Category: بین الاقوامی

بھارت میں حال ہی میں‌ہونے والے لوک سبھا الیکشن کے نتائج کی تیاریاں‌مکمل کر لی گئی ہیں. 542 سیٹوں کیلئے ووٹوں کی گنتی پہلے کی طرح ہی ہوگی اور گنتی پوری ہونے کے بعد ہی وی وی پی اے ٹی کی پرچیوں کو ایم وی ایم سے ملایا جائے گا۔

باغی ٹی وی کی رپورٹ‌کے مطابق ووٹوں کی گنتی شروع ہونے کے وقت وی وی پی اے ٹی کی پرچیوں کا ای وی ایم سے توثیق کے لیے 22اپوزیشن پارٹیوں کے مطالبے کو ٹھکرانے کے بعد کمیشن نے پہلے کی طرح ہی ووٹوں کی گنتی کرانے کا فیصلہ کیا ہے۔ اس بارے میں تمام ضروری ہدایات دے دی گئی ہیں۔

ووٹوں‌کی گنتی کل جمعرات کو ہو گی. اس سلسلہ میں گنتی کے مراکز کے گردونواح میں سکیورٹی انتظامات انتہائی سخت کر دیے گئے ہیں اور اضافی نفری تعینات کر دی گئی ہے. میڈیا کے لیے بھی خبروں کی حصولیابی کے لیے ضروری سہولیات مہیا کرائی گئی ہیں۔

یاد رہے کہ کل 17ویں‌لوک سبھا انتخابات کے نتاج کا اعلان ہو گا.

بھارتی ریاست مدھیہ پردیش کی بھوپال جیل میں مسلمان قیدیوں کے روزہ افطار کرنے پر پابندی لگادی گئی ہے۔

باغی ٹی وی کی رپورٹ کے مطابق بھوپال کانگریس کے رہنما عارف مسعود نے بھوپال جیل کے ڈی جی پر متعصبانہ رویہ اختیار کرنے کا الزام لگایا اور کہا ہے کہ قیدیوں کو افطاری کیلئے اشیاءفراہم نہ کر کے جیل مینویل کی خلاف ورزی کی جارہی ہے۔

باغی ٹی وی کی رپورٹ کے مطابق عارف مسعود نے ریاستی چیف منسٹر کو خط لکھ کر ڈی جی جیل کو ہٹانے اور مسلم قیدیوں کے ساتھ دوسرے قیدیوں کو جیل مینول کے مطابق خوردنی اشیا مہیا کئے جانے کا مطالبہ کیا ہے۔

بھارتی ریاست مہاراشٹر کی خصوصی عدالت نے امام مسجد سمیت تین مسلم نوجوانوں کو دہشت گردی کے الزامات سے بری کرتے ہوئے رہا کرنے کے احکامات جاری کئے ہیں۔

باغی ٹی وی کی رپورٹ کے مطابق مسلم نوجوانوں کی رہائی کا یہ فیصلہ مہاراشٹر میں آکولہ کی خصوصی عدالت نے سنایا ہے۔

اس فیصلہ کے بعد ہندوستانی ادارے اے ٹی ایس کی کارکردگی پر ایک مرتبہ پھر سوالیہ نشان اٹھ رہے ہیں اور مسلمانوں میں پایا جانے والا یہ تاثر مزید پختہ ہو رہا ہے کہ بھارتی ایجنسیاںجان بوجھ کر تعلیم یافتہ مسلم نوجوانوں کو دہشت گردی کے الزامات کے تحت گرفتار کرکے ان کا مستقبل برباد کرتی ہیں۔

باغی ٹی وی کی رپورٹ‌ کے مطابق جن نوجوانوں کو رہا کیا گیا ہے ان میں حافظ مجیب الرحمن اور شعیب احمد وغیرہ شامل ہیں۔

بھارت میں جیٹ ایئرویز کمپنی کے ملازمین نے صفدر جنگ ایئرپورٹ کے پاس احتجاجی دھرنا دیا اور زبردست احتجاج کیا ہے۔

باغی ٹی وی کی رپورٹ‌ کے مطابق احتجاج کرنے والے ملازمین نے مودی حکومت سے مطالبہ کیا کہ وہ جیٹ ایئرویز پر سے فی الفور پابندی ختم کرے۔ یاد رہے کہ مارچ کے مہینہ میں ایتھوپیا میں بوئنگ737کو پیش آنے والے حادثہ کے بعد بھارت نے بھی کئی دوسرے ملکوں کی تقلید کرتے ہوئے اپنے ملک میں اس کی پرواز پرپابندی لگا دی تھی۔

یاد رہے کہ بوئنگ 737طیارہ انڈیا میں صرف جیٹ ایئرویز ہی استعمال کرتی تھی یہی وجہ ہے کہ جیٹ ایئرویز کمپنی اور اس کے ملازمین کو مشکل صورتحال کا سامنا ہے۔

بھارتی ریاست مدھیہ پردیش میں ٹماٹر چوری کرنے کی وجہ سے ایک کسان نے دوسرے کسان کو قتل کر دیا

باغی ٹی وی کی رپورٹ کے مطابق ٹماٹر چوری کرنے کے الزام میں مدھیہ پردیشن کے جبل پور ضلع کے علاقت پناگر میں ایک کسان نے کلہاڑیوں کے وار کر کے دوسرے کسان کو قتل کر دیا ہے. اور ملزم کی لاش کو قتل کرنے کے بعد پڑوس میں پھینک دیا جسے پولیس نے برآمد کر لیا.پناگر تھانہ کے ایس ایچ او کا کہنا ہے کہ ملزم کو گرفتار کر لیا جائے گا.

واضح رہے کہ بھارت نے اس سال پاکستان کے ٹماٹر بند کرنے کی دھمکی دی تھی جس پر پاکستانیوں نے سوشل میڈیا پر بھارت کا خوب مذاق اڑایا تھا ،بھارتی کسانوں نے کہا تھا کہ پاکستان کو ٹماٹر سپلائی نہیں کریں گے حالانکہ پاکستان نے پہلے ہی بھارت سے ٹماٹر لینے پر پابندی لگا رکھی تھی. پچھلے تین سال کے دوران ایک کلو ٹماٹر بھی بھارت سے درآمد نہیں کیے گئے .اب بھارت کی اپنی صورتحال یہ ہے کہ ٹماٹر چوری کے الزام میں قتل ہو رہے ہیں.

بھارتی ریاست اروناچل پردیش میں ناگا انتہاپسندوں نے نیشنل پیپلز پارٹی کے ممبر اسمبلی تیرونگ ابوہ سمیت گیارہ افراد کوقتل کردیا ہے.

باغی ٹی وی کی رپورٹ‌کے مطابق اروناچل پردیش کے تراپ ضلع کے بوگاپانی میں ناگا انتہاپسندوں نے دھماکہ کرکے ممبراسمبلی کے ساتھ دس دیگر لوگوں کوبھی مار ڈالا۔

اس واقعہ کی مزید تفصیلات ابھی حاصل کی جارہی ہیں. یاد رہے کہ ناگا انتہاپسند اس سے قبل بھی حملے کرتے رہتے ہیں.