Category: بین الاقوامی

طالبان نے خواتین کے ریڈیو اسٹیشن ’’ بیگم‘‘ کو بند کروا دیا جبکہ ریڈیو اسٹیشن کے 2 ملازمین کوگرفتارکرلیا گیا ہے۔

باغی ٹی وی کے مطابق افغانستان میں طالبان نے خواتین کے ایک معروف ریڈیو اسٹیشن ’’ بیگم‘‘ کے لائسنس کو معطل کرکے نشریات بند کروادی ہیں۔بتایا گیا ہے کہ طالبان اہلکاروں نے ریڈیو اسٹیشن کی مکمل تلاشی لی، کمپیوٹرز، لیپ ٹاپس اور موبائل فونز تحویل میں لے لیے اور دو مرد ملازمین کو گرفتار کرلیا۔طالبان کا کہنا ہے کہ یہ ریڈیو اسٹیشن بیرون ملک مقیم ایک ٹی وی اسٹیشن کو مواد اور پروگرام فراہم کر رہا تھا جو کہ براڈ کاسٹنگ پالیسی کی خلاف ورزی اور لائسنس کا غلط استعمال ہے۔

یان میں کہا گیا ہے کہ ریڈیو اسٹیشن کے لائسنس کی بحالی کا حتمی فیصلہ دستاویزات، اہداف اور مقاصد کا بغور جائزہ لیکر کیا جائے گا۔دوسری جانب ریڈیو اسٹیشن ’ بیگم‘ کے ترجمان نے کہا کہ کبھی بھی کسی سیاسی سرگرمی میں شامل نہیں رہے اور خاص طور پر افغان خواتین کی خدمت کے لیے پُرعزم ہیں۔صحافتی تنظیموں اور رپورٹرز ود آؤٹ بارڈرز نے ریڈیو اسٹیشن پر عائد پابندیوں کو ہٹانے اور گرفتار ملازمین کی رہائی کا مطالبہ کیا ہے۔

یاد رہے کہ ریڈیو ’’ بیگم‘‘ کا آغاز 8 مارچ 2021 کو خواتین کے عالمی دن کے موقع پر ہوا تھا جس کے کچھ ماہ بعد ہی افغانستان میں اقتدار طالبان کے ہاتھوں میں آگیا تھا۔ریڈیو اسٹیشن ’’ بیگم‘‘ سے خواتین کے لیے تعلیمی، کتب بینی بک اور کال ان کاؤنسلنگ کے پروگرام پیش کیے جاتے رہے ہیں۔بعد ازاں گزشتہ برس 2024 میں ریڈیو اسٹیشن ’’ بیگم‘‘ کی افغان نژاد سوئس بانی حمیدہ امان نے ایک سیٹلائٹ ٹیلی ویژن اسٹیشن، بیگم ٹی وی کا آغاز کیا تھا۔

اس ٹی وی اسٹیشن پر پیرس سے تعلیمی پروگرام نشر کیے جاتے تھے تاکہ افغان لڑکیوں اور خواتین تعلیم جاری رکھنے میں مدد ملتی رہے۔ان کی ویب سائٹ پر افغان قومی نصاب سے متعلق ہزاروں ویڈیوز موجود ہیں جہاں طالبات کی رسائی مفت ہے۔گزشتہ برس دسمبر میں بھی طالبان نے ’آرزو ٹی وی‘ کو بند کرکے 7 ملازمین کو حراست میں لے لیا تھا۔

تنگوانی: جے یو آئی کا اجلاس، بد امنی پر تشویش کا اظہار

وزیر اعظم صاحب یکجہتی کے نام پر گناہوں کو دھونے کی کوشش نہ کریں ،تابش قیوم

ممبئی: بالی ووڈ کے سینئیر اداکار اور ٹی ایم سی کے رکن پارلیمنٹ شتروگھن سنہا نے حال ہی میں ملک بھر میں غیر سبزی خور کھانے، خاص طور پر گائے کے گوشت پر پابندی کا مطالبہ کیا ہے-

