Category: بہاولپور

اوچ شریف، باغی ٹی وی (نامہ نگار حبیب خان) مقامی صحافی کامران خان کلال کے چار سالہ بھتیجے محمد عدیل کے قاتلوں کو ساڑھے چار ماہ گزرنے کے باوجود پولیس کی جانب سے کوئی پیش رفت سامنے نا آنے پر صحافیوں نے احتجاجی مظاہرہ کیا اور کہا کہ قاتلوں کا آزاد گھومنا پولیس کی جیتی جاگتی نا اہلی کا ثبوت ہے جس پر صحافیوں میں شدید تشویش ہے

منعقدہ اجلاس میں سینیر صحافیوں میں سے سردار اے ڈی خان جلوانہ، جمیل شہزاد بھٹہ، سید ناصر محمود رضوی مکی ،حیدر خان جلوانہ ،احمد خان بابر ،شیخ عزالرحمن صدر میڈیا کلب ،وقاص خان بلوچ،اشفاق احمد پرہار، چوہدری سلیم کمبوہ ،سید آصف بخاری جنرل سیکرٹری میڈیا کلب ،اعجاز حسین مغل سینیئر نائب صدر میڈیا کلب ،جاوید حسین مغل ، سردار مفیض الرحمن خان نتکانی ،سید مبین شاہ ،کامران خان کلال، ملک شوکت ،جان محمد چوہان ،بشیر حسین مغل اور دیگر شامل تھے

صحافیوں نے وزیر اعلی پنجاب مریم نوازاور آئی جی پنجاب عثمان انور سے مطالبہ کیا ہے کہ سفاکیت کی حدیں عبور کرنے والے ظالم درندوں عدیل کے قاتلوں کو فی الفور قانون کی گرفت میں لایا جاۓ وگرنہ پریس کلب احمد پور شرقیہ کی جانب سے قاتلوں کے نا پکڑے جانے تک لواحقین سمیت چوک منیر شہید پر دھرنا دیا جاۓ گا.

اوچ شریف ،باغی ٹی وی (نامہ نگار حبیب خان) اوچ شریف کے نواحی علاقے ہیڈ پنجند کے مقام پر سرکاری اراضی پر قبضہ‘ دکانیں‘ مکان تعمیر کرنیکا انکشاف ، عوامی وسماجی حلقوں میں شدید تشویش ، قابضین سے سرکاری رقبہ واگذار کراتے ہوئے اصلاح احوال کا مطالبہ ۔

تفصیل کے مطابق اوچ شریف کے نواحی علاقے ہیڈ پنجند کے مقام پر محکمہ انہار کی ملکیتی اربوں روپے کی سینکڑوں ایکڑ اراضی پر قبضہ مافیا نے پنجے گاڑ لیے ہیں جہاں دکانیں و مکان تعمیر کرلئے گئے ہیں ایکسین اور ایس ڈی او محکمہ انہار ہیڈ پنجند اور تحصیلدار، پٹواری سمیت دیگر ریونیو افسران قابضین سے مل گئے ہیں

ہیڈ پنجند نلکہ اڈا کے مقام پرہیڈ پنجند کی ملکیت اربوں روپے کی سینکڑوں ایکڑ اراضی پر قبضہ مافیا نے عمارتوں کی تعمیرات جاری رکھی ہوئی ہیں اب تک سرکار کی اراضی پرمتعددکانیں ومکانات تعمیر کیے جاچکے ہیں جبکہ کئی کئی کنال رقبوں پر حدبندیوں کا سلسلہ تیزی سے جاری ہے مبینہ اطلاع کے مطابق متعدد سرکاری پلاٹس پر قبضے ہوچکے ہیں

علاقہ مکینوں کا کہنا ہے کہ سرکار کی ملکیت اس اراضی پر کیے جانے والے ناجائز قبضوں میں ریونیو افسران سمیت دیگر حکام ملوث ہیں جو قبضے کیے جاچکے ہیں ان کا حصہ ان افسران تک پہنچایا جاچکا ہے ان میں سے چند قبضہ گروپوں نے قبضہ جمانے کے بعد قیمتی پلاٹ فروخت کرڈالے ہیں اور چند نے قبضہ جمانے کے بعد وہاں پختہ تعمیرات قائم کرلی ہیں جن میں ہوٹل، دکانیں ، مکانات وغیرہ شامل ہیں

