Category: اسلام

اصل حقیقت یہ ہے کہ اللّٰه نے جس عبادت کے لیے آپ کو پیدا کیا ہے اور جس کا حکم آپ کو دیا ہے وہ کچھ اور ہی چیز ہے ۔ وہ عبادت یہ ہے کہ آپ اپنی زندگی میں ہر وقت ہر حال میں خدا کے قانون کی اطاعت کریں اور ہر اس قانون کی پابندی سے آزاد ہو جا ئیں جو قانون الہی کے خلاف ہو ۔ آپ کی جنبش اس حد کے اندر ہو جو اللّٰہ تعالیٰ نے آپ کے لیے مقر کی ہے ۔ آپ کا ہر فعل اس طریقے کے مطابق ہو جو اللّٰه تعالیٰ نے بتادیا ہے ۔ اس طرز پر جو زندگی آپ بسر کریں گے وہ پوری کی پوری عبادت ہوگی ۔ ایسی زندگی میں آپ کا سونا بھی عبادت ہے اور جاگنا بھی، کھانا بھی عبادت ہے اور پینا بھی ، چلنا پھرنا بھی عبادت ہے اور بات کرنا بھی حتی کہ اپنی بیوی کے پاس جانا اور اپنے بچے کو پیار کرنا بھی عبادت ہے ۔ جن کاموں کو آپ بالکل دنیاداری کہتے ہیں وہ سب دین داری اور عبادت میں اگر آپ ان کو انجام دینے میں اللّٰه کی مقررکی ہوئی حدوں کا لحاظ کر لیا کریں اور زندگی میں ہر ہر قدم پر یہ دیکھ کر چلیں کہ اللّٰه کے نزدیک جائز کیا ہے اور ناجائز کیا ؟ حلال کیا ہے اور حرام کیا ؟ فرض کیا چیز کی گئی ہے اور منع کس چیز سے کیا گیا ہے ؟ کس چیز سے اللّٰه خوش ہوتا ہے اور کس سے ناراض ہوتا ہے مثلا آپ روزی کمانے کے لیے نکلتے ہیں ۔ اس کام میں بہت سے مواقع ایسے بھی آتے ہیں جن میں حرام کا مال کافی آسانی کے ساتھ آپ کو مل سکتا ہے ۔ اگر آپ نے اللّٰه سے ڈرکر وہ مال نہ لیا اور صرف حلال کی روٹی کما کر لائے تو جتنا وقت آپ نے روٹی کمانے پر صَرف کیا یہ سب عبادت تھا اور یہ روٹی گھر لاکر جو آپ نے خود کھائی اور اپنی بیوی بچوں اور خدا کے مقرر کیے ہوئے دوسرے حق داروں کو کھلائی ، اس سب پر آپ اجروثواب کے مستحق ہو گئے ۔ آپ نے اگر راستہ چلتے میں کوئی پتھر یا کانٹا ہٹادیا ، اس خیال سے کہ اللّٰه کے بندوں کو تکلیف نہ ہو تو یہ بھی عبادت ہے ۔ آپ نے اگر کسی بیمار کی خدمت کی ، یا کسی اندھے کو راستہ چلایا ، یا کسی مصیبت زدہ کی مدد کی ، تو یہ بھی عبادت ہے ۔ آپ نے اگر بات چیت کرنے میں جھوٹ سے غیبت سے بدگوئی اور دل آزاری سے پرہیز کیا ، اور اللّٰه سے ڈر کر صرف حق بات کی تو جتنا وقت آپ نے بات چیت میں صَرف کیا وہ سب عبادت میں صَرف ہوا ۔
