Category: بین الاقوامی

لندن :عام برطانوی نہیں وزارت عظمی کے امیدوار بورس جانسن اسلام دشمنی میں‌ساری حدیں پار کرگئے.برطانیہ کی وزارت عظمی کے مضبوط امیدوار بورس جانسن نے اسلام مخالف بیان دیتے ہوئے اس آسمانی مذہب کو معاشرے کی ترقی میں رکاوٹ قرار دے دیا۔

ذرائع کے مطابق برطانیہ کے مشہور روزنامہ گارڈین میں چھپے اپنے ایک مقالے میں بورس جانسن نے دعوی کیا ہے کہ اسلام، دنیا کے بعض علاقوں کی ترقی میں رکاوٹ بنا ہوا ہے۔جانسن نے گزشتہ سال حجاب پہننے والی مسلم خواتین کی توہین کرتے ہوئے انہیں بینک ڈکیتوں سے تشبیہ دی تھی۔

یاد رہے کہ برطانیہ میں مسلمانوں کے خلاف پیش آنے والے واقعات ریکارڈ، اور ان کا جائزہ لینے والے ادارے ٹیل ماما کمپنی نے بورس جانسن کے اس قسم کے بیانات کو اس بات کی علامت قرار دیا ہے کہ انہیں اسلام کے بارے میں کچھ بھی معلوم نہیں۔

ادھر دوسری طرف اسلامی انسانی حقوق کمیشن کی تحقیقات کے مطابق اسّی فی صد برطانوی مسلمانوں کا خیال ہے کہ انہیں اسلامو فوبیا کی بھینٹ چڑھایا جا رہا ہے۔

واشنگٹن: امریکہ کی بے شرمی کی انتہا نہ رہی ،شام کے مسلمانوں پر شدید بمباری کرکے 15 شامی ماردیئے.یہ واقعہ شام کے صوبے دیرالزور کے مشرقی دیہات میں پیش جہاں پر امریکی اتحاد کے جنگی طیاروں کی بمباری میں کم سے کم پندرہ عام شہری ہلاک اور متعدد دیگر زخمی ہو گئے۔

ذرائع کے مطابق امریکی اتحاد کے جنگی طیاروں نے کرد ڈیموکریٹک فورس کے تعاون سے ایک ہیلی بورن کارروائی کے دوران دیرالزور کے الطکیحی نامی گاؤں پر بمباری کی ہے۔امریکی اتحاد نے داعش کے خلاف جنگ کے بہانے سن دو ہزار چودہ سے شام پر حملوں کا آغاز کیا تھا جس کے دوران ہزاروں عام شہری مارے جا چکے ہیں۔

واشنگٹن :امریکہ اور چین کے درمیان کشیدگی نے گوگل کو بھی اپنی لپیٹ میں لے لیا .گوگل پر چین کے ساتھ کام کرنے پر ڈونلڈ ٹرمپ ناراض ہوگئے .اپنے بیان میں امریکی صدر ڈونلڈ ٹرمپ نے اس بات کا اظہار کیا ہے کہ وہ انتظامیہ سے انٹرنیٹ سرچ انجن گوگل کے خلاف تحقیقات کروانا چاہتے ہیں کہ گوگل چینی حکومت کے ساتھ کام کررہا ہے یا نہیں۔

امریکی صدر نے سماجی رابطے کی ویب سائٹ ٹوئٹر پر کیے گئے ایک ٹوئٹ میں کہا کہ ’ ٹیکنالوجی میں سرمایہ کاری کرنے والے پیٹیر تھائیل کا ماننا ہے کہ گوگل کے خلاف غداری کے تحقیقات ہونی چاہیے۔ جو ٹیکنالوجی کو کسی سے بھی زیادہ بہتر طریقے سے جانتے ہیں، ٹرمپ انتظامیہ اس معاملے کو دیکھے گی‘۔

دوسری طرف اس حوالے سے گوگل نے ان الزامات کو بے بنیاد قرار دیا اور تحقیقات سے متعلق پیٹر تھائیل کے مقاصد پر سوال اٹھایا جو ایک طویل عرصے سے ڈونلڈ ٹرمپ کے حامی ہیں۔

