Category: کشمیر

واشنگٹن: بھارت کی طرف سے مقبوضہ کشمیر کو زبردستی ہتھیانے کے بعد امریکہ نے بھی اپنا ردعمل ظاہر کرتے ہوئے کہا ہے کہ بھارت یا درکھے کہ امریکہ اپنے پرانے موقف پر قائم ہے کہ مقبوضہ کشمیر کشمیریوں کا ہے. بھارت کشمریوں پر زیادتی کررہا ہے.

مقبوضہ کشمیر کے تازہ ترین حالات پر بات کرتے ہوئے امریکی محکمہ خارجہ کی ترجمان مورگن آرٹگس کا کہنا ہے کہ مقبوضہ جموں و کشمیر میں غیر قانونی اقدامات سے گریز کیا جائے۔ امریکی محکمہ خارجہ کی ترجمان مورگن آرٹگس نے واشنگٹن میں صحافیوں سے گفتگو کرتے ہوئے مقبوضہ کشمیر میں بڑھتی کشیدگی پر تشویش کا اظہار کیا اور کہا کہ مقبوضہ کشمیر سے متعلق ہمارا مؤقف تبدیل نہیں ہوا۔

مورگن آرٹگس نے کہا کہ مقبوضہ کشمیر میں پیدا ہونے والی پیش رفت کا بغور جائزہ لے رہے ہیں اور اس حوالے سے پاکستان اور بھارت کے ساتھ رابطے میں ہیں۔یاد رہے کہ اس سے پہلے بھی امریکہ یہ بیان داغ چکا ہےکہ بھارت نے امریکہ کو بتائے بغیر یہ قدم اٹھایا ہے.

سری نگر : بھارت کی طرف سے مقبوضہ کشمیر سکو ہتھیانے کے بعد حالات مزید خراب ہونا شروع ہوگئے ہیں ، اطلاعات کے مطابق اس وقت مقبوضہ کشمیر میں مواصلاتی نظام کی مکمل بندش اور مکمل سیکیورٹی لاک ڈاؤن پانچویں روز میں داخل ہوگیا جس کی وجہ سے چند نیوز ادارے اپنا سامان اٹھا کر خطے سے نکلنے پر مجبور ہوگئے۔

عالمی ذرائع ابلاغ کے مطابق اس وقت بھارتی قابض افواج ہر طرف سڑکوں پر پیٹرولنگ کرتی نظر آرہی ہیں، دکانیں بند ہیں جگہ جگہ خاردار تاریں لگا کر ایک علاقے کو دوسرے علاقے سے علیحدہ کیا گیا اور وادی میں ایسی خاموشی تاری رہی کہ صرف سیکیورٹی اداروں کی گاڑیوں کے سائرن کے علاوہ کوے کی کائیں کائیں ہی سنائی دیں۔

دوسری طرف اطلاعات کے مطابق سری نگر کے شری مہاراجہ ہری سنگھ ہسپتال میں ڈاکٹروں کا کہنا ہے کہ سیکیورٹی فورسز کے زیر استعمال پیلٹ گن اور ربڑ کی گولیوں سے زخمی ہونے والے اب تک 69 سے زائد افراد لائے جاچکے ہیں۔

اس وقت مقبوضہ وادی میں ہر طرف تاریکیاں ہی چھائی نظر آرہی ہیں. اطلاعات کے مطابق صورت حال اس قدر خراب ہوچکی ہے کہ تمام فون سہولیات چھین لی گئی ہیں . حتی کہ لینڈ لائنز، موبائل فونز اور انٹرنیٹ، تمام کی بندش کا مطلب ہے کہ کشمیر خطے کے باہر کسی سے بات تک نہیں کرسکتا اور صرف مقامی کیبل ٹی وی اور ریڈیو کی معلومات پر انحصار کر رہا ہے۔

لاہور:بھارت کی طرف سے مقبوضہ کشمیر کو ہتھیانے کے بعد جس طرح کی حرکتیں کی ہیں اس کے ردعمل میں پاکستان کی خوبصورت اداکارہ سجل علی سامنے آگئیں، ادکارہ سجل علی نے بھارت کو مخاطب ہوتے ہوئے کہا ہےکہ بھارت یاد رکھے کہ پاکستان سے محبت میرے ایمان کا حصہ ہے.

