Category: بہاولپور

اوچ شریف، باغی ٹی وی ( نامہ نگار حبیب خان) عباسیہ لنک کینال نہر پنجند نہر سمیت دیگر نہر کناروں سے سرکاری قیمتی درختوں کا صفایا شروع محکمہ جنگلات کے افسران کی مبینہ ملی بھگت اور ساز باز سے درختوں کی کٹائی سے سرکاری خزانہ کو چونا لگانے کا انکشاف، ٹمبر مافیا راتوں رات کروڑوں میں کھیلنے لگا، ہریالی کا خاتمہ اور ماحولیاتی آلودگی میں اضافہ، علاقہ مکینوں میں تشویش کی لہر،

تفصیلات کے مطابق جنوبی پنجاب کی سب تحصیل اوچ شریف میں ٹمبر مافیا نے مبینہ با اثر شخصیات کی چھتری تلے اور محکمہ جنگلات کے کرپٹ آفیسران کی ملی بھگت سے سڑکوں ،نہروں اور سرکاری اراضی سے انتہائی قیمتی درختوں کی کٹائی کرکے سرعام بیچنے کا مکروہ اور قبیح دھندہ شروع کر رکھا ہے ،جس سے سرکاری درختوں کا صفایا ہو رہا ہے ،

ٹمبر مافیا کی کاروائیوں سے کسی سرکاری ادارے کے درخت محفوظ نہیں ہیں، گذشتہ بیس سالوں میں کیکر ،شیشم، سفیدے سمیت دیگر قیمتی درختوں کو صفحہ ہستی سے مٹا کر قومی خزانے کو بے دردی سے لوٹنے بارے انکشاف ہوا ہے،

ذرائع کے مطابق ٹمبر مافیاکو تیار کرنے اور سر پرستی میں محکمہ جنگلات کے آفیسران و اہلکاروں کے علاوہ محکمہ پولیس کی کالی بھیڑوں کا بھی اہم کردار بتایا جاتا ہے، جو جائے وقوعہ سے لے کر ملک بھر کی بڑی بڑی لکڑ منڈیوں ملتان ، فیصل آباد اور کراچی سمیت دیگر بڑے بڑے لکڑی ڈپوﺅں تک پہنچنے میں مرکزی کردار ادا کر رہے ہیں۔

رات کی تاریکی میں درخت چوری کی وارداتوں میں مقامی پولیس کے بعض اہلکاروں سے ملی بھگت کر کے ٹرکوں کے ذریعے بھجوایاجاتا ہے، اگر کوئی بندہ لکڑی چوروں کو پکڑوا بھی لیتا ہے تو جنگلات آفیسران فوراََ پہنچ کر معمولی جرمانہ کی رسید جاری کرکے لکڑی سپر داری کروا کے چلتے بنتے ہیں،

گذشتہ شب عباسیہ لنک کینال ککس موڑ پر ٹمبر مافیا درختوں کا صفایا کر رہے تھے کہ مقامی لوگوں کے آنے کی اطلاع ٹمبر مافیا کو موصول ہوئی تو ٹمبر مافیا درختوں کو چھوڑ کر جائے وقوعہ سے رفوچکر ہو گئے ،

اس سلسلے میں مقامی شہریوں محمدآصف، محمدفاروق، محمدزاہد، ظہور و دیگرز نے ڈپٹی کمشنر بہاول پور وفاقی وزیر ماحولیات اور محکمہ جنگلات سمیت دیگر متعلقہ اداروں سے مطالبہ کیا ہے کہ گذشتہ پانچ سالوں میں تعینات کئے گئے محکمہ جنگلات کے کرپٹ آفیسران واہلکاران اور ٹمبر مافیا کے خلاف تحقیقات کرنے اور ان کے نام اثاثہ جات کو چیک کیا جائے، کیونکہ معمولی تنخواہوں والے ملازمین مبینہ طور پر کروڑوں اربوں روپے کے مالک کیسے بن گئے ہیں

اوچ شریف،باغی ٹی وی ( نامہ نگارحبیب خان ) سردموسم ،مضرصحت قلفیوں اور آئس سے بچے مختلف خطرناک بیماریوں میں مبتلا ہونے لگے ،گلے اور چھاتی کے امراض میں اضافہ،بیماربچوں سے ہسپتال بھر گئے ،،پنجاب فوڈ اتھارٹی کے ارباب اختیار کی طوطاچشمی ، معصوم بچوں کے والدین پریشان