اس مافیا میں زیادہ تر جرائم پیشہ افراد شامل ہیں جنہیں بااثر شخصیات کی پشت پناہی حاصل ہے جس کی وجہ سے ان کے خلاف کارروائیوں سے گریز کیا جاتا ہے۔متعلقہ حکام اول تو قبضہ مافیا کی سرگرمیوں کی طرف سے چشم پوشی اختیار کرلیتے ہیں تاہم عوامی دباؤ پر محض خانہ پری یا کاغذی کارروائی کے طور پر لیٹر جاری کیے جاتے ہیں جو سرخ فیتے کی نذر ہوجاتے ہیں

قبضہ مافیا کے بعض گروپوں کو بااثرسیاسی جماعتوں کی سرپرستی بھی حاصل ہوتی ہے جو سیاسی جماعتوں کی ریلیوں ، جلسے اور جلوسوں میں ان کے پرچم اٹھائے شریک ہوتے ہیں اور ان جماعتوں کومبینہ طور پر فنڈز بھی مہیا کرتے ہیں جبکہ ان کی سیاسی خدمات کے عوض سیاسی جماعتیں ان قبضہ گروپوں کومکمل طور سے مدد فراہم کرتی ہیں

خاص طور پر برسراقتدار جماعتیں بیوروکریسی کو ان کے معاملات سے چشم پوشی اختیار کرنے کی ہدایت کرتی ہیں جس سے عوامی سماجی حلقوں میں شدید تشویش پائی جاتی ہے اور انہوں نے وزیراعلیٰ پنجاب مریم نواز شریف سے سرکار کی ملکیتی اراضی قابضین سے واگزار کروانے کے لیے ازخودنوٹس لیتے ہوئے اصلاح احوال کا مطالبہ کیا ہے

اوچ شریف باغی ٹی وی ( نامہ نگار حبیب خان)اوچ شریف شہر اور گردونواح میں رمضان کے مہینے میں دودھ ، دہی کی مانگ میں اضافے کے پیش نظر بااثر دودھ فروشوں نے مضر صحت ملاوٹ شدہ دودھ اور دہی کی فروخت کا سلسلہ شروع کررکھا ہے ۔ دودھ فروش ملاوٹ شدہ اور کیمیکل سے تیار شدہ دودھ مختلف دکانوں پر فروخت کرنے میں مصروف ہیں جو شہریوں میں بیماریاں بانٹنے کا باعث بن رہے ہیں جس کے استعمال سے چھوٹے چھوٹے معصوم بچے، بزرگ شہری بیماریوں میں مبتلا ہورہے ہیں شہریوں نے پنجاب فوڈ اتھارٹی کی طرف سے کارروائی نہ کرنے پر اعلیٰ حکام سےنوٹس لینے کا مطالبہ کیا ہے

تفصیلات کے مطابق رمضان المبارک کے مقدس مہینے میں ملاوٹ مافیا باز نہ آئے اوچ شریف شہر وگردونواح میں ناقص اجزاء سے ملاوٹ شدہ دودھ اور دہی کی فروخت عروج پر پہنچ گئی ہے، دکاندار انسانی جانوں سے کھیلنے لگے کوئی پرسان حال نہیں جبکہ تحصیل انتظامیہ اور پنجاب فوڈ اتھارٹی کی مبینہ خاموشی نے شہریوں کو تشویش میں مبتلا کردیا ہے

اوچ شریف کے مختلف علاقوں الشمس چوک، غوث اعظم چوک، علی پور روڈ، حسینی چوک, ٹینکی چوک و دیگر علاقوں میں دکاندار انسانی جانوں سے کھیلنے لگے،ایک ہی پل میں امیر بننے کے چکر میں ملاوٹ شدہ کیمیکل پوڈر والا دودھ ڈرموں میں بھر کر شہر لایا جاتا ہے اور مختلف علاقوں محلوں اور گلیوں میں من پسند قیمت پر فروخت کیا جاتا ہے۔

