Category: ڈیرہ غازی خان

ڈیرہ غازیخان باغی ٹی وی( نیوز رپورٹرشاہد خان ) ڈیرہ غازیخان میں سالانہ ڈویلپمنٹ پروگرام2024-25 کی نئی ترقیاتی سکیموں بارے اجلاس ڈپٹی کمشنر مہر شاہد زمان لک کی زیرصدارت منعقد ہوا۔نئی ترقیاتی سکیموں کیلئے تمام محکموں کو جلد ورکنگ مکمل کرنے کا حکم،بڑی سڑکوں کی تعمیر کیلئے آبادی،ٹریفک فلو کو مدنظر رکھا جائے گا۔نئی سکیموں کیساتھ آن گوئنگ سکیموں کیلئے بھی فنڈز کی دستیابی کو یقینی بنایا جائیگا۔

ڈیرہ غازیخان شہر کا سب سے بڑا سیوریج ایشو حل ہوگا۔آبادی کو مدنظر رکھتے ہوئے مفاد عامہ کا خصوصی خیال رکھا جائے گا۔حکومتی فنڈز کے درست مصرف کیلئے افسران کو سائٹس کا معائنہ کرنے کی ہدایات بھی دی گئی ہیں۔اجلاس میں ہائی وے، بلڈنگز،پی ایچ ای،کے ایس ڈی اے،پی ایچ اے،انہار،سپورٹس،سکولز و ہائر ایجوکیشن کی سکیموں کا جائزہ لیا گیا۔

ڈپٹی کمشنر مہر شاہد زمان لک نے اجلاس سے خطاب کرتے ہوئے کہا کہ نئی ترقیاتی سکیموں کیلئے آن گراؤنڈ پلاننگ کی جائے،ادارہ سربراہان محنت کریں،آن گوئنگ سکیموں کے جاری کاموں میں کوالٹی کو یقینی بنایا جائے، ڈپٹی کمشنر نے کہا سکولوں کی سکیموں کی سخت جانچ پڑتال کی جائے،بنیادی ہیلتھ یونٹس میں پبلک ڈیٹا کو ضرور ملحوظ خاطر رکھا جائے،

ڈیرہ غازیخان کے باسیوں کا معیارِ زندگی بہتر بنانے کیلئے کام جاری رکھا جائے،سیلاب سے بچاؤ کیلئے انہار سکیموں پر زیادہ کام کرنیکی ضرورت ہے،مہر شاہد زمان لک نے کہا کہ سپورٹس کی سکیموں میں نوجوانوں کی شمولیت کو یقینی بنایا جائے،واٹر فلٹریشن سکیموں کیلئے فنڈز ضائع نہیں کرنے دونگا،یونین کونسلوں میں صفائی و ستھرائی کیلئے منظم حکمتِ عملی بنائی جائے،سیکٹر وائز نئی سکیموں کیلئے بار بار اجلاس بلائے جائینگے۔

اجلاس میں پولیٹیکل اسسٹنٹ محمداسد چانڈیہ،ڈپٹی ڈائریکٹر ڈویلپمنٹ امیر مسلم،ڈی جی پی ایچ اے قدسیہ ناز،ڈاکٹر ادریس لغاری،عبدالرحمن،ڈی ایس پی امتیاز چنگوانی،ایکسیئن محمد شفیق،رانا منور اقبال،انجینئر احمد کمال،زرینہ بی بی،ڈاکٹرغلام نظام الدین اوردیگر افسران موجود تھے۔

ڈیرہ غازیخان ،باغی ٹی وی( نیوز رپورٹر شاہد خان )ڈپٹی کمشنر ڈیرہ غازیخان مہر شاہد زمان لک کی زیرصدارت ڈیویلپمنٹ منصوبوں بارے اجلاس کمیٹی روم میں منعقد ہوا۔

اجلاس میں اے ڈی سی غلام مصطفی،ڈپٹی ڈائریکٹر ڈویلپمنٹ امیرمسلم،سی ای او عبدالرحمن،ایکسیئن محمد شفیق،ڈی ایس پی امتیاز چنگوانی،زرینہ بی بی،شہزاد نذیر،فخر حبیب،طاہر نقاش ودیگر افسران موجود تھے۔

