Baaghi TV

Category: ڈیرہ غازی خان

  • تین ملکی گرین ڈرائیو 2022 ایکو ٹورازم انٹرنیشنل موٹربائیک کمپین کا آغاز ہوگیا

    تین ملکی گرین ڈرائیو 2022 ایکو ٹورازم انٹرنیشنل موٹربائیک کمپین کا آغاز ہوگیا

    ڈیرہ غازی خان۔ گرین ڈرائیو 2022 ایکو ٹورازم انٹرنیشنل موٹربائیک کمپین میں پاکستان سے ایران، ترکی اور آذربائجان تک بائیک رائیڈ ہوگی۔
    باغی ٹی وی رپورٹ۔پا کستان کے انٹرنیشنل بائیکر مکرم خان ترین دنیا کے دیگر ممالک میں پاکستان کی طرف سے شجرکاری اور امن کا پیغام لے کر بائیک رائیڈ کا آغازکیا ،مکرم ترین پاکستان کے میدانِ سیاحت میں ایک فعال اور سرکردہ شخصیت کا نام ہے موٹر بائیک ٹورازم کو بام عروج تک پہنچایا۔ مکرم ترین پاکستان کے معروف موٹر بائیک کلب "کراس روٹ موٹر سائیکل ٹریولرز کلب آف پاکستان” کے بانی و چیئرمین ہیں۔شجرکاری کے سلسلہ میں بھی مکرم ترین نے لوکل، صوبائی اور ملکی سطح پر متعدد موٹر بائیک رائیڈز کیں اور اب گرین ڈرائیو کے عنوان سے بین الاقوامی شجرکاری مہم پر روانہ ہو رہے ہیں جس کیلئے لاہور سے بائیک رائیڈ کا آغازکر چکے ہیں ، اور ہمسایہ مسلم ممالک ایران، ترکی اور آذربائجان کے سیاحتی دورہ کے ساتھ ساتھ شجرکاری اور ایکوٹورازم کے پیغام کو فروغ دیں گے۔مکرم ترین کی جنوبی پنجاب آمد پر وسیب ایکسپلورر کی جانب سے ڈاکٹر سید مزمل حسین نے ملتان تا فورٹ منرو بائیک رائیڈ کا اعلان کیا جس میں ملتان، میاں چنوں، جامپور، رحیم یار خان اور ڈیرہ غازی خان سے سیاحوں کی کثیر تعداد نے شرکت کی۔ جنوبی پنجاب کے بائیکر ٹورسٹس مکرم ترین کے ہمراہ ڈیرہ غازی خان پہنچے جہاں مقامی سیاح برادری بشمول پروفیسر شعیب رضا، ہمایوں ظفر جسکانی، حاجی عبداللہ ، محمد اسلم بھائی،سعید خان، اسد کھوسہ، عمر خان لغاری، طاہر شاہ، و دیگر نے ان کا بھرپور استقبال کیا۔ اور پھولوں کے ہار پہنائے گئے، جس کے بعد انہیں ریسکیو 1122 ڈیرہ غازی خان کے مرکزی سنٹر پر لے جایا گیا، جہاں عالمگیرخان ، ذیشان خالد اور کاشف ممتاز بخاری نے ان کا استقبال کیا، ریسکیو کی تربیت بارے آگاہی دی، انہیں کنٹرول روم کا دورہ کرایا گیا انہوں نے ریسکیو کے لان میں بسلسلہ شجر کاری سایہ دار پودا لگایا۔ اس کے بعد ڈیرہ غازی خان کے مایہ ناز تاریخ دان عمران بھٹی مرحوم کے گھر تشریف لے گئے،جہاں ان کے بھائیوں سے ملاقات کی، عمران بھٹی کی سیاحت کے حوالے سے خدمات کو سراہا اور ایصال ثواب کے لیے فاتحہ پڑھی، اس کے بعد مکرم خان نے عمران بھٹی مرحوم کی خدمات انکے بڑے بھائی کو لائف ٹائم اچیومنٹ ایوارڈ پیش کیا۔ مکرم ترین کو سخی سرور میں الطاف شیخ اور دیگر سیاحوںنے خوش آمدید کہا بعدازاں ملتان ، ڈیرہ غازی خان ، رحیم یار خان و دیگر علاقوں کے سیاح حضرات کے ساتھ فورٹ منرو گئے جہاں انہیں جبیب اللہ بلوچ،اسدا للہ ،محمد طارق اور دیگر نے ویلکم کیا یہ ٹور ڈھائی ماہ کے عرصے پر محیط ہوگا جس میں وہ تین ممالک میں بائیک رائیڈ کریں گے۔ یہ پاکستان کی تاریخ میں ایک نیا ریکارڈ قائم ہونے جا رہا ہے کہ کسی پاکستانی بائیکر نے شجر کاری اور امن کے پیغام کو لے کر دنیا کے دیگر ممالک میں بائیک رائیڈ کی ہو۔

