Category: بہاولپور

اوچ شریف، باغی ٹی وی (نامہ نگار حبیب خان) عیدگاہ اہل حدیث،نزد چونگی پیرواہ میں گٹروں کا پانی چھوڑ دیا گیا،عملہ صفائی غائب،بلدیہ نے آنکھیں بند کرلیں۔

تفصیل کے مطابق عید گاہ اہل حدیث نزد چونگی پیرواہ احمد پور شرقیہ شہر کا معروف قدیمی مقام ہے۔جہاں سالانہ عیدین کے اجتماعات کے علاوہ آئے روز فوت شدگان کی نماز جنازہ ادا کی جاتی ہیں، عید گاہ کی حالت اب یہ ہے کہ اس کے ایک طرف قرب وجوار کے مکینوں نے دیوار توڑ کر گٹروں کا پانی اندر چھوڑ دیا ہے،جس سے ہر طرف تعفن اور بدبو پھیل گئی ہے۔

عید گاہ جو کہ نماز پڑھنے کی جگہ ہے وہاں گٹروں کا پانی بہہ رہا ہے۔واقعہ یہ ہے کہ عیدگاہ کے آس پاس کے گٹر بند چکے ہیں،جس کے باعث نالیوں کا پانی باہر نکل آیا اور مقامی رہائشیوں نے انتہائی غفلت کامظاہرہ کرتے ہوئے عیدگاہ کی دیوار توڑ کر گندے پانی کو اندر چھوڑ دیا ہے،اس کی جتنی بھی مذمت کی جائے کم ہے،

دوسری طرف عملہ بلدیہ نے آنکھیں بند کر رکھی ہیں،عید گاہ کی نگران کمیٹی نے بار بار بلدیہ کو توجہ دلائی کہ لوگوں کے سیوریج کے دیرینہ مسائل حل کرکے عیدگاہ میں گندے پانی کا داخلہ بند کیا جائے، لیکن وہ ٹس سے مس نہیں ہوتے،

عید گاہ اہل حدیث کے ممبران کمیٹی اور جملہ اہل اسلام نے اسسٹنٹ کمشنر احمد پور شرقیہ سے درخواست کی ہے کہ وہ اس مسئلے کا فوری نوٹس لیں کیوں کہ آئندہ دو ہفتوں کے بعد عید الفطر کی آمد آمد ہے،مردوں کے علاوہ خواتین کی بھی کثیر تعداد نماز عید کی ادائیگی کے لئے یہاں آتی ہے،عید کی نماز کے لئے عیدگاہ کے ماحول کا صاف ستھرا ہونا ازحد ضروری ہے۔

اوچ شریف،باغی ٹی وی (حبیب خان نامہ نگار):چوروں اور ڈاکوؤں سلیمانی ٹوپی پہن لی،محلہ خواجگان میں کھڑی خواجہ حنان علی کی کار غائب ہوگئی ،پولیس کاغذی کارروائی اور دیہاڑیاں لگانے میں مصروف

اوچ شریف پولیس نے شریف شہریوں کوناکوں چنے چبوائے ہوئے ہے لیکن اپنے پیٹی بھائیوں چوروں ڈاکوؤں کوپکڑنے میں نا کام نظر آتی ہے کیونکہ ان لوگوں سلیمانی ٹوپیاں پہن رکھی ہیں اور وہ پولیس کودکھائی نہیں دیتے،اس لئے ڈا کو اور چور پولیس کو نظرآئے بغیرآسانی سے گزرجاتے ہیں ۔

ان سلیمانی ٹوپیوں کی وجہ سے اوچ شریف شہر کے مختلف علاقوں میں دن دہاڑے چوری کی وارداتوں میں روز بروز اضافہ ہوتا جارہا ہے لیکن ضلعی انتظامیہ اور مقامی پولیس ان جرائم پیشہ عناصر کی گرفتاری اور واداتوں میں کمی لانے میں مکمل طور پر ناکام ہوچکی ہے

موٹر سائیکلوں کی چوری کی وارداتیں تو سننے میں آتی تھیں لیکن گذشتہ روز دن دہاڑے محلہ خواجگان سے کار چوری کی داستان سی سی ٹی وی فوٹیج کےذریعے سامنے آگئی اور سوشل میڈیا پر وائرل ہوئی جس نے اوچ شریف مقامی پولیس کی کارکردگی کھول کر رکھ دیا،

