ہانگ کانگ: ہزاروں افراد پولیس کے بدترین تشدد کے خلاف سڑکوں پر نکل آئے۔ مظاہرین کا مطالبہ ہے کہ پولیس کے تشدد سے متعلق آزادانہ تفتیش کی جائے۔ شہریوں نے جمہوریت کے استحکام کے لیے اصلاحات کا بھی مطالبہ کیا۔

تفصیلات کے مطابق ہانگ کانگ میں پولیس کے بدترین تشدد کے خلاف ہزاروں افراد سراپا احتجاج ہیں۔ ہزاروں شہری بینرز اورپلے کارڈزاٹھائے ایک بار پھر سڑکوں پر نکل آئے ہیں۔

ذرائع کے مطابق مظاہرین کا مطالبہ ہے کہ پولیس کے تشدد کی آزادانہ تحقیقات کروائیں جائیں۔ انہوں نے جمہوریت کے استحکام کے لیے نئی اصلاحات کا مطالبہ بھی کر دیا۔ کشیدہ حالات کے سبب دکانیں بند کر دی گئیں۔

یہ بھی خبریں آرہی ہیں کہ کئی مقامات پر پولیس اور عوام آمنے سامنے آگئے۔ پولیس نے مظاہرین کو منتشر کرنے کیلئے لاٹھی چارج کیا اور سموک گرنیڈز بھی پھینکے۔

رات ہوئی تو مظاہرین نے موبائل کی لائٹ جلا کر احتجاج کیا۔ مشتعل افراد
نے سرکاری عمارت اور کیمروں پر بھی سیاہی مل دی۔جبکہ سیکورٹی اداروں نے اس احتجاج کو کچلنے کے لیے قانون کا بھر پور استعمال کریں گے

سماجی رابطے کی معروف ویب سائٹ ٹوئٹر نے 3 ایرانی خبر رساں اداروں کے فارسی زبان کے اکاؤنٹس معطل کردیے۔خبر ایجنسی اے ایف پی کی رپورٹ کے مطابق 2 روز قبل ایران کی جانب سے برطانوی تیل بردار جہاز قبضے میں لینے کے بعد ایران کے سرکاری خبر رساں ادارے کے ٹوئٹر اکاؤنٹس معطل کیے جانے کی اطلاعات سامنے آئی تھیں۔

ٹوئٹر نے اپنے بیان میں کہا ہے کہ ایرانی میڈیا کے اکاؤنٹس کو ’بہائی مذہب‘ سے تعلق رکھنے والے افراد کو نشانہ بنا کر ہراساں کرنے پر معطل کیے گئے۔

علاوہ ازیں ٹوئٹر حکام نے غیر فعال اکاؤنٹس کی نشاندہی نہیں کی اور موقف اختیار کیا کہ معاملے کی تحقیقات تاحال جاری ہے۔دوسری طرف ایرانی حکام بھی ٹویٹر کے رویے کے خلاف احتجاج کیا ہے.

غزہ :غزہ کی تباحال صورت حال اور فلسطینی مسلمانوں کے لیے قطر نے امداد کا اعلان کردیا .قطر کی طرف سے غزہ کی پٹی میں تعمیر نو اور بحالی کے لیے کام کرنے والی کمیٹی نے غزہ کے 60 ہزار گھرانوں کو فی کنبہ 100 ڈالر کی رقم فراہم کردی ہے۔

فلسطینیوں کے لیے کام کرنے والی کمیٹی کی طرف سے جاری بیان میں کہا گیا ہےکہ غزہ کے غریب گھرانوں میں امداد کی تقسیم کا عمل دو روز قبل شروع کیا گیا تھا۔ تمام شہریوں کو ڈاک اور بنک کے ذریعے رقم ارسال کی گئی۔

غزہ میں مستحق شہریوں‌ میں قطر کی طرف سے امداد کی تقسیم کے عمل میں فلسطینی وزارت سماجی بہود کا تعاون بھی حاصل رہا ہے۔خیال رہے کہ قطری تعمیر نو اور بحالی کمیٹی گذشتہ کچھ عرصے سے ہرماہ غزہ کے مستحق شہریوں میں نقد امداد تقسیم کر رہی ہے۔