باغی ٹی وی :شتروگھن سنہا نے اس بات کو تسلیم کیا کہ ہندوستان جیسے متنوع ملک میں اس قسم کے قانون کو نافذ کرنا مشکل ہوگا، 78 سالہ اداکار سیاستدان نے مذہبی اور علاقائی اختلافات کی طرف اشارہ کیا جو اس حکم کو نافذ کرنے کو مشکل بناتے ہیں، خاص طور پر ان ریا ستوں میں جہاں ثقافتی طریقے مختلف ہیں۔

شتروگھن سنہا نے کہا کہ ملک کے بہت سے حصوں میں گائے کے گوشت پر پابندی عائد ہے، میرے خیال میں نہ صرف گائے کا گوشت بلکہ ملک میں غیر سبزی خور کھانے پر بھی پابندی ہونی چاہیے تاہم، کچھ جگہوں پر گائے کا گوشت کھانا قانونی ہے، بشمول شمال مشرق کے علاقوں، وہاں کھاؤ تو مزیدار، لیکن ہمارے شمالی ہندوستان میں کھاؤ تو ماں (مذہبی جذبات) کو ٹھیس پہنچتی ہے۔

لاہور ہائیکورٹ میں 10 ایڈیشنل ججز کی تعیناتی کا معاملہ، جوڈیشل کمیشن کا اجلاس کل ہوگا

سنہا نے اتراکھنڈ میں یکساں سول کوڈ (یو سی سی) کے نفاذ کے بارے میں بھی بات کی، جو 27 جنوری کو اس قانون کو متعارف کرانے والی پہلی ریاست بنی، انہوں نے اس اقدام کی تعریف کی، لیکن یہ بھی کہا کہ اسے پورے ملک میں نافذ کرنا بڑے چیلنجز کے ساتھ ہوگااتراکھنڈ میں یو سی سی کا نفاذ بظاہر قابل تعریف ہے ملک میں یو سی سی ہونا ضروری ہے، اور مجھے یقین ہے کہ سب مجھ سے اتفاق کریں گے لیکن اس میں بہت سی پیچیدگیاں اور خامیاں ہیں۔

’وہ بہترین آپریشن تھا‘ٹرمپ کی نیتن یاہو کے لبنان میں پیجر دھماکوں کی تعریف

انہوں نے خاص طور پر خبردار کیا کہ شمالی ہندوستان میں کام کرنے والے دفعات شمال مشرقی ریاستوں کے لیے موزوں نہیں ہو سکتیں، کیونکہ اس خطے کی ثقافت اور روایات الگ ہیں یو سی سی کا مقصد تمام مذہبی برادریوں کے لیے شادی، طلاق، وراثت اور گود لینے جیسے ذاتی معاملات پر ایک ہی قانون بنانا ہے تاہم، سنہا نے کہا کہ اس قانون کو قومی سطح پر نافذ کرنے سے پہلے احتیاط اور وسیع مشاورت کی ضرورت ہے۔

ٹیسٹ اور ٹی ٹوئنٹی پلیئرز کی رینکنگ جاری،محمد رضوان بابر اعظم کی تنزلی

سینئیر اداکار نے کہا کہ یو سی سی کے دفعات مرتب کرنے سے پہلے تمام پارٹیوں کی میٹنگ ہونی چاہیے، ہر ایک سے ان کی رائے اور خیالات کے لیے مشورہ کیا جانا چاہیے،انہوں نے یہ بھی خبردار کیا کہ یو سی سی کو انتخابی یا ووٹ بینک کی حکمت عملی کے طور پر نہیں دیکھا جانا چاہیے،اسے احتیاط اور ہوشیاری سے ہینڈل کیا جانا چاہیے۔

اداکار فخر عالم کے گھر چوری کی واردات ، چوکیدار اور کنٹریکٹ ملازم کے ملوث ہونے کا انکشاف

واشنگٹن: اسرائیلی وزیر اعظم نیتن یاہو نےامریکی صدر ڈونلڈ ٹرمپ کو دو پیجر ڈیوائسز کا تحفہ دیا۔