پس اللّٰه کی اصلی عبادت یہ ہے کہ ہوش سنبھالنے کے بعد سے مرتے دم تک آپ اللّٰه کے قانون پر چلیں اور اس کے احکام کے مطابق زندگی بسر کریں ۔ اس عبادت کے لیے کوئی وقت مقر نہیں ہے ، یہ عبادت ہر وقت ہونی چاہیے ۔ اس عبادت کی کوئی ایک شکل نہیں ہے ، ہر کام اور ہرشکل میں اسی کی عبادت ہونی چاہیے ۔ جب آپ یہ نہیں کہہ سکتے کہ میں فلاں وقت خدا کا بندہ ہوں اور فلاں وقت اس کا بندہ نہیں ہوں ، تو آپ یہ بھی نہیں کہ سکتے کہ فلاں وقت اللّٰه کی بندگی عبادت کے لیے ہے اور فلاں وقت اس کی بندگی و عبادت کے لیے نہیں ہے۔ بھائیو ! آپ کوعبادت کا مطلب معلوم ہو گیا اور یہ بھی معلوم ہو گیا کہ زندگی میں ہر وقت ہر حال میں اللّٰه کی بندگی و اطاعت کرنے کا نام ہی عبادت ہے ۔ اب آپ پوچھیں گے کہ یہ نماز ، روزہ اور حج وغیرہ کیا چیز ہیں ہیں ؟ اس کا جواب یہ ہے کہ دراصل یہ عبادتیں جو اللّٰه نے آپ پر فرض کی ہیں ، ان کا مقصد آپ کو اس بڑی عبادت کے لیے تیار کرنا ہے جو آپ کو زندگی میں ہر وقت ہر حال میں ادا کرنی چاہیے ۔ نماز آپ کو دن میں پانچ وقت یاد دلاتی ہے کہ تم اللّٰه کے بندے ہو ، اس کی بندگی تمھیں کرنی چاہیے ۔ روزہ سال میں ایک مرتبہ پورے ایک مہینے تک آپ کو اس کی بندگی کے لیے تیار کرتا ہے ۔ زکوۃ آپ کو بار بار توجہ دلائی ہے کہ یہ مال جو تم نے کمایا ہے کہ اللّٰه کا عطیہ ہے ، اس کو صرف اپنے نفس کی خواہشات پر صَرف نہ کرو ، بلکہ اپنے مالک کا ادا کرو ۔ حج دل پر اللّٰه کی محبت اور بزرگی کا ایسا نقش بڑھاتا ہے کہ ایک مرتبہ اگر وہ بیٹھ جائے تو تمام عمر اس کا اثر دل سے دور نہیں ہوسکتا ۔ ان سب عبادتوں کو ادا کرنے کے بعد اگر آپ اس قابل ہو گئے کہ آپ کی ساری زندگی اللّٰه کی عبادت بن جائے تو بلاشبہ آپ کی نماز نماز ہے اور روزہ روزہ ہے ، زکوۃ زکوة ہے اور جج ہے لیکن اگر یہ مقصد پورا نہ ہو تو رکوع اور سجدہ کرنے اور بھوک پیاس کے ساتھ دن گزارنے اور حج کی رسمیں ادا کر دینے اور زکوۃ کی رقم نکال دینے سے کچھ حاصل نہیں ۔ ان ظاہری طریقوں کی مثال تو ایسی ہے جیسے ایک جسم ، کہ اگر اس میں جان ہے اور وہ چلتا پھرتا اور کام کرتا ہے تو بلاشبہ ایک زندہ انسان ہے ۔ لیکن اگر اس میں جان ہی نہیں تو وہ ایک مردہ لاش ہے ۔ مردے کے ہاتھ پاؤں ، آنکھ ناک سب ہی کچھ ہوتے ہیں مگر اس میں بس جان نہیں ہوتی ، اس لیے تم اسے مٹی میں دبا دیتے ہو ۔ اسی طرح اگر نماز کے ارکان پورے ادا ہوں ، یا روزے کی شرطیں پوری ادا کر دی جائیں مگر خدا کا خوف ، اس کی محبت اور اس کی وفاداری و اطاعت نہ ہو جس کے لیے نماز اور روزہ فرض کیا گیا ہے تو وہ بھی ایک بے جان چیز ہوگی ۔
اللّٰه تعالیٰ ہمیں تقویٰ اور پرہیزگاری سے زندگی بسر کرنے کی توفیق عطا فرمائے۔
(آمین یارب العالمین)

