Category: بین الاقوامی

اقوام متحدہ کے امن دستے میں تعینات پاکستانی فوجی کی شہادت پر اقوام متحدہ نے ایوارڈ دیا ہے جو ملیحہ لودھی نے وصول کیا .

باغی ٹی وی کی رپورٹ کے مطابق پاکستانی فوجی نائیک محمد نعیم رضا گذشتہ سال جنوری میں اقوام متحدہ کے کانگو مشن میں شہید ہوگئے تھے۔کانگو کے جنوبی صوبہ کیوو کے علاقہ براکا میں مسلح باغیوں نے پاکستانی امن مشن کے قافلے پر حملہ کیا تھا۔ جس میں نائیک نعیم رضا شہید ہو گئے تھے جبکہ ایک سپاہی بلال زخمی ہوا تھا ، پاک فوج کے جوانوں نے مؤثر جوابی کارروائی کر کے مسلح باغیوں کا حملہ پسپا کر دیا تھا۔ کانگو میں امن دستے میں شامل پاک فوج کے جوان نائیک محمد نعیم رضا شہید کے لئے اقوام متحدہ نے ایوارڈ کا اعلان کیا جو نیو یارک میں پاکستان کی مستقل مندوب ملیحہ لودھی نے وصول کیا ،سیکرٹری جنرل اقوام متحدہ نے پیس کیپرز کے عالمی دن پرہونے والی تقریب میں ایوارڈ دیا ، اس موقع پر ملیحہ لودھی نے کہا کہ ایوارڈ عالمی امن کیلیے پاکستان کی بے مثال قربانیوں پر یو این کا اعتراف ہے،امن مشنز میں تعینات پاکستانی دستوں نے دنیا بھر میں ملک کا نام روشن کیا ہے پاکستان اقوام متحدہ میں فوجی دستے بھیجنے والےممالک میں سر فہرست رہا.

کانگو افریقہ کا ایک ملک ہے جس نے 1960ء میں فرانس سے آزادی حاصل کی۔ اس کا دار الحکومت کنشاسا کہلاتا ہے۔ وہاں اقوام متحدہ نے امن دستے تعینات کر رکھے ہیں.اقوام متحدہ کی سلامتی کونسل نے متفقہ طور پر کانگو میں اقوام متحدہ کے مستقل مشن کے مینڈیٹ کو تقریبا9ماہ کے لئے بڑھا کر 20 دسمبر 2019 تک کرنے کی قرارداد منظور کی ہے۔اقوام متحدہ کی قرارداد 2463 کا مقصد فوجی اہلکاروں ، فوجی مبصرین اور سٹاف افسران ، پولیس اہلکاروں اور قائم پولیس یونٹوں کے جوانوں سمیت مشن کی موجودہ تعدادکو برقرار رکھنا ہے۔ اس کے تحت یہ فیصلہ کیا گیا کہ مشن کی سٹریٹجک ترجیحات کو ایم او این یو ایس سی او کے طور پر جانا جائے گا اوراس کا مقصد شہریوں کی حفاظت ، کانگو اور اہم سرکاری اور سیکورٹی اصلاحات کے لئے سرکاری اداروں کی مضبوطی فراہم کرنا ہے

ایران کے وزیر خارجہ نے کہا ہے کہ مشرق وسطیٰ میں امریکی فوج کی تعیناتی عالمی امن ،سیکیورٹی کیلیےخطرہ ہے،

باغی ٹی وی کی رپورٹ کے مطابق ایران کے وزیرخارجہ جواد ظریف نے مشرق وسطیٰ میں 1500امریکی فوجی بھیجنےکے اعلان پررد عمل میں کہا کہ خطےمیں امریکی فوج کی تعداد میں اضافہ بہت خطرناک ہے. ایرانی وزیر خارجہ کا مزید کہنا تھا کہ مشرق وسطیٰ میں امریکی فوجیوں کی تعیناتی کا مقابلہ کرناہوگا

واضح رہے کہ امریکی صدر ڈونلڈ ٹرمپ نے اعلان کیا تھا کہ ہم مشرق وسطیٰ میں امریکی مفادات کا تحفظ کرنا چاہتے ہیں، اس مقصد کیلئے ہم نسبتاً کم تعداد میں فوجی وہاں بھیجنے جارہے ہیں، حفاظتی دستے میں شامل فوجیوں کی تعداد تقریباً 1500 ہوگی۔

بھارتی ریاست اترپردیش کے شہر علی گڑھ سے رکن پارلمینٹ منتخب ہونے والے ستیش کمار نے بانی پاکستان قائداعظم محمد علی جناح کے حوالہ سے ہرزہ سرائی کرتے ہوئے کہا کہ اب وہ علی گڑھ مسلم یونیورسٹی سے بانی پاکستان کی تصویر باہر نکالیں گے اور پاکستان بھجوائیں گے

باغی ٹی وی کی رپورٹ کے مطابق ستیش کمار دوسری بار رکن پارلیمنٹ منتخب ہوا ہے ،الیکشن جیتنے کے بعد اس نے میڈیا سے گفتگو کرتے ہوئے کہا کہ میری پہلی ترجیح ہے کہ علی گڑھ مسلم یونیورسٹی میں بانی پاکستان قائداعظم محمد علی جناح کی تصویر کو وہاں سے باہر نکالوں‌ گا اور پاکستان بھجواوں گا، اس کا مزید کہنا تھا کہ وہ علی گڑھ مسلم یونیورسٹی کے وائس چانسلر کو بھی واپس بھیج دیں گے.ستیش کمار کا مزید کہہنا تھا کہ جنتا نے جو بھروسہ کیا اس کی سیوا کروں گا. اس کا مزید کہنا تھا کہ پارلیمنٹ سے علی گڑھ مسلم یونیورسٹی کے وی سی کو نوٹس جاری کروائوں گا اور یہاں سے جناح کی تصویرواپس جائے گی چاہے کیسے بھی جائے.