باہر سے آنے والے ملاوٹ شدہ کیمیکل دودھ کو خالص بتا کر من پسند قیمت میں فروخت کیا جاتاہے۔ شہر بھر میں مضر صحت دودھ کی سپلائی جاری پنجاب فوڈ اتھارٹی ملاوٹ شدہ دودھ کی سپلائی روکنے میں ناکام ہوچکی ہے

۔ شہریوں کا کہنا تھا کہ ملاوٹ سے پاک دودھ ڈھونڈنا ان کے لئے جوئے شیر لانے کے برابر ہے ،مقدس مہینے میں مارکیٹ میں سر عام کیمیکل اور پاوڈر ملا دودھ فروخت ہو رہا ہے لیکن فوڈ اتھارٹی سمیت کوئی ادارہ ان کے خلاف کارروائی کرنے کو تیار نہیں وہ جائیں تو کہاں جائیں ۔

شہریوں نے اعلیٰ حکام سے مطالبہ کیا کہ صورتحال کا جائزہ لے کر سخت کارروائی کرکے پانی وکیمیکل ملا دودھ و دہی فروخت کرنے کے مکروہ دھندے میں ملوث مافیا کے کیخلاف ایکشن لیا جائے.

اوچ شریف ،باغی ٹی وی (نامہ نگار حبیب خان)ڈی پی او سید محمد عباس کے احکامات،ماہ صیام کے پہلے جمعتہ المبارک کے روز ایس ڈی پی اوز اور ایس ایچ اوز کے سیکیورٹی کے حوالے سے مساجد اور امام بارگاہوں کے وزٹ،موجودہ ملکی صورتحال کے پیش نظر ڈیوٹی پر مامور اہلکاروں کو الرٹ رہنے کی ہدایت، سیکیورٹی فرائض میں غفلت ہرگز برداشت نہیں کی جائے گی، ڈسٹرکٹ پولیس آفیسر سید محمد عباس

تفصیلات کے مطابق انسپکٹر جنرل آف پولیس پنجاب کے احکامات اور ڈی پی او سید محمد عباس کی ہدایت پر عمل پیرا ہوتے ہوئے ایس ڈی پی اوز نے اپنے سرکل جبکہ ایس ایچ اوز نے اپنے اپنے تھانہ جات کی حدود میں رمضان المبارک کے پہلے جمعتہ المبارک کے حوالے سے مساجد اور امام بارگاہوں کی سیکیورٹی ڈیوٹی پر مامور افسران و جوانوں کو چیک کیا۔سیکیورٹی پر مامور جوانوں کے پاس موجود اسلحہ اور حفاظتی انتظامات کا جائزہ لیا۔موجودہ ملکی صورتحال کے پیش نظر جوانوں کو الرٹ رہ کر ڈیوٹی سرانجام دینے کی ہدایت کی۔

ڈی پی او سید محمد عباس نے اپنے پیغام میں کہا ہے کہ ہمارا فرض بہت اہم ہے،شہریوں کو احساس تحفظ دلانا ہے کہ ہم انکی سیکیورٹی کے لیے موجود ہیں۔ ملکی صورتحال کے پیش نظر شرپسند عناصر پر کڑی نظر رکھیں اور الرٹ رہیں کیونکہ ہم الرٹ رہیں گے تو شرپسند عناصر اپنے مذموم مقاصد میں کامیاب نہیں ہوسکیں گے، سیکیورٹی فرائض میں غفلت و لا پرواہی بلکل برداشت نہیں کی جائے گی۔

انہوں نے ایس ڈی پی اوز اور ایس ایچ اوز کو اپنے اپنے ایریا میں مؤثر گشت اور سیکیورٹی انتظامات کے حوالے سے ہدایات بھی جاری کیں انہوں نے اوچ شریف کی مزارات سمیت امام بارگاہوں کی بھی سیکورٹی سخت کرنے کے لیے مقامی پولیس کو ہدایات جاری کی.

