Category: کشمیر

بھارتی فوج کے ہاتھوں شہید ہوئے بےگناہ کشمیری نوجوانوں کی میتیں اہلخانہ کے سپرد

باغی ٹی وی : قابض بھارتی فوج نے دہشت گرد قرار دیکر شہید کیے گئے تین کشمیری نوجوانوں کی میتیں اہلخانہ کے سپرد کر دیں۔

خبر ایجنسی کے مطابق تینوں کشمیریوں کو بھارتی فوج نے بارا مولا میں دہشتگرد قرار دےکر شہید کیا تھا تاہم تحقیق میں تینوں بے گناہ ثابت ہوئے۔

بھارتی فورسز نے تینوں کشمیریوں کی قبر کشائی کر کے میتیں اہل خانہ کے سپرد کیں۔مقبوضہ کشمیر میں شہید کیے گئے نوجوانوں کے ورثا کا کہنا ہے کہ ہمارے بچوں کو سفاکی سے قتل کیا گیا، انصاف کے منتظر ہیں اور قاتلوں کو لازمی کٹہرے میں دیکھنا چاہتے ہیں۔

بھارتی فوج نے 5 کشمیری نوجوان شہید کردیے

کشمیر میڈیا سروس کے مطابق تینوں کشمیری مزدوروں کو بھارتی فورسز نے جولائی میں شہید کیا تھا۔کے ایم ایس رپورٹ کے مطابق تینوں کو ضلع راجوڑی میں ان کے آبائی شہر میں سپرد خاک کیا گیا، جنازے میں کشمیریوں نے بڑی تعداد نے شرکت کی۔

گزشتہ برس جب سرکاری چھٹیوں کا اعلان کیا گیا تھا تب 13 جولائی اور 5 دسمبر کی چھٹی منسوخ کیے جانے کی وجہ سے وادی کے متعدد سینیئر سیاستدانوں نے ناراضگی کا اظہار کیا تھا۔ انہوں نے انتظامیہ کے اس فیصلے کی شدید مذمت بھی کی تھی۔ساوتھ ایشین وائر کے مطابق سرکاری تعطیلات کی فہرست میں 26 اکتوبر کو شامل کیا گیا ہے۔

یہ وہ دن ہے جس دن مہاراجہ ہری سنگھ نے 1947 میں بھارت کے ساتھ "انسٹورمنٹ آف ایکسیشن” پر دستخط کیے تھے۔نیشنل کانفرنس اور پیپلز ڈیموکرٹک پارٹی نے ایک بیان جاری کرتے ہوئے شہدا کو خراج عقیدت پیش کیا۔مقبوضہ جموں و کشمیر کے سابق وزیر اعظم شیخ محمد عبداللہ نے 13 جولائی کے دن کو یوم شہدا قرار دیا تھا۔ انہوں نے ڈوگرہ حکومت کے مظالم کے خلاف آواز اٹھانے والے 22 شہدا کی یاد میں اس دن کو منانے کا فیصلہ کیا تھا۔ اس کے بعد 1948 سے گزشتہ برس تک 13 جولائی کو سنہ 1931 کے سانحہ میں شہید ہونے والے شہدا کو یاد کیا جاتا ہے اور انہیں خراج عقیدت پیش کیا جاتا ہے

مقبوضہ کشمیر میں بھارتی فورسز میں خود کشی کے واقعات میں اضافہ

مقبوضہ جموں وکشمیر کے ضلع بارہمولہ میں ایک بھارتی فوجی نے خودکشی کرلی ہے۔پولیس کے ایک اہلکار نے میڈیا کو بتایا ہے کہ رکشیت کمار نامی فوجی اہلکار نے ضلع کے علاقے اوڑی میں واقع کیمپ میں اپنی سروس رائفل سے خودکشی کی۔جموں کے علاقے گاجنسو میں گزشتہ روز بھارتی بارڈرسیکورٹی فورس کے اہلکار چکر پانی پرساد تیواری نے خودکشی کر لی تھی۔

