اوچ شریف،باغی ٹی وی ( نامہ نگارحبیب خان)رمضان المبارک میں اللہ کی راہ میں خرچ کریں ، چیف آف سادات پاک وہند مخدوم سید مزمل عون بخاری نے اپنے ولی عہد چیف آف سادات مخدوم سید حسنات مزمل عون بخاری نے عوام الناس کے نام پیغام انہوں نے کہا کہ
خوش نصیب ہوگا وہ شخص جسے ایک بار پھر رمضان المبارک کی ساعتیں میسر آئیں اور انتہائی بد نصیب ہوگا وہ شخص جسے یہ ماہ رمضان المبارک ملے اور وہ اس سے فائدہ نہیں اٹھا سکے۔
رمضان المبارک سے بھر پور فائدہ اْٹھائیں انہوں نے کہا کہ حضور صلی اللہ علیہ وسلم رمضان المبارک سے قبل زیادہ روزے شعبان میں رکھا کرتے تھے۔ اس سے یہ اشارہ ملتا ہے کہ شعبان کا مہینہ جو رمضان المبارک سے بالکل متصل ہے تیاری کے لیے موزوں مہینہ ہے۔ ہم سب مل کر عہد کریں کہ اس ماہ مبارک کی خوب زیادہ سے زیادہ قدر کریں ایک فیصلہ یہ کریں کہ اس ماہ مبارک کو اپنی زندگی کا آخری رمضان المبارک سمجھ کر زندگی گزارینگے نہ معلوم آئندہ سال ہمیں یہ ماہ ملے یا نہ ملے ۔
اس مرتبہ ہم پورے ماہ میں اتنی عبادت کرینگے کہ ہماری پوری زندگی عبادت میں مشغول رہے ہمارا جسم اور دل و دماغ نیکیوں کا عادی ہو جائے اور برائی سے نفرت ہو جائے ۔انہوں نے کہا کہ اپنے ذہن کو رمضان المبارک کی تیاری کے لئے اس طرح تیار کریں کہ جس طرح سالانہ امتحان کے لیے پہلے سے تیار رہنا پڑتا ہے۔ اسی طرح اپنے آپ کو رمضان میں اتنی عبادت کریں کہ اللہ تعالیٰ سے اپنا انعام کا مستحق خود کو بنا نا ہے۔
سب سے پہلے عبادت میں پانچوں وقت کی نماز کی جماعت سے پابندی کر نی ہے اس کے بعد نفلی نماز خاص طور سے تہجد کی نماز صیح صیح قرآن کریم کی تلاوت کرنی ہے جیسے قرآن کریم کا حق ہے پڑھنے کا سحری کی افطار کی اور قیام اللیل کی اور تینوں عشرے کی دعا رمضان کی راتوں میں جب سجدے میں گر کر اور دن میں روزے کی حالت میں جب دعا مانگیں گے تو رب العالمین کتنے خوش ہونگے۔ شب قدر کو تلاش کریں شب قدر کی بہت بڑی فضیلت آئی ہے۔ رمضان المبارک میں اللہ کی راہ میں خرچ کرنا اور غریبوں کی مدد کرنا بہت بڑی فضیلت اور ثواب ہے۔ خاص طور پر پہلے اپنے رشتے داروں میں تلاش کریں پھر پڑوس پھر اپنے تعلقات میں غریب مسکین کو کھانا کھلائیں اور روزے دار کو روزہ افطار کر ائیں
مخدوم سید حسنات مزمل عون بخاری نے کہا کہ اللہ تعالی نے فرمایا ہے کہ یہ میرا مہینہ ہے اور اس مہینے کے اجر و ثواب بھی میں خود اپنے بندے کو دوں گا۔ رمضان میں کثرت سے صدقہ و خیرات کرکے ہم دوسروں کی بھوک و پیاس اور تکلیف کو کم کرسکتے ہیں۔ ویسےبھی ایک پیسہ یاایک دانہ بھی جواللہ تعالی کی راہ میں خرچ کیاجاتا ہے،اس پر دس گنا سے لےکر سات سوگناتک اجرکا وعدہ ہے
انہوں نے خاص طورپر نوجوان نسل کو تلقین کرتے ہوئے کہا کہ بری باتوں، بری عادتوں اور جھوٹ وچغلی سے بچا جا ئے ۔اور اپنی زبان نگاہ اور دل کی بھی کڑی نگرانی کریں رمضان میں غیر ضروری کاموں سے اپنے آپ کو فارغ کر لیں تاکہ رمضان المبارک میں زیادہ سے زیادہ عبادت کا وقت مل سکے۔
ہر وقت دعا کا اہتمام کریں کیونکہ کوئی بھی کام اللہ کی مدد اور توفیق کے بغیر نہیں ہو سکتا۔ لہٰذا تمام تیاریوں کے ساتھ ساتھ آئے ہم اپنے رب کریم سے دعا کریں اور کرتے رہیں کہ اللہ تعالیٰ ہمیں رمضان المبارک کی رحمتوں اور برکتوں سے زیادہ سے زیادہ مالا مال اور فیضیاب ہونے کا موقع اور توفیق دے آمین
