Category: بہاولپور

اوچ شریف(باغی ٹی وی نامہ نگار حبیب خان) اوچ شریف کے نواحی علاقے رتہرنہڑانوالی کی بستی عبداللہ خان میں ایک دل دہلا دینے والا واقعہ پیش آیا ہے۔ جس میں 7 سالہ بچی محمد فیاض کی بیٹی پیڈسٹل فین کے ساتھ کھیلتے ہوئے کرنٹ لگنے سے جاں بحق ہو گئی۔

بتایا جاتا ہے کہ بچی گھر میں پیڈسٹل فین کے ساتھ کھیل رہی تھی کہ اچانک اسے کرنٹ لگ گیا۔ اس حادثے سے گھر میں سنسناہٹ کی فضا قائم ہو گئی اور والدین کو شدید صدمہ پہنچا۔

اس المناک واقعے نے ایک بار پھر بجلی کے خطرات کی طرف توجہ مبذول کرائی ہے۔ ماہرین کا کہنا ہے کہ گھروں میں بجلی کے آلات کے استعمال کے دوران احتیاطی تدابیر نہ برتنے سے ایسے حادثات رونما ہوتے ہیں۔

اوچ شریف(باغی ٹی وی نامہ نگارحبیب خان)ضلع بہاولپور کے ڈپٹی کمشنر کی ہدایت پر سول ڈیفنس نے اوچ شریف میں غیر قانونی طور پر چلنے والے پٹرول پمپوں اور ایل پی جی ریفلنگ شاپس کے خلاف کریک ڈاؤن شروع کر دیا ہے۔

سول ڈیفنس کے اہلکاروں نے گزشتہ روز اوچ شریف کے مختلف علاقوں میں چھاپے مار کر متعدد دوکانیں سیل کر دیں۔ ان دوکانوں میں غیر قانونی طور پر پٹرول فروخت کیا جا رہا تھا اور ایل پی جی سلنڈر ریفل کیے جا رہے تھے۔

سول ڈیفنس کے چیف انسٹرکٹر نوید بلوچ نے بتایا کہ یہ کارروائی ضلع بھر میں غیر قانونی پٹرول پمپوں اور ایل پی جی شاپس کے خلاف شروع کی گئی کریک ڈاؤن کا حصہ ہے۔ انہوں نے کہا کہ یہ پمپ اور شاپس نہ صرف غیر قانونی ہیں بلکہ ان سے انسانی جانوں کو بھی خطرہ ہے۔

ڈپٹی کمشنر بہاولپور نے کہا ہے کہ اس طرح کی غیر قانونی سرگرمیوں سے نہ صرف حکومت کو مالی نقصان ہوتا ہے بلکہ عام شہریوں کی جان و مال کو بھی خطرہ ہوتا ہے۔ انہوں نے عوام سے اپیل کی ہے کہ وہ ایسے غیر قانونی پمپوں سے پٹرول نہ خریدیں اور اگر انہیں کسی بھی قسم کی غیر قانونی سرگرمی کی اطلاع ملتی ہے تو فوری طور پر سول ڈیفنس یا پولیس کو اطلاع دیں۔

اوچ شریف (باغی ٹی وی نامہ نگارحبیب خان)اولیاء کرام کے شہر اوچ شریف میں ملاوٹ شدہ دودھ اور دہی کی فروخت دھڑلے سے جاری ہے۔ دودھ فروشوں نے قیمتوں میں خود ساختہ اضافہ کرکے 180 روپے فی کلو دودھ اور 240 روپے فی کلو دہی فروخت کرنا شروع کردیا ہے۔

شہریوں کا کہنا ہے کہ ملاوٹ شدہ دودھ کی وجہ سے پیٹ کے امراض میں اضافہ ہو رہا ہے اور بچے بھی اس سے متاثر ہو رہے ہیں۔ شہریوں محمد رفیق، محمد زاہد بھٹی، محمد حفیظ، محمد عامر یونس سمیت دیگر نے میڈیا کو بتایا کہ دودھ فروش کم نرخوں پر خریدے گئے ناقص اور غیر معیاری دودھ کو مہنگے داموں فروخت کرکے شہریوں میں بیماریاں پھیلا رہے ہیں۔

شہریوں کا کہنا تھا کہ ملاوٹ سے پاک دودھ ڈھونڈنا ان کے لئے جوئے شیر لانے کے برابر ہے ، اوچ شریف شہر کی گلیوں محلوں میں سر عام کیمیکل اور پاوڈر ملا دودھ فروخت ہو رہا ہے لیکن فوڈ اتھارٹی سمیت کوئی ادارہ ان کے خلاف کارروائی کرنے کو تیار نہیں وہ جائیں تو کہاں جائیں.

