مقبوضہ کشمیر کے جنوبی ضلع پلوامہ میں پی ڈی پی کارکن نامعلوم بندوق برداروں کے حملہ میں زخمی ہو گیا۔

واقعہ ضلع کے ماتری گام گاﺅں میں پیش آیا جہاں لطیف احمد شاہ پر اس کے باغ میں گولیاں چلاکر حملہ کیا گیا۔

زخمی لطیف کو مقامی اسپتال پہنچایا گیا جہاں سے اسے نازک حالت میں سرینگر منتقل کیا گیا۔

مقبوضہ کشمیر میں سری نگر کے سینئر سپرنٹنڈنٹ ڈاکٹر حسیب مغل نے کہا ہے کہ مساجد کی فہرستیں تیار کرنے کی ہدایات کا جموں‌کشمیر کی خصوصی حیثیت تبدیل کرنے سے متعلق پھیلنے والی خبروں سے کوئی تعلق نہیں ہے،

باغی ٹی وی کی رپورٹ کے مطابق ایس ایس پی سری نگر نے کہا ہے کہ یہ نارمل پولیسنگ کا حصہ ہے اور صرف ڈیٹا اپ ڈیٹ کیا جارہا ہے تاہم کشمیری عوام میں اس حوالہ سے سخت تشویش پائی جاتی ہے اور سمجھا جارہا ہے کہ بھارتی حکومت جموں‌کشمیر کی خصوصی حیثیت والی دفعات ختم کرنے کی کوششیں کر رہی ہے اور یہی وجہ ہے کہ 100 مزید کمپنیاں کشمیر بھیجی جارہی ہیں،

واضح‌ رہے کہ اس سے قبل قابض انتظامیہ کی جانب سے پولیس سپرنٹنڈنٹ حضرات کو ہدایات جاری کی گئی تھیں‌کہ وہ تمام مساجد کی فہرستیں مرتب کریں‌ اور یہ لیٹر سوشل میڈیا پر بھی وائرل ہو گیا تھا.

مقبوضہ کشمیر میں قابض انتظامیہ نے پولیس کا ہدایات جاری کی ہیں کہ وہ تمام مساجد کی فہرستیں مرتب کرے اور اسے ریاستی انتظامیہ کے پاس جمع کروائے،

باغی ٹی وی کی رپورٹ کے مطابق قابض انتظامیہ نے سری نگر کے پانچ زونوں کے پولیس سپرنٹنڈٹ حضرات کو ہدایات جاری کی ہیں کہ وہ اپنے اپنے علاقوں میں موجود مساجد کی فہرست تیار کرکے اُسے اعلیٰ حکام کو سونپ دیں۔

اس سلسلے میں سینئر سپر نٹنڈنٹ آف پولیس، سری نگر کی طرف سے سبھی زونل ایس پیز کے نام ایک آرڈر میں کہا گیا ہے کہ وہ اپنے اپنے علاقوں میں موجود مساجد اور اُن کے منتظمین کی فہرست تیار کریں تاکہ اُسے اعلیٰ حکام کو سونپ دیا جائے”۔

مقبوضہ کشمیر میں ریاستی انتظامیہ کی جانب سے جاری کردہ مذکورہ آرڈر سوشل میڈیا پر بھی وائرل ہوا ہے جس کی وجہ سے اُن افواہوں کو تقویت ملی ہے جو ریاست کی خصو صی پوزیشن کو ختم کرنے کے سلسلے میں گشت کررہی ہیں، واضح رہے کہ بھارتی فوج نے کشمیر میں ان دنوں قتل و غارت گری میں تیزی پیدا کر رکھی ہے،

مقبوضہ کشمیر میں حالات خراب ہو سکتے ہیں، اس لئے چار ماہ کا راشن جمع کر لیں، بھارتی فوج کے افسر نے ماتحتوں کو خط لکھا تو مقبوضہ کشمیر میں تعینات بھارتی فوج میں کھلبلی مچ گئی.

