Category: چارسدہ

چارسدہ جشن آزادی کی رات پی ٹی آئی کارکنان کی گرفتاریوں کا سلسلہ جاری ہے،پولیس لے مطابق سرڈھیری سرکل سے 43 پی ٹی آئی کارکنان گرفتار کر لئے گئے ہے،
اسکے علاوہ چارسدہ سٹی سرکل سے 25 کارکنان گرفتار کئے گئے، اس حوالے سے پی ٹی آئی قیادت نے موقف اپنایا ہے کہ کارکنان کو گاڑیوں پر پارٹی جھنڈا لگانے پر گرفتار کیا گیا، پی ٹی آئی مقامی قیادت نے الزام لگایا کہ آزادی کے دن ناجائر گرفتاری کھلی پولیس گردی ہے، 4 گھنٹے بعد گرفتار کارکنان کے خلاف ایف آئی ار درج کر لی گئی جبکہ پولیس زرائع کے مطابق گرفتار کارکنان پر دفعہ188 کے تحت مقدمات درج کئے گئے ہے،

چارسدہ: تھانہ سروکلے کی حدود میں جواں سالہ لڑکی کے پراسرار طور پر غائب ہونے کا ڈراپ سین ہو گیا

سروکلے پولیس نے جواں سالہ لڑکی کا پر اسرار طور پر غائب ہونے اور ان کے قتل کا سراغ لگا کر ملزم کو گرفتارکرلیا ہے۔ملزم مقتولہ کا شوہر نکلا۔ دوران تحقیقات ملزم نے اصل حقائق اگل دیئے، ملزم کے قبضہ سے اسلحہ بھی برآمد۔ مزید تفتیش جاری ہے

پولیس تھانہ سروکلے کو رشکئی بانڈہ سے جواں سالہ لڑکی کی غائب ہونے کے الگ الگ دو رپورٹ موصول ہوئیں، لڑکی کے بھائی کے مطابق بہن کی شادی چند دن قبل ناصر ولد یوسف شاہ ساکن رشکئی بانڈہ سے ہوئی تھی جس کے زندہ یا مردہ ہونے کا کوئی معلومات نہیں ہے جبکہ لڑکی کے شوہر ناصر کے رپورٹ کے مطابق لڑکی گھر سے نکل کر خود کہی چلی گئی ہے۔ پولیس تھانہ سروکلے نے سراج ولد مہردل ساکن ظریف کور یکہ غنڈ کی مدعیت پر اغوائیگی کا مقدمہ درج رجسٹرڈ کرکے تفتیش شروع کی۔ دوران تفتیش پولیس کو لڑکی کی نعش ملی۔

واقعات کا سختی سے نوٹس لیتے ہوئے ریجنل پولیس آفیسر مردان محمد سلیمان اور ڈسٹرکٹ پولیس آفیسر چارسدہ محمد عارف نے ڈی ایس پی شبقدر کو اصل حقائق منظر پر عام لانے اور ملزم کے گرفتاری کا ٹاسک حوالہ کیا۔ایس پی انوسٹی گیشن چارسدہ رجب علی خان کی سربراہی میں ڈی ایس پی شبقدر گل شید خان، ایس ایچ او تھانہ سروکلے شوکت خان، انوسٹی گیشن آفیسر تھانہ سروطاہر خان اور دیگر افسران پر مشتمل ٹیم نے جدید سائنسی خطوط سے استفادہ حاصل کرتے ہوئے مقتولہ کے شوہر کو شامل تفتیش کیا۔ دوران تحقیقات ملزم ناصر ولدیوسف شاہ ساکن رشکئی بانڈہ نے اپنے جرم کا اعتراف کرتے ہوئے تمام حقائق اگل دیئے۔ ملزم مقتولہ سے شادی کرنے پر خوش نہیں تھا جس کی وجہ سے ملزم نے مقتولہ کو نشہ آور گولیاں دی اور اپنے دوست خان زیب ولد حاجی اکبر ساکن ہزارخوانی پشاور کی مدد سے مقتولہ کے ہاتھ پاوں باندھ کر دریا میں پھینک دیا تھا اور مقتولہ کی موت واقع ہوئی تھی۔ ملزم سے مزید تفتیش جاری ہے۔

راہ چلتی طالبات کو ہراساں اور آوازیں کسنے والا اوباش گرفتار

خیبرپختونخوا کے سابقہ وزیر برائے قانون حاجی فضل شکور خان نے نگران وزیر اعلیٰ خیبر پختونخوا، ڈپٹی کمشنر چارسدہ اور ڈسٹرکٹ پولیس آفیسر چارسدہ کو ایک مراسلہ کے ذریعے آگاہ کیا کہ جشن آزادی کے موقع پر اپنے بزرگوں، مشران اور ورکرز کے ہمراہ ریلی کا انعقاد کر رہا ہوں۔
فضل شکور خان نے مزید کہا کہ اس پر مسرت موقع پر ریلی کے ذریعے خوشی کا اظہار ہر پاکستانی کا بنیادی اور آئینی حق ہے۔ مذکورہ ریلی سے کسی کے جان، مال کاروبار اور مواصلات کو کوئی نقصان نہیں پہنچے گا۔
فضل شکور خان نے نگران وزیر اعلیٰ، ڈپٹی کمشنر چارسدہ اور ڈی پی او چارسدہ سے ریلی منعقد کرنے کے ساتھ ساتھ فول پروف سکیورٹی مہیا کرنے کی بھی گزارش کی ہے،

