Category: بہاولپور

اوچ شریف باغی ٹی وی(نامہ نگار حبیب خان )اسسٹنٹ کمشنر احمد پور شرقیہ محمد فیصل کا میونسپل بلدیہ اوچشریف میں قاٸم لاٸبریری کا وزٹ کشادگی کا کام جاری
تفصیلات کے مطابق گزشتہ چند روز قبل اسسٹنٹ کمشنر احمد پور شرقیہ نے جناح لائبریری اوچشریف کی کشادگی اور نفاست کے ساتھ تعمیر نو کے احکامات جاری کیے تھے گذشتہ روز اسسٹنٹ کمشنر احمد پور شرقیہ نے اوچ شریف لائبریری کی تعمیر کا جاری کام کا جائزہ لینے پہنچ گئے

تعمیر نو کا آدھا کام مکمل ہو چکا تھا اسسٹنٹ کمشنر احمد پور شرقیہ محمد فیصل نے میڈیا سے گفتگو کرتے ہوئے کہا کہ جلد انشاللہ لائبریری کا جاری کام پایہ تکمیل کو پہنچ جائے گا، انہوں نے کہا کہ تکمیل کے ساتھ جناح لائبریری اب ایک چھوٹی سی مگر جدید ترین لائبریری کے طور پر نظر آئے گی۔

لائبریری سکول اور ہسپتال ان تین اداروں کے حوالے سے عوام استعفادہ کریں گے یعنی محکمہ صحت اور تعلیم کے حوالے سے تحصیل انتظامیہ احمد پور شرقیہ تمام تر وسائل کو بروۓکار لاتے ہوۓ ہر ممکن انتظامات کر رہی ہے تا کہ لوگوں کو اس کے ذریعے بہترین خدمات فراہم کی جا سکیں

اوچ شریف باغی ٹی وی (نامہ نگار حبیب خان سے) سجادہ نشین دربار حضرت خواجہ غلام فرید کوٹ مٹھن شریف خواجہ معین الدین محبوبِ کوریجہ نے بھی امیدوار قومی اسمبلی حلقہ این اے 166 پرنس بہاول عباس خان عباسی کی حمایت کرنے کا اعلان کر دیا ،اپنے ویڈیو پیغام میں انہوں نے اپنے تمام مریدین اور معتقدین سے پرنس بہاول عباس خان عباسی کی بھرپور سپورٹ کرنے اور کامیابی کیلئے دعا فرمائی ہے

تفصیل کے مطابق قومی سیاست میں جوڑ توڑ اور گھماگھمی عروج پر پہنچ گٸ حلقہ این اے 166 میں نواب بھاول عباسی نے مخالفین کو زوردار جھٹکا کرا دیا پیر آف کوٹ مٹھن شریف دربار خواجہ غلام فرید کے سجادہ نشین و معروف مزہبی روحانی شخصیت خواجہ معین الدین کوریجہ نے حلقہ این اے 166 میں امیر آف بہاول پورنواب صلاح الدین کے صاحبزادے نواب بھاول خان عباسی کی حمایت میں ایک ویڈیو بیان جاری کرتے ہوۓ اپنے مقلدین مریدین کو پابند کیا ہے کہ وہ اس حلقہ میں نواب بہاول خان عباسی کو ووٹ دے کر کامیاب کریں

اس موقع پر نواب بہاول خان عباسی سے ملاقات میں مخدوم سید ظفر حسن گیلانی بھی موجود تھے سیاسی مبصرین نے اس ویڈیو کو حلقہ میں ٹرنگ پوائنٹ سے سے تعبیر کیا ھے

اوچ شریف ،باغی ٹی وی (حبیب خان )پاکستان مسلم لیگ ن کے صدر شہباز شریف نے کہا ہے کہ جنوبی پنجاب کے ہر ضلع میں دانش اسکول بنائیں گے، احمد پور شرقیہ کو ضلع کا درجہ دلواؤں گا، نوازشریف نے جنوبی پنجاب کو موٹروے کا تحفہ دیا، ہم ہر مشکل وقت میں جنوبی پنجاب کے ساتھ کھڑے ہوئے۔

احمد پور شرقیہ میں جلسے عام سے خطاب کرتے ہوئے سابق وزیراعظم شہباز شریف نے کہا کہ 2008 سے پہلے جنوبی پنجاب کا کیا حال تھا، سب جانتے ہیں، نوازشریف نے جنوبی پنجاب کی بہت خدمت کی ہے، وسیب کے لوگ عظیم اور قابل تعریف ہیں۔