گزشتہ برس دفعہ 370 اور 35 اے کی منسوخی کے بعد عائد پابندیوں کی وجہ سے جہاں جموں و کشمیر کے لوگ ذہنی دباو میں مبتلا ہوتے جا رہے ہیں وہیں وادی میں تعینات فوجی اور پولیس اہلکار بھی موجودہ صورتحال کی وجہ سے خودکشی اور ساتھی اہلکاروں کی طرف سے ہلاک کرنے کے واقعات کا شکار ہو رہے ہیں۔ 

مقبوضہ جموں وکشمیر پولیس کے اعداد و شمار کے مطابق "گزشتہ برس پانچ اگست کے بعد وادی میں تعینات نیم فوجی دستوں کے 23 اہلکاروں نے خودکشی کی ہے جبکہ چھ اہلکار وں کے انہیں کے ساتھیوں نے ہلاک کیا۔بھارتی فوج میں بھی خودکشی کا ایک کیس سامنے آیا ہے۔ ابھی تک کل ملا کر 32 اہلکار خودکشی یا پھر یا اپنے ساتھیوں کے ہاتھوں اپنی جان سے ہاتھ دھو بیٹھے ہیں۔”

 جنوری اور اگست 2020 کے درمیان ، سیکیورٹی فورسز کے 18 اہلکارخودکشی کے نتیجے میں ہلاک ہوئے تھے، جس کی وجہ سے اب تک 24 اموات ہوئیں۔ جموں کشمیر کولیشن آف سول سوسائٹی )جے کے سی سی ایس(کے سالانہ انسانی حقوق کے جائزے کے مطابق ، 2019 میں ، مسلح افواج کے 19 ممبروںنے مبینہ طور پر خودکشی کی۔ جب کہ ضلع ادھم پور میں ایک تین اہکار ہلاک ہوگئے ۔

گزشتہ ایک دہائی کے دوران ہندوستانی مسلح افواج (فوج ، بحریہ ، ایئرفورس)کے ایک ہزار ایک سو سے زیادہ ارکان خودکشی سے ہلاک ہوگئے۔ مقبوضہ جموں وکشمیر اور شمال مشرق جیسے تنازعہ والے علاقوں میں "طویل عرصے سے تعیناتی” مسلح افواج کے ممبروں کی ذہنی صحت کوخطرہ ہے۔

ساوتھ ایشین وائر کے مطابق سرینگر میں تعینات سی آر پی ایف کے ترجمان پنکج سنگھ کے مطابق "ہر معاملے کی ایک الگ وجہ ہوتی ہے۔ ان معاملوں میں پولیس تحقیقات کر رہی ہے۔ چھٹی نہ ملنا اس کی وجہ نہیں ہے۔ جہاں تک میری نجی رائے ہے کہ وادی کے ماحول میں کام کرنا آسان نہیں۔ نیم فوجی دستے عسکریت پسند مخالف سرگرمیوں کے علاوہ امن و امان قائم رکھنے کے لیے بھی تعینات کیے جاتے ہیں۔ ذمہ داری بہت ہے اور ڈیوٹی کا وقفہ بھی کافی لمبا۔”ساوتھ ایشین وائر کے مطابق ان کا مزید کہنا تھا کہ "ایک اہلکار صبح سات بجے تعینات ہوتا ہے اور شام سات بجے تک وہیں کھڑا رہتا ہے۔ وہ بھی انسان ہے۔ ذہنی دباو ہونا تو لازمی ہے۔

سی آر پی ایف کے انتظامیہ اپنے اہلکاروں کے لیے کئی اقدامات اٹھا رہے ہیں۔ ہم سمجھتے ہیں مزید اقدامات اٹھانے کی ضرورت ہے ۔”ساوتھ ایشین وائر کے مطابق افسران اپنے اہلکاروں میں خودکشی کے واقعات میں اضافے کی وجہ وقت پر چھٹی نہ ملنے کے بجائے وادی کی صورتحال کو ٹھہرا رہے ہیں۔ بھارتی فوج کا کہنا تھا کہ وہ اپنے جوانوں کی ذہنی تندرستی کے لیے کافی عرصے سے مہم چلا رہے ہیں۔ایک سینئر آرمی آفیسر نے ساوتھ ایشین وائر کو بتایا کہ "نیم فوجی دستوں میں خودکشی کے معاملے زیادہ ہیں۔ فوج میں ایک یا دو ہی رواں برس سامنے آئے ہوں گے۔ اس کی وجہ یہ ہے کہ فوج کا نظام اور کام کرنے کا طریقہ کافی مختلف ہے۔