  • ڈی جی خان آرٹ کونسل 4 سال سے فنکاروں کیلئے کوئی فلاحی کام نہ کیا.عرفان بزدار

    ڈی جی خان آرٹ کونسل 4 سال سے فنکاروں کیلئے کوئی فلاحی کام نہ کیا.عرفان بزدار

    ڈیرہ غازی خان – ڈی جی خان آرٹ کونسل 4 سال سے فنکاروں کیلئے کوئی فلاحی کام نہ کیا.عرفان بزدار
    باغی ٹی وی رپورٹ. ڈی جی خان آرٹس کونسل میں فنکاروں شوبز سے وابستہ افراد کے کے لیے چار سال سے کوئی فلاحی کام نہیں کیا جارہا نہ ہی فنکاروں شاعروں ادیبوں کی رجسٹریشن کا عمل مکمل کیا جارہا ہے دوسری طرف غیر قانونی طور پر خالی آسامیوں پر بھرتی جاری ہے یاد رہے یہ بھرتیاں بغیر اخبار اشتہار کے جاری ہیں جسکا آج تک کوئی کسی اخبار میں اشتہار جاری نہیں کیا گیا اپنے عزیز واقارب کو بھاری کم رقم لے کر بھرتی کیا جارہا ہے جس پر کہکشاں پروفارمنگ آرٹس فلم پروڈکشن و ایڈورٹائزنگ ایجنسی کے صدر عرفان خان بزدار نے اعلی حکام سے غیر قانونی بھرتیوں اور شوبز سے وابستہ افراد کے ساتھ ناروا سلوک رکھنے پرآرٹ کونسل میں ڈراموں کی اجازت نہ دینے ڈائریکٹر آرٹس کونسل سیلم قیصر کے خلاف قانونی کارروائی اور چار سال کے آڈٹ کا مطالبہ کرتے ہیں جب باقی شہر میں ہر آرٹس کونسل اپنے طور پر ڈرامے کررہی ہے کہ یہاں پر اپنے من پسند شاعروں اور اپنے خاص سنگروں جن کا زیادہ تر تعلق ملتان سے ہے کو صرف اجازت دی جاتی ہے ڈویژن کے کسی قسم کے دوسرے لوگوں کو اجازت نہیں دی جاتی آرٹ کونسل کے ساتھ عرصہ تیس سال سے زیادہ خدمات سر انجام دینے والے لوگوں کے لیے کونسل کے دروازے بندکئیے ہوۓ ہے ہم کمشنر ڈپٹی کمشنر سیکرٹری انفارمیشن اور وزیر ثقافت سے مطالبہ کرتے ہیں کہ ڈی جی خان آرٹس کونسل میں غیر قانونی بھرتیوں اور فنکاروں کےساتھ ناروا سلوک اور ایک سال سے زیادہ ہونے کو ہے ہماری ٹیم کو ڈرامہ کرنے کی اجازت نہیں دی جارہی، اب دو ماہ سے ایوارڈ تقریب کے لیے اجازت طلب کی کہ ایوارڈ تقریب کرانی ہے کس تاریخ کی درخواست دیں ڈپٹی ڈائریکٹر نعیم اللہ طیفل جواب دیتے ہیں نہیں وہ نہیں ہوسکتا کہ آپ نے پنجاب ٹیلنٹ ہنٹ میں ہمارے خلاف احتجاج کیا اگر ہم سے غلطی ہوگئی کسی جج سے غلطی ہوگئی تو آپ خاموش ہوکر مان جاتے ہماری بہت بدنامی ہوئی اس لیے آپ کو کونسل میں کسی پروگرام کی اجازت نہیں دے سکتے جب کہ عرفان خان بزدار ڈائریکٹر پروڈیوسر کا کہنا ہے کہ اسیٹج ڈرامہ کے لیے ڈائریکٹر آرٹس کونسل سیلم قیصر نے تین دفعہ سکرپٹ لیا آج تک ڈرامے کی اجازت نہیں دی اب ایوارڈ تقریب کے سلسلے میں ڈائریکٹر ڈپٹی ڈائریکٹر کو درخواست دینے کا کہتا ہے ڈپٹی کے پاس جانے پر وہ ڈائریکٹر کو ملنے کا کہتا ہے آخرکار انکار کردیا کہ ہم آپ کے اس پروگرام کی اجازت نہیں دے سکتے یاد رہے ابھی تک پنجاب ٹیلنٹ ہنٹ کے سرٹیفکیٹ بھی کسی کو نہیں دیئے گئے وہ ویسے کے ویسے پڑے ہیں جس پر کافی رقم خرچ کی گئی تھی

