Category: چارسدہ

مردان ڈی ایس پی صدر سرکل گل ولی خان نے پولیو مہم کے حوالے سے مختلف بی ایچ یو سمیت تھانہ لوندخوڑ کادورہ کیا۔دورے کے موقع پرتھانہ کا ریکارڈ،صفائی انتظامات کا جائزہ لیا گیا۔ڈی ایس پی صاحب نے کہا کہ تھانے آنے والے سائلین سے دوستانہ رویہ رکھیں۔پولیوں ڈیوٹی دینے والے پولیس اہلکاروں کو ہدایات دیتے ہوئے کہا کہ دوران ڈیوٹی ہیلمٹ جیکٹ کا استعمال ہرصورت یقینی بنائیں۔ڈیوٹی کے دوران کسی قسم کی کوتاہی ناقابل برداشت ہوگی۔ ڈی ایس پی صدر سرکل نے کہا کہ ہر سیکورٹی اہلکار اپنی پولیوٹیم کو ڈیوٹی ختم ہونے تک اکیلانہیں چھوڑے گا۔ واضح رہے کہ خیبر پختونخواہ کے مختلف اضلاع میں پولیو مہم کا آغاز کیا گیا ہے جسکے لئے سخت سیکیورٹی انتظامات بھی کئے گئے ہے،

چارسدہ پولیس نے خفیہ اطلاع پر کاروائی کے دوران اسلحہ سمگل کرنے کی کوشش ناکام بنادی، 2 ملزمان گرفتار کر کے  گاڑی  کے خفیہ خانوں سے بھاری مقدار میں اسلحہ اور ایمونیشن برامد۔ ملزمان کے خلاف شبقدر میں مقدمہ درج کر کے تفتیش شروع کی گئی گرفتار ملزمان کا تعلق ضلع پشاور کے علاقہ مریم زئی متنی سے ہے، ملزمان اسلحہ پشاور سے براستہ شبقدرمانسہرہ سمگل کر رہے تھے۔ ڈی ایس پی شبقدر گلشید خان کے مطابق چارسدہ محمد عارف کو خفیہ اطلاع ملی کہ کسی بھی وقت براستہ شبقدر اسلحہ کی بھاری مقدار سمگل کی جائے گی۔

اطلاع کے پیش نظر ڈی ایس پی شبقدر گلشید خان کی سربراہی میں ایس ایچ او تھانہ شبقدر ریاض خان نے ہمراہ دیگر پولیس افسران نے کامیاب کاروائی کرتے ہوئے موٹر کار کے خفیہ خانوں سے بھاری مقدار اسلحہ اور ایمونیشن برآمد کیا۔پولیس نے 2 ملزمان بلال ولد شاہ نظر اور انار گل ولد صالح محمد ساکنان مریم زئی متنی کو گرفتار کیا۔ ملزمان اسلحہ پشاور سے براستہ شبقدر مانسہرہ سمگل کر رہے تھے، برآمد ہونے والے اسلحہ میں 6 کلاشنکوف، 7 بندوق، 4 رائفل، 1 ایم فور، 15 پستول، 56 میگزین اور مختلف نوعیت کے 14500 کارتوس مختلف بورشامل ہیں۔جبکہ ملزمان کے خلاف تھانہ شبقدر میں مقدمہ درج رجسٹرڈ کرکے تفتیش شروع کر دی گئی ہے۔

چارسدہ میں بجلی چوری کے خلاف کاروائیوں کا آج سے باقاعدہ آغاز ہو گیا ، ملک آباد اور ٹاؤن میں بجلی بقایاجات اور غیر قانونی کنکشن کے خلاف کارروائی زور وشور سے جاری ہے واپڈا حکام کے ،مطابق کارروائی کے دوران ایس ڈی او بدر , ڈپٹی کمشنر عدنان فرید، اور ایس ایچ او سٹی بھی موجود تھے
اور کارروائی ڈپٹی کمشنر کی ہدایت پر کی گئی،واپدا حکام نے کہا کہ کارروائی کے دوران غیر قانونی کنکشن اور خراب میٹرز اتارے گئے۔ واپڈا حکام کے مطابق بجلی چوری، غیر قانونی کنکشن کے خلاف یہ کارروائی مزید بھی جاری رہے گی۔

