Category: بہاولپور

اوچ شریف (باغی ٹی وی نامہ نگارحبیب خان)اولیاء کرام کے شہر اوچ شریف میں ملاوٹ شدہ دودھ اور دہی کی فروخت دھڑلے سے جاری ہے۔ دودھ فروشوں نے قیمتوں میں خود ساختہ اضافہ کرکے 180 روپے فی کلو دودھ اور 240 روپے فی کلو دہی فروخت کرنا شروع کردیا ہے۔

شہریوں کا کہنا ہے کہ ملاوٹ شدہ دودھ کی وجہ سے پیٹ کے امراض میں اضافہ ہو رہا ہے اور بچے بھی اس سے متاثر ہو رہے ہیں۔ شہریوں محمد رفیق، محمد زاہد بھٹی، محمد حفیظ، محمد عامر یونس سمیت دیگر نے میڈیا کو بتایا کہ دودھ فروش کم نرخوں پر خریدے گئے ناقص اور غیر معیاری دودھ کو مہنگے داموں فروخت کرکے شہریوں میں بیماریاں پھیلا رہے ہیں۔

شہریوں کا کہنا تھا کہ ملاوٹ سے پاک دودھ ڈھونڈنا ان کے لئے جوئے شیر لانے کے برابر ہے ، اوچ شریف شہر کی گلیوں محلوں میں سر عام کیمیکل اور پاوڈر ملا دودھ فروخت ہو رہا ہے لیکن فوڈ اتھارٹی سمیت کوئی ادارہ ان کے خلاف کارروائی کرنے کو تیار نہیں وہ جائیں تو کہاں جائیں.

شہریوں نے وزیر اعلیٰ پنجاب، ڈی جی پنجاب فوڈ اتھارٹی، کمشنر بہاولپور سے مطالبہ کیا ہے کہ ڈسٹرکٹ فوڈ اتھارٹی کے ذمہ داران کو اوچ شریف شہر میں دودھ لانے اور بیچنے والے گوالوں کا دودھ چیک کرنے کا پابند بنایا جائے تاکہ شہری بیماریوں سے محفوظ رہ سکیں۔

اوچ شریف باغی ٹی وی (نامہ نگار حبیب خان): باغی ٹی وی کی خبرپر ایکشن ،فوڈ اتھارٹی کا موٹروے سروس ایریاز میں کریک ڈاؤن،اس چیکنگ کے دوران کئی دکانداروں کو ناقص اشیاء رکھنے اور زائد قیمت وصول کرنے پر بھاری جرمانے عائد کیے گئے

تفصیل کے مطابق موٹروے پولیس اور پنجاب فوڈ اتھارٹی نے مشترکہ کارروائی کرتے ہوئے ترنڈہ ریسٹ ایریا میں واقع ٹک شاپس کی چیکنگ کی ہے۔ اس کارروائی کا مقصد ریسٹ ایریا میں فروخت ہونے والی کھانے پینے کی اشیاء کی کوالٹی کو یقینی بنانا تھا۔

یہ بھی پڑھیں
اوچ شریف:موٹروے سروس ایریاز میں کھانے پینے کی اشیاءمسافروں کی پہنچ سے دور، صارفین پریشان

آئی جی موٹروے پولیس سلمان چوہدری کی ہدایت پر اوچ شریف بیٹ 25 کے ڈی ایس پی محمود الرحمن اور ان کی ٹیم نے فوڈ سیفٹی آفیسر پنجاب فوڈ اتھارٹی محمد اور ان کی ٹیم کے ساتھ مل کر متعدد شاپس کا معائنہ کیا۔ اس دوران دوکانوں پر موجود کھانے پینے کی اشیاء کی کوالٹی اور معیار کو چیک کیا گیا۔

اس چیکنگ کے دوران کئی دکانداروں کو ناقص اشیاء رکھنے اور زائد قیمت وصول کرنے پر بھاری جرمانے عائد کیے گئے

