Category: کشمیر

مقبوضہ کشمیر سے تعلق رکھنے والے صحافی مزمل جلیل نے کشمیر کی موجودہ صورتحال کو 1846کے مقابلے میں بدترین قرار دے دیا ۔
وادی کشمیر: مسلسل تیسرے دن کرفیو، موبائل،انٹرنیٹ سروس تاحال بند
مزمل جلیل سری نگر سے دہلی پہنچے ہیں۔ کشمیر میڈیا سروس کے مطابق مزمل جلیل نے کہا ،”میں ابھی سری نگر سے دہلی آیا ہوں۔ یہ 1846 کے مقابلے میں بدترین ہے۔ سری نگر فوجیوں کا شہر ہے“۔

مزمل جمیل کے مطابق ،”کل ، مجھے پیرائے پورہ سے آفس (رہائشی روڈ) پہنچنے میں تین گھنٹے لگے۔ فون ، موبائل اور لینڈ لائنز منقطع ہیں۔ انٹرنیٹ بند ہے۔ اے ٹی ایم مشینوں میں پیسہ نہیں ہے۔

مزمل نے مزید کہا کہ مقبوضہ جموں و کشمیر میں ایک انتہائی سخت کرفیو نافذ کردیا گیا ہے۔ میں صرف اپر ٹاون سرینگر میں بہت مشکل سے گھوم سکتا تھا۔ مجھے شہر کے اس چھوٹے سے حصے سے باہر کی کوئی اطلاع نہیں ہے۔ تاہم ، میں نے سنا ہے کہ پرانے شہر بارہمولہ میں مظاہرے ہورہے ہیں۔

کشمیری صحافی نے مزید کہا ، ”چوکیوں پر موجود فورسز کے پاس مخصوص ہدایات ہیں کہ وہ صحافیوں کو رکاوٹ عبور کرنے سے منع کریں۔ میں نے دہلی سے ایک ٹی وی عملہ سری نگر کے راجباغ پولیس اسٹیشن کے باہر ایک ہوٹل کے اندر دیکھا۔ وہ (ٹی وی عملہ)یہ کہہ رہے تھے کہ کشمیر پرسکون ہے۔“

بھارت کا کرفیو ؛کشمیریوں کےلیےسنت ابراہیمی کے اہتمام کےلیے بھی مشکلات

باغی ٹی وی رپورٹ کےمطابق کشمیری مسلسل تیسرے روز بھی پابندیوں کی زد میں ، وادی میں کھانے پینے اور اشیا کی قلت ہونےلگی، عیدالاضحٰی کی تیاری کے لیے انتظامات سےمحروم کردیا گیا.کشمیری سنت ابراہیمی ادا کرنے سےبھی قاصر ہو گئے.کشمیر میں بھارتی مظالم کی وجہ سےکشمیریوں کی زندگی پہلے ہی اجیرن تھی جسے اب اور مشکل بنا دیا گیاہے.

مقبوضہ کشمیر سے آرٹیکل 370کو ہٹائے جانے کے خلاف احتجاج جاری ہے۔بھارتی فوج کشمیریوں کی آواز دبانے کے لیے ہر ممکن طاقت استعمال کر رہی ہے۔
وادی کشمیر: مسلسل تیسرے دن کرفیو، موبائل،انٹرنیٹ سروس تاحال بند
کشمیر میڈیا سروس کے مطابق بھارتی فوج کی طرف سے وحشیانہ طاقت کے استعمال کی وجہ سے کم ازکم 6کشمیری زخمی ہو گئے ہیں۔ سری نگر کے ایک اسپتال میں چھ مریضوں کو فائرنگ اور مہلک ہتھیاروں کی وجہ سے زخمی ہونے پر داخل کرایا گیا ہے۔

وادی کشمیرمیں مسلسل تیسرے دن کرفیو نافذ ہے۔ موبائل، انٹرنیٹ خدمات ابھی تک بحال نہیں ہوئی ہیں۔ شہری علاقوں میں بڑی تعداد میں بھارتی فوجی تعینات ہیں۔ وادی میں تمام تعلیمی ادارے بند ہیں۔

وادی کشمیرمیں مسلسل تیسرے دن کرفیو نافذ ہے۔ موبائل، انٹرنیٹ سروس تاحال بند ہے۔ حساس علاقوں میں سخت حفاظتی بندوبست ہے۔ شہری علاقوں میں بڑی تعداد میں سکیورٹی فورسز تعینات ہیں۔ وادی میں تمام تعلیمی ادارے بند ہیں۔ سری نگرکے علاوہ تمام علاقوں میں سکیورٹی فورسیس کوتعینات کر دیا گیا ہے۔
مقبوضہ کشمیر میں دو دن سے اخبارات شائع نہ ہو سکے
وادی میں حریت رہنماﺅں کو گرفتار یا نظر بند کر دیا گیا ہے۔ بھارت نواز سیاسی پارٹیوں کے لیڈروں کو بھی نظربند کر دیا گیا ہے۔

اس کے علاوہ جموں کشمیر کے کئی علاقوں میں آج بھی دفعہ 144کا نفاذ ہے۔ وادی میں مواصلاتی نظام پوری طرح بند ہے۔ کل کے مقابلے نسبتاً بڑی تعداد میں افواج تعینات کی گئی ہے۔

یاد رہے کہ مقبوضہ کشمیر سے آرٹیکل 370ہٹائے جانے کے بعد مودی حکومت کو بھارت نواز کشمیری سیاسی جماعتوں نے بھی تنقید کا نشانہ بنایا ہے ۔اگرچہ بھارتی حکام یہ دعوی کر رہے ہیں کہ کشمیر میں صورت حال نارمل ہے تاہم کرفیو اورمواصلاتی نظام کی بندش سے کشمیر کے حوالے سے کوئی خبر بھی نہیں آرہی۔دوسری طرف کشمیر میں اخبارات بھی بند ہیں۔