"ان کا مزید کہنا تھا کہ "ایک فوجی ہر حالت میں کام کرنے کے لیے تیار کیا جاتا ہے۔ اسے یہ پتہ ہوتا ہے کی پیشہ ورانہ دبا اور گھریلو دباو سے کیسے نمٹا جائے۔ نیم فوجی دستوں کے بارے میں زیادہ نہیں کہہ سکتا لیکن میں نے سنا ہے کہ وہ بھی کافی اقدامات اب اٹھا رہے ہیں اور ماہرین کی مدد بھی لے رہے ہیں۔

"سرینگر شہر میں تعینات کچھ سی آر پی ایف اہلکاروں کا کہنا ہے کہ ” گھر سے دور رہتے ہیں۔ یہاں کے حالات ٹھیک نہیں۔ اور جب گھر پر کوئی مسئلہ پیش آتا ہے تو فکر مند ہوجاتے ہیں۔ جس وجہ سے اکثر اپنے سینئر یا ساتھیوں سے بحث ہوتی ہے۔ جس کے نتیجے میں یہ واقعات پیش آتے ہیں۔”ان کا کہنا تھا کہ "دفعہ 370 اور 35 اے منسوخی کے بعد جہاں وادی کی زمینی صورتحال کے بارے میں کسی کو معلوم نہیں تھا۔ ہمارے گھر والے کس حال میں تھے یہ پریشانی ہر وقت ذہن میں تھی۔ فون بھی نہیں چل رہے تھے۔ اور ان دنوں تو چھٹیاں بھی نہیں مل رہی تھی۔ اب ایسے میں ذہنی دباو تو پڑے گا ہی اور پھر کسی نہ کسی پہ تو نکلے گا۔ یا تو پھر خود پر ہی نکلے گا۔ "ان کا کہنا تھا کہ "فوج کے جوانوں کو کافی بہتر سہولتیں فراہم کی جاتی ہیں۔ اور ان کا کام بھی ہم سے کافی آسان ہے۔ ہم سے تو بس کام لیا جاتا ہے ہمارے بارے میں سوچا نہیں جاتا۔ اور جب بھی کوئی ہمارے بارے میں بات کرتا ہے تو اسے نوکری سے نکال دیا جاتا ہے۔

2018 میں بارڈر سکیورٹی فورس کے جوان تیج بہادر یادو، جو جموں وکشمیر کے سرحدی علاقے میں تعینات تھا، نے فیس بک پر دعوی کیا تھا کہ انہیں ملنے والا کھانا غیر معیاری ہے۔ جس کے بعد اسے نوکری سے نکال دیا گیا۔ یادوں جیسے کئی اور سپاہی ہیں جنہوں نے جب بھی سوال کئے ہیں انہیں اپنی نوکری سے ہاتھ دھونا پڑا ہے۔ماہر نفسیات ڈاکٹر جنید نبی کا ماننا ہے کہ "نیم فوجی دستوں کے اہلکاروں کے ساتھ ہمیشہ سختی کی جاتی ہے۔ یہاں تعینات اہلکار اکثر دیگر ریاستوں کہ ہوتے ہیں۔ اپنے دوستوں سے رشتے داروں سے دور ہوتے ہیں۔ گھر کے مسائل سیدھے ان کے ذہن پر دبا ڈالتے ہیں۔ نیم فوجی دستوں کو چاہیے کہ وہ سینئر اور جونیئر رشتے میں بہتری لائے۔ کمیونیکیشن گیپ دور کریں۔

