Category: بین الاقوامی

سعودی ولی عہد محمد بن سلمان نے کہا ہے کہ مشرقی وسطیٰ نیا یورپ بننے جارہا ہے۔
سعودی ولی عہد محمد بن سلمان نے کہا ہے کہ سعودی عرب، کویت، قطر اگلے پانچ سال میں بالکل تبدیل ہوں گے، اگر ہم اگلے پانچ سال میں کامیاب ہوگئے تو دنیا ہمارے نقش قدم پر چلے گی۔

سعودی ولی عہد نے کہا کہ یہ سعودی عرب کی جنگ ہے یہ میری جنگ اور میں کامیابی کے بغیر مرنا بھی نہیں چاہتا ہوں۔

محمد بن سلمان نے کہا کہ میں مشرق وسطیٰ کو بڑی طاقت کے طور پر دیکھنا چاہتا ہوں اور ہم یہ مقصد حاصل کرکے رہیں گے۔

دوسری جانب لبنان کے تین سابق وزرائے اعظم نے سعودی فرمانروا شاہ سلمان بن عبدالعزیز سے ملاقات کی۔

لبنان کے سابق وزرائے اعظم میں نجیب میقاتی، فواد السنیورہ، تمام سلام شامل تھے، ملاقات میں باہمی دلچسپی کے امور، برادرانہ تعلقات، خطے کی صورت حال پر گفتگو کی گئی۔
واضح رہے کہ 33 سالہ سعودی ولی عہد محمد بن سلمان جدید سعودی عرب کے ابھرتے ہوئے معمار ہیں۔ وہ سعودی خواتین کے حقوق کے علمبردار ہیں۔ انہوں نے خواتین کو ڈرائیونگ اور بغیر مرد کفیل کے کاروبار کرنے کی اجازت دی۔

مملکت کا تیل پر انحصار کم کرنے کیلئے پلان 2030ء بنایا۔ 2018ء میں ملک بھر میں اور شاہی خاندان کے متعدد افراد کیخلاف کرپشن مخالف مہم چلائی اور 100 ارب ڈالرنکلوائے۔

بھارتی حکمران بی جے پی لیڈر کی ویب سائٹ ہیک کر لی گئی کشمیر آزاد کرو کے نعرے درج کر دیے گئے.

باغی ٹی وی رپورٹ کے مطابق نامعلوم ہیکر نے بھارتی حکمران جماعت بی جے پی کے رہنما جاتا شنکر تری پاٹھی کی آفیشل ویب سائٹ ہیک کرلی. ویب سائٹ پر ہمارا کشمیر آزاد کرو اور برہان وانی کو خراج عقیدت پیش کرنے کے لیے جملے لکھ دیے گئے.
واضح رہے کہ ویب سائت کے ہیک کیے جانے اور اس پر اپنا مواد چسپاں کرنے کا سلسلہ کافی پرانا ہے. دنیا بھر سےہیکرز ایسی کاروائیاں کرتےرہتےہیں اور اس کے پیچھے اپنے اپنے ایجنڈے کو بھی پروموٹ کیا جاتاہے.

ایک وقت تھاکہ جب پاکستان کو روایتی حریف ہندوستان نے مشرقی و مغربی سرحد کے علاوہ اندرونی جنگ بشکل دہشتگردی میں الجھا کر رکھ دیا تھا. اجیت ڈوول کی ہندوتوا پر مبنی پالیسی نے پاکستان کو داخلی و خارجی محاذ پر مصروف کر چھوڑا تھا اور پاکستان کو ہر طرح کے سیکیورٹی خطرات لاحق تھے