اوچ شریف،باغی ٹی وی(نامہ نگارحبیب خان)بارہویں جماعت کی طالبہ سے اجتماعی زیادتی،نام نہاد معززین علاقہ پولیس تھانہ اوچ شریف کے ساتھ ملکر ملزمان کو بچانے کی کوشش کرتے رہے اور قانونی کارروائی نہ ہونے دی ، تین دن گزر جانے پر مقامی پولیس نے ایف آئی آر درج کی ۔ ابھی تک ملزمان کو گرفتار بھی نہیں کیا جاسکا ہے

تفصیلات کے مطابق اوچ شریف تھانہ کی حدود اوچ گیلانی بستی بھیں کی رہائشی 12ویں جماعت کی طالبہ مسکان زہراکو اغوا کرکے اجتماعی عصمت دری کی گئی ۔

اجتماعی عصمت دری کے بعد لڑکی کو بے ہوشی کی حالت میں نقاب پوش شخص پرائیویٹ فاطمہ ہسپتال میں لے گئے ، ہسپتال عملے کو نقاب پوش شخص پر شک ہونے کی بنا پر عملہ ہسپتال نے ویڈیوز بیان لینے کی کوشش کی تو نقاب پوش شخص متاثرہ لڑکی مسکان زہراکو وہاں سے لے کر فرار ہوگئے

لڑکی کی حالت غیر ہونے پر رورل ہیلتھ سنٹر اوچ شریف کے باہر پھینک کر فرار ہوگئے ،زیادتی کا شکار ہونے والی لڑکی کی حالت تشویشناک ہے۔ لڑکی گذشتہ تین دنوں سے رورل ہیلتھ سنٹر اوچ شریف میں داخل ہے۔

اس المناک واقعہ کے تین روز گزر جانے کے باوجود پولیس ملزمان کو گرفتار نہیں کر سکی ، زیادتی کا شکار لڑکی کے والدین انصاف کے لیے میڈیا کے پاس پہنچ گئے،

مسکان زہرا کی دادی اقبال بی بی زوجہ اللہ یار قوم بھیں نے بتایا کہ میں محلہ گیلانی اوچشریف کی رہائشی ہوں میرے پاس میری پوتی مسکان زہرا دختر ملک اعجاز تعلیم کی غرض سے رہائش پذیر تھی ،گذشتہ رات کو سب اہل خانہ سوگۓ علی الصبح نماز کیلئے بیدار ہوئی تو میری پوتی بستر پر موجود نہیں تھی ، میرے شور واویلا پر علی رضا اور ملک اعجاز آ گۓ ہم بچی کی تلاش میں نکل پڑے، بچی نہ ملی دوسرے روز میری بچی کی ویڈیو شوسل میڈیا پر وائرل ہوئی تو ہم رورل ہیلتھ سنٹر اوچ شریف کے انچارج رانا محمد ارشد کی پرائیویٹ فاطمہ ہسپتال پہنچ گئے

عملہ ہسپتال سے معلومات لینے کے بعد بچی کی تلاش میں نکل پڑے تو رورل ہیلتھ سنٹر اوچ شریف میں بچی حالت غیر میں ملی تو بچی نے بتایا کہ مجھے ماجد شکرانی اور محسن اقبال شکرانی ہمراہ دو کس نا معلوم ورغلا کر ماجدشکرانی کے مکان پر لے گۓ ،پہلے میرے ساتھ ماجد شکرانی اور پھر بعد میں محسن اقبال اور ایک نامعلوم شخص نے زبردستی زیادتی کی باقی الزام علیہان کھڑے پہرہ دیتے رہے

نام نہاد معززین علاقہ پولیس تھانہ اوچ شریف کے ساتھ ملکر ملزمان کو بچانے کی کوشش کرتے رہے اور قانونی کارروائی نہ ہونے دی ، تین دن گزر جانے پر مقامی پولیس نے ایف آئی آر درج کی ۔ ابھی تک ملزمان کو گرفتار بھی نہیں کیا جاسکا ہے۔

انہوں نے بتایا کہ ملزمان سیاستدانوں کی سرپرستی والے لوگ ہیں اس لیے پولیس ان کے دباؤ میں کوئی کارروائی نہیں کر رہی۔دوسری جانب مقامی پولیس تھانہ اوچ شریف کے مہتمم مسلم ضیاء نے اپنے موقف پر کہا کہ پولیس کیس کی تفتیش کر رہی ہے اور ملزمان کو تلاش کر رہی ہے، جلد ہی ملزمان کو گرفتار کر کے قانونی کارروائی عمل میں لائی جائے گی