اوچ شریف کے شہری خوف و ہراس میں مبتلا ہو گئے شہر بھر میں اس ماہ مقدس رمضان المبارک میں درجنوں واقعات رونماء ہوچکے ہیں اور شہری مکمل طور پر جرائم پیشہ عناصر کے رحم وکرم ہے اور مذکورہ بالا تمام تمام جرائم میں ملوث عناصر قانون نافذ کرنیوالے اداروں کی گرفت سے آزاد اور انتہائی دیدہ دلیری کے ساتھ ہر واردات کے بعد فرار ہوجاتے ہیں مگر ریکوری ایک فی صد کی بھی نہیں ہوئی

شہریوں کا میڈیا کو دئے گئے بیان میں کہا کہ آئے روز چوری کی وارداتوں سے پولیس کی کارکردگی کا بخوبی اندازہ لگایا جاسکتا ہے۔جب کہ مقامی پولیس تھانہ پر فقط ماہانہ لین دین کے معاملات کو ترجیح دی جارہی ہے۔

پولیس کی نوکری، جو پہلے باعث خطرہ ہوا کرتی تھی اور والدین، جو اپنی اولاد کو پولیس میں بھرتی کروانے سے گریز کرتے تھے، اب بڑے شوق سے اس ملازمت کو ترجیح دے رہے ہیں۔

اوچ شریف تھانہ پر اس وقت بہت ہی کڑی توجہ مرکوز کرنے کا وقت ہے۔ ایک بار ایس ایچ او سے لے کر تمام تھانہ اوچ شریف عملہ کا تبادلہ اور قانون پر مکمل عمل کروانے والے ایمان دار افسران کی تعیناتی کا فوری اقدام کرنا ضروری ہوگیا ہے، جو اوچ شریف کے عوام کو مجرموں سے نجات اور قانون کو گھر کی لونڈی سمجھنے والوں کو سزا دلوانے میں کارگر ثابت ہوگا

چونیاں،باغی ٹی وی(نامہ نگارعدیل اشرف) لیسکو سب ڈویژن الہ آباد نےکسانوں کے بجلی بلوں میں 35 سے40 ہزار یونٹوں کی ناجائز اوور بلنگ کر کے ریکارڈ قائم کر دیا، کسان گھروں کے چولہے جلائیں یا بجلی کے بل ادا کریں، اوور بلنگ سے کسان پریشان۔

تفصیلات کیمطابق بجلی چوری نہ روکنے پر لیسکو واپڈا کے چوری شدہ زائد یونٹوں کا بوجھ باقاعدگی سے بل ادا کرنے والوں پر ڈالنا لیسکو واپڈا ڈویژن چونیاں نے اپنا وطیرہ بنا لیا، ایس ڈی او الہ آباد ویسٹ اور دیگر سب ڈویژنوں نے کسانوں کے ٹیوب ویل کےبجلی بلوں میں 35 سے 40 ہزار یونٹ اضافی ڈال کر ناجائز اوور بلنگ کے تمام ریکارڈ توڑ دیئے۔

کسان در بدر ٹھوکریں کھانے پر مجبور، خود ساختہ کٹنگ کے ساتھ کسانوں کو بجلی کے بھاری بل ادا کرنے پر مجبور کیا جا رہا۔ یونٹوں کو بلوں سے نکالنے کے لیے کسانوں کو دفتر میں ذلیل کیا جانے لگا۔

کسان دفتروں کے چکر لگا کر پریشان، متاثرہ کسان محمد علی، ذیشان بگا، سردار شہزاد و دیگر نے بتایا کہ ہم کئی ماہ سے واپڈا دفتر کے چکر لگا رہے ہمارے بجلی کے بلوں میں ناجائز اوور بلنگ کی گئی اور 40 ہزار تک اضافی یونٹ ڈالے گئے ہیں لیکن ایس ڈی او سمیت دیگر عملہ بات سنتے کو تیار نہیں اور بل سے اضافی یونٹ نکالنے سے انکاری ہیں۔

کسانوں نے حکومت پاکستان سے بجلی کی قیمتیں کم کرنے اور ناجائز اوور بلنگ کرنے والوں کے خلاف سخت کارروائی کرنے کا مطالبہ کیا ہے۔

چونیاں،باغی ٹی وی(نامہ نگارعدیل اشرف)ماہ صیام میں بھی مسلسل 7 سے 10 گھنٹے تک بجلی غائب رہنا معمول بن گیا،مساجد اور گھروں میں پانی ختم نمازی وضو کرنے سے بھی تنگ، غیر اعلانیہ لوڈ شیڈنگ کا سلسلہ دو ماہ سے جاری، لیسکو حکام نوٹس لیں شہریوں کا مطالبہ

