Category: کشمیر

دادا سے کرونا وائرس آٹھ ماہ اور سات برس کے پوتے پوتی میں منتقل

باغی ٹی وی کی رپورٹ کے مطابق مقبوضہ کشمیر میں دو کمسن بچوں میں کرونا وائرس کی تشخیص ہوئی ہے

سرینگر کے علاقہ نٹی پورہ کے رہائشی شخص جو سعودی عرب سے واپس لوٹا تھا اور اس میں کرونا کی تشخیص ہوئی تھی اب اس کے پوتے اور پوتی میں کرونا کی تشخیص ہوئی ہے، جن کی عمریں ایک کی آٹھ ماہ اور دوسرے کی سات سال ہے ، حکام کا کہنا ہے کہ دادا سے اس کے پوتے اور پوتی کو لوکل ٹرانسمیشن کے ذریعے کرونا پھیلا،

سرینگر میں کرونا وائرس کے مریضوں کی مجموعی تعداد 13 ہو گئی ہے،ایک مریض صحتیاب ہو چکا ہے جبکہ ایک کی ہلاکت ہو چکی ہے،

مقبوضہ کشمیر میں کرونا وائرس کے 5482 مشتبہ مریض ہیں جن کو زیر نگرانی رکھا گیا ہے، ان میں سے اکثر بیرون ملک آئے ہیں جبکہ بیرون ملک سے واپس آنے والوں سے ملنے والے افراد کو بھی آئسولیشن وارڈز میں رکھا گیا ہے.

مقبوضہ کشمیر میں کرونا وائرس کو پھیلنے سے مزید روکنے کے لئے سرینگر کی تمام مساجد، گردواروں کو بند کرنے کا حکم نامہ جاری کیا گیا ہے، درگارہ حضرت بل اور نقش بند صاحب کو بھی بند کر دیا گیا ہے، حکومت نے شہریوں سے اپیل کی ہے کہ وہ گھروں میں نماز ادا کریں.

مقبوضہ جموں و کشمیر میں کورونا وائرس سے بچا کے لیے احتیاطی اقدامات کیے جارہے ہیں۔مقبوضہ جموں وکشمیر حکومت نے ایک اہم فیصلے کے تحت پنجاب، ہماچل پردیش اور لداخ یونین ٹریٹری کے ساتھ بین ریاستی سرحدوں کو مکمل طور سے بند کرنے کا فیصلہ کیا ہے۔ اسی طرح گاڑیوں کی بین الاضلاع نقل و حمل کو بھی ضرورت کے مطابق محدود کیا جائے گا۔ تاہم لازمی سروسز کے ساتھ وابستہ گاڑیاں معمول کے مطابق چلیں گی اور سری نگر جموں قومی شاہراہ پر گاڑیوں کی نقل و حمل میں بھی کمی لائی جائے گی۔

سرینگر: لداخ کے ایک گائوں میں کوروناوائرس سے نمٹنے کا آسان ،شانداراورقابل تقلید طریقہ،اطلاعات کےمطابق مرکزی زیر انتظام خطہ لداخ کے ایک گائوں میں نوجوانوںنے کوروناوائرس سے نمٹنے کا ایک انوکھا طریقہ اپنایا ہے ۔

لداخ کے ضلع کرگل میں لائن آف کنٹرول (ایل او سی) کے نزدیک واقع لاتو نامی گائوں کے نوجوانوں نے اپنے گائوں کے داخلی پوائنٹ پر پانی کی ایک ٹینکی، صابن اور سینی ٹائزر جیسی حفظان صحت سے متعلقہ چیزیں مہیا کی ہیں اور داخلی پوائنٹ پر متعدد جگہ پر جلی حروف میں لکھا ہے کہ بغیر ہاتھ دھوئے گائوں میں داخل ہونا منع ہے۔لداخ میں اب تک کورونا وائرس کے 13 مثبت کیسز سامنے آئے ہیں-

یاد رہےکہ مقبوضہ کشمیرمیں بھی کرونا وائرس کی وجہ سے پہلی ہلاکت ہوگئی ہے، دوسری طرف مفتی اعظم مقبوضہ کشمیر نے لوگوں کو کل مساجد کی بجائے گھروں میں نمازجمعہ اداکرنے کی درخواست کردی ہے

سرینگر:مقبوضہ کشمیرکے مفتی اعظم ناصر الاسلام نے جمعرات کو کہا کہ لوگوں کو مساجد میں نماز جمعہ پڑھنے سے گریز کرنا چاہئے۔ساوتھ ایشین وائر کے ساتھ بات کرتے ہوئے انہوں نے کہا کہ پوری کشمیر کے ائمہ اور خطباسمیت تمام لوگوں اور مساجد کے منتظمین سے میری عاجزانہ اپیل ہے کہ وہ جمعہ کی اجتماعی نماز سے احتراز کریں۔