شہریوں نے وزیر اعلیٰ پنجاب، ڈی جی پنجاب فوڈ اتھارٹی، کمشنر بہاولپور سے مطالبہ کیا ہے کہ ڈسٹرکٹ فوڈ اتھارٹی کے ذمہ داران کو اوچ شریف شہر میں دودھ لانے اور بیچنے والے گوالوں کا دودھ چیک کرنے کا پابند بنایا جائے تاکہ شہری بیماریوں سے محفوظ رہ سکیں۔

اوچ شریف باغی ٹی وی (نامہ نگار حبیب خان): باغی ٹی وی کی خبرپر ایکشن ،فوڈ اتھارٹی کا موٹروے سروس ایریاز میں کریک ڈاؤن،اس چیکنگ کے دوران کئی دکانداروں کو ناقص اشیاء رکھنے اور زائد قیمت وصول کرنے پر بھاری جرمانے عائد کیے گئے

تفصیل کے مطابق موٹروے پولیس اور پنجاب فوڈ اتھارٹی نے مشترکہ کارروائی کرتے ہوئے ترنڈہ ریسٹ ایریا میں واقع ٹک شاپس کی چیکنگ کی ہے۔ اس کارروائی کا مقصد ریسٹ ایریا میں فروخت ہونے والی کھانے پینے کی اشیاء کی کوالٹی کو یقینی بنانا تھا۔

یہ بھی پڑھیں
اوچ شریف:موٹروے سروس ایریاز میں کھانے پینے کی اشیاءمسافروں کی پہنچ سے دور، صارفین پریشان

آئی جی موٹروے پولیس سلمان چوہدری کی ہدایت پر اوچ شریف بیٹ 25 کے ڈی ایس پی محمود الرحمن اور ان کی ٹیم نے فوڈ سیفٹی آفیسر پنجاب فوڈ اتھارٹی محمد اور ان کی ٹیم کے ساتھ مل کر متعدد شاپس کا معائنہ کیا۔ اس دوران دوکانوں پر موجود کھانے پینے کی اشیاء کی کوالٹی اور معیار کو چیک کیا گیا۔

اس چیکنگ کے دوران کئی دکانداروں کو ناقص اشیاء رکھنے اور زائد قیمت وصول کرنے پر بھاری جرمانے عائد کیے گئے

یاد رہے کہ گذشتہ روز باغی ٹی وی نے ایک خبر شائع کی تھی کہ موٹروے سروس ایریاز میں کھانے پینے کی اشیاءمسافروں کی پہنچ سے دور ہوچکی ہیں ، صارفین پریشان،موٹروے پر سفر کرنے والوں کے لیے مسافروں سے لوٹ مارکا نیا طریقہ سامنے آگیا،مسافروں کو سروس ایریاز میں کھانے پینے کی اشیاء کی بے تحاشا مہنگی قیمتوں کا سامنا کرنا پڑ رہا ہے۔ صارفین کا کہنا ہے کہ ٹک شاپس اور ہوٹل مالکان مسافروں کو لوٹ رہے ہیں اور ان سے دوگنی سے تین گنی زیادہ قیمت وصول کی جا رہی ہے۔

صارفین کے مطابق موٹروے سروس ایریاز اور ایم-1، ایم-2، ایم-3، ایم-4 اور ایم-5 کے باقی علاقوں میں کھانے پینے کی اشیاء کی قیمتیں آسمان سے باتیں کر رہی ہیں۔ ایک کپ چائے 100 روپے، منرل واٹر کی بوتل 85 سے 100 روپے، چپس 130 روپے اور سافٹ ڈرنکس 200 روپے تک فروخت کی جا رہی ہیں۔ لنچ کا خرچ بھی 1500 سے 2200 روپے تک آ جاتا ہے۔

اس خبر کے شائع ہوتے ہی موٹروے پولیس اور پنجاب فوڈ اتھارٹی نے ایکشن لیتے ہوئے مشترکہ کارروائی کی، ترنڈہ ریسٹ ایریا میں واقع ٹک شاپس کی چیکنگ کی اور بھاری جرمانے عائد کئے،