تفصیلات کے مطابق چھانگا مانگا شہر اور اس کے گرد ونواح میں گزشتہ دو سے غیر اعلانیہ لوڈ شیڈنگ کا سلسلہ جاری ہے جس پہ کئی بار اہلیانِ علاقہ نے احتجاج بھی کیا ماہ صیام میں لوڈ شیڈنگ کا دورانیہ کم کیا جائے تا ہم کوئی شنوائی نا ہوئی ہے ہر روز سات سے اٹھ گھنٹے تک لوڈ شیڈنگ جاری ہے

اس ساری صورتحال کے پیش نظر مقامی لوگ پانی کی بوند بوند کو ترس گئے اور مساجد اور گھروں میں پانی ختم ہونے کی وجہ سے نمازی وضو کرنے سے تنگ ہیں مقامی لوگوں نے بارہا انتظامیہ و واپڈا سب ڈویژن چھانگامانگا سے سوال کیا ہے کہ ہمارا کیا قصور ہے جو ہمیں اس طرح ذلیل کیا جاتا ہے کیا ہم لوگ آپ کی نظروں میں انسان نہیں ہیں

مقامی لوگوں نے بتلایا کہ واپڈا سب ڈویژن چھانگامانگا کی طرف سے ہمارے ساتھ ایسا سلوک گزشتہ کئی ماہ سے کیا جا رہا ہے جب اس حوالے سے علاقہ مکینوں سے بات ہوئی تو ان کا کہنا ہے ایس ڈی او واپڈ چھانگا مانگا اور اس کی گردونواح کی بجلی بند کروا کے بجلی کی سپلائی کہیں اور دی جاتی ہے اور مال بٹورا جاتا ہے

علاقہ مکینوں کا وزیراعلی پنجاب محترمہ مریم نواز شریف سے سوال ہے کہ ہم کسی اور سلطنت کے باسی ہیں یا پھر لیسکو حکام ہمیں اپنا صارف مانتی ہی نہیں؟

چھانگا مانگا کے علاقہ مکینوں کا وزیراعلی پنجاب محترمہ مریم نواز شریف سے مطالبہ ہے ایس ڈی او چھانگا مانگا کا احتساب کیا جائے اور ہمیں غیر اعلانیہ لوڈ شیڈنگ سے نجات دلائی جائے۔

اوچ شریف باغی ٹی وی (نامہ نگار حبیب خان)نہم کلاس کی طالبہ کا رول نمبر سلپ مانگنا جرم بن گیا،استانی کا بچی پر بہیمانہ تشدد

مار نہیں پیار کے بورڈ اسکولوں کے گیٹوں پر لگے خانہ پری ہوتی ہیں اور لوگوں کو جھانسہ دینے کے مترادف ثابت ہوئے گورنمنٹ گرلز ہائی اسکول محراب والا میں ماں کا درجہ رکھنے والی ٹیچر لاریب فضل جلاد بن گئی اور سلپ مانگنے پر طالبہ پر بیہمانہ تشددکیا جس پر ٹیچر کیخلاف تھانہ ڈیرہ نواب صاحب میں مقدمہ درج طالبہ پر بیہمانہ تشدد پر طالبات میں خوف و ہراس

موضع محراب والا کے گرلز ہائی اسکول کی نویں کلاس کی طالبہ زینب بی بی اپنی رولنمبرسلپ لینے اسکول گئی تو موجود ٹیچر نے اسے تھپڑوں اور مکوں سے مارا بعدازاں اس کو بالوں سے پکڑ کر ڈیسک پر دائیں بائیں مارا اور گلے میں دوپٹہ ڈال کر جھنجھوڑتی رہی وہ چیختی چلاتی رہی، اس کے کاندھوں پر زخم کے نشان ہوگئے

گواہان نےموقع پر پہنچ کر اسے چھڑایا اور اس کا میڈیکل بھی کرایا گیا، تشدد ثابت ہونے پر تھانہ ڈیرہ نواب صاحب پولیس نے مقدمہ نمبر 63/24 بجرم A 328 درج کیا لیا ہے

یاد رہےمقدمہ متاثرہ طالبہ کے والد محمد جلیل ولد غلام رسول قوم نہڑ ساکن محراب والا کی درخواست پر درج کیا گیا ہے