تفصیلات کے مطابق موسم سرما کے آخری ایام میں اوچ شریف شہر اور گردونواح میں مختلف چوکوں، چوراہوں، مضافاتی علاقوں کے سکولوں کے گیٹ اورسڑکوں کے اطراف میں قلفیاں اور آئسکریم فروخت کرنے والے افراد دیدہ دلیری سے مضرصحت قلفیوں کی فروخت شروع کردی ہے اکثر علاقوں میں آئسکریم فروش تشہیر کے لئے لاؤڈ سپیکر استعمال کر تے دکھائی دیتے ہیں۔

آئسکریم فروش مضر صحت کیمیکل ملا رنگ استعمال کرکے چھوٹے چھوٹے معصوم بچوں میں بیماریاں بانٹنے کا کام کر رہے ہیں جس کے نتیجہ میں کمسن بچے مختلف مہلک امراض جن میں نزلہ و زکام ،سانس اور گلے کی بیماریاں اور نمونیا کا شکار ہو کر ہسپتالوں کا رخ کر رہے ہیں رہی سہی کسر جعلی جوس اور ملٹی نیشنل کمپنیوں کے ناموں سے ملتے جلتے ناموں پر بننے والے جعلی دو نمبر جوسسز آئس کریم اور قلفیوں نے پوری کر رکھی ہے۔

گلی محلوں سمیت بڑی بڑی دکانوں پر سپلائی کرکے راتوں رات کروڑ پتی بننے کے خواب دیکھ رہے ہیں جن کے استعمال سے بچوں سمیت، عورتیں، نوجوان لڑکیاں اور بوڑھوں میں مختلف بیماریاں پھیل رہی ہیں جبکہ پنجاب فوڈ اتھارٹی کے ذمہ داران نے اپنی آنکھوں پر پٹی باندھ رکھی ہے اور سادہ لوح افراد کو آئسکریم قلفی اور جوس فروشوں کے رحم و کرم پر چھوڑ دیا ہے۔شہریوں نے ڈی جی پنجاب فوڈ اتھارٹی سے نوٹس لینے کا مطالبہ کیاہے

اوچ شریف باغی ٹی وی ( نامہ نگار حبیب خان)اوچ شریف شہر غوث الاعظم چوک پل عباسیہ لنک کینال پر تجاوزات کی لپیٹ میں حادثات معمول بن گئے، ضلعی انتظامیہ مسافروں پر شفقت کرے غوث الاعظم چوک واگذر کرائے شہری

تفصیلات کے مطابق اوچ شریف کے معروف چوک غوث الاعظم میں تجاوزات کی بھرمار نے شہریوں سمیت مسافر گاڑیوں کا جینا حرام کر دیا ہے آئے روز حادثات معمول بن گئے۔ شہر کی معروف پل عباسیہ لنک کینال پر ٹریفک جام رہنے سے نہ صرف قیمتی زرمبادلہ جل کر ضائع ہوتا ہے بلکہ فضائی آلودگی میں بے تحاشہ اضافہ ہو رہا ہے

شہریوں محمد ظفر محمود الحسن محمد دین حاجی احمد ودیگر نے میڈیا سے گفتگو کرتے ہوئے کہا اوچ شریف شہر کے معروف چوک غوث الاعظم سمیت الشمس چوک ریڑھی بانوں سمیت تجاوزات مافیا کے لپیٹ میں ہیں الشمس چوک تا غوث الاعظم چوک سٹرک کناروں سمیت پل عباسیہ لنک کینال غوث الاعظم چوک پر سریا بجری٫ ریڑھی چھاپے والوں نے شہریوں کی ناک میں دم کیا ہوا ہے ۔

فٹ پاتھ پر دکانداروں نے قبضہ کیا ہوا اور سڑک پر لوہااور بجری ڈالی ہوئی ہے جو کہ حادثات کا سبب بن رہی ہیں ریڑھی والوں نے بھی ٹھیلے سجائے ہوئے ہیں، سارا سارا دن ٹریفک بلاک رہنا روز کا معمول بن چکا ہے۔