@muhammadmoawaz_

اسلام وعلیکم۔
وہ کہتے ہیں کہ اگر صبر کریں یقین رکھیں اور دل سے دعا کریں تو وہ دعا قبول ہونے میں دو پل بھی نہیں لگتے کیونکہ رب سے مانگ کر دیکھو تو سہی
ایک وہی تو ہے جو حقیقت میں آپ کا منتظر ہے ۔
ایسا ہی میں اپنے عمرہ کا سفر آپ سب کی خدمت میں پیش کر رہا ہوں کہتے ہیں جب اللّٰہ کے گھر سے بلاوا آتا ہے جیب میں کچھ ہو یا نہ ہو حاضری لگ ہی جاتی ہے بس اللّٰہ پر ایمان پختہ دل صاف اور نیت پاک ہونی چاہیئے اگر کسی چیز کی تمنا ہو تو اسے اپنا جنون بنا لینا چاہیئے کیونکہ جب کوئی امید نہ ہو تب زیادہ یقین سے مانگو کیوں کہ معجزے خدا کی شان ہیں ایسی ہی حسرت میری تھی جب بھی کوئی احباب عمرہ یا حج کے لئے تشریف لے جاتے تھے ایک تمنا دل میں گھر کر لیتی تھی جب سرکار بلائے گے کب عمرہ کے لئے جائے گے الحمدللہ اللّٰہ نے جب بلایا تو خبر ایک گھنٹہ پہلے ملی کہ عمرہ کے لئے تیاری کرو میں عمرہ کا دلچسپ سفر آپ کے سامنے پیش کرتا ہوں ۔
یہ بات دو سال پہلے چھبیس رمضان کی ہے میں تراویح پڑھ کر آیا تو میرے کفیل نے کہا کہ تیاری کرو عمرہ کرنے جاؤ جب یہ بات سنی اپنے رب کا لاکھ شکر ادا کیا کہ حاضری لگ گئی ہے آنکھیں نم ہو گئیں اور جمعرات کا دن تھا رات آٹھ بجے سعودیہ عرب کے شہر طریف سے روانہ ہوئے عمرہ کے لئے اور یہ سفر طریف سے مکہ سولا گھنٹے کا ہے جو سولا سو کلو میٹر بنتا ہے یہ میری زندگی کا بہترین وقت اور خوبصورت سفر تھا اللّٰہ سب کو اس یسا سفر نصیب فرمائے سفر کی جب شروعات ہوئی تو میں نے محسوس کیا اپنے دل کے جذبات کو کس قدر بے چین تھا کعبہ کا دیدار کرنے کے لئے کچھ باتیں محسوس کی جاتی ہیں لکھ کر بیان نہیں کی جا سکتی ایسے ہی سفر جاری تھا صحری کے لئے ایک ہوٹل پر صحری کی اور وہ ہوٹل کے آس پاس پہاڑ تھے جو مجھے اس قدر لطف اندوز کر رہے تھے زبان س ایک ہی بات جاری تھی سبحان اللہ سبحان اللہ سفر جاری رہا جیسے جیسے مدینہ منورہ پاس آ رہا تھا دل کی دھڑکن بھی بڑھتی جا رہی تھی مغرب کے وقت مدینہ منورہ پہنچے افطار کی نماز کی ادائیگی کے بعد سب تیاری مکمل کرنے کے بعد مکہ کا سفر شروع کیا دنیاوی باتوں سے دور دل ذکر الٰہی کرتے ہوئے سحری کے وقت مکہ پہنچے بزرگوں سے سنا تھا جب کعبہ پر پہلی نظر پڑتی ہے تو ہر دعا قبول ہوتی ہے فجر مسجد اقصیٰ میں ادا کی پھر عمرہ ادا کیا الحمدللہ لکھنے کو تو بہت ساری باتیں ہیں لیکن کچھ باتیں صرف محسوس کی جا سکتی ہیں۔۔
‏اللہ پاک آپ سب کو ہمیشہ ایمان و صحت کی بہترین حالت میں رکھے آنے والا ہر دن رحمتوں اور برکتوں والا ہو ۔

ہر موضوع پر آرٹیکل لکھ رہی ہوں سوچا جو معلومات ہر مسلمان کو ہونی چاہئیے اس پر لکھتے ہوئے ہم ہچکچاتے ہیں یا پھر ہلکا سا خوف اور ڈر بھی ہوتا ہے لیکن یہ اٹل حقیقت ہے جو اس دنیا میں آیا اس نے آخر ایک دن واپس لوٹنا بھی ہے چاہے ہم سو سال بھی ذندہ رہیں
خود بھی سیکھئے ، گھر والوں کو بھی سکھائیے
کون جانے ہم میں سے کون پہلے رخصت ہو
موت اور موت کے بعد کی حقیقی زندگی کے تذکرے روزانہ کی بنیاد پر گھروں میں ہونے چاہیں
یہی تذکرے ہیں جو ہماری باطنی صفائی کرتے ہیں ، گناہ سے روکتے ہیں
آج سے سو برس بعد ہم سب اس دنیا کے لئے ایک کہانی ہوں گے
یہاں نئے چہرے ہوں گے ، اسی تکبر ، اسی "میں” کے زعم کے ساتھ ۔۔۔۔
اور وہاں اس ہمیشہ کی زندگی میں صرف ہم ہوں گے اور ہمارے ساتھ صرف ہمارے اعمال۔
۔۔۔جن دو بہنوں کی وجہ سے یہ معلومات مجھ تک پہنچی اللہ ان دونوں کو اجر عظیم عطا فرمائے دونوں جہاں میں ان کا بھلا ہو آمین ثمہ آمین
غسل میت کا طریقہ

