Category: کشمیر

وزیراعظم آزاد کشمیر راجہ فاروق حیدر نے کہا ہےکہ یا ہم ختم ہوجائیں گے یا بھارت کشمیر میں نہیں رہےگا کیونکہ ہم مارے بھی جائیں اور ہندوستان بھی یہاں رہے یہ نہیں ہوسکتا،

باغی ٹی وی کی رپورٹ کے مطابق وزیراعظم آزاد کشمیر راجہ فاروق حیدر نے کہا کہ کشمیریوں کےساتھ اب ہندوستان بھی بات کرے گا، ہرکوئی بات کرےگا، مظلوم کشمیریوں کی منزل بہت قریب نظر آرہی ہے، انہوں نے کہا کہ یا ہم ختم ہوجائیں گے یا بھارت کشمیر میں نہیں رہےگا، ہم مارے بھی جائیں اور ہندوستان بھی یہاں رہے یہ نہیں ہوسکتا، کشمیریوں کو سرحد کے دونوں جانب آنے جانے کا حق ہے،

وزیر اعظم آزاد کشمیر نے کہاکہ ہم بہت بڑی تعداد میں ایل اوسی کی جانب مارچ کریں، 9 اگست کو آل پارٹیز کانفرنس کے اعلامیے میں یہ آپشن شامل ہے، یہ مارچ سردیاں شروع ہونے سے پہلے ہوگا، وزیراعظم آزاد کشمیر کا کہنا تھا کہ جارح کے مقابلے میں مظلوم کھڑا ہوتا ہے تو دنیا کی ہمدردی مظلوم کے ساتھ ہوتی ہے،

بھارتی وزیر دفاع راجناتھ سنگھ نے ہرزہ سرائی کرتے ہوئے کہا ہے کہ کشمیر کبھی بھی پاکستان کا حصہ نہیں تھا اور کوئی بھی ملک کشمیر کی خصوصی حیثیت ختم کرنے کے معاملہ پر اس کی حمایت نہیں‌ کر رہا،

باغی ٹی وی کی رپورٹ کے مطابق راجناتھ سنگھ نے یہ بات لیہہ کے دورہ کے دوران کہی، ہندوستانی وزیر دفاع نے پاکستان کے خلاف زہر الگتے ہوئے کہاکہ پاکستان کو مقبوضہ کشمیر میں مداخلت کے بجائے اپنے ملک کے مسائل حل کرنے کی طرف دھیان دینا چاہیے،

راجناتھ سنگھ نے الزام تراشی کرتے ہوئے کہاکہ پاکستان مبینہ طور پر انڈیا کو غیر مستحکم کرنے کی کوشش کر رہا ہے، کشمیر پر پاکستان کا کوئی دائرہ اختیار نہیں ہے،

مقبوضہ جموں و کشمیر سے آرٹیکل 370 کے ہٹائے جانے کے خلاف کارگل اور دراس میں زبردست ہڑتال کی گئی۔ اس سلسلے میں کارگل جوائنٹ ایکشن کمیٹی نے بدھ اور جمعرات کو کارگل میں دو روزہ احتجاجی مظاہرہ اور ہڑتال کا اعلان کیا تھا۔
بھارت نے جموں و کشمیر کے بعد ایک اور ضلع میں دفعہ 144نافذ کر دی، جانئے اس رپورٹ میں
بھارتی میڈیا کے مطابق دراس کے مقامی باشندوں اور رہنماﺅں نے بھی دفعہ 370 اور 35 اے ہٹائے جانے مخالفت شروع کر دی ہے۔ وہ لداخ کے ساتھ دراس اور کارگل کو ملائے جانے کو لے کر بھی خوش نہیں ہیں۔

بدھ کو مودی حکومت کے فیصلے کے خلاف دراس، کارگل، سانکو اور کارگل ضلع کے دوسرے علاقوں میں زبردست ہڑتال ہوئی۔ کارگل جوائنٹ ایکشن کمیٹی میں سیاسی لیڈروں کے ساتھ مذہبی لیڈر بھی شامل ہیں۔ دراس کی بی جے پی یونٹ نے بھی اس ہڑتال کی کھل کر حمایت کی ہے۔

