مقبوضہ کشمیر کے علاقے شوپیاں میں بھارتی فوج نے آج جمعہ کو تین کشمیریوں کو شہید کر دیا
باغی ٹی وی کی رپورٹ کے مطابق بھارتی فوج نے مقبوضہ کشمیر کے علاقے شوپیاں میں سرچ آپریشن کیا،درگڈ، سوگن نامی گائوں میں گھر گھر تلاشی کے دوران بھارتی فوج نے تین کشمیری نوجوانوں کو شہید کر دیا ،بھارتی فوج نے سرچ آپریشن کے دوران چادر و چاردیواری کے تقدس کو بھی پامال کیا،
واضح ہے کہ رمضان المبارک کے مہینہ میں بھارتی فوج روزانہ کشمیریوں کو شہید کر رہی ہے، سرچ آپریشن کے نام پر کشمیریوں کا جینا مشکل کر دیا گیا ہے
مقبوضہ کشمیر کے سابق کٹھ پتلی وزیر اعلیٰ ڈاکٹر فاروق عبداللہ نے کہا ہے کہ بھارت کو ہندو دیش بنانے اور مسلمانوں کے خلاف نفرتیں پھیلانے کی کوششیں کی جارہی ہیں. اس طوفان کا مقابلہ متحد ہو کر کرنا ہو گا.
باغی ٹی وی کی رپورٹ کے مطابق نیشنل کانفرنس کے صدر فاروق عبداللہ نے کہاکہ ہم پہلے امتحان میں کامیاب ہوئے اور اب ہمیں دوسرے امتحان اسمبلی انتخابات کا سامناہے. اس امتحان میں سرخرو ہونے کیلئے ہمیں پہلے سے زیادہ محنت کرنی ہو گی۔ پارلیمانی انتخابات میں نیشنل کانفرنس کو شکست سے دوچار کرنے کیلئے کوئی بھی کسر باقی نہیں چھوڑی گئی، ہمارے اُمیدواروں کی ہار کو یقینی بنانے کیلئے ہر ایک حربہ اپنا گیا لیکن عوامی ہمدردیوں کی وجہ سے ہمیں شاندار جیت نصیب ہوئی۔ انہوں نے کہا کہ ہمیں کشمیری عوام کے اعتماد کی لاج رکھنی ہے.
ڈاکٹر فاروق عبداللہ نے کہا کہ ریاست کے اندر ہماری پارٹی کیخلاف سازشوں کے جال بُنے جارہے ہیں لیکن یہ سازشیں اب کامیاب نہیںہوںگی. ہمیں ایسے عناصر کو عوامی صفوں میں بے نقاب کرنا ہوگا جو کشمیر دشمنوں کے اشاروں پر یہاں کام کررہے ہیں۔ انہوں نے کہا کہ نیشنل کانفرنس ریاست میں امن و استحکام کی بحالی اور تعمیر و ترقی کیلئے کام کریگی اور ہر سطح پر لوگوں کی راحت رسانی کیلئے پیش پیش رہے گی۔
واضح رہے کہ ڈاکٹر فاروق عبداللہ نے حالیہ الیکشن میںکامیابی حاصل کی ہے جبکہ محبوبہ مفتی ہار گئی ہیں.
حریت کانفرنس جموں کشمیر کے چیئرمین اور بزرگ کشمیری قائد سید علی گیلانی نے کشمیری عوام سے کل جمعتہ الوداع کو ’’یوم القدس‘‘ اور ’’یومِ کشمیر‘‘ کے طورپر منانے کی اپیل کی ہے.
باغی ٹی وی کی رپورٹ کے مطابق بزرگ کشمیری قائد نے کہا کہ امت مسلمہ کے پاس صہیونی اور سامراجی طاقتوں کے مکروہ عزائم کو خاک میں ملانے کیلئے اپنی صفوں میں اتحاد کو فروغ دینے اور منظم ہونے کے سوا اور کوئی راستہ نہیں ہے ۔ فلسطین کی سرزمین پر اسرائیل اور جموں و کشمیر کی سرزمین پر بھارت کے غیر قانونی ،جبری اور ناجائز قبضے کو ایک ہی سلسلے کی دو کڑیاں ہیں۔ انہوں نے کہاکہ فلسطین اور کشمیر کے دیرینہ تنازعات کا حل وہاں کے عوام کی خواہشات کے عین مطابق تلاش کرنا امت مسلمہ کی اولین ذمہ داری ہے ۔
انہوں نے کہاکہ بھارت اور اسرائیل زیادہ دیر تک کشمیر اور فلسطین پر اپنا غاصبانہ قبضہ مسلط نہیں رکھ سکتے. کشمیری اور فلسطینی مسلمان جلد آزادی حاصل کرکے رہیں گے.