بہت تفصیل سے ایک ایک سٹیپ لکھ رہی ہوں ،

عورت کا کفن پانچ چیزوں پر مشتمل ہوتا یے

1) چادر
2) آزار (قدرے چھوٹی چادر)
3) کرتا (گلے سے پاوں تک)
4) سربند
5) سینہ بند

دیگر ضرورت کی چیزیں جو اہل خانہ سے لیں گے
تین گہرے رنگ کی بڑی چادریں
(جو پرانی بستر وغیرہ کی چادریں گھر کے استعمال میں ہوتی ہیں )
گہرے رنگ کی اس لئے تا کہ دوران غسل گیلی ہونے پر جسم نہ چھلکے ۔۔۔۔
2 ڈسٹ بن
قینچی
گلوز
کاٹن
ٹب / دو تین مگ
(اگر غسل واش روم کے ساتھ کسی کمرے میں دیا جا رہا اور استنجا کے لئے زیادہ پانی کی ضرورت محسوس ہو تو نل کے ساتھ ٹیوب اٹیچ کر کے بھی استعمال کیا جا سکتا یے ، یہ صورتحال پر منحصر ہے )

جو کفن کے پیکٹ میں سامان ہوتا یے ، اس میں کافور، اگربتی، صابن ، کاٹن اور بیری کے پتے موجود ہوتے ہیں ۔۔۔۔۔۔۔۔
استنجا کے لئے کپڑے کے گلوز بھی اس میں موجود ہوتے ہیں لیکن بہتر یے کہ پلاسٹک کے گلوز کا استعمال کیا جائے

بیری کے پتے ملا کر ایک بڑے برتن میں پانی ابال لیا جائے اور پھر موسم کی مناسبت سے اس میں دوسرا پانی ملا کر ٹب میں ملا لیا جائے
(باقی بیری ملا پانی برتن میں رہنے دیا جائے اور بوقت ضرورت دوبارہ ملا لیا جائے )
پانی ایسا ہو جیسے ہم اس موسم میں خود غسل کے لئے استعمال کرتے ہیں

سب سے پہلے غسل کے پھٹے کو دھو کر صاف کر لیں گے ۔۔۔۔۔۔
پھر اس کے گرد تین بار ، پانچ یا سات بار اگربتی جلا کر دھونی دیں گے ، اس کے بعد اگر بتی کو سائڈ پر کہیں رکھ دیں گے ۔۔۔۔
باڈی کو چادر سمیت پھٹے پر لٹا دیں گے
( جسم بھاری ہو یا اٹھانا مشکل ہو تو گھر کے مرد آ کر لٹا سکتے ہیں )
اب بہت نرمی سے باڈی کے نیچے سے چادر نکالنی یے بلکہ غسل کے ہر سٹیپ میں باڈی کو بہت نرمی سے ہاتھ لگانا یے کہ تکلیف نہ ہو
چادر نکالنے کے لئے جسم کو دائیں کروٹ پر لٹائیں گے اور نرمی سے نیچے سے چادر رول کر کے دوسری طرف لے جائیں گے اور پھر آہستگی سے بائیں کروٹ پر لٹا کر آرام سے چادر نکال لیں گے
اب سب سے پہلے ایک ڈارک بیڈ شیٹ میت کے اوپر پھیلا دیں گے اور نرمی سے قینچی کے ساتھ لیفٹ بازو کو کندھے تک کاٹ لیں گے ،اسی طرح دایاں بازو کاٹ لیں گے
اور قمیض کو دونوں طرف سے چاک سے کندھے تک کاٹ لیں گے ، جب سب حصے کٹ کر الگ ہو جائیں گے تو نرمی سے ایک طرف کروٹ بدل کر لباس علیحدہ کر دیں گے اور اسی طرح دوسری طرف سے
اس پروسیجر کے دوران اور مکمل غسل کے دوران اوپر والی چادر ہٹنے نہ پائے اور میت کے ستر کا احترام برقرار رہے ،
اسی طرح شلوار کا بایاں حصہ پائینچے سے نیفے تک کاٹا اور پھر دایاں حصہ کاٹا اور نرمی سے ان حصوں کو کروٹ کے بل لٹا کر الگ کر لیں گے
کٹا ہوا لباس موجود ڈسٹ بن میں سے ایک میں ڈال دیں گے ۔۔۔
استنجا کے لئے گلوز پہن لیں گے اور نرمی سے پیٹ ملیں گے اور کاٹن پکڑ کر نجاست صاف کریں گے
اس موقع پر کچھ دیر انتظار کریں گے ، کھانے کے چند گھنٹوں کے بعد وفات ہو جائے تو نجاست کچھ دیر نکلتی رہتی یے اور خالی پیٹ ہو تو پھر زیادہ انتظار کرنے کی ضرورت نہیں
نجاست نکلنے کا انتظار کر کے اچھی طرح کاٹن سے صاف کرتے جائیں گے اور ساتھ ساتھ اچھی طرح پانی بہاتے جائیں گے اور پھٹا بھی صاف کرتے جائیں گے
یہ کاٹن دوسری ڈسٹ بن میں پھینکتے جائیں گے ، اس بن میں پہلے بیگ لگوا لیں گے