سریا بجری سیمنٹ کے دکانداروں کی تجاوزات کی وجہ سے لوگوں کا پیدل چلنا محال ہے غوث الاعظم چوک پر ریڑھی بانوں سمیت کھوکھا شاپ والوں نے نہر کناروں سمیت پل عباسیہ لنک کینال کو اتنی بے دردی سے یرغمال بنایا ہوا ہے عباسیہ پل سمیت سڑک کے کنارے اور فٹ پاتھوں اور دکانوں کے باہر تجاوزات کی بھر مار کی بنیادی وجہ بلدیہ کے راشی اہلکار ہیں جو ان لوگوں سے بھتہ وصول کرتا ہے ۔ یہ راشی لوگ چند ٹکوں کے عوض عام شہری زندگی کا سکون برباد کر رہے ہیں۔

جب ان پر کسی طرف سے پریشر بڑتا ہے تو وہ ہائی کمان کی آنکھوں میں دھول جھونکنے کے لیے ایک فرضی آپریشن کرتے ہیں جن دکانداروں اور ریڑھی چھاپے والوں سے وہ بھتہ لیتے ہیں ۔ان کو پہلے ہی باخبر کردیتے ہیں جس کی وجہ سے یہ لوگ اس دن پل عباسیہ سمیت روڈ سے غائب ہو جاتے ہیں

شہریوں نے میڈیا سے گفتگو کرتے ہوئے کہا کہ بڑھتی تجاوزات کو روکنے کا ایک ہی واحد حل ہے یہاں مہینوں ہفتوں کے بعد نہیں بلکہ دو چار دنوں کے بعد ریگولر آپریشن ہونا چاہیے اور بالخصوص ٹی ایم اے کے محکمے میں ایسی کالی بھیڑوں کی بھی نشاندہی ہونی چاہئے جو چند ٹکوں کے عوض تجاوزات کی بھرمار کا سبب بنتے ہیں۔

اسی طرح برا حال ہے اوچ شریف شہر میں ہر جگہ ہر طرف قبضہ گرپ مافیا اور تجاوزات کی بھرمار ہے ۔مجال ہے ذمہ دار محکمہ ان لوگوں کے خلاف کوئی ایکشن لے ۔ہم ڈپٹی کمشنر بہاولپور سے پر زور اپیل کرتے ہیں اوچ شریف میں تجاوزات کے خلاف گرینڈ آپریشن کے احکامات جاری کریں

اوچ شریف باغی ٹی وی (نامہ نگار حبیب خان)اوچ شریف کے نواحی علاقے پل صدیق آباد کے مقام پر ٹریلر کی موٹر سائیکل سواروں کو ٹکر دو خواتین موقع پر جانبحق ایک شخص زخمی ہسپتال منتقل
تفصیلات کے مطابق اوچ شریف کے نواحی علاقے جھانگڑا سی پیک روڈ پل صدیق آباد پر ایک ٹرالے نے موٹر بائیک کو ہٹ کیا ہے جس پر 3 لوگ سوارتھے ۔ ریسکیو سٹاف کے مطابق ٹرالا اپنی لائن میں جا رہا تھا موٹر بائیک اچانک روڈ پر چڑھا تو ٹرالے سے ہٹ ہوگیا۔

جس سےموقع پر دو عورتیں جاںبحق ہوگئیں اور ایک مرد کو ہیڈ انجری ہے جسے فرسٹ ایڈ کے بعد وکٹوریہ ہسپتال شفٹ کر دیا ،موٹر سائیکل سواروں کی شناخت ثناء اللہ، روبینہ بی بی، زرینہ بی بی کے نام سے ہوئی جو کہ موضع جھانگڑہ بستی میانی کی رہائشی تھے

اطلاع ملتے ہی موقع پر ریسکیو ٹیمیں پیٹرولنگ پولیس اور پنجاب پولیس بھی پہنچ گئیں جاںبحق ہونے والی خواتین کو لواحقین کے حوالے کر دیا۔ جبکہ زخمی ہونے والے شخص ثناء اللہ کو ریسکیو سٹاف نے ضلعی وکٹوریہ ہسپتال منتقل کر دیا

اوچ شریف ،باغی ٹی وی (حبیب خان کی رپورٹ )ایلیٹ فورس اہلکار عبد الستار اپنے ملازمین اور سگے بھائی مجاہد حسین کے ہمراہ ملکر غریب سید خواتین کے پلاٹ پر قبضہ جمانے کیلئے سرگرم، پولیس ملازم ہونے کی دھونس پر ساتھیوں کے ہمراہ عدالتی سٹے کے باوجود تعمیرات کی کوشش کرنے پر خواتین سراپا احتجاج ، ڈی پی او بہاول پور سے نوٹس لینے کا مطالبہ