باغی ٹی وی: اسرائیلی میڈیا کے مطابق نیتن یاہو نے ڈونلڈ ٹرمپ کو ایک سنہری پیجر اور ایک عام پیجر تحفے میں دیا جوکہ گزشتہ سال لبنان میں حزب اللہ کے خلاف ہونے والے پیجر دھماکوں کا حوالہ تھاامریکی صدر نے تحفے پر ردعمل دیتے ہوئے پیجر دھماکوں کی تعریف کی اور کہا کہ ’وہ بہترین آپریشن تھا‘۔

بدلے میں ٹرمپ نے نیتن یاہو کو ان کے اس دورے کی تصویر پیش دی جس میں ٹرمپ اور نیتن یاہو موجود ہیں، تصویر کے انتساب میں درج ہے ’ایک عظیم رہنما بی بی (نیتن یاہو) کے لیے‘۔

4 کزنز کو اٹلی کا جھانسہ دے کر ایران میں اغوا کاروں کے حوالے کر دیا

واضح رہے کہ نیتن یاہو نے گزشتہ روز امریکی صدر ڈونلڈ ٹرمپ سے وائٹ ہاؤس میں ملاقات کی تھی،وائٹ ہاؤس میں مشترکہ پریس کانفرنس کرتے ہوئے کہا کہ امریکا غزہ کی پٹی پر قبضہ کر لے گا، ہم اس کے مالک ہوں گے جس کا مقصد اس علاقے میں استحکام لانا اور ہزاروں ملازمتیں پیدا کرنا ہے۔

ٹرمپ کا غزہ کی پٹی پر طویل عرصے تک قبضہ کرنے کا اعلان

امریکی صدر ٹرمپ نے کہا کہ میں غزہ میں طویل المدتی ملکیت کی پوزیشن دیکھتا ہوں، ہم غزہ کو ترقی دیں گےعلاقے کے لوگوں کے لیے ملازمتیں دیں گے ، شہریوں کو بسائیں گےفلسطینیوں کے لیے منصوبے کے تحت اردن اور مصر کے رہنما جگہ فراہم کریں گے، مشرق وسطیٰ کے دیگر رہنماؤں سےبات ہوئی، انہیں فلسطینیوں کو غزہ سے منتقل کرنے کا آئیڈیا پسند آیا۔

امریکا کی فنڈنگ رُکنے سے جنوبی ایشیا میں لاکھوں خواتین متاثر ہوں گی،اقوام متحدہ

17 ستمبر 2024 کو لبنان میں سیکڑوں کی تعداد میں پیجرز میں دھماکے ہوئے تھا جس کے نتیجے میں 12 افراد ہلاک اور ہزاروں زخمی ہوگئے تھےان دھماکوں کے اگلے ہی روز لبنان میں کئی واکی ٹاکی سیٹس اور موبائل فونز میں دھماکے ہوئے جن کے نتیجے میں مزید 25 افراد ہلاک اور 608 افراد زخمی ہوئے تھےلبنان کی مزاحمتی تنظیم حزب اللہ نے ان دھماکوں کا الزام اسرائیل پر عائد کیا تھا، بعد ازاں اسرائیلی وزیر اعظم نے ان حملوں کی ذمہ داری قبول کی تھی۔

جعلی دستاویزات پر بیرون ملک سفر کی کوشش کرنےوالا مسافر گرفتار

بیجنگ: صدر مملکت آصف علی زرداری سے چین کی نیشنل پیپلز کانگریس کی قائمہ کمیٹی کے چیئرمین چاؤ لے چی نے ملاقات کی-

باغی ٹی وی : صدر مملکت اور چیئرمین چاؤ نے دونوں ملکوں کے درمیان سدا بہار دوستی کو اجاگر کیا،اس حوالے سے جاری اعلامیے میں بتایا گیا کہ دونوں ممالک کی دوستی دہائیوں کے دوران مزید گہری اور وسیع ہوئی، دونوں ممالک کے مابین تزویراتی باہمی اعتماد پاک چین دوستی کی بنیاد ہے، ملاقات میں دونوں ممالک کے درمیان جاری عملی تعاون کو مزید گہرا کرنے کے لیے مسلسل اعلیٰ سطحی تبادلوں کی ضرورت پر زور دیا گیا-