اور اگر پھٹا واش روم کے قریب ہو تو ایک خاتون مستقل واش روم کی طرف وائپر کے ساتھ پانی کو دھکیلنی جائیں اور اگر واش روم نہ بھی ہو تو جس طرف پانی کا بہاؤ ہو ، اسی طرف پانی کو وائپر سے ساتھ ساتھ صاف کیا جائے تا کہ پانی اکٹھا نہ ہو۔۔۔۔۔۔۔۔

اب سب سے پہلے میت کو وضو کروانا ہے ، وضو میں چاروں اعضاء دھونے ہیں جو فرائض وضو میں شامل ہیں
منہ ، دونوں بازو کہنی سمیت، سر کا مسح اور دونوں پاوں اچھی طرح دھوئیں گے کہ کوئی جگہ خشک نہ رہے

کاٹن پیس لے کر گیلا کر کے دانتوں، مسوڑھوں پر اور دوسرا ناک کے دونوں نتھنوں میں پھیر دیا جائے تو بھی جائز ہے
(یہ عمل ضروری نہیں لیکن اگر میت کا حیض و نفاس یا جنابت کی حالت میں انتقال ہوا ہو تو یہ کرنا ضروری ہو جاتا ہے )
اب نتھنوں اور کانوں میں الگ الگ خشک روئی ڈال دیں گے تا کہ دوران غسل پانی ناک اور کانوں میں نہ جائے ۔۔۔
پھر سب سے پہلے سر دھونا ہے
شیمپو میسر ہو یا صابن جو چیز موجود ہو اسے پانی میں مکس کر لیں گے ، سر اٹھا کر بازو پر رکھیں گے اور دوسری خاتون دھو دیں گی
اب جسم کے لئے دوبارہ پانی میں صابن یا باڈی واش پانی میں مکس کریں گے ، براہ راست باڈی پر رگڑنے کی بجائے ۔۔۔۔۔
نرمی سے ہینڈل کرنے کے پوائنٹ آف ویو سے

میت کو بائیں کروٹ کر کے دائیں طرف پہلے اچھی طرح اس لیکوئڈ سے دھو کر پھر پانی بہائیں گے ، تمام سائڈ کو اچھی طرح دھو کر اور پھر دائیں کروٹ پر لٹا کر بائیں سائڈ کو اسی طرج اچھے طریقے سے تسلی سے دھونا ہے کہ کوئی جگہ خشک نہ رہے
اس سارے عمل کے دوران دھیان رہے کہ اوپر والی چادر ہٹنے نہ پائے
پھر سیدھا لٹا کر ہاتھ کے سہارے ذرا اوپر اٹھا کر پیٹ کو ہلکا ہلکا ملیں گے
اگر دوبارہ نجاست نکلے تو صاف کریں گے ،غسل یا وضو پر اس سے فرق نہیں پڑے گا
آخر میں بائیں کروٹ لٹا کر دوبارہ دائیں طرف دھوئیں گے
ممکن ہو تو پانی میں کافور ڈال کر دائیں طرف تین بار کندھے سے پاوں تک وہ پانی ڈالنا یے اور کافور ڈالنا بھول جائے تو بھی کوئی مسئلہ نہیں
اب غسل مکمل۔ہوگیا