تفصیل کے مطابق موضع اوچ موغلہ کی رہائشی خواتین مومن بی بی ، مہتاب بی بی و دیگر نے صحافیوں کو بتایا کہ ان کے مشترکہ ملکیتی سکنی مکان سے ملحقہ 63 مرلے کے قیمتی پلاٹ پر ایلیٹ فورس کے ملازم عبدالستار نے اپنے بھائی مجاہد کے ہمراہ عبدالرحیم شاہ وغیرہ کے ساتھ ساز باز کر کے ان کی قیمتی وراثتی جائیداد پر قبضہ کرنے کے درپے ہے وہ انہیں فوری طور پر پلاٹ چھوڑنے کیلئے سنگین نتائج کی دھمکیاں دے رہے ہیں جس پر انہوں نے عدالت سے سٹے حاصل کیا لیکن پولیس ملازم ہونے کی وجہ عبدالستار اپنے ساتھیوں کے ہمراہ کئی بار پلاٹ پر قبضہ کرنے کی کوشش کر چکا ہے

انہوں بتایا کہ وہ شریف سید گھرانے کی خواتین ہیں اور الزام علیہان بااثر ہونے کی وجہ سے ان کی قیمتی جائیداد ہتھیانے کیلئے کوشاں ہیں انہوں نے ڈی پی او بہاول پور ،آر پی او بہاول پور اور آئی جی پنجاب سے فوری نوٹس لیتے ہوئے کاروائی کرنے کا مطالبہ کیا ہے ۔

اوچ شریف ( احمد حسن اعوان سے ) پی ٹی آئی ریلی کی کوریج کرنے والے صحافیوں کے ساتھ پولیس کی مبینہ غنڈہ گردی، نجی ٹی وی چینل کے رپورٹروں سے پولیس تھانہ اوچ شریف کے اے ایس آئی جام زاہد نے موبائل چھیننے کی کوشش کی اور بدتمیزی کی،

گذشتہ رات سے پکڑ دھکڑ کا سلسلہ زور شور سے جاری ہے، کئی کارکنوں کے گھروں پر مسلسل ریڈ کئیے جارہے ہیں جبکہ درجنوں کارکنان ریلی میں شرکت کے لیے روپوش ہوچکے ہیں اور پولیس انہیں تلاش کرنے میں مصروف،

اوچشریف سے پاکستان تحریک انصاف کے کارکنوں نے پروگرام کے تحت پرامن طریقے سے صبح گیارہ بجے ایک ریلی کی صورت میں احمد پور شرقیہ پہنچنا تھا جہاں پر ایم این اے کی امیدوار کنول شوزب و دیگر قائدین کا خطاب فکس تھا،

یاد رہے اوچشریف سے حلقہ 250 پی پی کے امیدوار ایم پی اے ملک مجیب الرحمان مڑل ایڈووکیٹ گزشتہ رات سے ہی گرفتار کر لیے گئے تھے جو کہ تاحال پولیس حراست میں بتاۓ جاتے ہیں،

علی الصبح میڈیا کوریج کے لیے صحافیوں نے اپنے اپنے کیمرے سیدھے کئیے ہی تھے کہ علی حمزہ پیٹرولیم پر پولیس ملازمین صحافیوں سے الجھنے لگے اور کیمرے بھی چھین لیے تاہم ویڈیو بنتی دیکھی تو کیمرے وآپس کر دیے، اور کوریج کرنے سے روک دیا،

جس پر مقامی صحافیوں کا کہنا ہے کہ پولیس کی غنڈہ گردی قابل قبول نہیں فی الفور اے ایس آئی جام زاہد کو معطل کر کے تحقیقات کی جائیں ،

صحافیوں نے ڈی پی او بہاولپور سے مطالبہ کیا ہے کہ پولیس کی صحافیوں سے بدتمیزی غنڈہ گردی آزادی صحافت پر حملہ ہے ہم مزمت کرتے ہیں، صحافیوں کے ساتھ بدتمیزی غنڈہ گردی کرنے والے پولیس ملازمین کے خلاف کارروائی نہ ہوئی تو احتجاج کیا جائے گا

