Category: بہاولپور

اوچ شریف باغی ٹی وی (نامہ نگار حبیب خان): اوچ شریف میں جشنِ ولادتِ نبیؐ کے آغاز میں جماعت اہل سنت نے شاندار موٹرسائیکل ریلی کا انعقاد کیا۔ اس موقع پر جماعت کے صدر، حاجی غلام یٰسین سومرو نے خطاب کرتے ہوئے کہا کہ حضور نبی اکرم صلی اللہ علیہ وآلہ وسلم نے انسانیت کو اندھیروں سے نکال کر نور کی راہ دکھائی۔ آپ صلی اللہ علیہ وآلہ وسلم کی تعلیمات امن، بھائی چارہ اور برداشت کا درس دیتی ہیں۔

سومرو نے مزید کہا کہ جماعت اہل سنت نے جشنِ میلادالنبیؐ کے سلسلے میں خصوصی لائحہ عمل تیار کیا ہے جس کے تحت محافل میلاد اور جلوسوں کا انعقاد کیا جائے گا۔

موٹرسائیکل ریلی علی حمزہ پیٹرول پمپ سے شروع ہو کر شہر کے مختلف علاقوں سے گزرتی ہوئی حسینی چوک پر اختتام پذیر ہوئی۔ ریلی میں بڑی تعداد میں لوگ شریک ہوئے۔

علامہ عبدالستار سعیدی نے ریلی کے اختتام پر وطن عزیز کی ترقی اور کشمیر و فلسطین کے مظلوم مسلمانوں کی آزادی کے لیے دعا کی۔

اوچ شریف(باغی ٹی وی نامہ نگارحبیب خان )مخدومزادہ سید عمر رضا گیلانی نے کہا ہے کہ چاہے وہ اقتدار میں ہوں یا نہ ہوں، وہ عوام کو کبھی تنہا نہیں چھوڑیں گے اور ان کا جینا مرنا عوام کے ساتھ ہے۔ ان خیالات کا اظہار انہوں نے جمعہ کی نماز کے بعد شمس محل میں مقامی صحافیوں سے غیر رسمی گفتگو کے دوران کیا۔

مخدومزادہ سید عمر رضا گیلانی نے کہا کہ وہ اپنے ووٹروں، سپورٹروں اور حلقے کی عوام کو کبھی اکیلا نہیں چھوڑیں گے۔ انہوں نے مزید کہا کہ حلقے کی تمام برادریاں ان کے لیے قابل احترام ہیں، لیکن بڈانی، بلوچ اور رڈ برادری ان کے گھر کی طرح ہیں۔

انہوں نے موجودہ ملکی حالات پر تبصرہ کرتے ہوئے کہا کہ ملک میں مہنگائی اور بے روزگاری عروج پر ہے اور لوگ بھوکے مر رہے ہیں۔ بجلی کے بھاری بلوں نے عوام کی زندگی مشکل بنا دی ہے، اور ایسا محسوس ہوتا ہے جیسے حالیہ بارشوں میں کڑکنے والی بجلی کی وصولی بھی پاکستانی صارفین سے شروع کر دی گئی ہے۔

مخدومزادہ سید عمر رضا گیلانی نے حکمرانوں سے اپیل کی کہ وہ عوام پر ترس کھائیں اور انہیں بجلی کے بھاری بلوں سے نجات دلائیں۔ انہوں نے ملک کے تمام مسائل کے حل کے لیے ایک جامع معاشی ایجنڈا تیار کرنے کی ضرورت پر بھی زور دیا۔

اوچ شریف،باغی ٹی وی (نامہ نگارحبیب خان) تحصیل احمد پور شرقیہ میں بینظیر انکم سپورٹ پروگرام (بی آئی ایس پی) کے انچارج اسسٹنٹ ڈائریکٹر رائیس ممتاز احمد نے مقامی صحافیوں سےبات کرتے ہوئے پروگرام سے رجسٹرڈ فائدہ اٹھانے والوں سے اپنا ڈائنامک سروے فوری طور پر مکمل کرنے کی درخواست کی ہے۔