کوئی عام چادر ایک چارپائی پر ڈالیں گے
تینوں جگہ پٹیاں رکھیں گے
سر کی طرف
کمر کی جگہ (لمبی پٹی درمیان میں ہو گی)
اور پاوں کی طرف
اور اس کے اوپر پہلے کفن کی چادر اور پھر آزار بند بچھا لیں گے
اور پھر کرتہ کی نیچے رہنے والی سائڈ بچھا دیں گے اور جو سائڈ باڈی کے اوپر آنی ہے اس چارپائی کے سر کی طرف پیچھے ڈال دیں گے ۔۔۔۔
اب واپس باڈی کی طرف آئیں گے
ناک اور کان سے گیلی روئی نکال لیں گے
اگر کسی کے ناک یا کان سے خون یا کوئی لیکوئڈ نکل رہا تو تو خشک روئی رکھ دیں گے ، عام صورتحال۔میں ضرورت نہیں
اب گیلی چادر باڈی کے اوپر سے اس طرح ہٹائیں گے کہ پہلے دوسری گہرے رنگ کی خشک چادر اوپر ڈالیں گے اور نیچے سے گیلی چادر نکال کہیں گے کہ ستر کا احترام قائم رہے ، گہرے رنگوں کی چادر استعمال کرنے کی بھی یہی وجہ ہے ۔۔۔۔
اب تیسری چادر آہستگی اور نرمی سے باڈی کے نیچے بچھائیں گے ، اسی طرح دونوں طرف کروٹ چینج کروا کے
اب اسی چادر سمیت اٹھا کر چارپائی پر ڈالیں گے
چارپائی پر ڈال کر نیچے والی چادر آرام سے نکال لیں گے
کرتے کی چارپائی کے سر کی طرف رکھی سائڈ کو گلے سے ڈال کر سامنے ڈالیں گے اور پاوں تک لے جائیں گے ۔۔۔۔

اب کرتا پہنانے کے بعد وہ گہرے رنگ کی اوپر دی گئی چادر ہٹا دیں گے ۔۔۔۔
کافور کو ذرا سا ہاتھ پر مل کر ان سات جگہوں پر ملیں گے جو سجدہ کرتے ہوئے زمین سے لگتی ہیں
ماتھا ، ناک
دونوں ہتھیلیاں
دونوں گھٹنے اور دونوں پاوں کی اوپر کی طرف جو دوران سجدہ زمین پر لگتی ہے
اب سینہ بند کو سینہ پر ڈال دیں گے ، پہلے ایک بازو کے نیچے سے گزار کر اور پھر دوسرے بازو کے نیچے سے گزار کر نیچے کی طرف دبا دیں گے ، سینہ کور ہو جائے گا ، اگر بڑا ہو تو فولڈ کر کے استعمال کرہں گے
بال دونوں طرف سے آگے لا کر سینے پر ڈال دیں گے
سربند کو سر کے نیچے کی طرف رکھا ، آگے سے سکارف کی طرح آگے لا کر سائڈوں پر دبا دیں گے
اب آزار کی بائیں طرف پہلے سامنے ڈالیں گے اور دائیں طرف بعد میں اوپر کریں گے
اسی طرح بڑی چادر کو پہلے بائیں طرف سے اوپر ڈالیں گے اور پھر دائیں سائڈ اس کے اوپر کریں گے
اب تینوں پٹیاں باندھ دیں گے
پھر چہرے کی طرف سے چادر اور آزار کو تھوڑا سا کھول دیں گے
پھر اوپر ایک کوئی بھی علیحدہ چادر ڈال دیں گے ۔۔۔۔

ہم سب کو یہ طریقہ سیکھنا چایئے ، اپنے اطراف میں خود کو پیش کرنا چاہیئے غسل میت کے لیے
بہت اجر و ثواب کا باعث ہے ____

https://twitter.com/Farzana99587398?s=09

"اللہ کسی شخص کو اس کی طاقت سے زیادہ تکلیف نہیں دیتا ”

اے انسان صبرکر !