ایسے میں مجھے یاد پڑتا ہے کہ ڈان لیکس 2016 میں منظر عام پر آیا جس کی شہ سرخی تھی “ دہشت گردوں کے خلاف کارروائی یا بین الاقوامی تنہائی” کے عنوان سے چھپنے والی خبر جسے ڈان لیکس کے نام سے جانا گیا اس خبر نے پاکستان کی خارجہ پالیسی کو ننگا کر دیا تھا افغانستان میں ہندوستان امریکہ کے ساتھ مل کر پاکستان کے خلاف بدترین محاذ کھول چکا تھا آئے روز ڈرون حملوں میں پاکستان کے خلاف سرحدی جارحیت کی جاتی تھی اور پاکستان اپنے زخموں کو چاٹ رہا تھا۔ گزشتہ پانچ برس میں پاکستان میں کئی نمایاں فیصلے کئے گئے جس کے بعد آج پاکستان کی خارجہ پالیسی کی کامیابی کا اعتراف ہندوستان کو بھی کرنا پڑ رہا ہے، ریاست پاکستان نے اس مشکل صورتحال سے نکلنے کے لئے جو بڑے فیصلے کئے ان میں جمہوری حکومت کا تسلسل اور الیکشن کا بروقت انعقاد ، تمام انتہا پسند گروہوں کے خلاف حتمی آپریشن ، سیاست اور دہشت گردی کے معاشی گٹھ جوڑ کا خاتمہ ، کراچی ، فاٹا اور بلوچستان میں ملک مخالف مسلح گروہوں کی تحریکوں کا مکمل خاتمہ اور پاکستان کی سرزمین کو کسی بھی دوسرے ملک کے خلاف استعمال ہونے نہ دینا اور خطے کے امن کے لئے مرکزی کردار ادا کرنے جیسےفیصلے کئے گئے جن کا اب ثمر بھی دکھائی دے رہا ہے.
پانچ برس قبل پاکستان کی ریاست نے ماضی سے سبق حاصل کرنے کا فیصلہ کرنے کے بعد اصلاحاتی ایجنڈے کو اپنایا اور سیاست میں کرپٹ عناصر کو جڑ سے اکھاڑ پھینکنے کا بھی فیصلہ کیا اسی کا نتیجہ ہے کہ آج پاکستان کے طاقتورترین خاندان بھی احتساب کی زد میں ہیں اگرچہ ان تمام اقدامات نے ریاست پر کئی اعتراضات بھی اٹھائے ، انتخابات کی شفافیت پر سوال اٹھائے گئے الیکشنیئرنگ اور سیاسی انجینئرنگ کا الزام بھی لگا، دہشت گرد گروہوں نے فوج اور پولیس پر حملے بھی کئے تاہم اس داخلی اور خارجی جنگ کو جیتنے کیلئے ہر قسم کی قیمت ادا کی گئی ۔۔ موجودہ حکومت جس ایجنڈے پر حکومت میں آئی ہے یہ خالصتاََ ریاستی ایجنڈا ہے اور اسی لئے اب تک اس حکومت کے ساتھ دیگر اداروں کے تعاون کو مثالی کہا جارہا ہے بدترین سیاسی و معاشی بحران میں بھی حکومت کو فی الحال کوئی سنجیدہ نوعیت کا خطرہ دکھائی نہیں دے رہا اگرچہ عوام کو اس جنگ کی قیمت وقتی طور پر مہنگائی اور بے روزگاری کی صورت میں ادا کرنا پڑرہی ہے لیکن ماہرین کے مطابق اس معاشی بحران کے اثرات ایک سال تک ٹل جائیں گے مثبت بات یہ ہے کہ اس وقت داخلی سیکیورٹی کی صورتحال کنٹرول میں ہے اور اس کی بڑی وجہ پاک فوج کی بہترین منصوبہ بندی ہے اس وقت ہندوستان خود خارجی محاذ پر پاکستان کی کامیابی کو تسلیم کررہا ہے سعودی عرب، قطر اور یو اے ای کے علاوہ چین سے پاکستان کے بہترین معاشی معاہدے اور وزیراعظم کے کامیاب دورے، روس سے قربت اورسب سے بڑھ کر امریکی صدر ٹرمپ جو پاکستان کے خلاف زہر افشانی سے بھرے ٹویٹ کیا کرتا تھا اب وہ پاکستانی وزیراعظم کو امریکہ کے دورے اور ملاقات کیلئے ویلکم کررہا ہے دنیا بھر میں پاکستان کا بطور ایک دہشت گرد ملک کی بجائے دہشت گردی کی جنگ کو جیتنے والے ملک کے طور پر تشخص بحال ہوا ہے.