بھارتی فوج کی مشقیں، بارود پھٹنے سے فوجی ہلاک، انکوائری کا حکم

بھارتی فوج کو مل رہا ہے ناقص اسلحہ، فوج نے مودی سرکار کو کروایا احتجاج ریکارڈ

باغی ٹی وی کی رپورٹ کے مطابق مقبوضہ کشمیر کے علاقے بڈگام میں تعینات بھارتی فوج کے ریلوے سیکورٹی افسر نے اپنے ماتحتوں کو خط لکھا کہ مقبوضہ کشمیر میں حالات خراب ہو سکتے ہیں، اس لئے کم از کم چار ماہ کا راشن جمع کر لیں، بھارتی فوج کے آفیسر کا یہ خط کشمیر میں سوشل میڈیا پر وائرل ہوا تو بھارتی فوج میں کھلبلی مچ گئی.

بھارتی فوج کی ”آپریشن سدھرشن“ نامی جنگی مشقوں‌ کا آغاز، بی ایس ایف نے کیا مقصد بتایا؟ اہم خبر

خط میں مزید لکھا گیا کہ چار ماہ کے راشن کے ساتھ ہو سکے تو اپنے گھر والوں کو کشمیر سے باہر بھیج دیں . سوشل میڈیا پر خط آنے کے بعد بھارتی فوجی ذہنی طور پر شدید پریشان ہو گئے، جب بھارتی فوج کی اعلیٰ قیادت کو خط کا معلوم ہوا تو انہوں نے وضاحت طلب کی کہ ایسا خط کیوں لکھا گیا؟

واضح رہے کہ بھارتی فوج نے مودی سرکار کو گزشتہ ماہ کہا تھا کہ حکومت فوج کو گھٹیا اور ناقص اسلحہ دے رہی ہے جس کا فوج کو نقصان ہو رہا ہے.پچھلے پانچ برسوں میں میں ٹینکوں کے ذریعے داغے گئے 125 ایم ایم ہائی دھماکہ خیز گولہ بارود کے 40 سے زیادہ حادثات ہوئے ہیں۔ اسی طرح،بھارتی فوج نے فروری میں ٹریننگ کے دوران فائرنگ رینج میں ایک افسر اور چار بھارتی فوجیوں کے زخمی ہونے کے بعد اسلحہ لینا بند کر دیا تھا

وزیر اعظم آزاد کشمیر نے کہا ہے کہ آزادکشمیر میں ارلی وارننگ سسٹم نصب کیا جائے گا،

باغی ٹی وی کی رپورٹ کے مطابق انہوں نے کہاکہ گھروں کی تعمیر،راستوں کی بحالی،نقصان کےازالےکےلیےاقدامات کئےجائیں گے، ندی نالوں کےقریب آبادیوں کومحفوظ مقامات پرمنتقل کیاجائےگا،

وزیر اعظم آزاد کشمیر نے کہاکہ پاک فوج نےریلیف اورریسکیوکےکاموں میں بہت معاونت کی،
واضح رہے کہ چند دن قبل نیلم میں شدید بارشوں اور لینڈ سلائیڈنگ کی وجہ سے بڑے پیمانے پر جانی و مالی نقصان ہوا اور دو گاؤں سیلاب میں بہہ گئے تھے. اس موقع پر پاک فوج نے ریسکیو کا زبدست کام کیا. اس صورتحال کو مدنظر رکھتے ہوئے آزاد کشمیر حکومت کی جانب سے ارلی وارننگ سسٹم نصب کرنے کی بات کی گئی ہے،

مقبوضہ کشمیر میں ذہنی تناؤ سے تنگ آکر ایک اور بھارتی فوجی نے خودکشی کر لی ہے،

باغی ٹی وی کی رپورٹ کے مطابق بھارتی فوجی کی طرف سے خودکشی کا یہ تازہ واقعہ بانڈی پورہ کے چونٹی مولہ علاقہ میں پیش آیا ہے، بھارتی اہلکار نے اپنی سروس رائفل سے خود کو گولی مار کر خودکشی کی،

زخمی اہلکار کو فوری طور پر ہسپتال پہنچایا گیا تاہم وہ راستے میں ہی ہلاک ہو گیا، خودکشی کرنے والے اہلکار کی شناخت 26 سالہ پون کمار کے بطور ہوئی ہے، واضح رہے کہ کشمیری مجاہدین کے حملوں کے خوف اور گھر جانے کیلئے چھٹی نہ ملنے پر بھارتی فوج میں خودکشیوں کےو اقعات دن بدن بڑھتے جارہے ہیں،