"لَا يُكَلِّفُ ٱللَّهُ نَفْسًا إِلَّا وُسْعَهَا”

"اللہ تعالی کسی جان کو اس کی طاقت سے زیادہ تکلیف نہیں دیتا ”

کتنی خوبصورت آیت ہے دل کو سکون دینے والی۔ تکلیف میں دکھ میں تسلی دینے والی ۔واقعی اللہ کسی نفس کو اس کی طاقت سے زیادہ تکلیف نہیں دیتا۔ اور اس بات کی مثال آپکے سامنے ہے چونٹی کو اللہ نے کبھی لکڑی اٹھانے کی تکلیف سے نہیں گزارا ۔جتنی طاقت چونٹی میں ہے اللہ ہمیشہ اسے اتنی ہی تکلیف میں ڈالتے ہیں ۔

اب ہم اپنی بات کرتے ہیں کبھی درد کی شدت ہماری روح کو چھلنی کر دے کبھی ہمارے آنسو ہمارے جگر کو چھلنی کر رہے ہوں ۔کبھی لگے کہ آزمائش بہت زیادہ بڑی ہے ہماری طاقت سے زیادہ ہے کبھی خیال آئے یہ سب میرے ساتھ ہی کیوں ۔کبھی لگے کے ہمت ختم ہو گئی مگر آزمائش ختم نہیں ہو رہی ۔تو بس یہ آیت یاد کر لیجے گا ۔
"اللہ کسی نفس کو اس کی طاقت سے زیادہ تکلیف نہیں دیتا ”
اگر آپ بڑی آزمائش سے گزر رہے ہیں تو یاد رکھئے آپ میں زیادہ طاقت ہے باقی لوگوں کی نسبت ۔آپ زیادہ طاقت ور ہیں ۔اگر تکلیف جسمانی ہے تو آپ کے جسم میں زیادہ طاقت ہے باقی لوگوں سے۔اور اگر تکلیف روحانی ہے تو بھی آپ زیادہ مضبوط ہو ۔

یہ آیت مجھے اکثر حوصلہ دیتی ہے اور اب تو مجھے جسے دل وجان سے اس بات کا یقین ہو گیا ہے کہ اللہ مجھ پر میری طاقت سے زیادہ بوجھ نہیں ڈالیں گے ۔

آپ بھی آج سے اس آیت کو یاد کر لیں جب بھی لگے آزمائش زیادہ ہے تھک گیا ہوں تو بس یہ آیت حوصلہ دے گی آپکو ۔آپ کے اندر نئی انرجی پیدا ہونے لگ جاۓ گی یہ سوچتے ہی کہ آپ میں باقی لوگوں سے زیادہ طاقت ہے اور اللہ تو کبھی بھی اپنے بندے پر ظلم نہیں کرتے ۔اور پتہ ہے بڑی آزمائش کے بعد زیادہ تکلیف کے بعد اجر بھی زیادہ ہی ملتا ہے اگر آپکی آزمائش زیادہ ہے تو خوش ہو جائیں اس آزمائش کے بعد آپکو درجات ملیں گے اجر ملے گا اور تب تک آپ بہت مضبوط بن چکے ہوں گے ۔جیسے فوج کی ٹرینگ کتنی مشکل ہوتی ہے مگر وہ آپکو مضبوط کرتی ہے آپکے درجات بڑھتے ہیں بس ایسے ہی جتنی بڑی آزمائش اتنا بڑا درجہ ۔

اب اپنی آزمائش کو کھلے دل سے قبول کرنا ہے اور یہ سوچنا ہے کہ اللہ نے آپکو باقی لوگوں کی نسبت زیادہ طاقت دی ہے۔

اے میرے پروردگار! ہم تیرے کمزور بندے ہمیں معاف فرما، درگزر فرما ہم پر ایسے بوجھ نہ ڈال جو ہم میں اٹھانے کی سکت نہیں تجھے تیرے رحیم کریم ہونے کا واسطہ ستر ماوں زیادہ سے زیادہ پیار کرنے والے میرے خالق ہم پر رحم فرما۔
آمیـــن یارب العالمیــــن!!!
ائے۔

Bobswiffey

Bobswiffey is a freelance Journalist on Baaghitv For more details about visit twitter account

Bobswiffey Twitter Account handle
Follow @Bobswiffey

https://twitter.com/Bobswiffey