Category: بہاولپور

اوچ شریف باغی ٹی وی ( نامہ نگار حبیب خان)عید الفطر کی آمد آمد،پردیسیوں کی آبائی علاقوں کو واپسی شروع،بس اڈوں پر رش بڑھنے لگا، کہیں کرائے دگنے تو کہیں گاڑیاں نایاب گاڑی مالکان من مرضی کے کرائے وصول کرنے لگے پردیسی پریشان

رمضان المبارک اپنے اختتام کی جانب گامزن ہے اور عید کی بھی آمد آمد ہے، عید الفطر کے قریب آتے ہی جنوبی پنجاب کے شہر اوچ شریف ،علی پور، احمد پور شرقیہ ،لیاقت پور ،ترنڈہ محمد پناہ ، بہاول پور کے پردیسیوں نے اپنے پیاروں کے ساتھ عید منانے کے لیے شہر کراچی، لاہور ،فیصل آباد سے رخت سفر باندھ لیا۔

اپنوں سے ملنے کے منتظرلوگوں کی واپسی کے باعث ریلوے اسٹیشن، ٹرانسپورٹ اڈوں پرپردیسیوں کا رش ہے،عید الفطر آتے ہی پردیسی اپنے آبائی علاقوں کو روانہ ہونے کیلئے بے تاب نظر آرہےہیں انہوں نے بذریعہ ٹیلی فون اپنے شہر کی میڈیا کو بتایا کہ یہاں پر ٹرانسپورٹ کی من مانی چل رہی ہے اور گاڑیوں کے نایاب ہونے کا بتا کر دگنا کرایہ وصول کیا جا رہا ہے

انہوں نے بتایا کہ کہیں کرائے دگنے تو کہیں گاڑیاں ہی نایاب ہوگئیں،لیکن فریاد کریں توکس سے کریں۔ ایک پردیسی نے بتایا کہ کراچی سے اوچ شریف انے کے لیے ایڈوانس بکنگ 28/03/2024کو کروائی جو کہ 8اپریل کی سیٹ ملی ہےتاکہ بغیر کسی پریشانی کے اپنے گھروں تک پہنچ سکیں، ایڈوانس بکنگ کیلئے گاڑیاں موجود ہیں لیکن بس سٹینڈز پر آ کر ٹکٹ لینے والوں کو خواری کا سامنا کرنا پڑ رہا ہے۔

ایڈوانس بکنگ کی وجہ سے ٹکٹوں کے حصول میں مشکلات کا سامنا کرنا پڑ رہا ہے۔ پردیسیوں کو ابھی سے لمبی قطاروں میں لگنا پڑ رہا ہے۔پردیسی ٹکٹیں نہ ملنے کا شکوہ کرتے ہوئے کہتے ہیں ایڈوانس بکنگ کی وجہ سے یہاں ٹکٹیں نہیں مل رہیں۔ ٹرانسپورٹرز کی جانب سے مناسب انتظامات نہیں کیے گئے آبائی علاقوں کو جانے والوں نے زائد کرایہ وصول کرنے کی بھی شکایت کی پردیسیوں کا کہنا ہے کہ ہر سال جب بھی عید منانے کے لیے اپنے علاقوں میں جاتے ہیں تو کرایوں میں اضافہ کر دیا جاتا ہے، کوئی گاڑی مالکان کو پوچھنے والا نہیں۔

دوسری جانب گاڑی مالکان کا کہنا ہے پٹرول اور ڈیزل کے ریٹس اس حد تک بڑھ گئے ہیں کہ مجبوری کے تحت کرایوں میں اضافہ کرنا پڑتا ہے اور پولیس بھی عید کے قریب مہنگے مہنگے چلان کرنا شروع کر دیتی ہے، اس لیے کرائے بڑھانا مجبوری ہے

اوچ شریف،باغی ٹی وی (نامہ نگارحبیب خان ) اوچ شریف شہر و گردونواح میں وزیر اعلیٰ پنجاب مریم نواز شریف کا خواب ستھرا پنجاب تحصیل انتظامیہ نے چکنا چور کردیا ۔ دیہی ایریاز اور گاؤں تو کجا شہروں کی گلیاں سیوریج کے بدبودار پانی سے جوہڑوں کو منظر پیش کررہی ہیں۔ چیف منسٹر کے صاف ستھرا پنجاب متعلق سخت احکامات بھی احمدپور شرقیہ کی بیوروکریسی کا روایتی مائنڈسیٹ نہ بدل سکے۔