آزاد کشمیر کے صدر سردار مسعود خان نے مسلم ممالک پر زور دیا ہے کہ وہ مظلوم کشمیریوںکو عالمی سطح پر اقوام متحدہ کی قراردادوں کے مطابق تسلیم شدہ حق خودارادیت دلانے کیلئے اپنا بھرپور کردار ادا کریں. مسئلہ کشمیر حل کئے بغیر جنوبی ایشیا میں امن اور خطہ میںکشیدگی کم نہیں ہو سکتی. اس سلسلہ میں انہوں نے 9 نکاتی فارمولہ بھی پیش کیا.
باغی ٹی وی کی رپورٹ کے مطابق صدر آزاد کشمیر نے اسلامی تعاون تنظیم کے 14ویں سربراہی اجلاس سے قبل اسلامی تعاون تنظیم کے رابطہ گروپ برائے جموں و کشمیر سے خطاب کرتے ہوئے او آئی سی سے مطالبہ کیا کہ وہ مقبوضہ کشمیر میں انسانی حقوق کی بدترین پامالیوں کو ختم کرانے اور مسئلہ کشمیر کو طاقت سے حل کرنے کی بجائے بات چیت اور سفارتی ذرائع سے حل کرنے کیلئے بھارت پر دبائو ڈالے اور مقبوضہ جموں و کشمیر سے اپنی قابض فوج کو فوری طور پر انخلاء کرنے کیلئے بھارت کو مجبور کیا جائے۔
انہوں نے کہاکہ او آئی سی اقوام متحدہ کے سیکرٹری جنرل سے با ضابطہ درخواست کرے کہ وہ مداخلت کر کے تنازعہ کشمیر کو حل کرنے کیلئے اپنا کردار ادا کرے اور جموں و کشمیر کے حوالے سے اپنا نمائندہ خصوصی مقرر کریں۔ صدر مسعود خان نے اقوام متحدہ کے انسانی حقوق کونسل میں او آئی سی کے رکن ممالک کی طرف سے بین الاقوامی کمیشن آف انکوائری مقرر کرنے کا مطالبہ کرنے کی تجویز پیش کی۔ انہوں نے تجویز کیا کہ او آئی سی بھارت سے مطالبہ کرے کہ وہ بھارت کے رسوا ئے زمانہ تہاڑ جیل میں قید کشمیری رہنما یاسین ملک، شبیر احمد شاہ ،آسیہ اندرابی، فہمیدہ صوبی، ناہیدہ نسرین اور دیگر کو رہا کرے اور حریت کانفرنس کے رہنمائوں سیّد علی گیلانی ، میر واعظ عمر فاروق اور دوسرے رہنمائوں پر قید و بند کی سختیاں ختم کرے۔
سردار مسعود خاںکی طرف سے پیش کردہ نو نکاتی فارمولہ میںکہا گیا کہ او آئی سی مسئلہ کشمیر کے تمام فریقوں کی مدد اور سہولت فراہم کرے تاکہ وہ باہم بات چیت ، ثالثی ، مصالحت سمیت دیگر پُرامن ذرائع اور کشمیر الجہتی سفارت کاری کے ذریعے تناز عہ کشمیرکا پرُ امن ، منصفانہ اور قابل عمل حل تلاش کر سکیں۔
انہوں نے مسلم ملکوںپر زور دیا کہ مظلوم کشمیریوں کو یو این کی قراردادوں کے مطابق بھارت کے غاصبانہ قبضہ سے آزادی دلانے کے حوالہ سے ان پر اخلاقی ذمہ داری عائد ہوتی ہے کہ وہ اس سلسلہ میں اپنا بھرپور کردار ادا کریں.
