Category: کشمیر

*عزم و ہمت کی مثال،ظلم و ستم کے خلاف بر سر پیکار کشمیریوں کو ہمارا سلام*
کشمیر ہمارے لیے ریڑھ کی ہڈی کی حیثیت رکھتا ہے۔سیکرٹری محکمہ پرائمری اینڈ سیکنڈری ہیلتھ کیئر
کشمیر میں انسانی حقوق کی شدید خلاف ورزیاں کسی سے بھی ڈھکی چھپی نہیں۔مقبوضہ کشمیر میں بریریت اور ظلم و ستم کا یہ سلسلہ کئی دہائیوں سے جاری ہے.تمام تر ظلم کے باوجود کشمیریوں کا جذبہ آزادی کم نہیں ہوا۔عالمی برادری کو کشمیریوں کو ان کا حق خودارادیت دلوانے کے لیے جلد از جلد اپنا کردار ادا کرنا ہو گا۔کیپٹن(ر)محمد عثمان
نہتے کشمیری بھائیوں کو اس بات کا یقین دلاتا ہوں کہ آزادی کی اس جنگ میں ہم سب آپ کے ساتھ ہیں.یوم کشمیر کی مناسبت سے عالم اقوام سے مطالبہ کرتے ہیں کہ وہ اس مسئلے کو ترجیحی بنیادوں پر حل کروائیں۔سیکرٹری محکمہ پرائمری اینڈ سیکنڈری ہیلتھ کیئر.

مسلم لیگ(ن) پنجاب کی ترجمان عظمیٰ بخاری کا کشمیر ڈے پر ویڈیو پیغام
کشمیریوں کی جدوجہد آزادی کی تحریک بندوق کے زور پر نہیں دبائی جا سکتی.سات دہائیوں سے کشمیری مائیں،بہنیں اور بیٹیاں اپنے پیاروں کی لاشیں اٹھارہی ہیں
کشمیری نوجوان کا خون پانی سے بھی سستا ہو گیا ہے
سلامتی کونسل اور اقوام متحدہ کب تک کشمیریوں کے قتل عام پر اپنی آنکھیں بند رکھیں گے؟
کشمیر فروشوں کا ٹولہ آج کشمیریوں کے نام پر مگر مچھ کے آنسو بہا رہا ہے.قوم اس ٹولے کی حقیقت جان چکی ہے ،مودی کے یاروں نے کشمیر خود بھارت کی جھولی میں ڈالا۔ کشمیر کے سفیر بننے والے حکمران آج دہشتگرد کلبھوشن کے وکیل بن گئے ہیں۔ عالمی انسانی حقوق کی تنظیمیں کشمیریوں کی آزادی کی تحریک دبانے پر دوغلے پن کا مظاہرہ کررہی ہیں۔ مغرب کے ایجنڈے میں مسئلہ کشمیر کا حل ترجیحی نہیں بلکہ مودی کو اسلحے کی فروخت پہلی ترجیحی ہے۔ سات لاکھ قابض بھارتی فوج معصوم بچوں اور نوجوانوں کو شہید کررہی ہے
پاکستان کو کشمیر کے متعلق اپنی پالیسی کا ازسر نو جائزہ لینا ہوگا

لاہور5فروری:وزیراعلیٰ پنجاب سردار عثمان بزدار کا یوم یکجہتی کشمیر کے موقع پر پیغام.
پوری قوم مقبوضہ جموں و کشمیر کے مظلوم عوام کے ساتھ شانہ بشانہ کھڑی ہے-نہتے کشمیریوں کی عظیم جدوجہد کو سلام پیش کرتے ہیں -پاکستان اور کشمیر ایک لڑی میں پروے ہوئے ہیں -پاکستانیوں اور کشمیریوں کے دل ایک ساتھ دھڑکتے ہیں پاکستان کشمیر اور کشمیر پاکستان کے بغیر نامکمل ہے-کشمیریوں کے ساتھ ہمارا رشتہ محبت، بھائی چارے اوراخوت کا ہے-کشمیری عوام اپنے قیمتی لہو سے آزادی کی نئی تاریخ لکھ رہے ہیں –
ہم کل بھی کشمیریوں کے ساتھ کھڑے تھے،آج بھی ساتھ کھڑے ہیں اور کل بھی ساتھ کھڑے رہیں گے-کوئی قوت پاکستانیوں اور کشمیریوں کے لازوال رشتے کو ختم نہیں کرسکتی-مقبوضہ جموں و کشمیرمیں بے گناہ لوگوں کی شہادت پر دنیا کی خاموشی کا کوئی جواز نہیں
اقوام عالم کو اس سلگتے مسئلے کے حوالے سے خواب غفلت سے بیدار ہونا پڑے گا-بھارت کو ہر ظلم کا حساب دینا ہوگا-بے گناہ شہید کشمیریوں کا خون رنگ لائے گا اور آزادی کشمیر کی صبح ضرور طلوع ہوگی-بھارت ریاستی جبر وتشدوکے ذریعے زیادہ دیر تک کشمیریوں کو ان کے بنیادی حق سے محروم نہیں رکھ سکتا۔ کشمیری عوام اپنی جدوجہد میں تنہا نہیں ہیں بلکہ پوری پاکستانی قوم ان کے ساتھ ہے۔ کشمیری عوام کے ساتھ بھارت کے روا رکھے جانے والے غیر انسانی سلوک کی بھرپور مذمت کرتے ہیں۔ پاکستانی قوم مقبوضہ کشمیر کے عوام کے ساتھ اپنی اخلاقی،سفارتی اور سیاسی حمایت کے عزم کا اعادہ کرتی ہے۔عثمان بزدار