چیف منسٹر مریم نواز شریف کی صاف ستھرا پنجاب مہم میں مقامی انتظامیہ کی عدم دلچسپی حکومت کا منہ چڑا رہی ہے متعلقہ افسران محض فوٹو سیشن میں مصروف ہیں ، جبکہ شہر کی گلیاں محلے جوہڑ کی صورت اختیار کرچکے ہیں ۔

شہریوں کا کہنا ہے کہ شہری گندے پانی کی بدبو سے خوار ہورہے ہیں متعدد مرتبہ اے سی کو اپیل کرچکے ہیں لیکن اسسٹنٹ کمشنر کہتے ہیں اپنے عوامی نمائندوں کے پاس جائیں ہمارے پاس اتنا فرصت نہیں کہ ہر گلی محلے کے سامنے سے پانی نکاسی کرواتے پھریں ۔ حکومت نے اگر ایسا پراجیکٹ شروع کیا ہے تو وزیراعلیٰ مریم نواز کو چاہیے تھا اتنی مشینری اور ورکرز بھی فراہم کرتے ۔ اک طرف راشن پر ذلیل کررکھا ہے دوسری جانب لوگوں کے گھروں کے آگے جھاڑو پوچا بھی تحصیل انتظامیہ کے سپرد کرکے خوار کررہے ہیں۔

اسسٹنٹ کمشنر اور سیاسی نمائندوں کی عدم دلچسپی سے تنگ آکر شہریوں نے بے بس اور لاچار ہوکر میڈیا سے رابطہ کیا اور میڈیا کے توسط سے چیف منسٹر مریم نواز سے اپیل کی ہے کہ خدارا ہماری حصیل احمد پور شرقیہ میں صاف ستھرا پنجاب پراجیکٹ پر عملدرآمد کرائیں۔ ہم شہریوں کو بدبودار گٹروں کے پانی سے نجات دلائی جاے گٹروں کے اس پانی کی وجہ سے ہم گھروں میں محصور ہوکر رہ گے ہیں اور دوسری جانب بدبو سے اہل محلہ کا سانس لینا بھی محال ہے

شہری سہیل ریاض بھٹہ کا کہنا تھا اگر سیٹلائٹ ٹاؤن زیڈ بلاک احمد پور شرقیہ کی یہ ابتر حالت ہے تو تحصیل کے مضافات کی حالت زار کا خود اندازہ لگا سکتے ہیں انہوں نے کہا کہ میونسپل کمیٹی احمد پور شرقیہ کی مبینہ نااہلی اور غفلت کی وجہ سے سیوریج کا نظام مکمل تباہ ہو گیاہے اور پورا سٹیلائٹ ٹاؤن گندے پانی میں ڈوب گیا ہے ،’نماز یوں کو مساجد میں جاتے ہوئے شدید مشکلات کا سامناکرنا پڑتا ہے ،سیوریج کے گندے پانی سے پینے کا پانی بھی آلودہ ہو چکا ہے جس کی وجہ سے علاقہ مکین موذی بیماریوں میں مبتلا ہو رہے ہیں’اور عورتیں اور بچے گھروں میں محصور ہو کر رہ گئے ہیں

انکے ہمراہ دیگر اہل علاقہ مولانا یاسر عرفان، راشد ‘محمد اقبال، ‘سیف اللہ ،’غلام مرتضیٰ’، محمد اقبال،’حافظ محمد امین یاسین سمیت سینکڑوں علاقہ مکینوں نے دوران احتجاج میڈیا کو بتایا کہ ہم نے متعدد بار متعلقہ محکموں کو درخواستیں دی ہیں لیکن کوئی شنوائی نہیں ہوئی لہٰذا ہماری کمشنر بہاول پور
سےاپیل کی ہے کہ خدارا ہمارے علاقوں میں سیوریج کے نظام کو بہتر کیا جائے.

اوچ شریف باغی ٹی وی (نامہ نگار حبیب خان)پی ٹی سی ایل عملے کا غیر زمہ دارانہ رویہ صارفین نے PTCL کو ملک کی گھٹیا ترین سروس قرار دے دیابل ادائیگی کے باوجود بھی کنکشن منقطع بیرون ممالک قیام پزیر پیارے پاکستانی اپنوں سے رابطے کھو بیٹھے