اوچ شریف (نامہ نگار حبیب خان)اوچ شریف شہر میں اسسٹنٹ ڈائریکٹر زراعت ڈاکٹر مسعود بھٹہ سینئر زراعت آفیسر کامران جبار کی جیپ ریلی فنڈز مہم جاری کھاد مافیا ڈیلرز کو کھلی چھٹی کھاد ڈیلرز نے کھاد کا بحران کر دیا، کسان پریشان،کسان شدید سردی میں لائنوں میں لگنے پر مجبور ہو گئے ۔

کسانوں کا کہنا ہے کہ محکمہ زراعت کے افسروں اسسٹنٹ ڈائریکٹر زراعت ڈاکٹر مسعود سلیم بھٹہ اور سینئر زراعت آفیسر کامران جبار نے جیپ ریلی کماؤ مہم شروع کر دی ہے، سفارشی افراد کو کھاد کی پرچیاں بنا کر دے دیتے ہیں جبکہ لائنوں میں لگے کسان کھادکے حصول کے لئے خوار ہورہے ہیں، گھنٹوں انتظار کے بعد دو سے تین بوریاں دی جاتی ہیں ،باقی کھاد اسسٹنٹ ڈائریکٹر زراعت سفارشی زمینداروں اور کھاد ڈیلروں کو فروخت کردیتے ہیں

اوچ شریف شہر کے کسانوں سید غلام مرتضی، ملک صابر ،ملک مراد ،ملک صدیق، محمد علی ،محمد حنیف ،عبد الرحمن، اللہ نواز ،غلام مصطفیٰ ،صدیق خان، رفیق احمد ،حاجی احمد، ارشاد احمد ،انیس الرحمن ،شفیق الرحمن، شہزاد احمد ودیگر کسانوں نے میڈیا سے گفتگو کرتے ہوئے کہا کہ اوچ شریف شہر میں اسسٹنٹ ڈائریکٹر ڈاکٹر مسعود سلیم اور سینئر زراعت آفیسر کامران جبار کھاد مافیا اور سفارشی زمینداروں سے ساز باز ہو چکا ہے کھاد مافیا ڈیلرز کو رات کے اندھیرے میں ہزاروں کی تعداد میں بوریا ٹرالوں سے اتار کر رکشوں اور ڈالوں پر مختلف علاقوں میں اپنے من پسند افراد کو بلیک میں بھیجی جا رہی ہے اور دن کے اوقات لائنوں میں کھڑا کر کے ذلیل وخوار کر کے بھگا دیا جاتا ہے

لائنوں میں لگنے والے کسانوں نے میڈیا سے گفتگو کرتے ہوئے کہا کہ اسسٹنٹ ڈائریکٹر ڈاکٹر مسعود سلیم بھٹہ اور سینئر زراعت آفیسر کامران جبار نے دفتر میں اپنے کارندے رکھے ہوئے ہیں جو کہ اگر کوئی کسان انکو جیب خرچ دے تو انکا کام جلدی سے کر دیتے ہیں انہوں نے مزید بتایا کہ اسسٹنٹ ڈائریکٹر چولستان جیپ ریلی کے انعقاد کے لئے رقم اکٹھی کرنے لگ گئے ہیں کسانوں نے بتایا کہ جو کھاد ڈیلر اسسٹنٹ ڈائریکٹر زراعت سے ڈیل نہیں کرتے تو ان کے خلاف کارروائی کرنے لگ جاتا ہے

انہوں نے کہا کہ چند دنوں میں اسسٹنٹ ڈائریکٹر زراعت ڈاکٹر مسعود سلیم بھٹہ نے چند دکانوں پر جو کہ پھڑی والے ہیں ان کو جرمانے عائد کئے جبکہ مگر مچھوں کو کھاد بلیک کرنے کی کھلے عام چھٹی دے رکھی ہے جس سے ڈیلرز چند ماہ میں محکمہ سے ساز باز ہو کر کھاد کو بلیک کرنے کی وجہ سے کروڑوں روپے کے مالک بھی بن چکے ہیں

ذرائع کا کہنا ہے کہ اسسٹنٹ ڈائریکٹر محکمہ زراعت توسیع نے اپنے منظور نظر کو ہدایت کی کہ مجھے ہر کھاد ٹرالے پر منتھلی باقاعدہ طور پر ملنی چائیے میں نے اسے باقاعدہ طور پر آگے پہنچانا ہوتا ہے متعدد کھاد ڈیلرز کو محکمہ زراعت کے آفیسر اوچ شریف احمد پور شرقیہ اپنے دفتر بلا کر ان کی تواضع مختلف ڈشوں سے کی جاتی ہے

