بھارتی فوج نے مقبوضہ کشمیر میں سرچ آپریشن کے نام پر ہفتہ کو مزید دو کشمیریوں کو شہید کر دیا
باغی ٹی وی کی رپورٹ کے مطابق مقبوضہ کشمیر کے علاقے پلوامہ میں سرچ آپریشن کےد وران بھارتی فوج نے مزید دو کشمیریوں کو شہید کر دیا، بھارتی فوج نےسرچ آپریشن کے دوران چادر و چاردیواری کے تقدس کو بھی پامال کیا، اس موقع پر احتجاج کرنے والے کشمیریوں پر پیلٹ اور آنسو گیس کے شیل فائر کئے گئے. بھارتی فوج کی فائیرنگ سے دو کشمیری شہید ہو گئے .
مقبوضہ کشمیر میں بھارتی فوج نے رمضان المبارک کے دوسرے جمعہ کے موقع پر تاریخی جامع مسجد کو بند کر دیا،
باغی ٹی وی کی رپورٹ کے مطابق بھارتی فوج نے سرینگر میں تاریخی جامع مسجد کو بند کر دیا گیا جس کی وجہ سے کشمیری جامع مسجد میں نماز جمعہ ادا نہیں کر سکے. کشمیری نوجوانوں کی شہادت اور بھارتی مظالم کے خلاف حریت قیادت نے آج جمعہ کو ہڑتال کی کال بھی دی تھی،بھارتی فوج نے رمضان کے دوسرے جمعہ کو کشمیریوں کو گھروں سے باہر نکلنے کی اجازت نہیں دی جس کی وجہ سے کشمیری جمعہ بھی ادا نہیں کر سکے .
دوسری جانب حریت قیادت کی کال پر سرینگر سمیت دیگر علاقوں میں مکمل ہڑتال رہی، تعلیمی ادارے، کاروباری مراکز بند رہے، سڑکوں پر بھی ٹریفک نظر نہیں آئی.
بھارتی فوج کے تشدد سے زخمی ہونے والا کشمیری نوجوان ہسپتال میں دم توڑ گیا
باغی ٹی وی کی رپورٹ کے مطابق کشمیرکے علاقت چھنبل پورہ میں بھارتی فوج کے مظالم کے خلاف احتجاج کے دوران سیکورٹی فورسز کے تشدد سے ارشد احمد ڈار زخمی ہو گیا تھا جو مقامی ہسپتال میں داخل تھا، ارشد احمد ڈار زخموں کی تاب نہ لاتے ہوئے آج جمعرات کو ہسپتال میں دم توڑ گیا اس کے سر پر کافی گہرا زخم تھا.
حریت رہنمائوں نے مقبوضہ کشمیر میں بڑھتے ہوئے بھارتی مظالم کے خلاف جمعہ کو ہڑتال کی کال دے دی
باغی ٹی وی کی رپورٹ کے مطابق آل پارٹیز حریت کانفرنس نے بھارتی فوج کی جانب سے رمضان المبارک میں بھی کشمیریوں کو شہید کرنے اور مظالم پر جمعہ کو ہڑتال دیتے ہوئے کہا ہے کہ جمعہ کو پر امن احتجاج بھی کیا جائے گا، خطیب خطبہ میں بھارتی درندگی کے خلاف آواز اٹھائیں گے.
واضح رہے کہ بھارتی فوج نے پانچ کشمیریوں کو شہید کر دیا ہے جس کے بعد حریت رہنماوں نے ہڑتال کی کال دی ہے
بھارت سرکار کی جانب سے مقبوضہ کشمیر میں رمضان المبارک میں بھی ظلم و ستم کا سلسلہ جاری ہے، بھارتی فوج نے پانچ بے گناہ کشمیریوں کو شہید کر دیا
باغی ٹی وی کی رپورٹ کے مطابق رمضان المبارک کے مقدس مہینے میں بھی بھارت سرکار کی جانب سے کشمیریوں پر مظالم کا سلسلہ کم نہ ہوا، بھارتی فوج سرچ آپریشن کے نام پر کشمیریوں کو یراساں کرتی ہے. پلوامہ کے علاقے دالی پورہ میں بھارتئ فوج نے سرچ آپریشن کے دوران احتجاج کرنے والے کشمیریوں پرفائرنگ کر دی جس سے پانچ کشمیری شہید اور ایک زخمی ہو گیا. واقعہ کے بعد علاقے میں موبائل اور انٹرنیٹ سروس بند کر دی گئی ہے.