  • عثمان بزدار کی ہمدرد بیوروکریسی ، کرپشن کیس ٹھنڈے کردیئے گئے

    عثمان بزدار کی ہمدرد بیوروکریسی ، کرپشن کیس ٹھنڈے کردیئے گئے

    عثمان بزدار کی ہمدرد بیوروکریسی ، کرپشن کیس ٹھنڈے کردئے گئے
    سابق وزیراعلی پنجاب عثمان بزدار اور انکے بھائیوں کیخلاف سرکاری اراضی جعلسازی سے نام کرانے پر اینٹی کرپشن نے درخواست دہندہ کی بجائے اسسٹنٹ کمشنر تونسہ کومدعی بنادیا۔اسد چانڈیہ بزدار دور میں ڈیرہ غازی خان میں تعینات رہے اور ان سے عثمان بزدار اور انکے بھائیوں نے درجنوں غیر قانونی کام کرائے ہیں۔ سرکل آفیسرا ینٹی کرپشن ہیڈ کوارٹر ملک عبدالمجید نے ڈپٹی ڈائریکٹر اینٹی کرپشن کور پورٹ کی بجائے درج مقدمہ سابق سرکل آفیسراینٹی کرپشن ارشد رند سے دستخط کرا کے ایک ہی رات میں خارج کر دیا۔اسسٹنٹ ڈائریکٹر کمپلینٹ اطہر محمود کا نجو جوتونسہ شریف کا رہائشی ہے نے سابق وزیراعلی پنجاب اور انکے دست راست مختار جتوئی کو غیر قانونی پروموشن اور 15 کروڑ روپے کی کرپشن میں کلین چٹ دینے کی ناکام کوشش کی۔

    تفصیلات کے مقامی اخبار روزنامہ بیٹھک کی ایک رپورٹ کے مطابق ڈیرہ غازیخان میں سابق وزیراعلی پنجاب عثمان بزدار کی ہمدرد بیوروکریسی اور اینٹی کرپشن میں تعینات کر پٹ افسر کرپشن سکینڈلز کیخلاف کارروائی کی راہ میں رکاوٹ بن گئے ۔ حکومت پنجاب کو تبدیل ہوئے دو ماہ ہونے کے باوجود عثمان بزدار نیٹ ورک کے افسراب بھی اپنی پرکشش سیٹوں پر براجمان ہیں اخبار کیمطابق سابق وزیراعلی پنجاب عثمان بزدار اور انکے بھائیوں کیخلاف سرکاری اراضی 900کنال کو جعلسازی سے نام کرانے پر اینٹی کرپشن ڈیرہ غازی خان نے درخواست دہندہ بشیر چوہان کی بجائے اسسٹنٹ کمشنر تونسہ شریف اسد چانڈیہ کی مدعیت میں دو الگ الگ مقدمات درج کرتے ہوئے سرکل آفیسر اینٹی کرپشن ہیڈ کوارٹر اور اسسٹنٹ ڈائریکٹر کمپلینٹ کو انکوائری آفیسر مقررکیا۔