شہبازشریف نے کہا کہ میں نے سیلاب کے دوران گاؤں گاؤں جاکر لوگوں کا حال پوچھا، یہ میرا احسان نہیں، میرا بطور وزیراعظم فرض تھا، نوازشریف نے جنوبی پنجاب کو موٹروے کا تحفہ دیا، نوازشریف نے ہر جگہ سڑکیں بنوائیں۔

یہ خبر بھی پڑھیں
اوچشریف:مسلم لیگ ن نے جلسہ گاہ کیلئے سکول و جنازہ گاہ کی دیواریں تڑوا دیں

مسلم لیگ ن کے صدر کا کہنا تھا کہ میں آج جنوبی پنجاب آپ کا غلام بن کر آیا ہوں، ہم ہر مشکل وقت میں جنوبی پنجاب کے ساتھ کھڑے ہوئے، 2018 میں نوازشریف کی حکومت گئی، 2013 سے 2018 تک نوازشریف نے جنوبی پنجاب کی خدمت کی۔

انہوں نے مزید کہا کہ نوازشریف نے بہاولپور کی پہلی یونیورسٹی بنوائی، جنوبی پنجاب کے اسکولوں میں بچوں کو وظیفہ وقف کیا، میں صوبے کا خادم اعلیٰ تھا رجب طیب اردوان اسپتال بنوایا، جنوبی پنجاب کے ہر ضلع میں دانش اسکول بنائیں گے، احمد پور شرقیہ کو ضلع کا درجہ دلواؤں گا۔

اوچشریف،باغی ٹی وی ( احمد حسن اعوان سے) سعود مجید گروپ کو حلقہ این اے 166 میں نواب بہاول عباسی کے مخالف امیدوار مخدوم سید سمیع حسن گیلانی کو مبینہ مالی و سیاسی سپورٹ کرنا مہنگا پڑ گیا،صادق گڑھ پیلس میں چوہدری طارق بشیر چیمہ و حسن عسکری شیخ کی ہنگامی آمد، نواب صلاح الدین خان عباسی کی قیادت میں پرنس بہاول عباسی ، صاحبزادہ غزین عباسی اور میاں عمر داؤد عباسی کی اہم ملاقات، این اے 166 اور یزمان کی سیاست میں ڈرامائی تبدیلی متوقع، ذرائع

تفصیل کے مطابق چوہدری طارق بشیر چیمہ کی حسن عسکری شیخ کے ہمراہ نواب گروپ سے صادق گڑھ پیلس میں ہنگامی ملاقات ہوئی ہے جس کے نتیجے میں حلقہ این اے 165 میں سعود مجید گروپ کی حمایت ختم کر کے چوہدری طارق بشیر چیمہ کے لئے یزمان کا محاذ نیوٹرل کر دیا گیا ہے، اور نواب صلاح الدین خان عباسی کا صاحبزادہ غزین عباسی کو اپنے ذیلی سیاسی دھڑوں کو یکجا کرنے کا ٹاسک سونپ دیا گیا ہے جبکہ این اے 166 میں پرنس بہاول عباسی کی الیکشن کمپین میں احمد پور شرقیہ میں نئے رفقاء کی شراکت کرنے پر فقید المثال جلسہ کرنے کی ہدایت بھی جاری کردی گئیں ہیں،

اسکے علاوہ مستقبل قریب میں سیاسی مراسم کو مزید بڑھانے اور برقرار رکھنے کےلئے دونوں اطراف سے غور کرنے بارے تبادلہ خیال کیا گیا ہے، ذرائع نے یہ بھی انکشاف کیا ہے کہ چوہدری سعود مجید آرائیں گروپ نے حلقہ این اے 165 سے مسلم لیگ ن کی ٹکٹ نہ ملنے پر چیمہ گروپ کے مسلسل 5 مرتبہ ایم پی اے بننے والے ڈاکٹر محمد افضل کو مسلم لیگ ن کے پینل پر امیدوار مقرر کرنا تھا،جبکہ سابق ایم پی اے چوہدری احسان الحق آرائیں کو حلقہ پی پی 252 سے ایڈجسٹ کرنا تھا ، جس بارے باہمی ملاقات کی تصاویر مقامی میڈیا میں زیر بحث مع تردید گردش کرتی رہی ہیں جبکہ بعد ازاں این اے 165 پر چوھدری سعود مجید خود امیدوار بن کر سامنے آگئے اور پی پی 252 پر اپنے حقیقی بھائی چوھدری محمود مجید ( نواب گروپ) کو حقے کے نشان پر اسپورٹ کر رہے تھے ،