اسسٹنٹ ڈائریکٹر نے بتایا کہ جو خاندان ابھی تک اپنا سروے مکمل نہیں کروا پائے ہیں، وہ فوری طور پر تحصیل دفتر میں بی آئی ایس پی کا دورہ کرکے اپنا سروے مکمل کروائیں۔ انہوں نے واضح کیا کہ جو خاندان سروے مکمل نہیں کروائے گا، اسے پروگرام سے نکال دیا جائے گا۔

اسسٹنٹ ڈائریکٹر نے مزید بتایا کہ سروے مکمل کرنے کے لیے کسی قسم کی فیس نہیں لی جائے گی۔ اس کے لیے صرف استفادہ کنندگان کو اپنا اور اپنے شوہر کا نیشنل آئیڈنٹی کارڈ (NIC)، بچوں کے ب فارم اور اپنا موبائل نمبر ساتھ لانا ہوگا۔

انہوں نے کہا کہ اگر کسی کو سروے کے دوران کوئی مسئلہ پیش آتا ہے تو وہ فوری طور پر دفتر میں آئے تاکہ اس کاازالہ کیا جا سکے۔

اوچ شریف(باغی ٹی وی نامہ نگار حبیب خان ) فوڈ سیکیورٹی اینڈ ایگریکلچر سنٹر آف ایکسیلینس (FASE) نے پاکستان پاورٹی ایلیویشن فنڈ (PPAF) کے تعاون سے نور پور منجو والا میں ایک مفت طبی کیمپ کا انعقاد کیا۔ اس کیمپ میں 198 افراد کو مفت طبی معائنہ اور ادویات فراہم کی گئیں۔

کیمپ کا انعقاد سی ای او FASE حسن اکرم قریشی کی ہدایات پر کیا گیا۔ ڈاکٹر مدثر رحمان کی قیادت میں ایک طبی ٹیم نے مردوں، عورتوں، بچوں اور بزرگوں کا مفت طبی معائنہ کیا۔

اس موقع پر پراجیکٹ مینیجر FASE محمد عباس ضیا نے کہا کہ عوام کو مفت اور معیاری صحت کی سہولیات فراہم کرنا ان کا مشن ہے۔ انہوں نے کہا کہ سی ای او FASE کی سربراہی میں مزید طبی کیمپوں کا انعقاد کیا جائے گا اور نور پور منجو والا کی عوام کے مسائل کے حل کے لیے مزید موثر اقدامات اٹھائے جائیں گے۔

اوچ شریف (باغی ٹی وی ،نامہ نگارحبیب خان) نواب آف بہاولپور نواب صلاح الدین عباسی کے ترجمان نے بتایا کہ صدر پاکستان آصف علی زرداری کی خواہش پر ان کے ملٹری سیکرٹری، برگیڈیئر شہریار منیر حفیظ نے نواب صلاح الدین عباسی کو خط لکھاتھا۔

صدر آصف علی زرداری نے بہاولپور کے شاندار ورثے اور نواب صلاح الدین عباسی کی اعلیٰ خدمات کے اعتراف میں ان سے ملاقات کرنے کی خواہش کا اظہار کیا تھا۔

خط وصول ہونے کے بعدنواب آف بہاولپور نواب صلاح الدین عباسی نے اپنے بیٹے نواب بہاول خان عباسی کے ہمراہ صدر مملکت آصف علی زرداری سے ملاقات کی اور ان کی طرف سے دیے گئے ظہرانے میں شرکت کی۔

ترجمان نے سوشل میڈیا پر چلائی جانے والی بے بنیاد اور من گھڑت خبروں کو مسترد کرتے ہوئے وضاحت کی کہ یہ خبریں سراسر جھوٹی ہیں۔

یاد رہے نواب صلاح الدین عباسی کی صدرمملکت آصف علی زرداری ملاقات 24اگست کو ایوان صدر میں ہوئی تھی ،اس ملاقات ک میں ملکی اور جنوبی پنجاب کی صورتحال اور باہمی دلچسپی کے امور پر تبادلہ خیال ہوا تھا۔

ایوان صدرکے پریس ونگ کے مطابق صدر مملکت آصف علی زرداری نے پاکستان بالخصوص سماجی شعبے میں نواب آف بہاولپور اور انکے خاندان کی خدمات کو سراہا۔