تہران : ایرانی حکام نے برطانیہ کی طرف سے آئل ٹینکر کو چھوڑنے کے مطالبے کے بعد پہلی بار ایران کی طرف سے ردعمل آیا ہے ، اطلاعات کے مطابق ایرانی حکام کے مطابق برطانوی آئل ٹینکر اسٹینا امپیرو کے عملے کے تمام ارکان محفوظ ہیں۔ اس آئل ٹینکر کو ایرانی انقلابی گارڈز نے آبنائے ہرمز میں جمعے کے روز روک لیا تھا۔

دوسری طرف یہ کہا جا رہا ہے کہ ایران نے اسے جبرالٹر کے قریب ایرانی تیل بردار بحری جہاز کو برطانیہ کی طرف سے روکے جانے کا ردعمل قرار دیا ہے۔ گریس ون نامی ایرانی آئل ٹینکر چار جولائی سے برطانوی تحویل میں ہے۔

ایران کے بندرگاہوں اور میری ٹائم سے متعلق محکمے کے سربراہ کے مطابق برطانوی آئل ٹینکر کے عملے کے تمام 23 ارکان محفوظ ہیں اور صحت مند ہیں۔ یہ اہلکار بندر عباس بندرگاہ پر موجود ہیں

پیرس:فرانس میں پیلی جیکٹ تحریک کے حامیوں نے چھتیسویں ہفتے بھی مظاہرے کئے۔ رپورٹ کے مطابق فرانسیسی مطاہرین نے حکومت کی ناقص اقتصادی پالیسی، سرمایہ دارانہ نظام اور اس ملک کے صدر میکرون کے خلاف دارالحکومت پیرس سمیت مختلف شہروں میں مظاہرے کئے۔

یورپی ذرائع ابلاغ کے مطابق سرمایہ دارانہ نظام کے خلاف فرانس میں شروع ہونے والی پیلی جیکٹ تحریک دوسرے یورپی ملکوں میں بھی پہنچ گئی ہے اور ہر سنیچر کو فرانس کے ساتھ ہی متعدد دیگر یورپی ملکوں میں بھی لوگ پیلی جیکٹیں پہن کے مظاہرے کرتے ہیں ۔

یاد رہے کہ فرانس میں پیلی جیکٹ مظاہرے نومبر دو ہزار اٹھارہ کے وسط میں مہنگائی اور حکومت کی معیشتی پالیسیوں کے خلاف شروع ہوئے جو بعد میں سرمایہ دارانہ نظام کے خلاف منظم تحریک میں تبدیل ہوگئے

مقبوضہ بیت المقدس: صہیونی حکومت نے فلسطینیوں پر مظالم کی انتہا کردی ،غاصب صیہونی حکومت کی ایک عدالت نے مقبوضہ بیت المقدس میں فلسطینیوں کی سو عمارتوں اور گھروں کی مسماری کا حکم سنایا ہے۔

روسی ذرائع ابلاغ کے مطابق غاصب صیہونی حکومت کی اس عدالت نے بیت المقدس کے جنوب میں واقع صورباہر کے فلسطینیوں سے کہا ہے کہ وہ اپنے ہاتھوں سے اپنے گھروں کو مسار کردیں ورنہ انھیں اسرائیلی بلڈوزروں کے اخراجات بھی برداشت کرنا پڑیں گے۔

یاد رہے کہ بعض عرب ملکوں کی جانب سے غاصب صیہونی حکومت کے ساتھ تعلقات کی برقراری کی کوششیں تیز ہوتے ہی اسرائیل نے فلسطینیوں کے خلاف اپنی جارحانہ کارروائیاں تیز کر دی ہیں۔