یاد رہے کہ گذشتہ روز باغی ٹی وی نے ایک خبر شائع کی تھی کہ موٹروے سروس ایریاز میں کھانے پینے کی اشیاءمسافروں کی پہنچ سے دور ہوچکی ہیں ، صارفین پریشان،موٹروے پر سفر کرنے والوں کے لیے مسافروں سے لوٹ مارکا نیا طریقہ سامنے آگیا،مسافروں کو سروس ایریاز میں کھانے پینے کی اشیاء کی بے تحاشا مہنگی قیمتوں کا سامنا کرنا پڑ رہا ہے۔ صارفین کا کہنا ہے کہ ٹک شاپس اور ہوٹل مالکان مسافروں کو لوٹ رہے ہیں اور ان سے دوگنی سے تین گنی زیادہ قیمت وصول کی جا رہی ہے۔

صارفین کے مطابق موٹروے سروس ایریاز اور ایم-1، ایم-2، ایم-3، ایم-4 اور ایم-5 کے باقی علاقوں میں کھانے پینے کی اشیاء کی قیمتیں آسمان سے باتیں کر رہی ہیں۔ ایک کپ چائے 100 روپے، منرل واٹر کی بوتل 85 سے 100 روپے، چپس 130 روپے اور سافٹ ڈرنکس 200 روپے تک فروخت کی جا رہی ہیں۔ لنچ کا خرچ بھی 1500 سے 2200 روپے تک آ جاتا ہے۔

اس خبر کے شائع ہوتے ہی موٹروے پولیس اور پنجاب فوڈ اتھارٹی نے ایکشن لیتے ہوئے مشترکہ کارروائی کی، ترنڈہ ریسٹ ایریا میں واقع ٹک شاپس کی چیکنگ کی اور بھاری جرمانے عائد کئے،

اوچ شریف(باغی ٹی وی نامہ نگار حبیب خان)موٹروے سروس ایریاز میں کھانے پینے کی اشیاءمسافروں کی پہنچ سے دور، صارفین پریشان

تفصیل کے مطابق موٹروے پر سفر کرنے والوں کے لیے مسافروں سے لوٹ مارکا نیا طریقہ سامنے آگیا،مسافروں کو سروس ایریاز میں کھانے پینے کی اشیاء کی بے تحاشا مہنگی قیمتوں کا سامنا کرنا پڑ رہا ہے۔ صارفین کا کہنا ہے کہ ٹک شاپس اور ہوٹل مالکان مسافروں کو لوٹ رہے ہیں اور ان سے دوگنی سے تین گنی زیادہ قیمت وصول کی جا رہی ہے۔

صارفین کے مطابق موٹروے سروس ایریاز اور ایم-1، ایم-2، ایم-3، ایم-4 اور ایم-5 کے باقی علاقوں میں کھانے پینے کی اشیاء کی قیمتیں آسمان سے باتیں کر رہی ہیں۔ ایک کپ چائے 100 روپے، منرل واٹر کی بوتل 85 سے 100 روپے، چپس 130 روپے اور سافٹ ڈرنکس 200 روپے تک فروخت کی جا رہی ہیں۔ لنچ کا خرچ بھی 1500 سے 2200 روپے تک آ جاتا ہے۔

صارفین کا کہنا ہے کہ ریٹ لسٹ آویزاں ہونے کے باوجود خریدی گئی اشیا کی زائد رقم ادا کرنے پر بہت سے جھگڑے ہوتے ہیں۔ ٹک شاپس اور ہوٹل مالکان ان ریٹ لسٹوں کی پرواہ نہیں کرتے اور زیادہ رقم وصول کرتے ہیں۔

صارفین نے یہ بھی شکایت کی ہے کہ سروس ایریاز میں فروخت کی جانے والی اشیاء کا معیار بھی بہت خراب ہے۔ بہت سی اشیاء ایکسپائر ہو چکی ہوتی ہیں یا پھر ناقص ہوتی ہیں۔

صارفین نے حکومت اور متعلقہ اداروں جن میں پنجاب فوڈ اتھارٹی بھی شامل ہے سے مطالبہ کیا ہے کہ وہ موٹروے سروس ایریاز میں کھانے پینے کی اشیاء کی قیمتوں پر قابو پائیں اور ناقص معیار کی اشیاء کی فروخت روکیں۔