فریقین نے پاک چین اقتصادی راہداری 2.0 کی اعلیٰ معیار کی ترقی پر بھی تبادلہ خیال کیا،ملاقات میں سائنس اور ٹیکنالوجی، قابل تجدید توانائی، بنیادی ڈھانچے اور زرعی شعبے میں تعاون کے فروغ کی ضرورت پر بھی زور دیا گیا،کہا گیا کہ پاک چین اقتصادی راہداری عوام کی خوشحالی پر مرکوز ترقی کی ایک روشن مثال ہے-

دنیا کے 10 طاقتور ترین ممالک کی فہرست جاری

ملاقات میں دوطرفہ تعاون مزید مستحکم کرنے کے لیے پارلیمانی تبادلوں اور سی پیک سیاسی جماعتوں کے مشترکہ مشاورتی میکانزم میں شرکت سمیت ادارہ جاتی روابط کو مضبوط بنانے کے مواقع پر تبادلہ خیال کیا گیا-

ٹرمپ کا غزہ پر قبضے کا منصوبہ،حماس کا ردعمل

امریکی بزنس میگزین فوربز نے دنیا کے 10 طاقتور ترین ممالک 2025 کی فہرست جاری کر دی ہے۔

باغی ٹی وی :فہرست میں عالمی درجہ بندی میں امریکہ سرفہرست ہے، اس کے بعد چین دوسرے اور اسرائیل دسویں نمبر پر ہے فوربز نے واضح کیا ہے کہ یہ فہرست یو ایس نیوز کی طرف سے مرتب کی گئی ہے درجہ بندی کا یہ طریقہ بی اے وی گروپ کے محققین نے تیار کیا ہے جس کی قیادت یونیورسٹی آف پنسلوانیا کے وارٹن اسکول کے پروفیسر ڈیوڈ ریبسٹین کر رہے ہیں، اور اس کا تعلق یو ایس نیوز اینڈ ورلڈ رپورٹ سے ہے۔

فہرست کی درجہ بندی پانچ اہم عوامل کی بنیاد پر کی گئی ہے جس میں قیادت، اقتصادی اثر و رسوخ، سیاسی طاقت، مضبوط بین الاقوامی اتحاد اور فوجی طاقت شامل ہیں، لیکن اس فہرست میں حیران کُن طور پر بھارت کو شامل نہیں کیا گیا ہے جس کے پاس سب سے بڑی آبادی، پانچویں سب سے بڑی معیشت اور چوتھی سب سے بڑی فوج جیسے مضبوط عوامل ہیں بھارت کی لسٹ میں غیرموجودگی نے نئی بحث کو جنم دے دیا ہے۔

چین کا چاند پر پانی کی تلاش کیلئے روبوٹک ”فلائر ڈیٹیکٹر“ بھیجنے کا اعلان

2025 میں دنیا کے طاقتور ترین ممالک کی فہرست درج ذیل ہے؛

امریکہ 30.34 ٹریلین ڈالر کی جی ڈی پی اور 34.5 کروڑ کی آبادی کے ساتھ درجہ بندی میں سب سے اوپر ہے۔

چین 19.53 ٹریلین ڈالر کی جی ڈی پی اور 1.419 بلین کی آبادی کے ساتھ دوسرا طاقتور ملک ہے۔

2.2 ٹریلین ڈالر کی جی ڈی پی اور 84 ملین کی آبادی کے ساتھ روس دنیا کے طاقتور ترین ممالک کی فہرست میں تیسرے نمبر پر ہے۔

برطانیہ اس سال فہرست میں چوتھے نمبر پر ہے، جس کی جی ڈی پی 3.73 ٹریلین ڈالر اور آبادی 69 ملین ہے۔

جرمنی اس فہرست میں پانچویں نمبر پر ہے اس کی معیشت 4.92 ٹریلین ڈالر ہے اور اس کی آبادی 8.54 کروڑ ہے۔

اقتصادی طاقت، تکنیکی ترقی اور فوجی طاقت کے امتزاج کی وجہ سے جنوبی کوریا کو فہرست میں چھٹا نمبر دیا گیا ہے اس کی جی ڈی پی 1.95 ٹریلین ڈالر اور آبادی 5.17 کروڑ ہے۔