وزیر جیل خانہ جات پنجاب فیاض الحسن چوہان/یوم یکجہتی کشمیر کے حوالے سے پیغام.آجکا دن اپنے ہی گھروں میں محبوس کشمیری عوام کے ساتھ تجدید عہد وفا کا دن ہے۔ 73 سال سے کشمیری عوام اپنے حق خود ارادیت کی جدوجہد میں مصروف ہے۔ مقبوضہ کشمیر میں بھارتی ظلم و جبر کی تاریک رات اب ختم ہونے کو ہے۔
آج پوری دنیا بھارت کے غاصبانہ رویے کے خلاف سراپا احتجاج ہے۔ کشمیر میں لگائی گئی آگ اب بھارت کے اندر تک پہنچ چکی ہے۔
وزیراعظم عمران خان نے دنیا کے ہر فورم پر مسئلہ کشمیر کے پر امن حل کی وکالت کی ہے۔
وہ دن دور نہیں جب کشمیری عوام اپنے تمام انفرادی اور اجتماعی امور اپنی مرضی سے سر انجام دیں گے۔ فیاض الحسن بہ تسلیمات نظامت اعلٰی تعلقات عامہ، حکومت۔
وزیر جیل خانہ جات پنجاب فیاض الحسن چوہان/یوم یکجہتی کشمیر کے حوالے سے پیغام
آجکا دن اپنے ہی گھروں میں محبوس کشمیری عوام کے ساتھ تجدید عہد وفا کا دن ہے۔ 73 سال سے کشمیری عوام اپنے حق خود ارادیت کی جدوجہد میں مصروف ہے۔
مقبوضہ کشمیر میں بھارتی ظلم و جبر کی تاریک رات اب ختم ہونے کو ہے۔ آج پوری دنیا بھارت کے غاصبانہ رویے کے خلاف سراپا احتجاج ہے۔ کشمیر میں لگائی گئی آگ اب بھارت کے اندر تک پہنچ چکی ہے۔ وزیراعظم عمران خان نے دنیا کے ہر فورم پر مسئلہ کشمیر کے پر امن حل کی وکالت کی ہے۔ وہ دن دور نہیں جب کشمیری عوام اپنے تمام انفرادی اور اجتماعی امور اپنی مرضی سے سر انجام دیں گے۔ فیاض الحسن چوہان

صوبائی وزیر ثقافت خیال احمد کاسترو کا لاہور عجائب گھر میں کشمیر ڈے کے حوالے سے کشمیری  آرٹ اینڈ کرافٹس  نمائش کا افتتاح

ڈائریکٹر لاہور عجائب گھر اعجاز منہاس اور افسران نے صوبائی وزیر کا استقبال کیا ۔ صوبائی وزیرثقافت خیال احمد  کاسترو نے کہا کہ بھارت کے بدترین ریاستی جبر نے تحریک حریت میں نئی روح پھونک دی ہے۔ 73 برس تک بھارتی ظلم اور جارحانہ رویہ سہنے کے باوجود اہل کشمیر نسل در نسل اپنے حقوق و تحفظ کے حصول کے لئے کھڑے ہیں اور ڈٹ کر مقابلہ کر رہے ہیں- کشمیر میں اگست 2019 سے جاری لاک ڈاؤن بھی کشمیری عوام کے جذبہ آزادی کو دبا نہیں سکا۔ حکومت پاکستان نے کشمیریوں کا مقدمہ ہر بین الاقوامی فورم پر جس مدبرانہ انداز میں پیش کیا پوری قوم کو اس پر فخر ہے۔ کشمیر پاکستان کی شہ رگ ہے اور ہم تمام بطور پاکستانی نہتے اور مظلوم کشمیری بھائیوں کے ساتھ مکمل یکجہتی کا اظہار کرتے ہیں-

بھارت نے ہر دور میں کشمیریوں کے حق خود ارادیت کی نفی اور ظلم و جبر کا استعمال کیا۔ کشمیری عوام کے حق خود ارادیت کے حوالے سے پاکستان کا موقف بالکل واضح ہے- ڈائریکٹر لاہور میوزیم اعجاز احمد منہاس کا کہنا تھا کہ کشمیری آرٹ اینڈ کرافٹ اپنی خوبصورتی کی وجہ سے دنیا میں الگ پہچان رکھتا ہے۔ کشمیری آرٹ اینڈ کرافٹ کشمیری لوگوں کی ہنر مندی اور جفاکشی کی زندہ مثال ہے-

وفاقی وزیرامور کشمیر و گلگت بلتستان علی امین گنڈاپور نے یوم یکجہتی کشمیر کے حوالے سے پریس کانفرنس سے خطاب کیا- علی امین گنڈاپورنے کہا کہ پاکستان کی حکومت اور عوام کشمیری عوام سے بھرپور یکجہتی کا اظہار کرتے ہیں- مقبوضہ کشمیر کی ڈیموگرافی تبدیل کرنے کی بھارتی سازشیں انتہائی قابل مزمت ہیں- مقبوضہ کشمیر میں سترا لاکھ غیر ریاستی باشندوں کو کشمیر کا ڈومیسائل دیا گیا ہے-

اقوامِ متحدہ بھارت کی سازشوں کا فوری نوٹس لے- اقوام متحدہ مسئلہ کشمیر سے متعلق اپنی قراردادوں پر عملدرآمد ممکن بنائے- وزیراعظم عمران خان نے کشمیریوں کے وکیل اور سفیر کے طور پر مسئلہ کشمیر کو بھرپور انداز میں اجاگر کیا ہے- مسلہ کشمیر پر عالمی حمایت میں مسلسل اضافہ ہو رہا ہے- یورپی پارلیمنٹ اور برطانوی پارلیمنٹ کی جانب سے کشمیریوں کے حقوق کی آواز اٹھانا خوش آئیند ہے-