اجلاس میں ہائی وے،بلڈنگز،پی ایچ ای،آئی ڈیپ،کے ایس ڈی اے،پی ایچ اے،انہار،سپورٹس،ہائر ایجوکیشن کی سکیموں کا جائزہ لیا گیا ڈپٹی کمشنر مہر شاہد زمان لک نے خطاب کرتے ہوئے کہا کہ ترقیاتی منصوبوں میں کوالٹی ورک کو یقینی بنایا جائے،ترقیاتی کاموں کی بروقت تکمیل کیلئے کنٹریکٹرز اور لیبر کو متحرک کیا جائے،بہتر پبلک سروس ڈیلیوری سے لوگوں کو ضرور ریلیف دلایا جائے،

مہر شاہد زمان لک نے کہا کہ ڈیرہ غازیخان میں لوگوں کا معیارِ زندگی بہتر بنانے کیلئے کام جاری رکھا جائے،ترقیاتی کاموں میں تعمیراتی معیار پر کوئی سمجھوتہ نہ کیا جائے۔

ڈیرہ غازی خان، باغی ٹی وی( نیوز رپورٹر شاہد خان)پنجاب فوڈ اتھارٹی کی اشیائے خوردنی میں ملاوٹ کرنے والوں کیخلاف کارروائیاں
ڈائریکٹر جنرل پنجاب فوڈ اتھارٹی کی خصوصی ہدایت پر ملاوٹی خوراک بیچنے والوں کیخلاف مسلسل کارروائیاں جاری ہیں۔

تفصیلات کے مطابق فوڈ سیفٹی ٹیم نے تونسہ بائی پاس ڈی جی خان میں سکول کنٹین کو آئل تبدیلی ریکارڈ نہ ہونے،پروڈکشن ایریا میں گندگی پائے جانے پر بھاری جرمانہ عائد کردیا گیا۔

اسی طرح 5 مرلہ سکیم،ریلوے روڈ کوٹ ادو مظفرگڑھ میں 2 ملک شاپس کو پانی ملا دودھ فروخت کرنے،ورکرز کے میڈیکلز سرٹیفکیٹس نہ ہونے پر 21 ہزارروپے کے جرمانے عائد کر دیے گئے۔

اس کے علاوہ صدر بازار پرانا پوسٹ آفس کوٹ مٹھن میں کریانہ سٹور کو ناقابلِ سراغ مصالحے فروخت کرنے جبکہ دبئی کالونی عاقل پور روڈ پر واقع گرائنڈگ یونٹ کو تیار اشیاء پر لیبلنگ نہ کرنے پر یکساں 10 ہزارروپے کے جرمانے عائد کیے گئے۔

اس موقع پر ڈی جی پنجاب فوڈ اتھارٹی محمد عاصم جاوید کا کہنا تھا کہ پنجاب بھر میں کارروائیاں جاری ہیں۔

ڈیرہ غازیخان ،باغی ٹی وی( نیوز رپورٹر شاہد خان ) سیوریج سسٹم تباہ،گندہ پانی سڑکوں اور گلیوں میں ٹھاٹھیں مارنے لگا
بلخ سرور سٹی،میڈیسن مارکیٹ،فرید آباد،مہتر کالونی،پیر قتال موڑ سمیت شہر کے بیشتر علاقوں میں سیوریج کے گندے بدبو دار پانی کا راج،تمام علاقے تعفن میں ڈوب گئے، میڈیسن مارکیٹ کے تاجروں کا احتجاج، علاقہ مکین نقل مکانی پر مجبور،

کارپوریشن افسران اور عملہ بے حس،اہل علاقہ کو کئی خطرناک اور جان لیوا بیماریوں نے گھیر لیا،بار ہا شکایات درج کرانے کے باوجود بھی کارپوریشن کا عملہ ٹس سے مس نہ ہوا،بلخ سرور سٹی،میڈیسن مارکیٹ،فرید آباد،مہتر کالونی،پیر قتال موڑ سمیت شہر کے بیشتر علاقوں کے مکینوں امجد امین،الٰہی بخش،محمد سہیل،شیخ شہزاد،مبین احمد،سلیم،نعیم لطیف،اختر،ظہیر،نوازو دیگر نے شدید احتجاج کرتے ہو ئے بتایا کہ سیوریج کی بندش کی وجہ سے کاروبارٹھپ ہو کر رہ گئے ہیں،