مقبوضہ کشمیر کے سوپور علاقہ میں جمعرات کو بھارتی فوج نے نام نہاد سرچ آپریشن کے دوران دو کشمیری نوجوانوں کو شہید کر دیا ہے جس پر ہزاروںکشمیریوں نے شدید احتجاج کیا ہے.
باغی ٹی وی کی رپورٹ کے مطابق ضلع بارہمولہ میں آج صبح شروع ہونے والے سرچ آپریشن میں دو کشمیریوںکو گولیاںماری گئیں جن کی لاشیں بر آمد ہوئی ہیں. بھارتی فورسز کا کہنا ہے کہ دونوں نوجوان ایک جھڑپ میںشہید ہوئے ہیں اور معرکہ آرائی کی جگہ سے اسلحہ و گولہ بارود بھی بر آمد کیا گیا ہے۔
مقامی پولیس کا کہنا ہے کہ شہید نوجوانوں کی شناخت کی جارہی ہے. بھارتی فوج کا کہنا ہے کہ ہندوستانی فورسز اہلکاروں نے آج صبح ضلع بارہمولہ میں سوپور کے ڈانگر پورہ علاقے کو محاصرے میں لیکر گھر گھرتلاشی آپریشن شروع کیا۔ اس دوران کئی گھنٹوں کی تلاشی کے بعد چھپے کشمیری مجاہدین نے فورسز پارٹی پر فائرنگ کی جس کے جواب میں فورسز نے بھی گولیاں چلائیں اور یوں وہاں معرکہ آرائی شروع ہوگئی جو دو کشمیریون کی شہادت پر ختم ہوئی۔
یاد رہے کہ پچھلے چند دنوں میں بھارتی فوج نے ایک درجن کے قریب کشمیریوںکو شہید کیا ہے.
مقبوضہ کشمیر کے علاقے بارہمولا میں بھارتی فوج نے ایک اور کشمیری کو شہید کر دیا
باغی ٹی وی کی رپورٹ کے مطابق کشمیر کے علاقےڈانگر پورہ میں بھارتی فوج نے سرچ آپریشن کے دوران ایک کشمیری کو شہید کر دیا. بھارتی فوج، سی آر پی ایف کی مشترکہ ٹیم نے ضلع بارہمولہ کے علاقے ڈانگر پورہ میں گھر گھر سرچ آپریشن کے دوران ایک کشمیری کو شہید کر دیا،
واضح رہے کہ گزشتہ روز بھی پیلٹ گن کے چھرے آنکھوں میں لگنے سے ایک درجن سے زائد کشمیری زخمی ہوئے ہیں جن کی بینائی متاثر ہونے کا اندیشہ ہے. کولگام میں پیلٹ برسانے اور فائرنگ کے بعد نوے سے زائد کشمیری زخمی ہوئے تو کشمیری نوجوانوںکی بڑی تعداد ہسپتال بلڈ دینے کیلئے پہنچ گئی. اس دوران کشمیریوںکی طرف سے بھارتی درندگی کے خلاف شدید احتجاج کیا گیا. کشمیریوں نے اسلام، آزادی اور پاکستان کے حق میں زبردست نعرے بازی کی.
یاد رہے کہ بھارتی فوج کی طرف سے روزانہ نام نہاد سرچ آپریشن کی آڑی میں نہتے کشمیریوںکو شہید کیا جارہا ہے.
مقبوضہ جموں میں بھارتی فوج نے ایک فوجی کیمپ کے باہرسے دو افراد کو گرفتار کر کے ان پر مبینہ طور پر پاکستان کیلئے جاسوسی کا الزام عائد کیا ہے.
باغی ٹی وی کی رپورٹ کے مطابق بھارتی فورسز نے دعویٰ کیا ہے کہ دونوںکشمیریوںکو مبینہ طور پر ہندوستانی فوجی کیمپ کے باہر تصاویر لیتے اور ویڈیو بناتے ہوئے گرفتار کیا گیا ہے. بھارتی حکام کا کہنا ہے کہ ہندوستانی فوجی اہلکاروں نے دونوں کو مشکوک حالت میں پارا منڈل موہر کے نزدیک رتنا چوک ملٹری سٹیشن کے آس پاس دیکھ کر حراست میںلیا. بھارتی فورسز کا کہنا ہے کہ دونوں کو پولیس کے حوالے کر دیا گیا ہے.