سفارتی سطح پر پاکستان کی کامیابی کواب “ٹائم آف انڈیا “ کے ایک آرٹیکل "میں بھی تسلیم کیا گیا ہے کہ اب پاکستان بین الاقوامی تنہائی سے نکل چکا ہے ہندوستان نے تسلیم کیا ہے کہ اربوں ڈالر کی سرمایہ کاری کے باوجود افغان امن عمل سے وہ مکمل طور پر باہر ہا چکا ہے جبکہ پاکستان مرکزی حیثیت اختیار کر چکا ہے. ہندوستان کی خطے پر اجارہ داری کا خواب چکنا ہر چکا ہے کیونکہ پاکستان امریکہ، روس اور چین اس وقت افغان طالبان کے ساتھ امن معاہدے کا مسودہ تیار کر رہا ہے جبکہ ہندوستان کو مکمل طور پر ان مذاکرات سے الگ کر دیا گیا ہے. پاکستان کی خطے میں جغرافیائی اور سیاسی حیثیت مستحکم ہوئی ہے جو ہر لحاظ سے پاکستان کی کامیاب خارجہ پالیسی اور خطے کے امن کو برقرار رکھنے کے لئے بے شمار قربانیوں کا منہ بولتا ثبوت ہے جسے اب ہندوستان بھی تسلیم کر رہا ہے.

مصنف: راو فیصل

بھارتی فوج کے 100 فوجی دشمن کے ہاتھوں استعمال ہو سکتےہیں ، بھارتی فوج میں کھلبلی مچ گئی

باغی ٹی وی رپورٹ کے مطابق بھارتی فوج کو خطرہ ہے کہ اس کے 100 کے قریب فوجی ہنی ٹریپ کا شکار ہو سکتےہیں اس لیے ان پر سوشل میڈیا کے استعمال پر پابندی لگا دی گئی ہے. اب بھارتی فوجوں پر سوشل میڈیا استعمال کرنے پر پابندی ہوگی.بھارتی فوج کے اہم افسر نے میڈیا کو بتایا کہ ہمارے 100 کے قریب سیکورٹی اہلکار سخت نگرانی میں ہیں. جن پر ہمیں شبہ ہے کہ وہ اہم عسکری راز باہر کسی بھی آفیشل اور نان آفیشل فرد کو لیک کر سکتے ہیں. اور ایسا پہلے بھی ہو چکا ہے.

اسی سلسلے میں چند روز پہلے واضح طور پر اعلان ہوا کہ فوجی اور عسکری اہلکار سوشل میڈیا جیسے فیس بک ، ٹوٹر کا استعمال نہ کریں اور اسی طرح واٹس ایپ بھی بند کردیں اور کسی بھی سوشل ٹاک یا گفتگو میں حصہ مت لیں.بھارت کے آرمی آفیسر نے اس پہلے واضح طور پر کہا تھا کہ دشمن ایجنسی فیک اکاؤنٹس سے بالی وڈ اداکاراؤں کی تصاویر لگا کر ہمارے نوجوانوں سے مراسم بڑھاتی ہیں اور پھر ان سے اہم عسکری اور اسٹریٹیجک انفارمیشن حاصل کرتی ہیں.ہمارے فوجی اس ہنی ٹریپ میں آسانی سے شکارہو جاتے ہیں.

اس اقدام سے بھارتی فوج کو بہت مسئلہ بھی ہے کہ کیونکہ ہر سال 50 ہزار کے قریب 20 سال کی عمر کے نوجوان فوج کو جائن کرتے ہیں اور وہ آن لائن نوکری ڈھونڈ تے ہیں.

8طیارےایس400میزائل نظام کےپارٹس لاچکےہیں،مزیدآرہےہیں، ترک صدر

باغی ٹی وی رپورٹ ترکی کے صدر طیب اردوان نے انکشاف کیا ہے کہ 8طیارےایس400میزائل نظام کےپارٹس لاچکےہیں،مزیدآرہےہیں ترکی میں روسی ساختہ ایس400میزائل نظام کی تنصیب اپریل2020تک مکمل ہوجائیگی ایس400میزائل نظام ان کیخلاف مضبوط دفاعی نظام ہےجوملک پرحملہ کرناچاہتےہیں
واضح رہے کہ اس سے قبل ترکی نے ایس400 میزائل سسٹم کو حاصل کرنے کے لیے کئ بار اظہار کر چکے ہیں اور کہہ چکے ہیں کہ امریکہ کےاس حوالے سے اقدامات قوانین کے منافی ہیں، ہم اس ملک کے مؤقف کو سمجھنے سے قاصر ہیں۔”امریکی دھمکیوں پر بھی اپنے جائزے پیش کرتے ہوئے جناب چاوش اولو نے بتایا کہ “چاہے یہ جس قسم کی بھی پابندیوں کا فیصلہ کیوں نہ کریں ہم ایس۔400 خرید چکے ہیں، اس معاملے میں قدم پیچھے ہٹانے کا سوال ہی نہیں پیدا ہوتا۔ “