چارسدہ کے تحصیل شبقدر میں مبینہ طور پر قتل ہونے والی خاتون کی بوری بند لاش برآمد ہوئی ہے۔تھانہ سرو شبقدر پولیس کے مطابق مقتولہ کے بھائی سراج نے رپورٹ درج کرتے ہوئے بتایا کہ ان کی 14 سالہ بہن سمیرا کی دو ہفتے قبل ناصر نامی جوان سے شادی ہوئی تھی، شادی کی 4 روز بعد ان کی بہن کو قتل کر دیا گیا اور ان کی لاش کو بوری میں بند کرکے دریائے کابل میں پھینک دیا گیا۔

تھانہ سرو کے ایس ایچ آصف خان نے بتایا کہ تفتیش کے دوران یہ بات سامنے آئی ہے کہ سمیرا اور ناصر نے پسند کی شادی کی تھی جس کی وجہ سے یہ واقعہ پیش آیا۔ ان کا کہنا ہے کہ واقعہ سے قبل مقتولہ کے شوہر ناصر نے تھانے میں اپنی بیوی کی گمشدگی کی رپورٹ درج کرائی تھی جس کے بعد پولیس نے لڑکی کی تلاش شروع کر دی تھی۔ایس ایچ او کے مطابق لاش ملنے کے بعد مقتولہ کے بھائی سراج نے ناصر کے خلاف قتل کا مقدمہ درج کیا ہے مگر تاحال کوئی گرفتاری عمل میں نہیں لائی گی۔

چارسدہ میں پاکستان تحریک انصاف کے چیئرمین کی گرفتاری کے خلاف مظاہر ہ کرنے والے پی ٹی آئی کے درجنوں کارکنان کی گرفتار کر لئے گئے، چارسدہ  پولیس نے پی ٹی آئی کے چالیس سے  زائد کارکنان کو گرفتار کر لیا۔پولیس  کے مطابق کارکنان عمران خان کی گرفتاری کے خلاف مظاہرہ کر رہے تھے۔پولیس نے مزید کہا کہ
مظاہرین کو سابق صوبائی وزیر قانون فضل شکور خان کے گھر کے سامنے سے گرفتار کر لیا گیا۔ پولیس کے مطابق پی ٹی آئی کارکنان کو دفعہ 144کی خلاف ورزی کرنے پر گرفتار کیا گیا ہے۔   گرفتار کارکنان مختلف پولیس سٹیشن کے حوالات میں بند ہیں،

کے پی کے چارسدہ میں ایک افسوس ناک واقع پیش ایا ہے جہاں اتمانزئئ میں نامعلوم شرپسندوں نے شہید کی قبر پر نصب پاکستانی جھنڈے اور پھولوں کی چادر کو آگ لگا دی لانس نائیک وقاص علی تیراہ میں دہشت گردوں سے مقابلے میں شہید ہوئے تھے شہید لانس نائیک وقاص علی کے والد کے مطابق رات کی تاریکی میں یہ واقعہ پیش آیا ہے والد نے کہا کہ وقاص علی شاہ 26 اپریل 2023 کو شہید ہوئے تھے شہید والد کا کہنا ہے بیٹے کا دکھ برداشت کرلیا لیکن قومی پرچم کا دکھ برداشت نہیں کر سکتا ، بیٹے کے موت پر اتنا دکھ نہیں لیکن آج جو ہوا اس پر دل کے آنسو رورہ رہا ہے،

ضلع چارسدہ تھانہ سٹی کے حدود میں زبانی تکرار پر بھائی کی فائرنگ کے نتیجے میں چھوٹا بھائی جاں بحق ہو گیا، چارسدہ سٹی کے حدود میں زبانی تکرار پر بڑے بھائی نے فائرنگ کرکے چھوٹے بھائی حنیف ولد عثمان کو قتل کردیا۔فائرنگ کے بعد ملزم جائے وقوعہ سے فرار ہونے میں کامیاب ہوا۔تھانہ سٹی پولیس نے مقدمہ درج کرکے مزید تفتیش شروع کردی ہے۔
یاد رہے کہ گذشتہ دو ماہ سے چارسدہ میں امن وامان کی صورتحال انتہائی خراب صورت اختیار کرچکی ہے اور ایک ہفتے کے دوران چارسدہ میں 9 افراد مختلف واقعات میں فائرنگ جاں بحق ہو گئے۔چارسدہ کے سیاسی اور سماجی حلقو نے چارسدہ میں امن وامان کی بگڑتی صورتحال پر تشویش کا اظہار کیا ہے اور پولیس کو اپنی کارکردگی بہتر بنانے کا مطالبہ کیا ہے،