Category: کشمیر

چئیرمین پاک سرزمین پارٹی سید مصطفی کمال، صدر انیس قائم خانى کشمیریوں سے یکجہتی کے لیے مظفرآباد پہنچ گئے

باغی ٹی رپورٹ کے مطابق چئیرمین پاک سرزمین پارٹی سید مصطفی کمال، صدر انیس قائم خانى کشمیریوں سے یکجہتی کے لیے مظفرآباد پہنچ گئے کچھ دیر بعد پریس کلب میں پرنٹ اور الیکٹرانک میڈیا سے بات کریں گے ۔
آج دوپہر 2 بجے چئیرمین سید مصطفی کمال اور صدر انیس قائم خانى کى سربراہی میں پاک سر زمین پارٹی کا وفد صدر آزاد کشمير سردار مسعود خان صاحب سے ملاقات کرے گا

اس کے علاوہ آزاد کشمیر وزیر برائے انفارمیشن ٹیکنالوجی ڈاکٹر مصطفی بشیر کی مظفرآباد میں چئیرمین پاک سرزمین پارٹی سید مصطفی کمال اور صدر انیس قائیمخانی سے ملاقات کی اور انکا کشمیریوں سے یکجہتی کے لئے آزاد کشمیر کے دورہ کا شکریہ ادا کیا، اس موقعہ پر نیشنل کونسل میمبر حفیظ الدین اور شمشاد شمشاد صدیقی بھی موجود تھے۔

مقبوضہ کشمیر میں بھارتی حکومت کی جانب سے نافذ کیے ہوئے کرفیو کو آج مسلسل 24واں دن ہے۔ ہزاروں کشمیری محاصرے میں ہیں۔ مقبوضہ کشمیر ایک فوجی چھاﺅنی کامنظر پیش کر رہا ہے۔ بھارتی فوج نے کشمیر کی حریت اور بھارت نواز سیاست دانوں سمیت دس ہزار سے زائد کشمیریوں کو گرفتار یا نظر بند کیا ہے۔ جیلوں اور پولیس اسٹیشنوں میں قیدیوں کی گنجائش ختم ہو چکی ہے۔
کشمیر، کرفیوکا 23 واں روز، مساجد کو تالے، میڈیا پر بھی پابندیاں، 10 ہزار گرفتاریاں، باغی ٹی وی کی خصوصی رپورٹ
پوری وادی میں 5اگست سے تمام انٹرنیٹ اور مواصلاتی رابطے بند ہیں۔ مقامی اخبارات اپنے آن لائن ایڈیشن کی تازہ کاری نہیں کرسکے جبکہ ان میں سے بیشتر بھی پابندیوں کی وجہ سے پرنٹ نہیں ہوسکے۔

بھارتی فوج نے مساجد کو بھی تالے لگا دیئے ہیں۔ اکثر مساجد میں نماز ادا کرنے کی اجازت نہیں۔

مقبوضہ وادی میں زندگی بچانے والی ادویات کی شدید قلت کا سامنا ہے ۔ لوگوں کو ادویات خریدنے کے لیے دہلی تک کا سفر کرنا پڑ رہا ہے۔ ڈاکٹروں نے اس بات کی تصدیق کی ہے کہ وادی کشمیر میں بدستور بندش اور مواصلات کی بندش سے سیکڑوں مریض متاثر ہوئے ہیں۔

مقبوضہ کشمیر میں اشیائے خوردونوش کی بھی قلت ہو گئی ہے جبکہ بچوں کے لیے خوراک کی بھی کمی ہو گئی ہے۔

کرفیو کے باوجود بھارتی فوج کشمیریوں سے خوفزدہ، کشمیر بھر میں بنکروں کا جال بچھانا شروع کر دیا

باغی ٹی وی کی رپورٹ کے مطابق مقبوضہ کشمیر میں بھارت سرکار کی جانب سے لگائے گئے کرفیو کو چوتھا ہفتہ شروع ہو گیا ہے، کشمیری گھروں میں محصور ہیں، انہیں گھروں سے نکلنے کی اجازت نہیں، احتجاج کرنے والے کشمیریوں کو گرفتار کر لیا جاتا ہے، اب تک بھارتی فوج 10 ہزار سے زائد کشمیریوں کو گرفتار کر چکی ہے.

