Category: کشمیر

چین یا پاکستان ہجرت کرنے والے کشمیریوں کے خلاف مودی سرکار کا سخت اقدام
باغی ٹی وی کی رپورٹ کے ماطقب بھارتی حکومت 1965 اور 1971کی پاکستان بھارت جنگوں کے بعد پاکستان اور چین ہجرت کرنے والے کشمیریوں کی ایک لاکھ کروڑ روپے مالیت کی 9400 جائیدادیں فروخت کر دے گی۔

1965 اور 1971کی پاکستان بھارت جنگوں کے بعد جموں وکشمیر سے ہجرت کرنے والوں کی بھارت کے الگ ا لگ حصوں میں ایسی جائیداد کو اینی پراپرٹی ایکٹ کے تحت لایا گیا تھا جبکہ جموں وکشمیر میں رہائشی مکانوں دوکانوں کی صورت میں جو جائیداد تھی ا س کو کسٹوڈین محکمہ نے کرایہ پردے دیا تھا،فروخت نہیں کیا۔

2017تک ایسی پراپرٹی کو آزادکشمیر میں رہائش پذیرکنبوں کی ملکیت کہاجاتا تھا ۔ اس جائیداد کو فروخت کرنے کی کوئی اجازت نہیں تھی ۔5 اگست 2019 کو مقبوضہ کشمیر کی خصوصی حیثیت کے خاتمے کے بعدری آرگنائزیشن ایکٹ کے تحت جموں وکشمیرکے لئے جتنے بھی قانون نافذ کئے گئے ان کے مطابق جموں وکشمیر میںاس طرح کی جائیداد اب بھی محفوظ ہیں ۔

پورے جموں وکشمیرکوبھارت کا حصہ قرار دینے کے بعد اس طرح کی جائیداد کو حکومت نے فروخت کرنے پر پابندی عائد کی ہے تا ہم یہ کسٹوڈین محکمہ کی تحویل میں ہی رہے گی۔ پاکستان اور چین میں پناہ لینے والے شہریوں کی جائیداد بھارت کی دوسری ریاستوں ، بھارت کے زیر انتظام علاقوں کی طرح جموں وکشمیرمیں بھی کسٹوڈین کی تحویل سے علیحدہ کی جارہی ہے۔

خبر رساں ادارے ساؤتھ ایشین وائر کے مطابق بھارتی وزارت داخلہ کے حوالے سے کہا گیا ہے کہ یہ جائیداد کسی بھی وقت حکومت فروخت کرنے کی حقدارہے۔ وزارت داخلہ کی رپورٹ کے مطابق آزاد کشمیرمیں رہنے والے کنبوں کی جوجائیداد یہاں موجود ہے وہ محفوظ ہے۔ ایسے افرد جب بھی واپس آئیں گے انہیں عدالت میں یہ ثابت کرنا ہوگا کہ وہ جائیداد کے وارث ہیں انہیں منتقل کرنے یانہ کرنے کے بارے میں حکومت فیصلہ لے سکتی ہے تا ہم چین یا پاکستان میں پناہ لینے والے کنبوں کی جائیداد فروخت کرنے کی کارروائی بھارت کسی بھی وقت کرسکتا ہے

مقبوضہ کشمیر میں بھارتی فورسز نے تین نوجوانوں کو شہید کر دیا

باغی ٹی وی کی رپورٹ کے مطابق مقبوضہ کشمیر میں جنوبی کشمیر میں شوپیاں کے علاقے کٹ پورہ میں حریت پسندوں اور بھارتی سرکاری فوج کے مابین منگل کی صبح شروع ہونے والے تصادم کے دوران3حریت پسند کشمیری شہید ہوگئے ہیں۔

ساوتھ ایشین وائر کے مطابق فائرنگ کے تبادلے کی تصدیق کرنے والے ایک عہدیدار نے بتایا کہ بھارتی فوج کے 34 راشٹریہ رائفلز ، جموں کشمیر پولیس اور سی آر پی ایف کے 178 بی این نے مشترکہ طور پر شوپیاں کے علاقے کٹ پورہ میں محاصرہ کیا تھا۔

انہوں نے بتایا کہ اس علاقے میں عسکریت پسندوں کی نقل و حرکت کے بارے میں فورسز کی جانب سے اطلاع ملنے کے بعد یہ محاصرہ کیا گیا تھا۔جہاں فائرنگ کے تبادلے کے دوران 3 حریت پسند شہید گئے ، جن کی شناخت تاحال نہیں ہو سکی ہے۔

ذرائع نے بتایا کہ شہداء مقامی ہیں ، جنہوں نے سرکاری فوج کی پیشکش کے باوجود ہتھیار ڈالنے سے انکار کردیا۔

ہمارا جھنڈا ہمیں واپس دو ، محبوبہ مفتی نے مودی کو للکار دیا

باغی ٹی وی رپورٹ کے مطابق ، بھارت کی کٹھ پتلی حکومت کا حصہ رہنے والی مقبوضہ جموں وکشمیر کی سابق وزیراعلیٰ محبوبہ مفتی نے بھارت میں برسر اقتدار مودی سرکار پر کڑی نکتہ چینی کرتے ہوئے مطالبہ کیا ہے کہ ہمارا جھنڈا ہمیں واپس دو۔ انہوں نے کہا ہے کہ بیشک! آج بی جے پی کا دن ہے لیکن کل ہمارا ہو گا اور اس کا حال بھی ٹرمپ والا ہی ہو گا۔

پی ڈی پی کی صدر محبوبہ مفتی نے بھارتی حکومت پر سخت تنقید کرتے ہوئے کہا کہ حکومت کے ناجائز ہتھکنڈوں کی وجہ سے کشمیری نوجوان ہتھیار اٹھانے پر مجبور ہوئے ہیں۔ ان کا کہنا تھا کہ جب نوکریاں نہیں ہوں گی تو لڑکے بندوق ہی اٹھائیں گے۔

محبوبہ مفتی نے ذرائع ابلاغ سے بات چیت کرتے ہوئے کہا کہ مودی حکومت کو چاہیے کہ وہ واجپائی حکومت کی خارجہ پالیسی سے سیکھے اور پاکستان سے تعلقات معمول پر لائے۔

انہوں نے کہا کہ پاکستان اور بھارت کے درمیان زیادہ سے زیادہ سرحدی راستے بننے چاہئیں۔ انہوں نے کہا کہ آرٹیکل 370 کو ہٹانے کے بعد بی جے پی کی منشا ہے کہ جموں و کشمیر کی زمین اور نوکریاں چھین لے۔ انہوں نے کہا کہ آئین کا آرٹیکل 370 ڈوگرا کلچر کو بچانے کے لیے تھا۔ انہوں نے کہا کہ جھنڈا ہمیں آئین نے دیا تھا لیکن بی جے پی نے وہ بھی ہم سے چھین لیا ہے۔