کسانوں نے مزید بتایا کہ یوریا کھاد جو کہ سرکاری ریٹ 3981روپے ہے کھاد ڈیلرز کے ذریعے 5100روپے میں بلیک پر کسانوں کو فروخت کی جا رہی ہے، کسانوں نے وزیر اعلی پنجاب محسن نقوی اور چیف سیکرٹری پنجاب سے مطالبہ کیا ہے کہ اوچ شریف احمد پور شرقیہ میں تعینات کرپٹ راشی افسر اسسٹنٹ ڈائریکٹر زراعت توسیع کو فوری طور پر ملازمت سے فارغ کیا جائے تاکہ احمد پور شرقیہ اوچ شریف کے زمیندار اور کسان اسسٹنٹ ڈائریکٹر اور اس کی فرعونیت بلیک میلنگ سے محفوظ ہو سکیں اور کسانوں کو کھاد کی بروقت فراہمی یقینی بنائی جا سکیں

میڈیا کے نمائندوں نے اسسٹنٹ ڈائریکٹر زراعت ڈاکٹر مسعود سلیم بھٹہ اور سینئر زراعت آفیسر کامران جبار سے موقف لیا تو انہوں نے موقف دیتے ہوئے کہا کہ ضلعی افسران کے احکامات کے تحت جیپ ریلی کے لئے خرچ پانی جمع کر کے ضلعی افسران کو دینے ہیں تاکہ جیپ ریلی کے موقع پر اعلیٰ افسران کی خاطر تواضع احسن طریقے سے ہو سکے ہمیں ضلعی افسران کی طرف سے جیپ ریلی چندہ کا ٹارگٹ دیا گیا ہے آگر ہم ضلعی انتظامیہ کے احکامات پر عملدرآمد نہ کرسکے تو پھر ہماری نوکریاں داؤ پر لگ جائیں گی.

اوچ شریف باغی ٹی وی ( نامہ نگار حبیب خان)فوڈ اتھارٹی کی ملاوٹ مافیا کو آشیرباد اوچ شریف شہر میں ملاوٹ مافیا بلگام ،مضر صحت مرچ ،مصالحہ جات کی کھلے عام فروخت جاری ،شہری بیمار پڑنے لگے ،شہریوں کا میڈیا سے گفتگو کرتے ہوئے کہا کہ مضر صحت اشیاء فروخت کرنے والوں کے خلاف کارروائی کے لئے کوئی ادارہ تیار نہیں، عوامی و سماجی حلقوں کا اعلیٰ حکام سے نوٹس لینے کامطالبہ

تفصیلات کے مطابق عرصہ دراز سے جنوبی پنجاب کے شہر اوچ شریف اور دیہی علاقوں میں مبینہ طور پر ملاوٹ شدہ کھلے مرچ مصالحوں کی فروخت کا دھندہ عروج پر پہنچ گیا ،مضر صحت مصالحہ جات کے استعمال سے شہری پیٹ اور معدے کے موذی امراض کا شکار ہونے لگے ،تمام تر حالات وواقعات سے آگاہ ہونے کے باوجود ضلعی فوڈ اتھارٹی خاموش تماشائی کا کردار ادا کررہاہے ،

دکانوں میں موجود کھلے برتنوں میں پسی ہوئی سرخ مرچیں ،ہلدی اور مصالحہ جات کھلے عام فروخت کیے جارہے ہیں جس پر گاڑیوں کے گزرنے سے اڑنے والی دھول مٹی وزہریلی گردوغبار پڑتی رہتی ہے ،بااثر دکاندار ضلعی افوڈ اتھارٹی کے افسران واہلکاروں کی سرپرستی کی وجہ سے بلا خوف وخطر انسانی زندگیوں کو موذی امراض میں مبتلا کررہے ہیں ،

بعض مقامات پر مذکورہ اشیاءفروخت کرنے والے دکاندار دیدہ دلیری کے ساتھ اپنی کارخانوں پر مصالحہ جات پیش کر کھلے عام فروخت کررہے ہیں ،شہریوں نے پنجاب فوڈ اتھارٹی سے کھلے مصالحے فروخت کرنے والے دکانداروں کے خلاف کاروائی کرنے کا مطالبہ کیاہے