رپورٹکے مطابق مقامی پولیس کا کہنا ہے کہ گرفتار کشمیری نوجوانوں میں سے ایک کا تعلق کٹھوعہ اور دوسرے کا ڈوڈہ سے ہے.
مقبوضہ کشمیر کے شوپیاں علاقہ میں بھارتی فوج نے نام نہاد سرچ آپریشن کے دوران ایک کشمیری نوجوان کو شہید کر دیا ہے جس پر ہزاروںکشمیریوںنے شدید احتجاج کیا ہے.
باغی ٹی وی کی رپورٹ کے مطابق بھارتی فوج نے نوجوان کی شہادت کے بعد پتھراؤ کرنے والے نوجوانوںپر زبردست فائرنگ بھی کی جس سے 20 سے زائد کشمیری زخمی ہو گئے. شہید نوجوان کا نام سجاد احمد پرے بتایا جاتا ہے.
یہ جھڑپیں شوپیاں کے مضافات میں واقع پنجورہ ،گگہ لرو نامی گائوں میں اُس وقت شروع ہوئیں جب ہندوستانی فورسز نے یہاں کشمیری مجاہدین کی موجودگی کی اطلاع کے بعد آپریشن شروع کیا تاہم یہاںسے کسی کشمیری مجاہد کی موجودگی کی اطلاع نہیں ملی.
بھارتی فوج کی طرف سے مقبوضہ کشمیر کے کولگام علاقہ میں نہتے کشمیریوں پر اندھا دھند پیلٹ گن کے چھرے برسانے سے زخمی ہونے والوںکی تعداد 90 ہو گئی ہے.
باغی ٹی وی کی رپورٹ کے مطابق پیلٹ گن کے چھرے آنکھوں میں لگنے سے ایک درجن سے زائد کشمیری زخمی ہوئے ہیں جن کی بینائی متاثر ہونے کا اندیشہ ہے. کولگام میں پیلٹ برسانے اور فائرنگ کے بعد نوے سے زائد کشمیری زخمی ہوئے تو کشمیری نوجوانوںکی بڑی تعداد ہسپتال بلڈ دینے کیلئے پہنچ گئی. اس دوران کشمیریوںکی طرف سے بھارتی درندگی کے خلاف شدید احتجاج کیا گیا. کشمیریوں نے اسلام، آزادی اور پاکستان کے حق میں زبردست نعرے بازی کی.
یاد رہے کہ بھارتی فوج کی طرف سے روزانہ نام نہاد سرچ آپریشن کی آڑی میں نہتے کشمیریوںکو شہید کیا جارہا ہے.
مقبوضہ کشمیر میں بھارتی فوج کے ہاتھوں انجینئرنگ کے ایک طالب علم سمیت دونوجوانوں کی شہادت پر بدھ کو اسلام آباد(اننت ناگ) میں مکمل ہڑتال کی گئی۔
باغی ٹی وی کی رپورٹ کے مطابق بھارتی فورسز اہلکاروں نے فیصل نذیر کو اس کے ایک اور ساتھی کے ہمراہ ضلع کے علاقے کوکرناگ میں نام نہاد سرچ آپریشن کے دوران شہید کر دیا تھا۔ ہڑتال کی وجہ سے علاقہ میں تمام دکانیں اورکاروباری مراکز بند رہے جبکہ گاڑیوں کی آمدورفت معطل ہے۔ قابض حکام نے نوجوان کی شہادت پر طلباء کے احتجاج کو روکنے کے لیے ضلع اسلام آباد کے تعلیمی اداروں میں تدریسی کام معطل کردیا ہے.
بھارتی فورسز کی جانب سے رمضان المبارک میں بھی روزانہ کسی نہ کسی علاقہ میں سرچ آپریشن کر کے نہتے کشمیریوںکو شہید اور بڑے پیمانے پر گرفتاریاںکی جارہی ہیں.