اوچ شریف باغی ٹی وی ( نامہ نگار حبیب خان) اوچ شریف شہر میں چوروں کا راج، شہری گھروں میں قید،اوچ شریف چوروں لٹیروں ڈاکوؤں کی آماجگاہ بن گیا امیر،غریب، شہری، دیہی علاقہ جات کے شہری کوئی بھی محفوظ نہ رہ،اقانون کے رکھوالے خواب غفلت سے بیدار نہ ہو سکے۔

پولیس کی جانب سے ہر چورکو کھل کر کھیلنے کی اجازت دیدی غریبوں کی آہیں فریاد بھی تھانہ اوچ شریف کی بے حس پولیس افسران کو نہ جگا سکی علاقہ بھر میں روزانہ کی بنیادوں پرہونیوالی وارداتیں کنٹرول کرنے میں مکمل ناکام ہو چکے ہیں۔

روزانہ کی بنیادوں پر ہونے والی پے در پے وارداتوں کی وجہ سے شہری عدم تحفظ کا شکار ہو کر خوف و ہراس کی کیفیت میں رہنے پر مجبور ہو چکے ہیں۔

ایس ایچ او تھانہ اوچ شریف مسلم ضیاء کی ناقص کارکردگی ک پر شہر ی سراپا احتجاج بن گئے۔تھانہ اوچ شریف شہر و نواحی علاقوں میں چوریوں اور چھیناجھپٹی کی مسلسل ہونے والی وارداتوں نے علاقہ بھر کے شہریوں کو خوف و ہراس میں مبتلا کر دیا ہے اورعلاقہ بھر کے شہری اپنی دکانوں گھروں و دیگر املاک کی حفاظت کیلئے شدید فکر مند نظر آنے لگے۔

ایس ایچ او تھانہ اوچ شریف مسلم ضیاء خواب خرگوش کے مزے لے رہے ہیں اور علاقہ بھر کو چوروں اور جرائم پیشہ عناصر کے رحم و کر م پرچھوڑ دیا گیا ہے۔ قانون کے رکھوالوں نے عوام کو تحفظ دینے کی بجائے آنکھیں بند کرلی ہیں پولیس کارکردگی صفرہو چکی ہے،پولیس کی جانب سے گشت کا انتظام انتہائی ناقص ہے۔

گذشتہ پانچ دنوں میں چوری کی لا تعداد وارداتیں ہو گئی ہیں۔ ان پانچ دنوں میں اوچ شریف عباسیہ روڈ السادات پیٹرولیم کے نزدیک خواجہ زاہد کریانہ مرچنٹ کی دکان میں چوری کی واردات لاکھوں روپے سمیت سامان چوری

گذشتہ شب چور عرفان الیکٹرک شاپ پر چوری کی واردات بجلی کی موٹریں سمیت دیگر الیکٹرانک اشیاء چور کلے اڑے ،شہریوں عبدالحمید،محمد نواز،مرید حسین،عطا محمد،محمد شہزاد،عبدالشکور،نبی بخش،اللہ وسایا نے علاقہ بھر میں چوری و نقب زنی کی بڑھتی ہوئی وارداتوں پر شدید احتجاج کرتے ہوئے کہا کہ ہمارے شہری بلا خوف و خطر زندگی گزار رہے تھے لیکن تھانہ اوچ شریف پولیس کی کام چوری و عدم دلچسپی کی وجہ سے پچھلے کچھ دنوں میں بڑھتی ہوئی چوری کی وارداتوں نے ہمارا سکون برباد کر دیا ہے۔

چوروں نے ہماری نیندیں حرام کر دی ہیں۔کوئی رات خالی نہیں جب چوروں نے عوام کو نہ لوٹا ہو،انہوں نے کہا کہ پولیس گشت نہ ہونے سے چوروں اور ڈاکوؤں میں اضافہ ہوا ہے اور ان چوروں ڈاکوؤں نے عوام کا جینا حرام کر دیا ہے۔