انہوں نے کہا کہ مسجد کے معززین سمیت صرف تین افراد مسجدوں میں پانچ وقت کی نماز پڑھیں ، باقی لوگوں کو گھر میں ہی نماز پڑھنی چاہئے ۔مقبوضہ جموں و کشمیر کورونا وائرس سے متاثر ہ ایک 65 سالہ شخص کی موت ہوئی ہے۔کووڈ-19 سے متاثرہ شخص کی موت حرکت قلب بند ہونے سے ہوئی ۔ اس طرح سے اس سنگین بیماری کی وجہ سے موت کا یہ پہلا واقعہ ہے۔

ساوتھ ایشین وائر کے مطابق ممتاز کاروباری شخصیت محمد اشرف سرینگر کے ڈلگیٹ میں چیسٹ ہسپتال میں زیرعلاج تھے۔وہ شوگر، ہائی بلڈ پریشر کے مریض بھی تھے۔ان کا آبائی علاقہ سوپور ہے اور وہ اب سرینگر کے حیدرپورہ علاقے میں سکونت پذیر تھے۔چند روز قبل ان کا کیس مثبت پایا گیا تھا۔انہوں نے حال ہی میں انڈونیشیا اور ملائیشیا تبلیغی جماعت کے اجتماع میں شرکت کی تھی اور اترپردیش، نئی دہلی اور جموں سے ہو کر کشمیر پہنچے تھے۔شمالی کشمیر کے ضلع بانڈی پورہ میں جن چار افراد کے کورونا وائرس ٹیسٹ بدھ کے روز مثبت آئے ہیں، ان سب نے ایک ساتھ مذہبی اجتماعات میں شرکت کی تھی۔

ڈویژنل کمشنر کشمیر نے ایڈیشنل کمشنر کشمیر تصدق حسین میر سے معاملے کی تحقیقات کرنے کو کہا ہے۔حکم نامے کے مطابق چیسٹ ڈیزیز ہسپتال اور اسکمز کی جانب سے متوفی کی جانچ میں لاپرواہی برتی گئی ہے۔ ہسپتال کی غلطی کی وجہ سے اس شخص کو اپنے دوستوں اور رشتے داروں سے ملنے کا موقع ملا جس وجہ سے وائرس مزید پھیل گیا۔سرینگر میونسپل کارپوریشن کے میئر جنید عظیم متو نے سرینگر میو نسپل حدودمیں تعمیراتی سرگرمیوں پر اگلے احکامات تک مکمل پابندی عائد کی ہے ۔

ساوتھ ایشین وائر کے مطابق مقبوضہ کشمیر میں ابھی تک 8 افراد کے ٹیسٹ مثبت پائے گیے ہیں، جبکہ پورے جموں و کشمیرمیں ان افراد کی کل تعداد 11 ہے۔ گزشتہ رات کورونا وائرس کی وبا کے خوف سے وادی کشمیر کے بیشتر علاقوں میں اذانیں دی گئیں۔بیشتر اضلاع میں لوگ اپنے گھروں کی چھتوں پر اذان کے علاوہ توبہ استغفار کرتے بھی دکھائی دیے۔یہ سلسلہ تقریبا رات ایک بجے تک جاری رہا۔ ساوتھ ایشین وائر کے مطابق جموں و کشمیر میں 5124 افراد کو زیر نگرانی رکھا گیا ہے اور اب تک 11 کیسزمثبت پائے گئے ہیں۔

3061 افراد کو گھریلو قرنطینہ میں جبکہ 80 افراد کو ہسپتالوں میں قرنطینہ میں رکھاگیا ہے۔ 1477 افراد کو گھروں میں نگرانی پر رکھا گیا ہے جبکہ 506 افراد نے 18 روزہ نگرانی کی مدت پوری کر لی ہے۔326 نمونوں کو ٹیسٹنگ کے لیے بھیج دیا گیا ہے جن میں سے 294 کو منفی پایا گیا ہے اور 25 مارچ 2020 تک 21 رپورٹ آنا باقی ہیں۔کشمیر میں درجنوں مذہبی جماعتوں پر مشتمل اتحاد ‘متحدہ مجلس علما جموں وکشمیر’ نے ان تمام افراد جو حالیہ ایام میں بیرونی سفر سے آئے ہیں، سے پر زور اپیل کی ہے کہ وہ براہ کرم اپنے سفر کی تفصیلات متعلقہ اداروں اور ایجنسیوں کو رضاکارانہ طور پر خود ہی بتائیں ۔

نظربند حریت رہنما میرواعظ مولوی عمر فاروق کی قیادت میں اس اتحاد کی طرف سے بدھ کے روز جاری ایک بیان میں کہا گیا کہ ایسے افراد اگر قرنطینہ میں رکھے جانے کے ڈر سے اصل حقیقت چھپاتے ہیں تو وہ اپنے کنبے، محلے، علاقے اور معاشرے کے ساتھ زیادتی کرتے ہیں ۔ڈسٹرکٹ مجسٹریٹ کرگل نے کوروناوائرس کے پیش نظر ان افراد کے خلاف سخت کارروائی کرنے کا حکم نامہ جاری کیا ہے جنہوں نے متاثرہ ممالک کے سفر کی تاریخ کا انکشاف نہیں کیا۔کورونا وائرس کے پھیلا وکی روک تھام کے لئے سرینگر میں کنٹرول روم قائم میں 400 افراد سے متعلق شکایات موصول کی گئی ہیں جنہوں نے اپنی سفری تفصیلات چھپا ئی تھیں۔

