Category: بہاولپور

اوچ شریف ،باغی ٹی وی(نامہ نگارحبیب خان) موٹروے ایم-5 پر پولیس کی کامیاب کارروائی میں غیر ملکی شراب کی ایک بڑی مقدار برآمد کر لی گئی ہے۔ پولیس نے دو افراد کو بھی گرفتار کیا ہے جو سندھ سے جنوبی پنجاب میں شراب سمگل کرنے کا کام کرتے تھے۔

تفصیلات کے مطابق، اوچ شریف انٹرچینج کے قریب پولیس نے ایک کار کو روکا جسے آئی ٹی آئی کے ذریعے 145 کلومیٹر فی گھنٹہ سے زیادہ رفتار سے جاتے ہوئے دیکھا گیا تھا۔ کار کی تلاشی لینے پر 584 بوتلیں غیر ملکی شراب برآمد ہوئیں۔ گرفتار افراد کی شناخت نعمان اور راحیل کے طور پر ہوئی ہے۔

پولیس کے مطابق، یہ دونوں افراد سندھ سے ملتان شراب کی سپلائی کرنے کے لیے جا رہے تھے۔ ڈی ایس پی محمود الرحمان نے بتایا کہ موٹروے پولیس سفر کو محفوظ بنانے اور جرائم کو روکنے کے لیے مسلسل کوشاں ہے۔

اوچ شریف،باغی ٹی وی (نامہ نگارحبیب خان) سیوریج کا تباہ کن ناسور،شہریوں کی زندگی کیلئےخطرہ بن گیا

تفصیل کے مطابق اوچ شریف ایک تاریخی شہر جو صوفیائے کرام کا مرکز بھی ہے، آجکل ایک سنگین مسئلے کا سامنا کر رہا ہے۔ شہر کا سیوریج سسٹم مکمل طور پر ناکارہ ہو چکا ہے جس کی وجہ سے شہریوں کی زندگی اجیرن ہو چکی ہے۔

جہانیاں روڈ، بازار شمس باغ، اور حسینی چوک جیسے مرکزی علاقوں میں گلیاں نالوں کا گندا پانی سے لبریز ہیں۔ اس سے نہ صرف بدبو کا شدید مسئلہ ہے بلکہ مختلف بیماریوں کے پھیلنے کا خطرہ بھی ہے۔ علاقہ مکینوں کا کہنا ہے کہ اس گندے پانی کی وجہ سے ہیپاٹائٹس اور ددیگرپیٹ کی بیماریاں عام ہو گئی ہیں۔

اس صورتحال کی وجہ سے شہر کی معیشت بھی بری طرح متاثر ہو رہی ہے۔ دکانداروں کا کاروبار کمزور ہو رہا ہے اور لوگ اپنی جائیدادیں کم قیمت پر بیچ کر شہر چھوڑنے پر مجبور ہو رہے ہیں۔

شہریوں نے بار بار مقامی انتظامیہ اور سیاستدانوں سے اس مسئلے کے حل کے لیے اپیل کی ہے لیکن اب تک کوئی خاطر خواہ اقدام نہیں اٹھایا گیا ہے۔ شہریوں کا الزام ہے کہ میونسپل کمیٹی کے ملازمین اس مسئلے کو نظر انداز کر رہے ہیں۔

شہریوں نے نئے اسسٹنٹ کمشنر احمد پور شرقیہ سے مطالبہ کیا ہے کہ وہ اوچ میونسپل کمیٹی کے خلاف کارروائی کریں اور شہر کے سیوریج سسٹم کو بحال کرنے کے لیے فوری اقدامات کریں۔

اوچ شریف باغی ٹی وی ( نامہ نگار حبیب خان) صوبائی وزیر سندھ سردار محمد بخش خان مہر نےلاہور میں مخدوم سید افتخار حسن گیلانی کی عیادت کی

تفصیلات کے مطابق دربار عالیہ غوثیہ حضرت محبوب سبحانی کے سجادہ نشین مخدوم سید افتخار الحسن گیلانی اپنی گاڑی سے اترتے ہوئے سلپ ہو گئے جس کے نتیجے میں ان کی ٹانگ میں فیکچر ہو گیا۔