اوچشریف پی ٹی سی ایل حکام کی عدم توجہی کے باعث صارفین رل گئے عوام کی شکایات کھوہ کھاتے گذشتہ دو روز سے پی ٹی ایل صارفین کے بل کی ادائیگی کے باوجود کنکشن بند کر دیۓ گۓ بیرون ممالک پیاروں سے رابطے بحال نہ ہوسکے متعدد بار شکایت پر ptcl عملہ نے کان نہ دھرے عملہ مفت کی تنخواہیں وصول کرنے لگا صارفین اپنے پی ٹی سی ایل کنکشن مستقل طور پر ختم کرانے کیلۓ سنجیدگی سے غور کرنے لگے

تفصیل کے مطابق اوچشریف سٹی ایریا و گرد و نواح میں PTCL صارفین کو عملہ کی طرف سے سخت پریشانی کا سامنا کرنا پڑ رہا ھے پی ٹی سی ایل عملہ عوامی شکایات کو پس پشت ڈال کرخواب خرگوش کے مزے لینے لگا عوام کی جانب سے مسلسل شکایات کے باوجود عملہ کی ہٹ دھرمی برقرار ہے

مقامی صارفین پی ٹی سی ایل جن میں شمیم احمد محمد احمد خان محمد اعجاز اور محمد ساجد خان نے صحافیوں سے گفتگو کرتے ہوئے کہا ہے ک انہوں نے ہمیشہ سے اپنےPTCL بل بروقت ادا کیۓ ہیں جسکی انہیں سزا دی جارہی ھے غیر زمہ دار عملہ عوام کی شکایت پر کان نہیں دھرتا اور بل اداٸیگی کے باوجود PTCL کنکشن منقطع کر دیۓ گۓ ہیں ۔

انہوں نے کہا ہے کہ وہ دو روز سے خوار ہو رہے ہیں مگر PTCL فیلڈ عملہ ٹس سےمس نہیں ہو رہا وہ اپنے عزیز جو کہ بیرون ملک ہیں ان سے رابطہ صرف اس لیۓ نہیں ہو رہا کیونکہ بل کی ادائیگی کے باوجود پی ٹی سی ایل کنکشن بند ہیں ۔

اوچ شریف باغی ٹی وی (نامہ نگار حبیب خان) پریس کلب خیر پور ڈاھا احمد پور شرقیہ کا الیکشن سال 2024مکمل تیسری بارملک شکیل احمد وارن بلا مقابلہ صدر اور ملک صفدرگھلو جنرل سیکرٹری منتخب

اس کے علاوہ سرپرست اعلی حاجی ملک خلیل احمد وارن جام احمدیار کو سینئرنائب صدر عبدالرشید خان بلوچ چئیرمین ملک یوسف وارن کو ایڈیشنل سیکرٹری نائب صدر عرفان ندیم فنانس سیکٹری ملک اللہ بخش وارن محمد اسامہ عباسی کو سیکٹری اطلاعات ملک منیر احمدنہال کو چیئرمین مجلس عاملہ محمد مجاہد سانگی کو ایڈیشنل سکیٹری ملک آصف وارن کو آفس سیکٹری ملک عزیر وارن ایڈیشنل جنرل سیکٹری لیگل ایڈوائزرملک محبوب شفیع لنگاہ احمدپورشرقیہ اور لیگل ایڈوائزر ملک منیراحمدوارن اور باقی تمام ممبرز کو اچھے عہدوں پر تعینات کردیا گیا

الیکشن کی یہ تقریب ملک خلیل احمد کے گھر میں منعقد ہوئی اور اس تقریب میں اہل علاقہ کی سیاسی و سماجی تمام شخصیتوں نے شرکت کی تقریب کا انعقاد باقاعدہ تلاوت قرآن مجید سے شروع ہوا اور بعد میں نعت رسول مقبول صلی اللہ علیہ وآلہ وسلم پڑھی گئی اور اس کے بعد تقریب کا باقاعدہ آغاز کر دیا گیا اس موقع پر موجود تمام سیاسی و سماجی شخصیات نے پریس کلب خیر پور ڈاھا کے تمام ممبران کو شاباش دی اور ان کے مثبت پالیسی کو خوب سراہا اور بعد میں تقریب کے اختتام پر تمام عہدے داروں کو مالا پہنائی گئیں ۔اور مبارکباد دی

اوچ شریف،باغی ٹی وی(نامہ نگارحبیب خان) محنتی اور قابل پولیس آفیسر سب انسپکٹر سجاد خان لغاری کو تھانہ اوچشریف میں انچارج تھانہ لگا دیا گیا ہے جنہوں نے بطور ایس ایچ او چارج سنبھال کر اپنے فرائض سر انجام دینا شروع کر دیے ہیں