بھارتی فوج نے کشمیریوں کے احتجاج سے خوفزدہ ہوکر کشمیر بھر مین بنکر بنانا شروع کر دئیے ہیں، سرینگر میں تین ہفتوں کے دوران دو درجن سے زائد مقامات پر بھارتی فوج نے بنکر بنا دئیے، سری نگر کے سول لائنز میں جہانگیر چوک فلائی اوور کے نیچے بھارتی فوج نے اپنا ایک بنکربنایا ہے۔ سری نگر کے علاقے کرن نگر، ایم اے روڑ، ریڈیو کشمیر، بربرشاہ، حیدر پورہ، مہجور نگر، برین نشاط، بڈیاری چوک ڈل گیٹ سمیت دیگر کئی مقامات پر بھی بھارتی فوج نے نئے بنکر تعمیر کئے ہیں۔ بھارتی فوج نے بنکروں کے علاوہ درجنوں مقامات پرعارضی پکٹ بھی قائم کئے ہیں۔

میڈیا رپورٹس کے مطابق سرینگر کے علاوہ دیگر اضلاع میں بھی بھارتی فوج پختہ بنکر بنا رہی ہے اور کشمیریوں کی زمینوں پر قبضے کر رہی ہے، کشمیریوں نے بھارتی فوج کی جانب سے بنکروں کی تعمیر پر شدید غم و غصے کا اظہار کیا ہے ،بنکروں کی تعمیر کے حوالہ سے بھارتی فوج نے کسی بھی سوال کا جواب دینے سے انکار کیا ہے.

مقبوضہ کشمیر کے دو سابق وزرائے اعلیٰ عمر عبداللہ اور محبوبہ مفتی نے رہائی کے لئے مودی سرکار کی شرائط ماننے سے انکار کر دیا

باغی ٹی وی کی رپورٹ کے مطابق مقبوضہ کشمیر کے گورنر ستیاپال نے محبوبہ مفتی اور عمر عبداللہ کو اس شرط پر رہا کرنے کا کہا تھا کہ وہ رہائی کے بعد خاموش رہیں گے. اور مقبوضہ کشمیر کی خصوصی حیثیت کے خاتمے کے حوالے سے کوئی بات نہیں کریں گے لیکن عمرعبداللہ اور محبوبہ مفتی نے مودی سرکار کی شرائط ماننے سے انکار کر دیا.

واضح رہے کہ مقبوضہ کشمیر کی خصوصی حیثیت کے خاتمے سے قبل مودی سرکار نے جہاں حریت رہنماؤں کو گرفتار کیا وہیں سیاسی لیڈروں کو بھی گرفتار کر لیا تھا، دونوں سابق وزارائے اعلیٰ پانچ اگست سے گرفتار ہیں.

مقبوضہ کشمیر میں بھارتی ریاستی دہشت گردی جاری ہے، 23 ویں روز بھی کرفیو نافذ، کھانے پینے کا سٹاک ختم ہو گیا۔ کرفیو کے باوجود کچھ علاقوں میں قابض فوج کے خلاف مزاحمت جاری ہے۔نیٹ اور موبائل سروس بند ہونے کے باعث مقبوضہ کشمیر سے باہر مقیم کشمیریوں کو اپنے اہل خانہ سے رابطہ کرنے میں دشواری کا سامنا ہے جب کہ بیماری کی صورت میں ایمبولینس منگوانا بھی ناممکن ہوگیا ہے۔ وادی مکمل طور ایک قید خانے میں تبدیل ہوگئی ہے۔

خیال رہے کہ بھارت نے 5 اگست کو مقبوضہ کشمیر کی خصوصی حیثیت سے متعلق آئین کا آرٹیکل 370 ختم کر کے وادی میں غیر معینہ مدت کے لیے کرفیو نافذ کر دیا تھا۔ بھارت کی ہندو انتہا پسند حکمران جماعت بی جے پی کے اس اقدام کے بعد سے ہی مقبوضہ وادی میں حالات انتہائی کشیدہ ہیں اور وادی میں مکمل لاک ڈاؤن ہے۔

بھارتی فوج کی طرف سے لائن آف کنٹرول کے ہلمت اورٹنڈواس کےعلاقوں میں گولہ باری کی گئی ہے،

باغی ٹی وی کی رپورٹ کے مطابق بھارتی اشتعال انگیزی سے بچی سمیت 2 شہری شہید، 4زخمی ہوئے ہیں‌ جبکہ گولہ باری سے 3 مکانات بھی تباہ ہوئے ہیں، بھارتی فوج کی جانب سے وادی نیلم میں ہلمت، تاوبٹ، نکرو سمیت متعدد علاقوں کو نشانہ بنایا گیا ہے،

بھارتی فوج نےضلع جہلم ویلی کےعلاقےپانڈواورلیپاسیکٹرمیں بھی گولہ باری کی، پاک فوج کی منہ توڑجوابی کارروائی سے دشمن کی توپیں خاموش ہو گئیں، واضح‌ رہے کہ اس سے قبل بھی بھارتی فوج کی طرف سے کنٹرول لائن پر فائرنگ کے واقعات پیش آتے رہے ہیں جس پر پاکستانی فوج کی جانب سے بھرپور جواب دیا جاتا رہا ہے.