شہریوں نے ڈی پی او بہاول پور ،آر پی او بہاول پور ،آئی جی پنجاب، ،وزیر اعلی پنجاب مریم نواز شریف ،وزیر اعظم میاں شہباز شریف سے فوری نوٹس لیتےہوئےنااہل،نکمے،کام چور پولیس آفیسران کے فوری تبادلہ جات کرتے ہوئے ذمہ دار،قابل،دیانت دار پولیس آفیسران،اہلکاران تعینات کرنے اور شہریوں کے فوری جان و مال کے تحفظ کی فراہمی کو یقینی بنا یا جائے

دوسری جانب تھانہ اوچ شریف مسلم ضیاء نے اپنے موقف میں کہا کہ میرے پاس پولیس نفری بہت کم ہے شہر میں مزارات سمیت انٹر چینج اور وی آئی پی شخصیات کے پروٹوکول کے لئے بھی پولیس اہلکار تعینات ہوتے ہیں ان وارداتوں کو روکنے کے لیے مزید نفری تعینات کی جائے تاکہ ان بڑھتی ہوئی وارداتوں کو روکا جا سکے.

اوچ شریف باغی ٹی وی (نامہ نگار حبیب خان) اوچ شریف شہر و مضافات میں رمضان المبارک کا تقدس پامال ہونے لگا ،انتظامیہ خاموش تماشائی، اوچ شریف شہر میں المدینہ عباسیہ المکہ ہوٹلوں کے آگے پردہ لگا کر رمضان المبارک کے تقدس کو پامال کرتے ہوئے جگہ جگہ ہوٹل کھلے ہیں متعدد ہوٹل والوں کے ساتھ ساتھ پکوڑا سموسہ فروش ، دہی بھلے ، فروٹ چاٹ فروش مل کر رمضان المبارک کا تقدس پامال کرنے میں مصروف ،

گذشتہ کئی برس سے رمضان آرڈی نینس کے تحت سر عام ہوٹلوں کو کھول کر ماہ صیام کے تقدس کو پامال کرنے والوں کے خلاف سخت کار روائی عمل میں لائی جاتی تھی لیکن اس سال اسسٹنٹ کمشنر احمد پور شرقیہ محمد فیصل کی غفلت اور لاپرواہی کے باعث اوچ شریف شہر بھر میں جگہ جگہ ہوٹل کھلے دکھائی دیتے ہیں جہاں پر لوگ سر عام کھا پی کر نہ صرف رمضان المبارک کے تقدس کو پامال کر رہے ہیں بلکہ روزہ داروں کے جذبات کو بھی مجروح کر رہے ہیں۔

ہوٹلوں کے لاوہ سموسہ پکوڑا فروش ، جوس کارنر ، دہی بھلے ، فروٹ چاٹ یہاں تک کہ چائے بنانے والے بھی ریڑھیوں پر اپنی دکانیں کھول لیتے ہیں جس سے روزہ خوروں کی چاندی ہو جاتی ہے اور وہ بلا خوف و خطر کھاتے پیتے نظرآتے ہیں

متعدد ہوٹلز اور دکانوں پر کھانا بھی دیدہ دلیری کے ساتھ فراہم کیا جا رہا ہے جبکہ اس سلسلے میں تحصیل انتظامیہ بالکل خاموش دکھائی دیتی ہے جس کی وجہ سے ہوٹلز مالکان بلاخوف و خطر اپنے ہوٹلزکھول کر کھانے تیار کرکے فروخت کر رہے ہیں

شہریوں محمد عبداللہ مستوئی، محمد شریف مستوئی ،عبد الصمد مستوئی نے شدید تشویش کا اظہار کیا اور انہوں نے ڈپٹی کمشنر بہاول پور سمیت دیگر اعلی حکام سے مطالبہ کیا ہے کہ بااثر ہوٹلز مالکان اور ماہ صیام کا تقدس پامال کرنے والے دکانداروں کے خلاف سخت سے سخت قانونی کارروائی عمل میں لائی جائے اور رمضان المبارک کا تقدس پامال ہونے سے بچایا جائے.