اوچ شریف(باغی ٹی وی نامہ نگار حبیب خان)موٹروے سروس ایریاز میں کھانے پینے کی اشیاءمسافروں کی پہنچ سے دور، صارفین پریشان

تفصیل کے مطابق موٹروے پر سفر کرنے والوں کے لیے مسافروں سے لوٹ مارکا نیا طریقہ سامنے آگیا،مسافروں کو سروس ایریاز میں کھانے پینے کی اشیاء کی بے تحاشا مہنگی قیمتوں کا سامنا کرنا پڑ رہا ہے۔ صارفین کا کہنا ہے کہ ٹک شاپس اور ہوٹل مالکان مسافروں کو لوٹ رہے ہیں اور ان سے دوگنی سے تین گنی زیادہ قیمت وصول کی جا رہی ہے۔

صارفین کے مطابق موٹروے سروس ایریاز اور ایم-1، ایم-2، ایم-3، ایم-4 اور ایم-5 کے باقی علاقوں میں کھانے پینے کی اشیاء کی قیمتیں آسمان سے باتیں کر رہی ہیں۔ ایک کپ چائے 100 روپے، منرل واٹر کی بوتل 85 سے 100 روپے، چپس 130 روپے اور سافٹ ڈرنکس 200 روپے تک فروخت کی جا رہی ہیں۔ لنچ کا خرچ بھی 1500 سے 2200 روپے تک آ جاتا ہے۔

صارفین کا کہنا ہے کہ ریٹ لسٹ آویزاں ہونے کے باوجود خریدی گئی اشیا کی زائد رقم ادا کرنے پر بہت سے جھگڑے ہوتے ہیں۔ ٹک شاپس اور ہوٹل مالکان ان ریٹ لسٹوں کی پرواہ نہیں کرتے اور زیادہ رقم وصول کرتے ہیں۔

صارفین نے یہ بھی شکایت کی ہے کہ سروس ایریاز میں فروخت کی جانے والی اشیاء کا معیار بھی بہت خراب ہے۔ بہت سی اشیاء ایکسپائر ہو چکی ہوتی ہیں یا پھر ناقص ہوتی ہیں۔

صارفین نے حکومت اور متعلقہ اداروں جن میں پنجاب فوڈ اتھارٹی بھی شامل ہے سے مطالبہ کیا ہے کہ وہ موٹروے سروس ایریاز میں کھانے پینے کی اشیاء کی قیمتوں پر قابو پائیں اور ناقص معیار کی اشیاء کی فروخت روکیں۔

اوچ شریف باغی ٹی وی (نامہ نگار حبیب خان)وزیراعلیٰ پنجاب محترمہ مریم نواز کے احکامات کے مطابق پنجاب کے تمام اضلاع میں کھلی کچہریاں لگانے کا سلسلہ جاری ہے۔ اس سلسلے میں احمدپور شرقیہ میں ڈپٹی کمشنر ظہیر انور چپہ اور ڈسٹرکٹ پولیس افسر اسد سرفراز نے مشترکہ طور پر ایک کھلی کچہری کا انعقاد کیا۔

اس کھلی کچہری میں تحصیل بھر سے لوگوں نے شرکت کی اور اپنے مسائل پیش کیے۔ ڈپٹی کمشنر اور ڈسٹرکٹ پولیس افسر نے ان مسائل پر فوری طور پر نوٹس لیتے ہوئے متعلقہ افسران کو ان کے حل کے لیے ہدایات جاری کیں۔

ڈسٹرکٹ پولیس افسر اسد سرفراز نے کہا کہ تھانوں میں آنے والے سائلین کی درخواستوں پر فوری عملدرآمد کیا جائے گا اور مظلوم کو فوری انصاف فراہم کیا جائے گا۔ انہوں نے کہا کہ اگر کوئی ایس ایچ او اس حوالے سے غفلت برتی تو اس کے خلاف فوری کارروائی کی جائے گی۔

اس موقع پر ڈپٹی کمشنر ظہیر انور چپہ نے بھی سائلین کی درخواستوں پر فوری طور پر نوٹس لیتے ہوئے متعلقہ افسران کو ان کے حل کے لیے ہدایات جاری کیں۔

اس کھلی کچہری میں تمام سرکل تھانوں کے ایس ایچ اوز بھی موجود تھے جنہوں نے سائلین کی شکایات سنیں اور ان کے حل کے لیے اقدامات کرنے کا یقین دلایا۔