Category: ڈیرہ غازی خان

ڈیرہ غازی خان (سٹی رپورٹر جواد اکبر)وزیر اعلیٰ پنجاب مریم نواز کے ویژن "ستھرا پنجاب” کے تحت ڈیرہ غازی خان میں صفائی ستھرائی کے جامع اور مؤثر اقدامات تیزی سے جاری ہیں۔ شہر، دیہات، گلیوں، محلوں اور قبرستانوں میں خصوصی صفائی آپریشن روزانہ کی بنیاد پر کیا جا رہا ہے۔

ڈپٹی کمشنر عثمان خالد کی سخت ہدایات اور مانیٹرنگ کے تحت ڈائیوو ویسٹ مینجمنٹ کی ٹیم شہر بھر سے کچرا جمع کر کے مختص ڈمپ سائیٹ پر ماحول دوست طریقے سے "فرینڈلی انوائرمنٹ ڈسپوزل” کے اصولوں کے مطابق ٹھکانے لگا رہی ہے۔

ڈائیوو ویسٹ مینجمنٹ کے افسران بالا نے کہا کہ "ستھرا پنجاب” کا بنیادی مقصد شہریوں کو صاف، صحت مند اور پائیدار ماحول فراہم کرنا ہے، اور اس مقصد کے لیے تمام متعلقہ ادارے مربوط انداز میں کام کر رہے ہیں۔ ان کا کہنا تھا کہ صفائی کے اس نئے نظام نے نہ صرف شہر کے ماحول کو بہتر بنایا بلکہ عوامی سہولت میں بھی اضافہ کیا ہے۔

ضلع انتظامیہ نے شہریوں پر زور دیا ہے کہ وہ گرین پنجاب کی کامیابی کے لیے اپنی ذمہ داری ادا کریں اور شہر کو صاف رکھنے میں بھرپور کردار ادا کریں۔

ڈیرہ غازی خان (باغی ٹی وی،سٹی رپورٹر جواداکبر) کمشنر ڈیرہ غازی خان ڈویژن اشفاق احمد چوہدری نے گورنمنٹ کمپری ہینسو سکول کا تفصیلی دورہ کیا جہاں انہوں نے تدریسی سرگرمیوں، اساتذہ کی کارکردگی، طلبہ کی حاضری اور سکول میں دستیاب سہولیات کا بغور جائزہ لیا۔

کمشنر نے مختلف کلاس رومز کا معائنہ کیا، طلبہ سے براہِ راست گفتگو کی اور ان کی تعلیمی دلچسپی اور کارکردگی کے بارے میں استفسار کیا۔ انہوں نے طلبہ کو محنت، نظم و ضبط اور اعلیٰ تعلیم کے لیے بھرپور توجہ اور لگن سے کام کرنے کی ہدایت کی۔

اس موقع پر انہوں نے سکول کے کھیل کے میدان کا بھی دورہ کیا اور طلبہ کے لیے صحت مند جسمانی سرگرمیوں اور کھیلوں کی سہولیات کی اہمیت پر زور دیا۔ کمشنر کا کہنا تھا کہ نصابی سرگرمیوں کے ساتھ ساتھ کھیلوں کا فروغ طلبہ کی متوازن ذہنی و جسمانی نشوونما کے لیے ناگزیر ہے۔

پرنسپل، اساتذہ اور متعلقہ حکام نے کمشنر کو تعلیمی ماحول، درپیش مسائل اور ضروری ترقیاتی امور سے آگاہ کیا۔ کمشنر اشفاق احمد چوہدری نے تمام مسائل کے بروقت حل کی یقین دہانی کراتے ہوئے کہا کہ تعلیمی معیار کی بہتری کے لیے ہر ممکن تعاون فراہم کیا جائے گا۔

انہوں نے کہا کہ حکومت پنجاب وزیراعلیٰ پنجاب مریم نواز شریف کے ویژن کے مطابق سرکاری تعلیمی اداروں میں سہولیات کی بہتری اور تعلیم کے فروغ کے لیے سنجیدہ اور عملی اقدامات کر رہی ہے۔

ڈیرہ غازی خان (باغی ٹی وی،جواد اکبر سٹی رپورٹر) وزیرِ اعلیٰ پنجاب مریم نواز کے ویژن “ستھرا پنجاب” کے تحت صوبے بھر میں صفائی و ستھرائی کے انقلابی اقدامات ڈیرہ غازی خان میں بھرپور انداز میں جاری ہیں۔ شہر ہو یا گلی محلہ ہر جگہ منظم، یکساں اور مؤثر صفائی کے وہ انتظامات قائم کر دیے گئے ہیں جو ماضی میں کبھی دیکھنے میں نہیں آئے۔