غزہ:مقبوضہ بیت المقدس میں اسرائیلی فوجیوں کی طرف سے فلسطینیوں پر مظالم کا سلسلہ جاری و ساری ہے.تازہ واقعہ میں فلسطین میں اسرائیلی مظالم جاری ہیں۔ قابض فوج نے گھر منہدم کرنے کے بعد فلسطینیوں کونماز بھی پڑھنے نہیں دیتی. مغربی کنارے میں نماز ادا کرنے والے امام اور دیگر لوگوں پر آنسو گیس کے شیلنگ پھینکے گئے۔

تفصیلات کے مطابق اسرائیل یروشلم، مغربی کنارے، الخلیل اور دیگر علاقوں میں زمین پر قبضہ کررہاہے بلکہ گھر میں آباد خاندانوں کا سامان نکال کر گھر کو منہدم کررہاہے۔عدالت جانے پر فوج اور میونسپل کمیٹی دعویٰ کرتی ہے کہ یہ گھر غیرقانونی طریقے سے بنے ہوئے ہیں جبکہ ان فلسطینی آباو و اجداد انہیں گھروں میں رہتے تھے۔

یاد رہے کہ صیہونی فوج اب فلسطینیوں کو نماز بھی ہڑھنے نہیں دیتی۔متاثرین فلسطینیوں اور امام نے ایک جھونپڑی میں نماز شروع کی تو اسرائیلی فوج نے نمازیوں پر شیلنگ کی اور انہیں وہاں سے بھگا دیا۔اسرائیلی رویے پر فلسطینی بہت ناراض ہیں اور نماز کی ادائیگی سے روکنے پر نفرت کا اظہار بھی کرتےہیں

واشنگٹن :دنیا کی سپر پاور میں اس وقت اس قدر بے چینی اور بغاوت کی سی کیفیت پائی جاتی ہے کہ اب امریکی ایک دوسرے کو قتل کرنے کے درپئے ہوچکے ہیں. تازہ واقعہ میں امریکہ کی مختلف ریاستوں میں فائرنگ میں کم سے کم 68افراد ہلاک اور زخمی ہو گئے۔

اطلاعات کے مطابق فائرنگ کے اعداد و شمار جمع کرنے والے امریکی مرکز کے مطابق پچھلے چوبیس گھنٹے کے دوران ملک کی مختلف ریاستوں میں فائرنگ کے تریسٹھ واقعات ریکارڈ کیے گئے۔ ان واقعات میں کم سے کم اٹھارہ افراد ہلاک اور پچاس دیگر زخمی ہوگئے۔

گن کنٹرول تنظیم کے مطابق پچھلے48 گھنٹوں کے دوران امریکہ بھر میں پیش آنے والے فائرنگ کے واقعات میں مجموعی طور پر چونسٹھ افراد ہلاک اور ایک سو اڑسٹھ زخمی ہوئے ہیں۔

ذرائع کے مطابق امریکہ میں ہر سال ہزاروں افراد فائرنگ کے واقعات میں ہلاک ہو جاتے ہیں۔امریکہ میں اسلحہ کی خرید وفروش اور نمائش کی کھلی آزادی کی وجہ سے مسلح تشدد اور فائرنگ کے واقعات، روز کا معمول بن گئے ہیں۔

مقبوضہ بیت القدس:فلسطینیوں پر صیہونیوں کےظلم وتشدد جاری ایک تازہ واقعہ میں‌غرب اردن میں ایک صیہونی نے اپنی کار سے کچل کر ایک چھے سالہ فلسطینی بچے کو شہید کر دیا۔غرب اردن کے شہر الخلیل کے علاقے ترقومیا کے قریب یہ فلسطینی بچہ سائیکل سے جا رہا تھا کہ ایک صیہونی نے اس پر اپنی کار چڑھا دی۔
اپریل میں بھی ایک صیہونی نے بیت لحم میں ایک ٹرک سے بیالیس سالہ ایک فلسطینی خاتون کو کچل کر شہید کر دیا تھا۔

ذرائع کے مطابق فلسطینیوں پر مظالم کا سلسلہ رکنے کا نام نہیں لے رہا صیہونی حکومت کی نیتسال جیل کی کال کوٹھری میں ایک فلسطینی شہید ہو گیا۔ اسے گذشتہ مہینے بیت لحم کے علاقے بیت فجار سے صیہونی فوجیوں نے حراست میں لیا تھا۔یہ فلسطینی شدید بیمار تھا مگر صیہونی حکومت نے اسے طبی سہولیات فراہم نہیں کیں اور نتیجے میں شہید ہو گیا۔