دراس میں بی جے پی لیڈر بلال احمد کا کہنا ہے کہ ”ہم لداخ کا حصہ نہیں بننا چاہتے۔ حکومت یا تو کارگل کو الگ مرکز کے ماتحت ریاست بنائے یا پھر ہمیں جموں و کشمیر کے ساتھ رہنے دے۔ جموں و کشمیر سے ہمارے کافی رشتے ہیں جب کہ لداخ سے ہمارا کوئی رشتہ نہیں ہے۔ وہاں کے اور ہمارے رسم و رواج، رہن سہن اور کھانے پینے میں بھی بہت فرق ہے۔ ہماری فیملی کی بہت سی خواتین کی شادی کشمیر میں ہوئی ہے۔ کارگل یوں بھی کشمیر کے نزدیک ہے۔“

دوسری طرف نیشنل کانفرنس لداخ کے رہنما اور کونسلر غلام نقوی کا ایک ہی مطالبہ ہے اور وہ یہ کہ ہم لداخ کا حصہ نہیں بننا چاہتے۔ ان کے بقول سیاسی پارٹی سماج اور ریاست میں سے ہی آتے ہیں، اگر ریاست کا ہی احساس نہیں ہوگا تو پھر سیاسی پارٹی کا بھی کیا کرنا؟ ہمارے لیڈر دفعہ 370 ہٹائے جانے کے بعد سے ہی نظر بند ہیں۔ ہم آسانی سے پیچھے ہٹنے والے لوگ نہیں ہیں۔ ہم مرنے کے لیے تیار ہیں۔“

نقوی نے عدالت میں جانے کا بھی اعلان کر دیا ہے۔ انھوں نے کہا کہ ”ہم کسی بھی مرکز کے ماتحت ریاست کا حصہ ہونے سے انکار کر رہے ہیں۔ کیا کوئی حکومت اس طرح قانون بدلتی ہے۔ لوگوں کو گھروں میں بند کر انھوں نے ایسا کیا ہے۔“

بلال احمد بھی بی جے پی لیڈر ہیں لیکن مودی حکومت کے مذکورہ فیصلہ کے خلاف ہیں۔ بلال احمد کے مطابق 35 اے ہٹا کر حکومت نے بہت بڑی غلطی کی ہے۔ انھیں ایسا نہیں کرنا چاہیے تھا۔ انھوں نے کہا کہ ”جس طرح سے لیڈروں کو نظر بند کیا گیا ہے وہ شرمناک ہے۔ ایسا نہیں ہونا چاہیے تھا۔ مودی حکومت نے طاقت کے زور پر ایسا کیا ہے۔“

مقبوضہ کشمیر میں بھارتی حکومت کی جانب سے نافذ کیے ہوئے کرفیو کو آج مسلسل 25واں دن ہے۔ مقبوضہ وادی کا رابطہ بیرونی دنیا سے مسلسل کٹا ہوا ہے۔ بچوں کی خوراک اور ادویات کی شدید قلت ہے۔ کرفیو کی وجہ سے 5000ہوٹلز بند جبکہ یہاں کام کرنے والا کم وبیش 10000کشمیری ملازمتوں سے فارغ کر دیے گئے ہیں۔
میری ماں نے کہا تھا کہ کشمیر کی آزادی تک ریشم اور زیور نہیں پہنوں گی،ایسا کس نے کہا؟
بھارتی فوج کی ریاستی دہشت گردی کے خلاف بیرونی دنیا میں مقیم کشمیری احتجاج کر رہے ہیں۔ ہزاروں کشمیری محاصرے میں ہیں۔ مقبوضہ کشمیر ایک فوجی چھاﺅنی کامنظر پیش کر رہا ہے۔بھارتی فوج نے کشمیر کی حریت اور بھارت نواز سیاست دانوں سمیت دس ہزار سے زائد کشمیریوں کو گرفتار یا نظر بند کیا ہے۔ جیلوں اور پولیس اسٹیشنوں میں قیدیوں کی گنجائش ختم ہو چکی ہے۔

مقبوضہ وادی میں 5اگست سے تمام انٹرنیٹ اور مواصلاتی رابطے بند ہیں۔ مقامی اخبارات اپنے آن لائن ایڈیشن اپڈیٹ نہیں کر سکے جبکہ ان میں سے بیشتر بھی پابندیوں کی وجہ سے پرنٹ نہیں ہوسکے۔