    اخبار کے مطابق اب ان دونوں مقدمات میں اسسٹنٹ کمشنرتونسہ شریف اسد چانڈیہ کو مدعی بنایا گیا ہے جو عثمان بزدار دور میں 3 سال 9ماہ سے ضلع ڈیرہ غازی خان کی حدود میں تعینات ہے اور ان سے عثمان بزدار اور انکے بھائیوں نے درجنوں غیر قانونی کام کرائے ہیں ۔ اسد چانڈیہ سے کرائے گئے غیر قانونی کاموں میں سے ایک جی ٹی ایس بس اڈے کی اراضی پرقبضے اور جعلی نقشہ سکینڈل کے ملزمان خلیفہ محمدعلی ، خلیفہ اللہ بخش ،خلیفہ سلیمان یار،خلیفہ حسن ، خلیفہ رمضان ، خلیفہ عبدالرحمان ودیگر کو کلین چٹ دینے کی کوشش ہے۔ خلیفہ فیملی کے کہنے پر اسسٹنٹ کمشنر نے ماڈل بازار کی دیوار کی تعمیر کا کام بھی تاحال رکوایا ہوا ہے تا کہ دیوار کو آگے کر کے ناجائز قابضین کو ایک بار پھر ناجائز فائدہ پہنچایا جا سکے۔

    اخبارنے لکھا ہے کہ ذرائع کیمطابق اسسٹنٹ کمشنراسد چانڈیہ اب بھی خود کو عثمان بزدار کا بھائی کہتے نہیں تھکتے اور بعید نہیں کہ گواہی تو دور کی بات ہے و ہ تفتیشی افسر کے پاس بیان ریکارڈ کرانے بھی نہیں جائینگے ۔ دوسری جانب تفتیشی افسر سرکل آفیسرا ینٹی کرپشن ہیڈ کوارٹر ملک عبدالمجید ذرائع کیمطابق سرکاری سکنی کمرشل پراپرٹی فراڈ کیس کو ٹیکنیکل طور پر خارج کرنے کے ماہر ہیں، انہوں نے دکان ملکیتی میونسپل کمیٹی تونسہ شریف ڈپٹی ڈائریکٹر اینٹی کرپشن کور پورٹ کی بجائے سٹیزن پورٹل پر کی گئی شکایت پر مقدمہ نمبر11/21درج کیا اور پھر بڑی مہارت سے اسے خارج کردیا ۔ مقدمے کی اخراج رپورٹ پر اپنے دستخطوں کی بجائے سابق سرکل آفیسراینٹی کرپشن ارشد رند سے دستخط کرا کے ایک ہی رات میں مقدمہ خارج کر دیا۔ ذرائع کیمطابق اسسٹنٹ ڈائریکٹر کمپلینٹ اطہر محمود کا نجو جوتونسہ شریف کا رہائشی ہے اس نے پہلے ریگولر انکوائری 19/551,19/357اور 19/303میں سابق سی ایم پنجاب عثمان بزدار کیخلاف ڈی جی نیب ملتان اور ڈی جی اینٹی کرپشن کے حکم ناموں کو ردی کی ٹوکری کے نذرکرتے ہوئے سابق وزیراعلی پنجاب اور انکے دست راست مختارجتوئی کو غیر قانونی پروموشن اور 15 کروڑ روپے کی کرپشن میں کلین چٹ دینے کی ناکام کوشش کی حالانکہ یہ کیس عدالت عالیہ ڈبل بنچ میں زیر سماعت ہے عدالتی فیصلے کا انتظار کئے بغیر سابق وزیراعلی پنجاب عثمان بزدار اور ان کے دست راست کوتوہین عدالت کی پرواہ کئے بغیرکلین چٹ دیدی۔ اخبارکے مطابق اس سلسلے میں جب اطہر کا نجو، ملک عبدالمجید اور ڈائریکٹر اینٹی کرپشن سید محمد عباس سے موقف لینے کیلئے رابطہ کیا گیا تو ان کا فون اٹینڈ نہ ہوا۔