بھارتی وزیر اعظم نریندر مودی نے الیکشن کے نتائج کے بعد وزارت عظمیٰ سے استعفیٰ دے دیا ہے اس کے باوجود مودی ہی وزیر اعظم رہیں گے، نئے وزیر اعظم کے حلف تک مودی نگران وزیراعظم رہیں گے

باغی ٹی وی کی رپورٹ کے مطابق مودی نے اپنا استعفیٰ بھارتی صدر کو دیا جو انہوں نے منظور کر لیا، مودی کی کابینہ بھی مستعفی ہو گئی، نئے وزیراعظم کے انتخاب اور حلف تک مودی نگران وزیر اعظم کے طور پر کام کریں گے.مودی کا دوبارہ وزیر اعظم کا حلف 30 مئی کو متوقع ہے. مودی کی پارٹی نے اپنے اتحادیوں کے ساتھ ملکر 351 نشستیں حاصل کی ہیں. مودی حلف اٹھانے سے پہلے گجرات اور وارانسی کا دورہ کریں گے جہان سے انہوں نے الیکشن جیتا، مودی کا دورہ 28 مئی کو متوقع ہے.

واضح رہے کہ بھارت کے لوک سبھا الیکشن میں بی جے پی پھر اقتدار میں آ رہی ہے جس کی وجہ سے بھارت میں اقلیتیں شدید پریشان ہیں.

بھارتی وزیر اعظم نریندر مودی نے الیکشن میں کامیابی پر اسے اپنی تاریخی فتح قرار دیا اور کہا ہے کہ ملک میں پہلے بھی الیکشن ہوتے رہے لیکن اس مرتبہ سب سے زیادہ ووٹ‌ پڑے اور ہر دوسرے ہندوستانی نے بی جے پی کو ووٹ دیا ہے.

باغی ٹی وی کی رپورٹ‌کے مطابق سیاسی پنڈتوں کو اپنی پرانی سوچ کو چھوڑنا پڑے گا۔ یہ 21 ویں صدی ہے، اس الیکشن میں میں پہلے دن سے کہہ رہا تھا کہ یہ کوئی پارٹی، لیڈر اور کوئی امیدوارنہیں لڑرہا بلکہ بھارتی عوام لڑ رہے ہیں. یہ نیا ہندوستان ہے. بی جے پی کے کروڑوں کارکنان، ان کی محنتوں اوران کےجدوجہد پرفخرہوتا ہے کہ جس پارٹی میں ہم ہیں، اس میں کتنے دلدارلوگ ہیں۔

نریندر مودی نے کہاکہ میں بھارتی عوام سے کہوں گا کہ آپ نے 2014 میں مجھ پربھروسہ کیا اور 2019 میں مجھے اور زیادہ طاقت دی۔ میں اس کے پیچھے آپ کے جذبات کو سمجھتا ہوں. میری ذمہ داری آپ کے بھروسہ کی وجہ سے مزید بڑھ گئی ہے. میرے جسم کا ایک ایک انگ ملک کی خدمت کے لئے ہے. 2014 سے 2019 تک آتے آتے سیکولرازم کی جماعت نے بولنا بند کردیا۔ اس الیکشن میں ایک بھی سیاسی پارٹی سیکولرازم کا نقاب پہن کرعوام کو گمراہ نہیں کرپائی۔ عوام نے بی جے پی کو فتح دلوا کر ایک نیا نیریٹو دیا ہے.

بھارتی مبصرین کا کہنا ہےکہ مودی نے 2019 میں‌زبردست فتح حاصل کر کے پرونے دور کے چشمے کو توڑ دیا ہے اور ہندوستانی سیاست کی تعریف میں‌شامل ذات پات، ڈیمو گرافی، صنف اور جغرافیائی تقسیم کو ختم کر دیا ہے. بی جے پی کا عارضی ووٹ 48 فیصد بتایا جارہا ہے. اس لحاظ سے ہر دوسرے بھارتی شخص نے بی جے پی کو ووٹ دیا ہے.اس پر بی جے پی کی طرف سے پورے ملک میں جشن منایا جارہا ہے اور مودی نے اپنی پہلی تقریر میں بھی یہ بات کی ہے. بی جے پی کو حکومت بنانے کیلئے باآسانی سادہ اکثریت حاصل ہو گئی ہے. بی جے پی کی قیادت والے اتحاد این ڈی اے نے 354 سیٹیں‌ حاصل کر کے 2014 کے مقابلہ میں بہتر کارکردگی کا مظاہرہ کیا ہے.