ڈپٹی کمشنر ڈیرہ غازی خان عثمان خالد کی خصوصی مانیٹرنگ اور واضح ہدایات کے مطابق ڈائیوو ویسٹ مینجمنٹ کی ٹیمیں یوسی لیول پر روزانہ کی بنیاد پر صفائی سرانجام دے رہی ہیں۔ ایسے علاقے بھی صفائی کے دائرے میں لائے جا چکے ہیں جہاں برسوں سے کوڑا اٹھانے کا کوئی نظام موجود نہیں تھا۔

شہری علاقوں میں گھروں سے ڈیلی کچرا کلیکشن کا نظام فعال ہو گیا ہے، جبکہ قبرستانوں کی صفائی ہفتے میں دو بار اور مساجد کے باہر خصوصی صفائی مستقل بنیادوں پر جاری ہے۔

ڈائیوو ویسٹ مینجمنٹ کی مینجمنٹ خود فیلڈ میں موجود رہ کر تمام سرگرمیوں کی براہِ راست نگرانی کر رہی ہے تاکہ وزیر اعلیٰ پنجاب کے وژن کے مطابق شہریوں کو صاف، صحت مند اور خوشگوار ماحول فراہم کیا جا سکے۔

ڈیرہ غازی خان (باغی ٹی وی،سٹی رپورٹر) وزیر اعلیٰ پنجاب مریم نواز کے ویژن "ستھرا پنجاب” اور ڈپٹی کمشنر ڈیرہ غازی خان کی واضح ہدایات کے مطابق ڈائیوو ویسٹ مینجمنٹ نے صفائی کے نظام میں غفلت برداشت نہ کرتے ہوئے سخت انضباطی کارروائی کی ہے۔ اس کارروائی میں ایک سپروائزر کو نوکری سے برخاست اور دو ملازمین کو شوکاز نوٹس جاری کیے گئے۔

ڈی جی ایم او حبیب اللہ اور ریجنل منیجر طلحہ علیم کی سربراہی میں یہ کارروائی اس وقت عمل میں آئی جب انہوں نے علاقے کا وزٹ کیا اور عملے کی صفائی کے امور میں کوتاہی دیکھی۔ اس موقع پر واضح کیا گیا کہ "ستھرا پنجاب” میں کام نہ کرنے والوں کے لیے کوئی گنجائش نہیں۔

ڈائیوو ویسٹ مینجمنٹ کے مطابق صفائی اور ستھرائی کے معیار میں بہتری حکومت پنجاب کی اولین ترجیح ہے اور کسی قسم کی لاپرواہی برداشت نہیں کی جائے گی۔ ادارہ شہریوں کو بہترین خدمات فراہم کرنے کے لیے دن رات کوشاں ہے۔

ڈیرہ غازی خان (باغی ٹی وی،نیوز رپورٹرشاہدخان)میڈیکل کالج ڈیرہ غازی خان میں ڈیپارٹمنٹ آف میڈیکل ایجوکیشن کی زیر نگرانی فیکلٹی ممبرز اور کنسلٹنٹس کے لیے پہلی تین روزہ سپروائزری ورکشاپ اختتام پذیر ہوگئی۔ ورکشاپ کا انعقاد پرنسپل پروفیسر ڈاکٹر بلال سعید کی درخواست پر کالج آف سرجنز پاکستان (CPSP) کے تعاون سے کیا گیا۔

ورکشاپ میں 30 سے زائد ڈاکٹرز نے شرکت کی۔ ورکشاپ کے انعقاد سے مقامی فیکلٹی کو اب سپروائزری ٹریننگ کے لیے ملتان نہیں جانا پڑے گا، جو خطے میں طبی تعلیمی خدمات کے لیے ایک بڑی سہولت اور اہم پیش رفت قرار دی جا رہی ہے۔

اس موقع پر آرگنائزر پروفیسر ڈاکٹر بلال سعید نے صدر سی پی ایس پی پروفیسر ڈاکٹر خالد مسعود گوندل کا خصوصی شکریہ ادا کیا، جن کی بدولت یہ ورکشاپ پہلی مرتبہ ڈیرہ غازی خان میں ممکن ہوسکی۔شرکاء نے ورکشاپ کو ایک مؤثر، سودمند اور فیکلٹی کی صلاحیتوں میں اضافے کا اہم ذریعہ قرار دیا۔