فرانس 3.28 ٹریلین ڈالر کی جی ڈی پی اور 6.65 کروڑ کی آبادی کے ساتھ دنیا کا ساتواں طاقتور ملک ہے۔

جاپان کو بھی اس فہرست میں شامل کیا گیا ہے 4.39 ٹریلین ڈالر کی جی ڈی پی اور 12.37 ملین کی آبادی کے ساتھ اس سال آٹھویں نمبر پر ہے۔

سعودی عرب 1.14 ٹریلین ڈالر کی جی ڈی پی اور 3.39 کروڑ کی آبادی کے ساتھ نویں نمبر پر ہے۔

اسرائیل کو اس سال فہرست میں دسویں نمبر پر رکھا گیا ہے۔ اس کی جی ڈی پی 550.91 بلین ڈالر اور آبادی 93.8 لاکھ ہے۔

جبکہ بھارت دنیا کے طاقتور ترین ممالک میں 12 ویں نمبر پر ہے، اس کی جی ڈی پی کا تخمینہ 3.55 ٹریلین ڈالر اور آبادی 1.43 بلین ہے۔

بل گیٹس نے اپنی گرل فرینڈ سے تعلقات کے بارے خاموشی توڑ دی

ٹیکنالوجی کمپنی مائیکرو سافٹ کے شریک بانی بل گیٹس نے اپنی گرل فرینڈ سے تعلقات کے بارے میں خاموشی توڑ دی-

باغی ٹی وی: غیرملکی میڈیا کے مطابق 69 سالہ بل گیٹس نے ایک انٹرویو کے دوران اپنی گرل فرینڈ پاؤلا ہرڈ سے متعلق گفتگو کی بل گیٹس نے اپنے اور پاؤلا ہرڈ کے درمیان تعلقات کو سنجیدہ قرار دیتے ہوئے کہا کہ ہم دونوں بہت اچھا وقت ساتھ گزار رہے ہیں۔

انہوں نے کہا کہ میں خوش قسمت ہوں کہ میری ایک سنجیدہ گرل فرینڈ ہے جس کا نام پاؤلا ہے، ہم اچھا وقت گزار رہے ہیں، ہم اولمپکس میں جا رہے ہیں اور بہت ساری اچھی چیزیں کر رہے ہیں۔

رپورٹس کے مطابق بل گیٹس اور پاؤلا ہرڈ کو کئی مرتبہ ایک ساتھ بھی دیکھا جا چکا ہے۔

ٹرمپ کا غزہ پر قبضے کا منصوبہ،حماس کا ردعمل

واضح رہے کہ بل گیٹس کی اس سے قبل میلنڈا سے 1994ء میں شادی ہوئی تھی، 27 سالہ یہ شادی 2021ء میں طلاق پر ختم ہوئی تھی، اس جوڑے کے 3 بچے بھی ہیں،حال ہی میں دیئےگئے ایک انٹرویو میں بل گیٹس نے انکشاف کیا تھا کہ طلاق سب سے بڑی غلطی تھی، جس کا انتہائی زیادہ پچھتاوا ہے، زندگی میں واحد ناکامی طلاق ، والد کے مقابلے بچوں کیساتھ زیادہ وقت گزارا، میلنڈا زیادہ تر کام کرتی تھی،جب میلنڈا اور میری طلاق ہوئی تو یہ مشکل تھا، پھر اس نے فاؤنڈیشن چھوڑنے کا فیصلہ کیا ،مجھے مایوسی ہوئی کہ اس نے جانے کا آپشن لیا۔

مریم وزیراعلی نہیں بلکہ ایک ماں اور بیٹی کے جذبے سے کام کر رہی ،نواز شریف

بل گیٹس نے کہا تھا کہ طلاق کی بات میرے اور میلنڈا کے لیے کم از کم 2 سال تک افسوسناک رہی۔ وہ ان کی علیحدگی کے بعد تقریباً ان 4 سالوں میں زیادہ خوش مزاج ہو گئے ہیں، لیکن پھر بھی وہ سمجھتے ہیں کہ غلطی کا مجھے سب سے زیادہ افسوس ہے۔ میلنڈا اور میں اب بھی ایک دوسرے کو دیکھتے ہیں – ہمارے 3 بچے اور 2 پوتے ہیں، اس لیے خاندانی تقریبات ہوتی ہیں، بچے اچھی کارکردگی کا مظاہرہ کر رہے ہیں۔ ان کی اچھی اقدار ہیں۔