"ان کا مزید کہنا تھا کہ "دفعہ 370 اور 35 اے کی منسوخی کے بعد یہاں کا مواصلاتی نظام بند تھا۔ ہم تو یہاں کے رہنے والے ہیں ہمارے گھر والے فکر مند ہو جاتے تھے۔ لیکن جو دیگر ریاستوں سے یہاں آئے ہیں ان کے گھر والے کتنے پریشان ہوں گے اور وہ کتنے پریشان ہوتے ہوں گے۔ اس سے دبا وبڑھتا ہے کم نہیں ہوتا۔”دباو کو کیسے کم کیا جا سکتا ہے؟ اس سوال کے جواب میں میں ڈاکٹر جنید کا کہنا تھا کہ "آپس میں میل جول رکھنے سے، ہنسی مذاق کیجیے، موسیقی اور دیگر چیزوں میں ملوث رہیں۔ کبھی بھی خالی نہ بیٹھے۔ کسی الجھن میں ہوں تو دوسروں سے بانٹیں۔ گھریلو مسائل کو خود پر حاوی نہ ہونے دیں۔ اور جب بھی ضرورت ہو ماہرین سے رابطہ کریں۔”ان کا مزید کہنا تھا کہ "ایک شخص خودکشی کیسے کرتا ہے؟ اس کے دو پہلو ہوتے ہیں۔ پہلا اچانک سے۔ اس معاملے میں متاثر کو بچانا آسان ہوتا ہے۔ لیکن جو دوسرا ہے وہ زیادہ خطرناک ہے۔ کیونکہ وہ شخص پورا ارادہ اور تمام تیاری کر کے خودکشی کرتا ہے۔ اسی لئے ہمیں چاہئے کی ماہرین کی مدد ہروقت لینی چاہیے اور کچھ بھی دل میں دبا کے نہیں رکھنا چاہیے

مقبوضہ کشمیر میں بھارتی فوج کے مظالم جاری،دو کشمیری شہید

باغی ٹی وی کی رپورٹ کے مطابق مقبوضہ جموں و کشمیر کے ضلع اننت ناگ میں سرہامہ کے علاقے میں سیکیورٹی فورسز اور کشمیری حریت پسندوں کے درمیان ایک بڑے تصادم میں دو کشمیری حریت پسند شہید ہو گئے۔

ساوتھ ایشین وائر کے مطابق ، اس علاقے سے گزشتہ رات سے آپریشن اور تصادم جاری تھا۔ کشمیر زون پولیس نے کہا ہے کہ ان شہدا کا تعلق لشکر طیبہ سے تھا۔پولیس کے مطابق اسلحہ اور گولہ بارود سمیت امتیازی مواد برآمد کرلیا گیا ہے۔ پولیس کا کہنا ہے کہ فی الحال سرچ آپریشن جاری ہے۔

اس دوران پولیس سرچ آپریشن کے دوران گھروں میں گھس کر چادر و چاردیواری کا تقدس بھی پامال کر رہی ہے، خواتین اور بچوں پر بھی تشدد کیا جاتا ہے

مقبوضہ کشمیر میں بھارتی فورسز نے ایک نوجوان کو شہید کر دیا

باغی ٹی وی کی رپورٹ کے مطابق مقبوضہ جموں و کشمیر کے ضلع پلوامہ کے علاقے ترال میں جمعرات کی صبح بھارتی فورسز نے ایک کشمیری نوجوان حریت پسند کو شہید کر دیا۔

ساوتھ ایشین وائر کے مطابق یہ شہادت جنوبی کشمیر کے پلوامہ ضلع میں ترال کے علاقے مگھما میں ہوئی۔کشمیر زون پولیس کے مطابق ، ایک نامعلوم نوجوان شہید ہو ا جبکہ آپریشن جاری ہے۔ سیکیورٹی فورسز نے علاقے کو گھیرے میں لے لیا ۔

علاقے کے تمام داخلی اور خارجی راستوں پر پہرے بٹھا دیے گئے ہیں اور کسی کو بھی باہر نکلنے کی اجازت نہیں دی جا رہی ہے۔دریں اثنا ، ضلع بڈگام کے علاقے چڈورا میں بھارتی فورسز کی پارٹی پر حملے میں سی آر پی ایف (سنٹرل ریزرو پولیس فورس) کا ایک اہلکار زخمی ہوگیا۔