کرائم فائیٹر پولیس آفیسر کی تھانہ اوچشریف میں بطور انچارج تعیناتی سے شہریوں نےاطمینان کااظہارکیا اور انہوں نے اس امیدظاہرکیاکہ سجاد خان لغاری کی اوچشریف شہر کے تھانہ میں بطور انچارج تعیناتی سے جرائم کاخاتمہ ہوگا اور وہ اپنے تجربات کی بنیاد پر نہ صرف شہر میں امن و امان کے قیام کو یقینی بنانے میں اپنا بھرپور کردار ادا کریں گے

یاد رہے کہ سجاد خان لغاری کچھ عرصہ پہلے تھانہ اوچشریف میں اپنے فرائض سر انجام دے چکے ہیں جن کی سابقہ اچھی کارکردگی پر شہریوں نے ان کی اب تھانہ دوبارہ ایس ایچ اوتعیناتی سے امیدیں وابستہ کرلی ہیں

اوچ شریف باغی ٹی وی ( نامہ نگار حبیب خان)اوچ شریف کے نواحی علاقے ہتھیجی میں یوم پاکستان منایا گیا ریلی کی قیادت راؤ محمد جاوید اقبال نے قیادت کی

23 مارچ یوم پاکستان کے حوالے سے ہتھیجی میں راؤ محمد جاوید اقبال کی قیادت میں ریلی کا انعقاد کیا گیا، ریلی کے شرکاء نے پاکستان زندہ باد کے نعرے لگائے، ریلی میں پریس کلب ہتھیجی کے صدر نصیر احمد سیٹھار, مولانا محمد احمد, انجمن تاجران کے صدر عابد ڈھول معروف سماجی شخصیت ملک فدا حسین لانگ, ماسٹر محمد قاسم وینس کے علاوہ شہریوں کی کثیر تعداد نے شرکت کی۔

ریلی سے خطاب کرتے ہوئے پریس کلب ہتھیجی کے صدر نصیر احمد سیٹھار کا کہنا تھا کہ 23 مارچ وہ تاریخی دن ہے جب برصغیر کے مسلمانوں نے ایک قرارداد کے ذریعے آزاد ملک پاکستان کا مطالبہ کیا، انکا مزید کہنا تھا کہ یوم پاکستان تحریک آزادی کا روشن باب ہے 23 مارچ 1940 کو آزاد وطن کے خواب کو عملی تعبیر دینے کی بنیاد رکھی گئی۔

ملک فدا حسن لانگ کا کہنا تھا کہ 23 مارچ کی قرارداد کے بعد برصغیر نے کے مسلمانوں نے لاکھوں قربانیوں کے بعد وطن عزیز پاکستان حاصل کیا, انجمن تاجران کے صدر عابد ڈھول کا کہنا تھا کہ برصغیر کے مسلمانوں کی قربانیوں کے بعد پاکستان حاصل کیا گیا ہمیں آزادی کی قدر کرنی چاہئے اور پاکستان کی محافظ فوج کے شانہ بشانہ کھڑے ہونا چاہئے,

ریلی کی قیادت کرتے ہوئے چوک ہتھیجی پر خطاب کرتے ہوئے راؤ محمد جاوید اقبال کا کہنا تھا کہ 23 مارچ کی قرارداد پاس ہونے کے بعد برصغیر کے مسلمانوں نے عملی طور پر پاکستان کو اپنی منزل قرار دیتے ہوئے آزاد وطن کے حصول کی باقاعدہ کوششیں تیز کی جس کے نتیجے میں پاکستان 14 اگست کو معرض وجود میں آیا,

راؤ محمد جاوید اقبال کا مذید کہنا تھا کہ پاکستان کی فوج پاکستان کے ادارے پاکستان کے محافظ ہیں ہمیں پاک فوج اور اداروں پر کسی صورت تنقید نہیں کرنی چاہئے پاک فوج اور ادارے ہیں تو وطن عزیز ہے جس ملک کی فوج مضبوط ہوتی ہے اسکے عوام سکون کی نیند سوتے ہیں.

ریلی کے اختتام پر ملک و قوم کی ترقی کے لیے خصوصی دعا کی گئی, ریلی میں محمد طارق سیٹھار, حافظ سیف الرحمن آرائیں, عمر شہزاد سیٹھار, ملک علی گھلو, ملک عثمان آرائیں, ڈاکٹر نواز نائچ, ملک نعیم نائچ, ملک طارق ڈھول, ساجد سیٹھار اور دیگر نے شرکت کی