چوک اور گلیاں جھیل کے مناظر پیش کر رہی ہیں گندے پانی کی وجہ سے مکینوں کی قیمتی سکنی و کمرشل املاک کو شدید نقصان پہنچ رہا ہے، گلیوں اور گھروں میں سیوریج کے پانی کی موجودگی سے جہاں آمدورفت میں شدید دشواری کا سامنا کرنا پڑتا ہے وہاں سکول جانے والے طلبا و طالبات بھی مشکلات کا شکار ہیں مکینوں کے مطابق گلیوں میں سیوریج کا گندہ پانی بھر جانے سے بازار اور دکانوں سے اشیاء خوردونوش کی خریداری کیلئے بھی مشکلات در پیش ہیں

کارپوریشن کے افسران کی دانستہ مجرمانہ غفلت کے باعث شہر غلاظت اور گندگی کی تصویر بن چکا ہے اور سیوریج کے پانی میں ڈوبا ہوا ہے علاقہ مکینوں نے مزید بتایا کہ سیوریج کے گندے پانی پر پیدا ہونے والے زہریلے مچھر خطرناک بیماریوں کا باعث بن رہے ہیں جبکہ صفائی ستھرائی نہ ہونے سے تعفن کے باعث سانس لینے میں بھی دشواری پیدا ہو چکی ہے

میٹروپولیٹن کارپوریشن کے عملہ کو بارہا شکایات درج کرائی گئیں لیکن کوئی شنوائی نہیں ہو ئی، علاقہ مکینوں نے کمشنر ڈیرہ وایڈمنسٹریٹر کارپوریشن ڈاکٹر ناصر محمود بشیر،سی او مسرت عباس سے مطالبہ کیا ہے کہ بلخ سرور سٹی،میڈیسن مارکیٹ،فرید آباد،مہتر کالونی،پیر قتال موڑ سمیت شہر کے بیشتر علاقوں میں سیوریج سسٹم فوری بحال کیا جائے۔

ڈیرہ غازیخان(باغی ٹی وی ) انسداد پولیو کی قومی مہم26فروری تا یکم مارچ تک جاری رہیگی
حکومت پنجاب کے احکامات کے مطابق ڈیرہ غازیخان انتظامیہ انسداد پولیو کیلئے الرٹ ہے۔ڈسٹرکٹ ڈیرہ غازی خان میں پونے آٹھ لاکھ بچوں کو پولیو کے حفاظتی قطرے پلائےجائیں گے۔

انسداد پولیو مہم بارے اجلاس ڈپٹی کمشنر مہر شاہد زمان لک کی زیرصدارت کمیٹی روم میں منعقد ہوا۔اجلاس میں ایڈیشنل ڈپٹی کمشنر غلام مصطفیٰ،سی ای اوہیلتھ ڈاکٹر ادریس لغاری،ڈی ایچ او ڈاکٹر علی ہاشم،ڈی ایس وی عطاء اللہ ساجد،ڈبلیو ایچ او،یونیسیف کے نمائندوں سمیت متعلقہ افسران شریک تھے۔

ڈپٹی کمشنر مہر شاہد زمان لک نے خطاب کرتے ہوئے کہا کہ ضلع سے پولیو خاتمے کیلئے بھرپور جدوجہد کی جائے،مہم کو سنجیدہ لیا،کمی کوتاہیوں کو دور کیا جائے،مطلوبہ رزلٹ کا حصول لازمی ہے،کسی قسم کی کوتاہی برداشت نہیں کروں گا،مہر شاہد زمان لک نے کہا کہ موقع پر کام کی چیکنگ ہوگی، میں خود بھی فیلڈ وزٹس کروں گا،مائیکرو پلان کے تحت پولیو ورکرز کو ایکٹیو کیا اورغلطیوں کا اعادہ نہ کیا جائے،

مہم میں کوتاہیاں سامنے آئیں تو ذمہ داروں کو سخت تادیبی کارروائیوں کا سامنا کرنا پڑے گا،الائیڈ محکمے انسداد پولیو مہم کی آگاہی کا عمل جاری رکھیں۔