15 جولائی 2016 میں ترکی کی جائز جمہوری حکومت کا تحتہ الٹنے کے اقدام کو ناکام بناتے ہوئے جو لوگ جاں بحق ہوئے ان کی یاد میں تقریب منعقد کی گئی.

تفصیلات کے مطابق انقرہ میں 15 جولائی 2016 میں حکومت کا تختہ الٹنے کی ناکام کوشش کرنے والوں کے خلاف دا ستان تحریر کرنے والے مقامات میں سے ایک بیش تپے صدارتی محل بھی ہے۔

اس داستان کے تحریر کرنے کے تیسرے سال کے موقع پر صدارتی کلیئے میں میں شہداء کی یاد میں ایک تقریب کا اہتمام کیا گیا۔

صدر رجب طیب ایردوان نے صدارتی کلئیے کے سامنے ان کے منتظر شہدا کے عزیزواقاراور غازیوں سے بات چیت کی اور پھر سب شہدا کی یادگار کی جانب چل دیئے۔ شہداء کی یادگار پر پھولوں کی چادر چڑھانے کے بعد دعا کی گئی۔

بعد میں صدر ایردوان اور ان کے ساتھیوں نے شہداء کے لیے دعا کی ۔

صدر ایردوان اور ان کے ساتھیوں نے بعد میں میں بیش تپے ملت مسجد میں ختم ِقرآن کریم کی محفل میں شرکت کی۔

صدر ایردوان نے یہاں پر شہدا کے لئے قران خوانی کی جبکہ محکمہ مذہبی امور کے سربراہ علی ایرباش بوسنیا ہرزِ گوینا کی عوامی مجلس کے اسپیکر باقر میں عزت بیگوویچ ، نائب صدر فواداوکتائے، متعدد وزرا اور 15 جولائی شہدا کے عزیزواقارب اور غازیوں نے شرکت کی ۔

عراق کے شہر بغداد کی امام بارگاہ میں دوہرے خودکش حملے کے نتیجے میں کم سے کم پانچ افراد جاں بحق ہوئے۔

باغی ٹی وی رپورٹ کے مطابق بغداد میں امام بارگاہ میں دو خودکش دھماکوں سے کم از کم 5 افراد جاں بحق ہو گئے دارالحکومت کے الیرموک ہسپتال کے ڈاکٹروں نے دوہرے خودکش حملے میں ہونے والی ہلاکتوں کی تعداد پانچ بتائی ہے جبکہ اس کارروائی میں چودہ افراد زخمی ہوئے۔

پولیس نے فرانسیسی خبر رساں ایجنسی ’اے ایف پی‘ کو نام ظاہر نہ کرنے کی شرط پر بتایا کہ دو خودکش بمباروں نے الثورہ ضلع میں ابو الفضل العباس امام بارگاہ کے قریب خود کو دھماکے سے اڑایا۔فوری طور پر کسی نے بھی اس حملے کی ذمہ داری قبول نہیں کی۔

یاد رہے 9 مئی کو مشرقی بغداد کے ایک بازار میں ہونے والے خودکش حملے کے نتیجے میں 08 افراد جاں بحق ہوئے جبکہ جون کے اواخر میں اہل تشیعہ کو نشانہ بنانے والی ایک الگ کارروائی میں 02 افراد لقمہ اجل بنے۔

عراق نے 2017 میں کئی مہینوں کی کارروائیوں کے بعد داعش کی خود ساختہ خلافت کے خاتمے کا اعلان کیا تھا۔

سعودی عرب کے محکمہ دفاع کے حکام نے یمن سرحد کے ساتھ جنوب مغربی علاقے خمیس مشیط کی فضاء میں یمن کے حوثی باغیوں کی طرف سے اڑائے گئے دو ڈرون طیارے مار گرائے۔

تفصیلات کے مطابق محکمہ دفاع کے حکام نے یمن کی سرحد سے متصل علاقے خمیس مشیط میں ایرانی حمایت یافتہ حوثیوں دو مسلح ڈرون طیارے مار گرائے، تاہم اس کارروائی کے نتیجے میں کسی قسم کے جانی نقصان کی کوئی اطلاع نہیں ملی۔

