ساتھ ہونے والے معاہدوں کے متعلق اہم فیصلہ کیاجائے گا۔

فلسطینی لبریشن آرگنائزیشن (پی ایل او) کی رام اللہ شہر میں ایک میٹنگ ہوئی جس کے بعد پارٹی کی ایگزیکٹو کمیٹی کے سیکرٹری صائب عریقات نے بتایا کہ فلسطینی قیادت نے قابض اسرائیلی ریاست کے ساتھ تمام معاہدے ختم کرنے کا فیصلہ کیا ہے۔ حکومت نے بیت المقدس میں متاثرہ خاندانوں کا مدد کرنے کے لیے تمام ضروری اقدامات کرنے کا فیصلہ کیا ہے۔
اسرائیل نے یروشلم میں فلسطینیوں کے مکان گرانا شروع کردئیے
پی ایل او کے رہنما نے عالمی عدالت انصاف سے مطالبہ کیا کہ وہ فلسطینیوں کے خلاف اسرائیلی جرائم کی فوری تحقیق کا آغاز کرے۔
یاد رہے کہ اسرائیل کی طرف سے فلسطینیوں کے گھر گرائے جانے کا سلسلہ کئی دنوں سے جاری ہے۔

دہشتگردوں سے امریکی فوجی حکام کا ملنا باعث تشویش ہے:ترک وزیردفاع

ترکی کے وزیر دفاع خلوصی عقار نے امریکی کے نمائندہ شام جیمز جیفری کے ساتھ شامی بحران کے حل پر بات چیت کی ۔

وزیر دفاع نے بات چیت میں کہا کہ بعض امریکی سول اور عسکری عہدے داروں کی پی کےکے / وائی پی جی کے سرغناوں کے ساتھ ملاقاتوں پر ترکی کو تشویش ہے ۔

علاوہ ازیں ملاقات میں اس بات کا بھی عندیہ دیا گیا کہ دریائے فرات کے مشرقی کنارے کو محفوظ علاقہ قرار دینے اور داعش سمیت شام کی بگڑتی حالیہ صورت حال پر بھی تبادلہ خیال کرتےہوئے اس بابت علاقے کو دہشتگردوں سے پاک کرنے اور ان کی باقیات کو تباہ کرتےہوئے شامیوں کی بحفاظت گھروں کو واپسی ممکن بنانے کے لیے ترکی ہر ممکنہ تعاون کےلیے تیار ہے ۔

واضح رہے کہ پی کے کے اور وائی پی جے ترکی کے اندر علیحدگی پسند تحریکیں ہیں جو کرد نسلی بنیادوں پر ایک علیحدہ خطہ بنانے کی کوش میں مصروف ہیں‌ ترکی ان کو دہشت گرد قرار دیتا ہے.

سعودی عرب کے حکمران شاہ سلمان بن عبد العزیز نے خلیج کے سمندر میں جہاز رانی کے تحفظ کو یقینی بنانے پر زور دیا ہے.ان کا یہ بیان ایرانی اقدام کے تناظر میں‌دیا گیا جب ایران نے برطانوی بحری جہاز کو قبضے میں‌لے لیا تھا.

تفصیلات کے مطابق سعودی عرب کی وزارتی کونسل نے عالمی برادری پر زور دیا ہے کہ وہ خطۂ خلیج میں جہاز رانی کے تحفظ اور اس کو درپیش کسی بھی خطرے سے نمٹنے کے لیے ضروری اقدامات کرے۔

سعودی وزارتی کونسل کا منگل کو ہفتہ وار اجلاس خادم الحرمین الشریفین شاہ سلمان بن عبدالعزیز کے زیر صدارت ہوا ۔اس میں خطے میں تجارتی جہاز رانی کو درپیش خطرات اور ان سے نمٹنے کے بارے میں غور کیا گیا ہے۔ وزارتی کونسل نے کہا کہ بین الاقوامی جہاز رانی کی آزادی کی کوئی خلاف ورزی بین الاقوامی قانون کی بھی خلاف ورزی ہے۔

واضح رہے کہ ایران کے پاسداران انقلاب نے گذشتہ ہفتے خلیج میں برطانیہ کے ایک پرچم بردار آئیل ٹینکر کو پکڑ لیا تھا۔ انھوں نے یہ کارروائی اسی ماہ جبل الطارق میں برطانیہ کی شاہی بحریہ کی کارروائی میں ایک ایرانی جہاز کو تحویل میں لینے کے ردعمل میں کی تھی۔ اس جہاز پر ایرانی تیل لدا ہوا تھا اور اس کو یورپی یونین کی پابندیوں کی خلاف ورزی کرتے ہوئے شام بھیجا جارہا تھا۔
یہ بھی پڑھیں ایران نے برطانوی ٹینکر پر اپنا پرچم لہرا دیا

وزیر اعظم کی مائک پومپیو سے ملاقات ہوئی جس میں علاقائی امن بارے بات چیت ہوئی.

تفصیلات کےمطابق وزیر اعظم کی مائک پومپیو سے ملاقات ہوئی جس میں علاقائی امن و امان اور سیکیورٹی کے متعلق تبادلہ خیال ہوا .پاکستان ہاؤس واشنگٹن میں ہونے والی ملاقات میں وزیراعظم عمران خان نے کہا کہ افغانستان میں سیاسی حل پر اتفاق رائے سے علاقائی امن کا موقع ملا ہے۔

انہوں نے کہا کہ پرامن اور مستحکم افغانستان پاکستان کیلئے انتہائی اہم ہے۔ وزیراعظم عمران خان نے مقاصد کے حصول کیلئے پاکستان اور امریکا میں قریبی تعاون پر زوردیا اور کہا کہ دونوں ملکوں کے باہمی مفادات کے فروغ کیلئے مضبوط شراکت ضروری ہے۔

وزیر اعظم نےکہا کہ ہم چاہتے ہیں کہ برابری کی سطح پر باوقار تعلقات ہوں،وزیر اعظم عمران خان نے کہاکہ نائن الیون میں کوئی پاکستان ملوث نہیں تھا ،دہشتگردی کے خلاف پاکستان نے 70ہزار جانوں کی قربانی دی ، افغانستان میں امن کے لیے پاکستان نے بھاری قیمت ادا کی، پہلے بھی کہا تھا کہ افغان مسئلے کا کوئی فوجی حل نہیں لیکن اس وقت لوگوں کو یہ سمجھ نہیں آرہی تھی اب لوگوں کو آئیڈیا ہوا ہے کہ افغان مسئلے کا حل صرف اور صرف بات چیت میں ہے، انہوں نے کہاکہ افغانستان میں امن کے لیے یہ بہترین وقت ہے ،یہ پہلا موقع ہے کہ پاکستانی حکومت، فوج اور امریکی حکام ایک پیج پر ہیں ، افغان طالبان اور امریکا کےساتھ مذاکرات کررہےہیں، بہت جلد امن معاہدہ کاامکان ہے یہ کام آسان نہیں تاہم سب کو اس مقصد کے لیے اپنا کردار ادا کرنا پڑے گا،