دریں اثنا مقبوضہ وادی میں ادویات کی شدید قلت ہو چکی ہے ۔کشمیری دہلی سے ادویات خریدکر لا رہے ہیں۔ ڈاکٹروں نے اس بات کی تصدیق کی ہے کہ وادی کشمیر میں بدستور بندش اور مواصلات کی بندش سے سیکڑوں مریض متاثر ہوئے ہیں۔
مقبوضہ کشمیر میں اشیائے خوردونوش کی بھی قلت ہو گئی ہے جبکہ بچوں کے لیے خوراک کی بھی کمی ہو گئی ہے۔

پیپلز پارٹی کے سینئر رہنما اعتزاز احسن نے کہا ہے کہ میری ماں نے کہا تھا کہ کشمیر کی آزادی تک ریشم اور زیور نہیں پہنوں گی

باغی ٹی وی کی رپورٹ کے مطابق لاہو رمیں ایک تقریب سے خطاب کرتے ہوئے اعتزاز احسن نے انکشاف کرتے ہوئے کہا کہ میری ماں نےکہا تھا کشمیرکی آزادی تک ریشم اورزیورنہیں پہنوں گی ،ماضی میں کشمیرکمیٹی کے چیئرمین نےکہیں بھی کشمیرکی بات نہیں کی،

اعتزاز احسن کا مزید کہنا تھا کہ کرتارپورراہداری سے متعلق پاکستان کے اقدامات سے مودی شرمندہ ہے ،انڈیا کےاندر سے آوازیں اٹھ رہی ہیں ،وہاں کی سول سوسائٹی اوراپوزیشن اٹھ رہی ہے ،اب ففتھ جنریشن وارہورہی ہے،اس میں گولی،بندوق،بمباری کاکوئی عمل دخل نہیں،

اعتزاز احسن کا مزید کہنا تھا کہ ہم نےکشمیرکمیٹی کےچیئرمین ایسےبنائےجوکسی فارن منسٹرسےبات نہیں کرسکتے،کیبنٹ میٹنگ میں جومعاملہ ایجنڈےپرنہیں اس پرباہربحث شروع ہوجاتی ہے ،نہ ہندوستان اسرائیل ہے،نہ کشمیرغزہ ہے،نہ پاکستان اردن ہے،نہ مصرہے ،کلبھوشن یادیونےبلوچستان ،سندھ میں دہشت گردی کا اعتراف کیاہے ،عالمی عدالت میں ہماری فتح ہوئی ہے،بھارت کوریلیف نہیں ملا،

خیال رہے کہ بھارت نے 5 اگست کو مقبوضہ کشمیر کی خصوصی حیثیت سے متعلق آئین کا آرٹیکل 370 ختم کر کے وادی میں غیر معینہ مدت کے لیے کرفیو نافذ کر دیا تھا۔ بھارت کی ہندو انتہا پسند حکمران جماعت بی جے پی کے اس اقدام کے بعد سے ہی مقبوضہ وادی میں حالات انتہائی کشیدہ ہیں اور وادی میں مکمل لاک ڈاؤن ہے۔

کشمیر میں تین ہفتوں کے دوران پانچ سو سے زائد مقامات پر کشمیریوں نے احتجاج کیا،”الجزیرہ“ کی رپورٹ کے مطابق سینئر سرکاری اہلکار نے بتایا کہ 3 ہفتوں کے دوران مقبوضہ کشمیر کے مختلف علاقوں میں مودی سرکار کیخلاف 500 مظاہرے ہوئے جبکہ آرٹیکل 370 کے خاتمے کے بعد 100 سے زائد کشمیری زخمی ہوئے.

الجزیزہ کی رپورٹ کے مطابق مقبوضہ مطابق کشمیر میں لاک ڈاؤن آرٹیکل ختم کرنے سے کئی گھنٹے پہلے ہو چکا تھا۔ بھارتی فوج احتجاج کرنے والے کشمیریوں کو منتشر کرنے کیلئے پیلٹ گنز اور آنسو گیس استعمال کر رہی ہے۔