یمن کے حوثی باغیوںً کی طرف سے ڈرون طیاروں کی مدد سے سومواراور منگل کی درمیانی شب خمیس مشیط میں شہری آبادی کو نشانہ بنانے کی کوشش کی گئی تھی تاہم ایران نواز حوثیوں کے دونوں ڈرون طیارے فضاء ہی میں تباہ کر دیے گئے۔ تباہ ہونے والے ایک طیارے کے ٹکڑے شہری آبادی پر گرے جس کے نتیجے میں متعدد مکانات اور گاڑیوں کو نقصان پہنچا تاہم کوئی جانی نقصان نہیں ہوا ہے۔

برطانوی صحافی ڈیوڈ‌ روز نے دعویٰ کیا ہے کہ 21 ملین پاؤنڈ شریف خاندان کے اکاؤنٹس میں جعلی ذرائع سے منتقل ہوئے،

برطانوی اخبار سکینڈل، شہباز شریف نے وزیر اعظم عمران خان کے خلاف اہم اعلان کر دیا

باغی ٹی وی کی رپورٹ کے مطابق برطانوی صحافی کا کہنا تھا کہ اُس وقت شہبازشریف وزیراعلیٰ اوران کےبھائی وزیراعظم تھے، میں نےتمام گواہوں کےانٹرویوکیے،میرے پاس ثبوت ہیں، میری پچھلےسال پینٹ ہاؤس پائیریٹس کی خبرپراتناردعمل نہیں آیاتھا، اکرم نویدنےرقم منتقل کرنےکااعتراف کیاتھا،

برطانوی صحافی بکاؤ مال نہیں جو ن لیگ کی جھوٹی خبروں‌ کا دفاع کرے، فردوس عاشق اعوان

میڈیا رپورٹس کے مطابق برطانوی صحافی کا کہنا ہے کہ منی لانڈرنگ کےلیےجدیدطریقےاستعمال کیےجاتےہیں، مریم اورنگزیب نے میرے بار بار رابطہ کرنے کے باوجود کوئی جواب نہیں دیا، مجھ پرمسلم لیگ ن نے پیسے لے کرخبر دینے کا الزام لگایا،

بھارتی میڈیا نے دعویٰ کیا ہے کہ انڈیا نے پاکستان سے خالصتان کی حامی تنظیم سکھ فار جسٹس پر پابندی عائد کرنے کا مطالبہ کیا ہے.

باغی ٹی وی کی رپورٹ کے مطابق انڈیا نے مذکورہ تنظیم پر 10 جولائی کو پابندی لگائی تھی. بھارتی میڈیا کا کہنا ہے کہ کرتارپور راہداری کے حوالہ سے پاکستانی حکام سے مذاکرات کے دوران انڈیا نے یہ معاملہ اٹھایا ہے. ہندوستانی وفد کی قیادت کرنے والے وزارت داخلہ کے جوائنٹ سکریٹری ایس سی ایل داس نے میڈیا سے گفتگو کرتے ہوئے کہا کہ انڈیا اس مطالبہ پر مضبوطی سے قائم ہے ۔

بھارتی میڈیا کا یہ بھی کہنا ہے کہ پاکستان نے اسے یقین دلایا ہے کہ اس کی سرزمین انڈیا مخالف سرگرمیوں کیلئے استعمال نہیں‌ ہو گی اور یہ کہ وہ نیویارک میں واقع اور پاکستان میں بھی مبینہ طور پر سرگرم تنظیم ’سکھ فار جسٹس‘ پر پابندی عائد کرنے کے بھارتی مطالبہ پر نوٹس لے گا۔ بھارتی میڈیا کا کہنا ہے کہ کرتار پور راہداری مذاکرات سے ایک دن قبل گوپال سنگھ چاولہ کو کرتار پور راہداری سے متعلق سرکاری پینل سے ہٹادیا لیکن چاولہ کی جگہ ایک نئے رکن امیر سنگھ کو پینل میں جگہ دی ہے ۔ بھارتی میڈیا نے دعویٰ کیا ہے کہ انڈیا نے چاولہ کو پینل میں رکھنے کی مخالفت کی تھی جس پر اسے اسے پینل سے ہٹایا گیا.

واضح رہے کہ بھارتی وزارت خارجہ کی جانب سے چند ماہ قبل امریکہ، کینیڈا، آسٹریلیا اور یوروپین یونین ممالک کو خطوط ارسال کئے گئے تھے جس میں مطالبہ کیا گیا تھا کہ سکھ کمیونٹی ریفرنڈم 2020 کی آڑ میں بھارت کو توڑنے کی سازش کر رہی ہے لہذا سکھ فار جسٹس نامی تنظیم پر پابندی عائد کی جائے.