دوسری جانب نواب گروپ کے پرنس بہاول عباسی کے مخالف مخدوم سید سمیع گیلانی کو مبینہ طور پر مالی و سیاسی اسپورٹ بھی کی جا رہی تھی، سیاسی پنڈتوں کے مطابق مزکورہ سیاسی منظر نامے میں نئے اتحاد و دھڑہ بندی یزمان اور این اے 166 کی سیاست کی کایا پلٹ دے گی، اور چیمہ گروپ مزید سرپرائز دینے کی پوزیشن میں آجائے گا،

اوچشریف ،باغی ٹی وی(احمد حسن اعوان سے) پنجاب کی سب سے بڑی اور پسماندہ ترین تحصیل احمد پور شرقیہ میں آج مسلم لیگ ن سیاسی پاور شو کررہی ہے، ن لیگی امیدواروں اور مقامی انتظامیہ نے مبینہ طور پر سرکاری سکول ،اسٹیڈیم اورجنازہ گاہ کی دیواریں تڑوا دیں ہیں،

بتایا جا رہا ہے کہ مذکورہ دیواریں وی آئی پی پروٹوکول کے گذرنے کے لیئے توڑی گئیں ہیں اور مہمان خصوصی میاں شہباز شریف سرکاری سکول سے گزر کر جلسہ گاہ میں پہنچیں گے،

جبکہ جنازہ گاہ کو جلسے میں شرکت کرنے والوں کے لیئے پارکنگ ایریا بنایا گیا ہے، جبکہ دوسری جانب سکول کے بچے سیکیورٹی دیوار ٹوٹنے سے عدم تحفظ کا شکار پاۓ جاتے ہیں،

یاد رہے کہ جلسہ عام احمد پور شرقیہ کی عوام سے مسلم لیگ ن کے رہنما شہباز شریف خطاب کریں گے، دریں اثناء نواحی علاقوں کی عوام کو مسلم لیگ ن کے جلسہ میں زبردستی شامل کرنے بارے پلان کا انکشاف بھی ہوا ہے

نبی پور، فیض واہ، رسول واہ سمیت دیگر مضافاتی علاقوں کے لوگوں نے جلسہ میں جانے سے انکار کردیا، ہائی ایس خالی واپس روانہ ہونے اور فی کس دو ہزار روپے دینے کی آفر بارے اطلاعات بھی موصول ہورہی ہیں اور مزکورہ ویڈیو سوشل میڈیا پر تیزی سے وائرل ہو رہی ہے

اوچ شریف، باغی ٹی وی (نامہ نگار حبیب خان) قومی اسمبلی کے حلقہ این اے 166 کی سیاست میں ڈرامائی تبدیلی، سجادہ نشین درگاہ جلالیہ عالیہ مخدوم سید زمرد حسین بخاری نے آزاد امیدوار پرنس بہاول عباس خان عباسی کی حمایت کا اعلان کر دیا،

تفصیلات کے مطابق قومی اسمبلی کے حلقہ این اے 166 کی سیاست میں ڈرامائی تبدیلی رونما ہوئی ہے، برصغیر میں سلسلہ سہروردیہ کے بانی، عظیم صوفی بزرگ حضرت سید جلال الدین سرخ پوش بخاری کی درگاہ کے سجادہ نشین مخدوم الملک مخدوم سید زمرد حسین بخاری النقوی نے اپنے ولی عہد مخدوم زادہ سید حسن زمرد بخاری کے ہمراہ آزاد امیدوار پرنس بہاول عباس خان عباسی کی حمایت کا اعلان کیا ہے،

گذشتہ رات پرنس بہاول عباس خان عباسی نے بنگلہ بخاری اوچ شریف میں سجادہ نشین درگاہ جلالیہ عالیہ مخدوم سید زمرد حسین بخاری اور ولی عہد سید حسن زمرد بخاری سے ملاقات کی،

اس موقع پر سابق سٹی ناظم و چیئرمین بلدیہ اوچ شریف سید ظفر حسن گیلانی، مخدوم زادہ سید احسن گیلانی، مخدوم زادہ سید عثمان گیلانی اور خانوادہ گیلانی و بخاری کی دیگر سرکردہ شخصیات بھی بنگلہ بخاری پر موجود تھیں۔

سجادہ نشین انے پرنس بہاول عباس خان عباسی کی کامیابی کے لیے دعا بھی کرائی اور انہیں اپنی بھرپور حمایت کا یقین دلایا۔