میلنڈا بھی علیحدگی پربات کرچکی ہیں کہ ان کی طلاق’مشکل‘ اور’تکلیف دہ‘ تھی میلنڈا نے یہ بھی انکشاف کیا تھا کہ کووڈ کے دوران الگ ہوگئے تھے، طلاق کے بارے میں مکمل فیصلہ کرنے سے پہلے میں نے علیحدگی اختیار کر لی تھی۔

وزیراعظم کی مظفر آباد میں حریت کانفرنس کے رہنماؤں سے ملاقات

بل گیٹس برسوں تک دنیا کے 10 امیر ترین افراد کی فہرست میں رہے فوربز میگزین کا دنیا کی امیر ترین شخصیت کا ٹائٹل 1995 سے 2010 تک اور پھر 2013 سے 2017 تک بل گیٹس کے پاس رہا تھا۔

سابق جوڑے کی پہلی ملاقات 1987 میں ہوئی، جب میلنڈا مائیکروسافٹ میں پروڈکٹ مینیجر بنی، اور آخرکار انہوں نے 1994 میں ہوائی میں شادی کی جوڑے نے 2000 میں غربت اور بیماری سے نمٹنے کے لیےبل اینڈ میلنڈا گیٹس فاؤنڈیشن کی بنیاد رکھی راہیں جدا ہو نے کے بعد60 سالہ میلنڈا نے مئی 2024 میں فاؤنڈیشن سے استعفیٰ دے دیا۔

سعودیہ کی دہشت گردی کی مالی معاونت کیخلاف تحقیقات میں تعاون کی منظوری

واشنگٹن: امریکی ڈاک سروس (USPS) نے چین اور ہانگ کانگ سے آنے والے پارسلز کی وصولی عارضی طور پر معطل کرنے کا اعلان کر دیا ہے،جس سے ای کامرس کمپنیاں شین اور ٹیمو کے کاروباری ماڈلز کو خطرہ ہے۔

باغی ٹی وی :سی این این کے مطابق یونائیٹڈ اسٹیٹس پوسٹل سروس کی ویب سائٹ کے مطابق، اس پابندی کا اطلاق صرف پارسلز پر ہوگا جبکہ چین اور ہانگ کانگ سے بھیجے جانے والے خطوط اور دیگر ڈاک معمول کے مطابق جاری رہے گی،یہ فیصلہ 4 فروری 2025 سے نافذ العمل ہوچکا ہے اور تاحکم ثانی برقرار رہے گا۔

دوسری جانب ابھی تک امریکی ڈاک سروس کی جانب سے یہ واضح نہیں کیا گیا کہ آیا یہ فیصلہ امریکی صدر ڈونلڈ ٹرمپ کی چین اور دیگر ممالک سے ”ڈی مینیمس“ شپمنٹس کو ختم کرنے کی پالیسی سے جڑا ہے یا نہیں۔

خیبر پختونخوا میں دہشتگردوں کا پولیو ٹیم پر ایک بار پھر حملہ

واضح رہے کہ صدر ٹرمپ نے چین پر اضافی 10 فیصد اور کینیڈا و میکسیکو پر 25 فیصد ٹیرف عائد کرنے کے منصوبے کے تحت سیکشن 321 ڈی مینیمس کو معطل کر دیا ہے،ڈی مینیمس کے تحت کسی مخصوص ملک سے آنے والی شپمنٹس پر ڈیوٹی فیس چارج نہیں کی جاتی۔

امریکی کانگریس کی چین پر قائم کمیٹی کے مطابق، جون 2023 کی رپورٹ میں انکشاف کیا گیا تھا کہ تقریباً نصف ڈی مینیمس شپمنٹس چین سے آتی ہیں۔

انسانی سمگلنگ،لاہور میں 5 ملزمان کے خلاف مقدمات درج