مخدوم سید افتخار الحسن گیلانی فی الوقت لاہور مخدوم ہاؤس میں زیر علاج ہیں۔ ان کی عیادت کے لیے مہر برادری کے چیف سردار محمد بخش خان مہر اور صوبائی وزیر سندھ اینٹی کرپشن ان کی رہائش گاہ پہنچے۔ انہوں نے مخدوم سید افتخار الحسن گیلانی کی عیادت کی اور ان کی صحت یابی کے لیے دعا کی۔

اس موقع پر مخدوم سید افتخار الحسن گیلانی کے ولی عہد مخدوم زادہ پیر سید عمر رضا گیلانی اور ان کے صاحبزادہ مخدوم زادہ سید عبداللہ رضا گیلانی بھی موجود تھے۔

اوچ شریف،باغی ٹی وی (نامہ نگارحبیب خان)ڈکیتی اور تشدد کے واقعات،وائرل ویڈیو پر ڈی پی او کا ایکشن،2ملزمان گرفتار

تفصیلات کے مطابق شہر میں ڈکیتی اور تشدد کے واقعات میں اضافے سے شہریوں میں خوف و ہراس پھیل گیا ہے۔ گزشتہ چند روز میں متعدد افراد کو لوٹا گیا اور تشدد کا نشانہ بنایا گیا۔

ایک واقعے میں، محمد عقیل للو اور اس کے ساتھی نے ایک طالب علم سے اس کا لیپ ٹاپ اور نقد رقم چھینی اور اسے تشدد کا نشانہ بنایا۔ دوسرے واقعے میں ایک شخص کو چوری کے الزام میں باندھ کر تشدد کیا گیا۔

ان واقعات کی ویڈیوز سوشل میڈیا پر وائرل ہونے کے بعد ڈی پی او بہاولپور اسد سرفراز خان نے فوری طور پر کارروائی کرتے ہوئے مرکزی ملزمان کو گرفتار کر لیا۔ تاہم ان کے ساتھی ابھی تک فرار ہیں۔

ڈی پی او نے مقامی پولیس کو فرار ملزمان کو گرفتار کرنے کے لیے ہدایت کی ہے اور اس سلسلے میں چھاپے مارے جا رہے ہیں۔

شہریوں نے ڈی پی او کے فوری ایکشن پر اطمینان کا اظہار کیا ہے اور انہیں خراج تحسین پیش کیا ہے۔

اوچ شریف، باغی ٹی وی (نامہ نگار حبیب خان)اوچ شریف کے محلہ نواز آباد میں سٹیم اکیڈمی سے طالب علم کی موٹر سائیکل چوری

تفصیلات کے مطابق اوچ شریف شہر میں بڑھتی ہوئی چوری کی وارداتوں میں اِضافہ موٹر سائیکل سرگرم چوروں نے اوچ شریف شہر کے محلہ نواز آباد میں قائم سٹیم اکیڈمی میں پڑھنے جانے والے طالب علم کی موٹر سائیکل اکیڈمی سے چوری کرلی گئی ہے

طالب علم کی موٹر سائیکل چوری ہونے پر شہریوں میں تشویش لاحق ہو گئی کہ چوروں نے اوچ شریف شہر سمیت سکولوں کو بھی ٹارگٹ بنانا شروع کر دیا طالب علم کے والد محمد زاہد بھٹی کی مدعیت میں نا معلوم چور کے خلاف تھانہ اوچ شریف میں ایف آئی آر درج

اوچ شریف ،باغی ٹی وی (نامہ نگار حبیب خان) اوچ شریف کے نجی بنک منیجر نے چیک پر جعلی انگوٹھے لگا کر سادہ لوح صارف کو بیس ہزار روپے سے محروم کر دیا، شکایت کرنے پر عملے نے دھکے دے کر بنک سے باہر نکال دیا،