مظفرآباد(شفقت حسین)احتساب بیورو کی جانب سے محکمہ صحت عامہ میں یونانی حکیم کی آسامیوں پر جعل سازی سے تقرریوں کی تفتیش مکمل ہونے کے باوجود ملزمان کی عدم گرفتاری کے خلاف عدالت العالیہ میں رٹ دائر کردی گئی۔پٹینشنر حکیم محمد ثاقب ہاشمی نے موقف اختیار کیا ہے کہ احتساب بیورو کی تفتیشی ٹیم نے 2015میں محکمہ صحت عامہ کے زیر اہتمام حکماءکی تعیناتیوں کے لیے ہونے والے انٹرویوز میں گڑ بڑ کرنے اور فیل امیدواروں کو تعینات کرنے پر تفتیش مکمل کی ہے اور احتساب بیورو کی تفتیشی ٹیم نے محکمہ صحت عامہ کے سابق ڈی جی سمیت متعدد آفیسران کو ملزم قرار دیتے ہوئے ان کی گرفتاری کی سفارش کی اس کے باوجود سابقہ چیئرمین اور موجودہ چیئرمین احتساب بیورو نے فائل دبا رکھی ہے اور بااثر ملزمان کو گرفتار نہیں کیا جارہاجس پر عدالت العالیہ کے جج جسٹس خالد یوسف نے پٹینشنر کی رٹ سماعت کے لیے منظور کرتے ہوئے 11جون تک چیئرمین احتساب بیورو سے جواب دائر کرنے کی ہدایت کردی ہے۔پٹیشنر نے اس موقع پر کہا کہ محکمہ صحت عامہ کے سینئر آفیسران اور ڈی جی کی دوڑ میں شامل سینئر افسر جعلی تقرریوں میں ملوث ہیں۔چیف سیکرٹری نئے ڈی جی کے تقرر سے قبل احتساب بیورو کی تفتیشی ٹیم سے رپورٹ طلب کریں۔
اسلام آباد (نمائندہ باغی ٹی وی )وزیراعظم آزادکشمیر کے ترجمان نے سوشل میڈیا پر سعید اختر نامی شخص جو کہ ڈیوٹی آفیسر وزیراعظم سیکرٹریٹ ہےکی جانب سے وزیراعظم آزادکشمیر پر انتہائی بہودہ نازیبا اور بے بنیاد الزامات لگانے کی شدید مذمت کرتے ہوئےکہا ہے کہ آفیسر مذکور کے خلاف قومی اداروں اور وزیراعظم آزادکشمیر کے درمیان غلط فہمی پھیلانے پر سپیشل پاور ایکٹ کے تحت ریمول فرام سروس کی کاروائی کے لیے تحریک کی جاری ہے موصوف نے اپنی ذمہ داریوں سے سنگین انحراف کرتے ہوئے وزیراعظم آزادکشمیر کے خلاف سازش کی اور دھوکہ دہی چرب زبانی اور جھوٹ کے ذریعے لوگوں اور اداروں کو گمراہ کیا .ترجمان نے مزید کہا کہ وزیراعظم آزادکشمیر راجہ فاروق حیدر خان قومی اداروں کا دل سے احترام کرتے ہیں اور اداروں کو بھی حقیقت کا علم ہے اور وہ بھی اس طرح کی کاروائیوں سے بخوبی آگاہ ہیں آزادکشمیر کے عوام اور منتخب وزیراعظم ان کے سٹاف اور اداروں کے درمیان محاذ آرائی کے لیے سازشیں کرنے والوں کے خلاف سروسز رولز کے تحت انضباطی کاروائی کے لیے احکامات جاری کردیے گئے ہیں۔