جن میں 200 افراد کی نشاندھی ہو چکی ہیں اور ان کو قرنطینہ میں رکھا گیا ہے۔ضلع سرینگر میں 1750 افراد کو بیرونی ممالک سے وارد کشمیر ہوئے تھے کو 90 قرنطینہ مراکز میں زیر نگرانی رکھا گیا ہے۔جموں و کشمیر میں کورونا کے مثبت کیسز کی تعداد 11 ہے جس میں بدھ کے روز ضلع بانڈی پورہ میں ایک ہی علاقے کے چار افراد مثبت پائے گئے۔

مقبوضہ کشمیر میں کرونا وائرس سے پہلی ہلاکت
باغی ٹی وی کی رپورٹ کے مطابق مقبوضہ کشمیر میں کورونا وائرس سے 65 سالہ شخص ہلاک ہو گیا

وائرس سے متاثرہ مریض سرینگر اسپتال میں زیرعلا ج تھا،مریض کو شوگر، بلڈ پریشر اور موٹاپے کے امراض لاحق تھے،مقبوضہ کشمیر میں کورونا وائرس سے متاثرہ افراد کی تعداد8 ہو چکی ہے،

مقبوضہ جموں و کشمیر میں کورونا وائرس سے بچا کے لیے احتیاطی اقدامات کیے جارہے ہیں۔مقبوضہ جموں وکشمیر حکومت نے ایک اہم فیصلے کے تحت پنجاب، ہماچل پردیش اور لداخ یونین ٹریٹری کے ساتھ بین ریاستی سرحدوں کو مکمل طور سے بند کرنے کا فیصلہ کیا ہے۔ اسی طرح گاڑیوں کی بین الاضلاع نقل و حمل کو بھی ضرورت کے مطابق محدود کیا جائے گا۔ تاہم لازمی سروسز کے ساتھ وابستہ گاڑیاں معمول کے مطابق چلیں گی اور سری نگر جموں قومی شاہراہ پر گاڑیوں کی نقل و حمل میں بھی کمی لائی جائے گی۔

سرینگر:بھارتی فوج کے ہاتھوں لاک ڈاون مقبوضہ کشمیرکوآج تاریخ کے مشکل ترین لاک ڈاون کا سامنا ، رات سے کشمیریوں پرسختی کا نیاسلسلہ شروع،اطلاعات کےمطابق کورونا وائرس کے پھیلا وکی روک تھام کو یقینی بنانے کے پیش نظر مقبوضہ کشمیر میں بدھ کے روز بھی مکمل لاک ڈان کا سلسلہ جاری رہا جس کے باعث وادی کے طول و عرض میں معمولات زندگی مفلوج ہوکر رہ گئی۔

لوگوں کی نقل و حرکت محدود کرنے کے لیے شہر کے داخلی اور خارجی راستوں کو بند کر دیا گیا بغیر ایمرجنسی کے کسی بھی شخص کو چلنے کی اجازت نہیں دی جارہی ہے۔تجارتی مرکز لال چوک کے ساتھ ساتھ شہر کے دیگر علاقوں میں بھی تمام دکانیں اور کاروباری مراکز بند ہیں ۔لوگوں پر نظر رکھنے کے لیے پولیس کی جانب سے ڈرون کا استعمال بھی کیا جا رہا ہے۔

مقبوضہ جموں و کشمیر میں کوروناوائرس کے متاثر افراد کی تعداد 7تک پہچ گئی ہے جن میں جموں کے 4 اور کشمیر وادی کے 3مثبت کیسز شامل ہیں۔ ساوتھ ایشین وائر کے مطابق مقبوضہ جموں و کشمیر میں اب تک 4765 ایسے افراد کو نگرانی میں رکھا گیا ہے جو یا تو بیرون ممالک سے واپس آئے ہیں یا مشتبہ افراد کے رابطے میں آئے ہیں۔ ان میں سے 7 افراد کو کورونا وائرس میں مبتلا ہونے کی تصدیق ہوئی ہے۔

2928 افراد کو ہوم کورنٹین میں رکھا گیا ہے، تاہم ابھی تک کسی کی موت نہیں ہوئی ہے۔گزشتہ روز سامنے آنے والے کیسز میں سے دو کا تعلق دارالحکومت سرینگر اور تیسرے کا تعلق شمالی کشمیر کے ضلع بانڈی پورہ سے ہے۔

ساوتھ ایشین وائر کے مطابق سرینگر کے نواحی شہر کے علاقے نوہٹہ میں واقع 625 برس قدیم تاریخی جامع مسجد کا انتظام و انصرام چلانے والی انجمن اوقاف نے کورونا وائرس کے پھیلا کے خطرات کے پیش نظر فی الحال جامع مسجد میں تمام اجتماعی نمازیں موقوف کرنے کا اعلان کیا ہے۔انجمن اوقاف کی سربراہی