ورکشاپ کے انعقاد میں ڈاکٹر زینب، ڈاکٹر شمسہ کنول اور ڈاکٹر محمد ہارون بلال نے اہم کردار ادا کیا۔
ورکشاپ کے پہلے دن پرنسپل نشتر میری یونیورسٹی ڈاکٹر راشد اور ڈائریکٹر سی پی ایس پی ملتان پروفیسر ڈاکٹر غلام مصطفی نے بھی خصوصی شرکت کی۔

ڈیرہ غازی خان (باغی ٹی وی،سٹی رپورٹرجواداکبر)ایڈیشنل ڈپٹی کمشنر سید عثمان منیر بخاری نے ڈیرہ غازی خان کے مختلف تعلیمی اداروں کا دورہ کیا اور طلبہ کی نصابی و ہم نصابی سرگرمیوں کا جائزہ لیا۔

انہوں نے سب سے پہلے سنٹر آف ایکسیلنس بوائز میں سپورٹس ڈے کی سرگرمیوں کا معائنہ کیا، جہاں انہوں نے طلبہ کے ساتھ مختلف کھیلوں میں بھی حصہ لیا۔ اس موقع پر وائس پرنسپل عباس مہدی نے سپورٹس ڈے سے متعلق بریفنگ دی۔

ایڈیشنل ڈپٹی کمشنر نے کہا کہ کھیل نہ صرف جسمانی فٹنس بلکہ ذہنی صلاحیتوں کو بہتر بنانے میں اہم کردار ادا کرتے ہیں۔ انہوں نے زور دیا کہ طلبہ کی جسمانی و ذہنی نشوونما کے لیے سپورٹس سرگرمیاں ناگزیر ہیں اور انہیں تعلیمی اداروں میں باقاعدگی سے جاری رہنا چاہیے۔

بعد ازاں انہوں نے بوائز ہائی سکول نمبر 1 کا دورہ کیا، کلاسز کا معائنہ کیا اور طلبہ سے نصابی سوالات بھی پوچھے۔ انہوں نے اساتذہ کو ہدایت کی کہ بچوں کی تعلیم و تربیت پر خصوصی توجہ دی جائے، کیونکہ نوجوان نسل ہی پاکستان کا روشن مستقبل ہے۔ انہوں نے مزید کہا کہ طلبہ میں حب الوطنی اور کردار سازی کو فروغ دینا وقت کی اہم ضرورت ہے۔

ایڈیشنل ڈپٹی کمشنر کے دورے کو اساتذہ اور طلبہ نے سراہا اور سپورٹس سرگرمیوں کی حوصلہ افزائی پر ان کا شکریہ ادا کیا۔

ڈیرہ غازی خان ( سٹی رپورٹر،جواد اکبر)ڈپٹی کمشنر ڈیرہ غازی خان محمد عثمان خالد نے معمول کے مطابق اپنے دفتر میں اوپن ڈور پالیسی کے تحت کھلی کچہری لگائی، جہاں شہریوں اور سائلین نے بڑی تعداد میں شرکت کی۔ ڈپٹی کمشنر نے شہریوں کی تحریری اور زبانی درخواستیں سن کر متعدد مسائل کے حل کے لیے فوری احکامات جاری کیے۔

ڈپٹی کمشنر محمد عثمان خالد کا کہنا تھا کہ وزیراعلیٰ پنجاب مریم نواز شریف کے ویژن کے مطابق تمام سرکاری دفاتر میں شہریوں کو آسان رسائی فراہم کی جا رہی ہے، تاکہ وہ اپنی شکایات بلا رکاوٹ درج کرا سکیں اور ان کی بروقت داد رسی ممکن ہو سکے۔

انہوں نے بتایا کہ ڈپٹی کمشنر آفس میں روزانہ کی بنیاد پر سائلین سے ملاقات کی جا رہی ہے، جس سے شہریوں کے مسائل کے تیز رفتار حل میں مدد مل رہی ہے۔

کھلی کچہری میں آنے والے شہریوں نے ڈپٹی کمشنر کے اقدامات کو سراہا اور عوامی مسائل کے حل کے لیے جاری کاوشوں پر اطمینان کا اظہار کیا۔