تفصیلات کے مطابق محلہ شمس کالونی اوچ شریف کے غریب محنت کش عبدالمجید ولد غازی خان بلوچ نے میڈیا کو بتایا کہ میں ریڑھی وغیرہ لگا کر اپنا اور اپنے اہل و عیال کا پیٹ پالتا ہوں، میرا اکاؤنٹ نمبری 0010119583540011 ABPAالائیڈ بنک اوچ گیلانی برانچ میں موجود ہے،

عبدالمجید نے کہا کہ ان پڑھ ہونے کی وجہ سے سائل کا فوٹو اکاؤنٹ تھا اور بنک منیجر کے روبرو چیک پر انگوٹھا ثبت کرتا تھا، جس پر منیجر چیک تحریر کرتے، انہوں نے کہا کہ یکم نومبر 2023ء کو سائل نے جمع پونجی کر کے اپنے اکاؤنٹ میں ایک لاکھ روپے جمع کروائے تھے، اور اپنے علاج معالجہ کے لیے مختلف اوقات میں صرف 80 ہزار روپے کیش کروائے لیکن جب بنک سے پتہ کیا تو معلوم ہوا کہ میرے اکاؤنٹ سے ایک لاکھ روپے نکلوائے جا چکے ہیں، میرے ساتھ بنک والوں نے دھوکا کیا ہے،

انہوں نے کہا کہ 14 فروری کو میں پانچ ہزار روپے کا چیک کیش کرانے کے لیے بنک گیا تو مجھے کہا گیا کہ اکاؤنٹ خالی ہے، انہوں نے کہا کہ میرے شور و واویلہ پر بنک منیجر نے مجھے چیک بک لے کر آنے کا کہا، اور اسی وقت چیک بک کی دو خالی رسیدوں پر سرخ پنسل سے 15 دسمبر 2023 کو 15 ہزار اور 6 فروری 2024 کو پانچ ہزار روپے لکھ کر مجھے دھکے دے کر بنک سے نکال دیا، عبدالمجید نے اعلیٰ حکام سے نوٹس لینے کا مطالبہ کیا ہے

اوچ شریف ،باغی ٹی وی( نامہ نگار حبیب خان)تحصیل ہیڈ کوارٹر اسپتال احمد پور شرقیہ میں خاکروب کی جانب سے ہارٹ پیشنٹ کی ای سی جی کرنے کی وائرل ویڈیو اور خبر پر سیکرٹری ہیلتھ پنجاب کا سخت نوٹس خاکروب اور ڈیوٹی نرس کو فارغ کردیا اور ساتھ ہی ڈاکٹر رانا ارشد کو انکوائری آفیسر مقرر کر دیا اور تحقیقاتی رپورٹ کی روشنی میں غفلت کے مرتکب ڈاکٹرز کے خلاف کارروائی عمل میں لائی جائے گی۔ دوسری جانب ڈپٹی کمشنر بہاول پور ظہیر انور جپہ نے بھی خبر کا نوٹس لے لیا، سی ای او ہیلتھ بہاول پور اور ایم ایس تحصیل ہیڈ کوارٹر ہسپتال ڈاکٹر عارف غوری کو بہاول پور طلب کرلیا

تفصیل کے مطابق تحصیل ہیڈ کوارٹر اسپتال احمد پور شرقیہ میں خاکروب کی جانب سے ہارٹ پیشنٹ کی ای سی جی کرنے کی وائرل ویڈیواور خبر پرسکریٹری ہیلتھ پنجاب نے سخت نوٹس لے لیا اور خاکروب سمیت ڈیوٹی نرس کو فارغ کردیا اور ساتھ ہی سینئر ڈاکٹر رانا ارشد کو اس معاملےکا انکوائری آفیسر مقرر کر دیا جن کی تحقیقاتی رپورٹ کی روشنی میں فرائض میں غفلت کے مرتکب ڈاکٹرز کے خلاف کارروائی عمل میں لائی جائے گی۔

دوسری جانب ڈپٹی کمشنر بہاول پور ظہیر انور جپہ نے بھی خبر کا نوٹس لے لیا، سی ای او ہیلتھ بہاول پور اور ایم ایس تحصیل ہیڈ کوارٹر اسپتال ڈاکٹر عارف غوری کو فوری طور پر بہاول پور طلب کرلیا ۔