لندن بریگزٹ کے مخالفین نے یورپی یونین میں برطانیہ کے شامل رہنے کی حمایت میں لندن کی سڑکوں پر مارچ اور بریگزٹ کے خلاف احتجاج کیا۔لندن میں یہ مظاہرہ ایسے وقت ہوا ہے کہ برطانیہ کے نئے وزیر اعظم کے انتخاب اور کنزرویٹو پارٹی کی سربراہی سنبھالنے کے لئے اس پارٹی کے اندرونی انتحابات ہونے والے ہیں۔

واضح رہے کہ برطانیہ کے سابق وزیر خارجہ بورس جانسن اور موجودہ وزیر خارجہ جیرمی ہنٹ، وزارت عظمی کا عہدہ سنبھالنے کے لئے ایک دوسرے کے مضبوط حریف امیدوار شمار ہوتے ہیں۔اس سے پہلے سابق برطانوی فوج کے اعلیٰ افسران بھی یہ کہ چکے ہیں کہ اگر برطانیہ یورپ سے الگ ہو گیا تو اپنی سالمیت قائم نہیں رکھ سکے گا.

نئی دہلی :بھارت میں سیلاب کی تباہی سے بڑی تعداد میں ہلاکتوں کی اطلاعات ہیں. شمال مشرقی بھارت میں تباہ کن سیلاب اور زمین کھسکنے کے واقعات میں ہلاکتوں کی تعداد دو سو تک جا پہنچی ہے۔

رپورٹ کے مطابق بھارت کے ڈیزاسٹر منیجمنٹ کے ادارے نے اعلان کیا ہے کہ بھارت کی ریاست آسام اور بہار میں گذشتہ دو ہفتوں کے دوران موسلا دھار بارشوں اور آنے والے تباہ کن سیلاب کے نتیجے میں ایک کروڑ دس لاکھ لوگ بے گھر ہو گئے ہیں جبکہ بنیادی تنصیبات منجملہ بجلی گھروں، زرعی زمینوں اور سڑکوں کو بھاری نقصان پہنچا ہے۔

یاد رہے کہ گذشتہ سال بھی بھارت میں تباہ کن سیلاب اور زمین کھسکنے کے واقعات میں بارہ سو افراد مارے گئے تھے۔حالیہ بارشوں اور سیلاب سے مزید نقصان ہونے کا خدشہ ہے.

کابل :ایک طرف مذاکرت تو دوسری طرف وعدہ خلافی امریکہ اپنی پرانی عادت پر اتر آیا،افغانستان میں امریکی دہشت گرد فوجیوں نے اپنی جارحیت کا سلسلہ جاری رکھتے ہوئے صوبے غزنی میں پانچ عام شہریوں کو موت کے گھاٹ تار دیا۔

کابل سے میڈیا رپورٹس کے مطابق امریکی دہشت گرد فوجیوں نے صوبے غزنی کے علاقے ناوہ میں ایک رہائشی مکان کو اپنے حملے کا نشانہ بنایا جس میں ایک عورت سمیت پانچ عام شہری جاں بحق ہو گئے۔

امریکی حکام نے بھی تصدیق کرتے ہوئے کہا ہےکہ امریکی جنگی طیاروں نے ہفتے کے روز بھی جنوبی افغانستان کے صوبے ہلمند میں موسی قلعہ کے ایک قصبے پر بمباری بھی کی .

اس سے قبل امریکی دہشت گرد فوجیوں نے صوبے بادغیس کے علاقے بالامرغاب پر حملہ کیا تھا جس میں تین بچے اور دو عورتیں جاں بحق ہو گئی تھیں۔

امریکی دہشت گردی پر افغان عوام کی طرف سے مطالبہ زور پکڑ رہا ہے کہ امریکی فوجیوں کے ہاتھوں ہونے والے افغان عام شہریوں کا قتل عام رکوائے لیکن امریکی دہشت گرد فوجی، عدالتی تحفظ حاصل ہونے اور کابل حکومت کی خاموشی سے غلط فائدہ اٹھاتے ہوئے افغانستان میں اپنے وحشیانہ جرائم کا سلسلہ جاری رکھے ہوئے ہے۔