چارسدہ : تھانہ نستہ کے علاقہ ترلاندی میں خاتون کے لرزہ خیز قتل میں ملوث ملزم گرفتار کر لیا گیا، زبانی تکرار پر اپنے بیوی کو ہتھوڑے کی وار سے بے دردی سے قتل کرنے والا درندہ صفت شوہر کو گرفتار کر کے قبضہ سے آلہ قتل ہتھوڑا برامد کر لیا گیا،
پولیس کے مطابق کیجولٹی ہسپتال چارسدہ میں زخمی خاتون کی اطلاع ملی، زخمی خاتون کے بیٹے نے پولیس کو بتایا کہ آج ہم اپنے گھر میں موجود تھے کہ اس دوران والد اور والدہ کا زبانی تکرار ہوکر والدہ کو مارنا شروع کیا جن کی ڈر سے وہ کمرے میں بھاگ گئی، والد ان کے پیچھے گیا اور کمرے میں والدہ پر ہتھوڑے سے وار کئے جن سے وہ شدید زخمی ہو گئی، خاتون ہسپتال میں زخموں کی تاب نہ لاتے ہوئے جانبحق ہوئی۔ پولیس نے ملزم جاوید اقبال ولد عبد الستار ساکن ترلاندی کے خلاف اقدام قتل مقدمہ کے بعد قتل کا مقدمہ درج رجسٹرڈ کیا۔ واقعہ کا فوری نوٹس لیتے ہوئے ڈی پی او چارسدہ محمد عارف نے پولیس کو ملزم کی گرفتاری اور آلہ قتل کی برآمدگی کے احکامات جاری کئے۔جس کو گرفتار کر لیا گیا،

ملک کی دیگر حصوں کی طرح تخت بھائی مردان صوابی چارسدہ میں بھی میں بھی بجلی بلوں میں بھاری ٹیکسز اور پیٹرولیم مصنوعات میں آئے روز اضافوں کے خلاف شٹر ڈاؤن ہڑتال، تمام تجارتی مراکز مکمل طور پر بند اور ملاکنڈ روڈ پر احتجاجی مظاہرہ، روڈ ہر قسم ٹریفک کیلئے بند کردیا۔
احتجاجی مظاہرے کی قیادتِ جماعت اسلامی ضلع مردان کے امیر غلام رسول۔ پی کے 57 کے امیر نعمان یوسف۔ جنرل سیکرٹری محمد نواز طاہر۔ مرکزی انجمن تاجران تحصیل تخت بھائی کے صدر حاجی معاذ اللہ۔ جنرل سیکرٹری حاجی شیر قیوم مست خیل۔ تنظیم تاجران کے صدر حاجی طارق خان۔ جنرل سیکرٹری قاضی اقبال۔ صرافہ ایسوسی ایشن کے صدر عابد علی اور دیگر کررہے تھے۔احتجاجی مظاہرے سے مقررین نے کہا کہ موجودہ اور سابقہ ادوار کے تمام حکمرانوں کی عیاشیوں اور لوٹ کھسوٹ کی وجہ سے پاکستان عالمی دنیا میں تماشا بن کر رہ گیا ہے۔ جس کی وجہ سے غریب اور بے بس عوام اپنے بچوں سمیت خودکشیاں کرنے، اپنے گردے اور بچوں کو فروخت کرنے پر مجبور ہوگئے ہیں۔
اور کہا کہ اگر حکمرانوں نے آئی ایم ایف کے ڈیکٹیشن پر لگائے گئے ٹیکسز واپس نہیں لئے تو عوام کفن باندھ کر سڑکوں پر نکلنے اور وزیراعظم ہاؤس کا گھیراؤ کرنے پر مجبور ہوں گے۔ کیونکہ عوام میں مزید جینے کی سکت باقی نہیں رہی لیکن حکمرانوں کی عیاشیاں ختم ہونے کا نام نہیں لے رہی۔
ضلع چارسد میں بجلی اور پیٹرولیم مصنوعات کی قیمتوں میں اضافہ کے خلاف احتجاجی مظاہرہ کیا جا رہا ہے مظاہرے میں جماعت اسلامی اور تاجر تنظیموں سمیت مختلف تنظیموں کے مشران شرکت کر رہے ہے، بجلی بلز میں اضافہ کے خلاف ضلع بھر میں مکمل شٹر ڈاون ہڑتال کیا گیا مظاہرین نے فاروق اعظم چوک سے گزرنے والی تمام شاہراہوں کو ہرقسم کی ٹریفک کے لئے بند کر دیا۔ ضلعی امیر جماعت اسلامی شاہ حسین نے احتجاج کے دوران کہا کہ جماعت اسلامی حکومت کی عوام دشمن پالیسیوں کو مسترد کرتی ہے، بجلی اور پیڑولیم مصنوعات کی قیمتوں میں اضافے نے غریب کو جینے کے حق سے محروم کردیا، شاہ حسین نے مزید کہا کہ عوام فاقوں سمیت خودکشی کرنے پر مجبور ہو گئے ہیں، حکومت فوری طور پر بجلی بلز میں عوام کو ریلیف دے کر قیمتوں کو کم کرے،جماعت اسلامی کے ضلعی امیر نے مزید بتایا کہ موجودہ حکمرانوں نے ملک کو آئی ایم ایف کا غلام بنا دیا ہے، حکمران اپنی عیاشیوں کے لئے عوام پر نئے نئے ٹیکس عائد کر رہے ہیں،جسکو برداشت کرنا عوام کے بس میں نہیں ہے ،