ذرائع کے مطابق پاکستانی خوبرو اداکارہ سجل علی نے کہا ہے کہ پاکستان پرامن اور ذمہ دار ملک ہے وہ انسانی جانیں سے نہیں کھیلنا چاہتا اگر خدانخواستہ جنگ ہوئی تو پھر دونوں طرف کئی انسانی جانیں لقمہ اجل بن سکتی ہے۔

میڈیا سے بات کرتے ہوئے سجل علی نے کہا کہ کنٹرو ل لائن پر بھارت کی بلا اشتعال فائرنگ اور مقبوضہ کشمیر میں نہتے عوام پر ظلم و ستم سے بھارت کو کچھ حاصل نہیں ہو گا اگر بھارت کو جنگ کا اتنا ہی شوق ہے تو یہ شوق پورا کرلے اگر بھارت نے پاکستان کو آزمانے کی غلطی تو اسے سبق سیکھا دیں گے ۔

اداکارہ سجل علی نے کہاکہ پاکستان سے محبت میرے ایمان کا حصہ ہے اور ہم اپنے وطن کی خاطر کیریئر ، مال و دولت سمیت جان بھی قربان کرنے کو ہر وقت تیار رہتے ہیں ۔پاکستان کشمیریوں کو کبھی بھی تنہا نہیں چھوڑے گا

کیا دنیا کو یہ نظر نہیں آرہا تھا کہ بھارت کشمیر میں قتل عام کررہا ہے اور اس سے پوچھا جائے اسے یہ جرات کیوں‌ہوئی ، عمران خان کے اسلام اباد میں صحافیوں سے ملاقات کے دوران ریمارکس ، وزیر اعظم عمران خان نے عالمی برادری کو مخاطب ہوتے ہوئے کہا کہ مجھے بتائیں کہ مقبوضہ کشمیر میں پھر وہ تاریخ دہرائی جارہی ہے جس طرح مغرب نے ہٹلر کو ابھارا تھا جس کی وجہ سے دنیا کو عالمی جنگ کا سامنا کرنا پڑا

صحافیوں سے بات کرتے ہوئے عمران خان نےعالمی برادری سے کہا کہ کیا عالمی برادری مودی کو بھی ہٹلر بنانا چاہتی ہے. ، عالمی برادری میں اتنی ہمت نہیں‌کہ وہ بی جے پی کی انتہاپسند حکومت کے بڑھتے ہوئے مظالم کو روک سکے،

The whole world is waiting to see what happens to oppressed Kashmiris in IOK when curfew is lifted. Does the BJP govt think by using greater military force against Kashmiris in IOK, it will stop the freedom movement? Chances are it will gain momentum.

— Imran Khan (@ImranKhanPTI) August 8, 2019

اپنی ٹویٹ میں ذکر کرتے ہوئے عمران خان نے کہا کہ پتہ تو تب چلے گاجب بھارت کرفیو اٹھائے گا ، پھر بھارت کیسے روک پائے گا کشمیریوں کی جدوجہد کو ، کیسے سامنا کر پائے گا کشمیریوں کی ناراضگی کا .عمران خان نے کہ کب تک بھارت طاقت کے بل بوتے پر مظالم جاری رکھے گا. عمران خان نے کہا کہ بھارتی افواج کے ذریعے کشمیریوں کو حق خود ارادیت سے روک پائے گا.

نئی دہلی : بھارتی خاتون صحافی صحافی برکھادت بھارتی حکومت کی طرف سے کشمیر کو ہتھیانے کی شدید مخالف نکلیں اور مودی کے اس اقدام سے اعلان بغاوت کردیا ہے، بھارت میں غیرجانبدار لکھاری کی حیثیت سے پہچان رکھنے والی صحافی برکھادت نے کہا ہے کہ مودی سرکار کی جانب سے مقبوضہ کشمیر میں جاری ریاستی دہشت گردی بھارت کے لیے نقصان دہ ہوگی

صحافی برکھادت بھارتی حکومت کے اس اقدام پر تنقید کرتے ہوئے کہتی ہیں کہ دنیا بھر میں جہاں بھارت کی جانب سے مقبوضہ کشمیر میں جاری ریاستی دہشت گردی کی پُرزور مذمت کی جارہی ہے ۔ مقبوضہ کشمیر میں نافذ کرفیو کے دوران لی گئیں تصاویر بھارتی صحافی برکھادت نے ٹوئٹر پر شیئر کیں جس میں انہوں نے لکھا کہ ’لوگ سہمے ہوئے ہیں۔

Images from a locked down #Kashmir. "Log Sahme Huay Hain," said one resident to explain that #Article370 gone is still being absorbed, understood-its still sinking in. Most believe that the real test will come only after Eid when the curfew is lifted & phones opened pic.twitter.com/i0KtzDO1w7

— barkha dutt (@BDUTT) August 8, 2019

صحافی برکھادت کہتی ہیں کہ آرٹیکل70 کا خاتمہ تازہ دھچکا ہے، لوگ اس کے اثرات کی سنگینی کا اندازہ لگانے کی کوشش کر رہے ہیں، اصل امتحان تو اس وقت ہوگا جب عید کے بعد کرفیو اٹھایا جائے گا، فون کھولے جائیں گے۔ برکھادت مقبوضہ کشمیر کے معاملے پر اپنے ٹوئٹس سے مؤقف واضح کرتے دکھائی دے رہی ہیں۔