سرینگر (باغی مانیٹرنگ ڈیسک)بھارتی پولیس نے جنوبی کشمیر کے ضلع پلوامہ میں ترال کے علاقے رٹھسونہ سے تین افراد کو گرفتار کیا ہے۔ بھارتی پولیس کی بھاری تعداد نے رٹھسونہ میں متعدد مکانوں پر چھاپے مارے اور کم از کم تین افرادکو گرفتارکرلیا۔ ایک پولیس افسر نے بتایا کہ ان افراد کو احتجاجی مظاہروں میں شرکت کرنے پر گرفتارکیا گیا ہے اور ان سے پوچھ گچھ کی جارہی ہے۔
سرینگر (باغی مانیٹرنگ ڈیسک)انجمن اوقاف جامع مسجد سرینگر نے مسجد کے ارد گرد محاصرے جیسی پابندیاں ہٹانے باالخصوص جمعہ کے موقع پر بھارتی فورسز کو تعینات نہ کرنے کا مطالبہ دہراتے ہوئے کہا ہے کہ بڑی تعداد میںبھارتی فورسز کی موجودگی سے نہ صرف نمازی خوفزدہ ہوجاتے ہیں بلکہ اس سے تاریخی جامع مسجد کی حرمت اور مرکزیت کو بھی نقصان پہنچ رہا ہے۔ انجمن اوقاف کے ترجمان نے سرینگر میں جاری ایک بیان میں کہاکہ رمضان المبارک کے مقدس مہینے اور بالخصوص جمعہ کے موقع پردور دراز اضلاع سمیت وادی بھر سے ہزاروں لوگ خطاب سننے اور اللہ تعالیٰ کی برکتوں کے حصول کے لےے تاریخی جامع مسجد پہنچ جاتے ہیں لیکن مسجد کے ارد گردبھارتی فوجیوں کی بڑی تعدادمیں موجودگی سے خوف و دہشت کا ماحول پیدا ہوجاتا ہے۔ نماز جمعہ کے بعد عقیدت مندوں کے خلاف اسلحے کے استعمال سے ہرطرف انتشارپیدا ہوجاتا ہے۔ انجمن اوقاف نے قابض انتظامیہ سے باربار کہاہے کہ وہ جمعہ کے موقع پر جامع مسجد کے ارد گرد بھارتی فورسز کو تعینات نہ کرے لیکن قابض انتظامیہ پر اس کا کوئی اثر نہیں ہوااور رمضان المبارک کے پہلے جمعہ کو بھی بھارتی فورسز کوبھاری تعداد میں تعینات کیا گیا تھا۔ دریں اثناءانجمن اوقاف جامع مسجد سرینگر نے عوام کو مطلع کیا ہے کہ میرواعظ عمرفاروق کی طبیعت ناساز ہونے کی وجہ سے رمضان المبارک کے پہلے دس روز میںان کے تمام مجوزہ خطابات ملتوی کردےے گئے ہیں۔ ترجمان نے کشمیری عوام پر زوردیا کہ وہ میرواعظ کشمیر کی جلد صحتیابی کے لےے دعا کریں۔
سرینگر (باغی مانیٹرنگ ڈیسک)انتخابی ڈرامہ رچانے کے لیے تعینات کی گئی بھارت کی سینٹرل آرمڈ پولیس فورس کی اضافی کمپنیوں کو اب امرناتھ یاترا کی سکیورٹی کا بہانہ بناکر علاقے میں ہی رہنے کے لیے کہاگیا ہے۔ ایک سینئر افسرکے مطابق وادی میں لوک سبھا انتخابات ختم ہونے کے باوجود فورسز کی زیادہ تر کمپنیاںیہاں ہی تعینات رہیں گی۔ 46دنوں پر مشتمل سالانہ یاترا یکم جولائی سے شروع ہوگی۔ پہلگام کے علاقے چندواڑی میں واقع امرناتھ غارکی زیارت کے لیے ہرسال بھارت بھر سے ہندو یاتری آتے ہیں ۔ انتخابی ڈیوٹی کے لیے 400اضافی کمپنیاں وادی میں تعینات کی گئی تھیں۔ ان اضافی کمپنیوںکے علاوہ وادی میں پہلے ہی سینٹرل آرمڈ پولیس فورسز کے تقریباً 50ہزار اہلکار تعینات ہیں۔