اوچ شریف باغی ٹی وی (نامہ نگار حبیب خان)وزیراعلیٰ پنجاب محترمہ مریم نواز کے احکامات کے مطابق پنجاب کے تمام اضلاع میں کھلی کچہریاں لگانے کا سلسلہ جاری ہے۔ اس سلسلے میں احمدپور شرقیہ میں ڈپٹی کمشنر ظہیر انور چپہ اور ڈسٹرکٹ پولیس افسر اسد سرفراز نے مشترکہ طور پر ایک کھلی کچہری کا انعقاد کیا۔

اس کھلی کچہری میں تحصیل بھر سے لوگوں نے شرکت کی اور اپنے مسائل پیش کیے۔ ڈپٹی کمشنر اور ڈسٹرکٹ پولیس افسر نے ان مسائل پر فوری طور پر نوٹس لیتے ہوئے متعلقہ افسران کو ان کے حل کے لیے ہدایات جاری کیں۔

ڈسٹرکٹ پولیس افسر اسد سرفراز نے کہا کہ تھانوں میں آنے والے سائلین کی درخواستوں پر فوری عملدرآمد کیا جائے گا اور مظلوم کو فوری انصاف فراہم کیا جائے گا۔ انہوں نے کہا کہ اگر کوئی ایس ایچ او اس حوالے سے غفلت برتی تو اس کے خلاف فوری کارروائی کی جائے گی۔

اس موقع پر ڈپٹی کمشنر ظہیر انور چپہ نے بھی سائلین کی درخواستوں پر فوری طور پر نوٹس لیتے ہوئے متعلقہ افسران کو ان کے حل کے لیے ہدایات جاری کیں۔

اس کھلی کچہری میں تمام سرکل تھانوں کے ایس ایچ اوز بھی موجود تھے جنہوں نے سائلین کی شکایات سنیں اور ان کے حل کے لیے اقدامات کرنے کا یقین دلایا۔

اوچ شریف (نامہ نگارحبیب خان) اوچ شریف اور اس کے اطراف میں گزشتہ روز سے ہونے والی موسلا دھار بارش کے باعث شہر میں جہاں جہاں نظر دوڑائیں وہاں پانی ہی پانی نظر آ رہا ہے۔ نشیبی علاقے مکمل طور پر زیر آب آ چکے ہیں اور لوگوں کو شدید مشکلات کا سامنا ہے۔

بارشوں کی وجہ سے گلیاں اور سڑکیں ندی نالوں میں تبدیل ہو چکی ہیں۔نشیبی علاقوں میں کئی مکانات میں پانی داخل ہو جانے سے لوگوں کو کافی مشکلات جھیلنا پڑ رہی ہیں ، بارش زیادہ ہونے بیشتر مکانات کی چھتیں ٹپک پڑیں ،کئی کچے گھروں کی دیواریں اور چھتیں بھی گرنے کی اطلاعات ہیں

محکمہ موسمیات کے مطابق آنے والے دنوں میں بھی بارشوں کا سلسلہ جاری رہنے کا امکان ہے۔ جس سے صورتحال مزید بگڑنے کا اندیشہ ہے۔

اوچ شریف (باغی ٹی وی،نامہ نگارحبیب خان): ممتاز سماجی شخصیت و صنعت کار خواجہ نثار علی صدیقی نے ایران کے شہر یزد میں پاکستانی زائرین کی بس کو پیش آنے والے حادثہ میں ہونے والے جانی نقصان پر گہرے دکھ اور افسوس کا اظہار کیا ہے۔

خواجہ نثار علی صدیقی نے جاں بحق افراد کے لیے مغفرت اور لواحقین کو صبر جمیل عطا فرمانے کی دعا کی ہے۔ انہوں نے کہا کہ یہ حادثہ نہ صرف متاثرہ خاندانوں بلکہ پورے ملک کے لیے ایک بڑا دکھ ہے۔

انہوں نے جاں بحق افراد کے لواحقین سے دلی ہمدردی اور تعزیت کا اظہار کرتے ہوئے کہا کہ دکھ کی اس گھڑی میں ہم غم زدہ خاندانوں کے دکھ میں برابر کا شریک ہیں۔ انہوں نے زخمیوں کی جلد صحت یابی کے لیے بھی دعا کی اور حکومت سے جاں بحق افراد کی میتیں جلد از جلد پاکستان واپس لانے اور ان کے لواحقین کی مالی امداد کے لیے اقدامات یقینی بنانے کی اپیل کی۔