چارسدہ رجڑ ویمن اینڈ چلڈرن ہسپتال میں ڈاکٹروں کی غفلت سے ایک دفعہ پھر بچوں کے اموات کا سلسلہ جاری ہو گیا،متاثرہ بچے کے والد کے مطابق ہسپتال میں موجود ڈاکٹروں نے بچے کو غلط انجکشن لگا بستر مرگ پہ ڈال دیا ، ایمرجنسی میں کسی بھی ڈاکٹر کے پاس تھرمامیٹر موجود نہیں جن سے بچوں کی بخار چیک کیا جا سکے، 24 گھنٹوں میں صرف ایک بار ڈاکٹر وارڈ میں وزٹ کر تے ہیں وہ بھی صرف دن کے اوقات میں باقی مریض اللہ کے سہارے پڑے رہتے ہے، مریض بچے کے والد کے مطابق 2 دن میں 3 مریض ضائع ہو گئے ، کل رات ایک خاتون ڈاکٹر کی ڈیوٹی تھی لیکن انہوں نے ایک بھی دفعہ وارڈ میں چکر لگا کر مریضوں کو دیکھنے کی زحمت نہیں کی،
مریض کے والدہ کا مزید کہنا ہے کہ میرا بیٹے کی صرف بخار تھا ویمن اینڈ چلدرن ہسپتال کے ڈاکٹروں کی انجکشن کی وجہ سے ایل آر ایچ میں اب فالج کی حالت میں پڑا ہے ،متاثرہ شخص نے یہ بھی بتایا کہ ہسپتال میں نرسنگ سٹاف کا مریضوں کے ساتھ بہت نا مناسب رویہ رکھا ہوا ہے جو سراسر غلط ہے،
کل رات چلڈرن وارڈ میں موجود ڈاکٹر کا کہنا تھا کہ میں گائینی وارڈ کی ڈاکٹر ہوں لیکن مجھے بچوں کے وارڈ میں ڈیوٹی پہ لگا دیا گیا ہے، متاثرہ بچے کے والد نے اپیل کی ہے کہ عطائی ڈاکٹروں کی جانب سے غریب عوام کی زندگیوں کے ساتھ یہ مزاق بند کیا جائے، ہسپتال کے خلاف ضلعی انتظامیہ کو اعلی سطح انکوائری کمیٹی تشکیل دیدی جائے اور سب کچھ عوام کے سامنے لائے

چارسدہ تنگی روڈ قبرستان پر غیر قانونی قبضہ کے خلاف آپریشن شروع کی گئی ہے، تنگی روڈ پر واقعہ قبرستان پر غیر قانونی تعمیرات کے خلاف ضلعی انتظامیہ نے ٹی ایم اے کہ زیر نگرانی آپریشن جاری ہے قبرستان کی زمین پر کل کیبن قائم کر دیئے تھے۔ جس پر اہل علاقہ نے احتجاج کیا تھا۔ تاہم آج اسٹنٹ کمشنر چارسدہ نے ٹی ایم اے کے ہمرا آپریشن کا آغاز کر دیا کیبن کی مسمار کرنے کا عمل جاری ہے، غیر قانونی تجاوزات کے خلاف آپریشن کے دوران اسٹنٹ کمشنر، تحصیل مئیر بھی موجود ہے،