    بنی گالہ کے کتوں سے کھیلنے والی "فرح”رات کے اندھیرے میں برقع پہن کر ہوئی فرار

    ہمیں چائے کے ساتھ کبھی بسکٹ بھی نہ کھلائے اورفرح گجر کو جو دل چاہا

    فرح خان کتنی جائیدادوں کی مالک ہیں؟ تہلکہ خیز تفصیلات سامنے آ گئیں

    بنی گالہ میں کتے سے کھیلنے والی فرح کا اصل نام کیا؟ بھاگنے کی تصویر بھی وائرل

    بشریٰ بی بی کی قریبی دوست فرح نے خاموشی توڑ دی

    عمران ریاض کو واقعی خطرہ ہے ؟ عارف علوی شہباز شریف پر بم گرانے والے ہیں

    الیکشن کیلیے تیار،تحریک انصاف کا مستقبل تاریک،حافظ سعد رضوی کا مبشر لقمان کوتہلکہ خیز انٹرویو

  • عثمان بزدارکی پیشی،بزدارکے حامی زبردستی گیٹ کھول کرعدالت میں داخل

    عثمان بزدارکی پیشی،بزدارکے حامی زبردستی گیٹ کھول کرعدالت میں داخل

    عثمان بزدارکی پیشی،16 جولائی تک ضمانت میں توسیع ،،بزدارکے حامی زبردستی گیٹ کھول کرعدالت میں داخل
    بزدارقبیلے کے لوگ عدالت کے اندر نعرے بازی کرتے رہے ،بہرام بزدارایڈووکیٹ بزدار قبائل کوعدالت کے اندر نعرے بازی سے روکتے رہے ۔ عثمان بزدار کی عبوری ضمانت میں 16 جولائی تک توسیع۔

    باغی ٹی وی رپورٹ۔تفصیلات کے مطابق ڈیرہ غازیخان ،عثمان بزدارکی پیشی کے موقع پر عثمان بزدار کے قبیلے کے لوگ درجنوں کی تعداد میں زبردستی گیٹ کھول کرعدالت میں داخل ہوگئے ،بزدارقبیلے کے لوگ عدالت کے اندر نعرے بازی کرتے رہے ،بہرام بزدار ایڈووکیٹ بزدار قبائل کوعدالت کے اندر نعرے بازی سے روکتے رہے لیکن اس کے باوجود نعرے بازی جاری رہی

    اس دوران سابق وزیر اعلی عثمان بزدار اینٹی کرپشن عدالت میں پیش ہوئے جنہیں 16جولائی تک عبوری ضمانت میں توسیع مل گئی،جب عثمان بزدار عدالت میں پیش ہوئے تو پی ٹی آئی سے تعلق رکھنے والا کوئی وکیل پیش نہ ہوا تاہم پاکستان پیپلز پارٹی سے تعلق رکھنے والے وکلا کی ٹیم جن میں صداقت ٹھیگانی،آصف سعید کھوسہ،ملک مظہر حسین ناصر اور بہرام بزدار پیش ہوئے،آج عثمان بزدار اپنی برادری کے درجنوں افراد کیساتھ اینٹی کرپشن عدالت میں پیش ہونے کیلئے آئے۔

    یاد رہے کہ گزشتہ روز عثمان بزدار کا جنوبی پنجاب سے مبینہ فرنٹ مین اینٹی کرپشن کے ہتھے چڑھ گیا ہ قبل ازیں سابق وزیراعلی پنجاب عثمان احمدخان بزدار کے مبینہ فرنٹ مین کو اینٹی کرپشن مظفرگڑھ نے گرفتار کرلیا ہے اینٹی کرپشن مظفرگڑھ نے سابق وزیراعلی پنجاب عثمان احمدخان بزدار کے جنوبی پنجاب سے مبینہ فرنٹ مین ایس ای لوکل گورنمنٹ خرم عباس کو اینٹی کرپشن مظفرگڑھ نے گرفتار کیا تھا ایس ای لوکل گورنمنٹ خرم عباس ڈیرہ غازیخان میں تعیناتی کے دوران بڑے پیمانے پر کرپشن میں ملوث رہا ہے جہاں پراس نے اس حد تک کرپشن کی کہ کاغذات میں کروڑوں روپیکی سکیمں مکمل ہیں لیکن فزیکلی طورپران سکیموں کازمین پر کہیں بھی وجود نہیں ہے اور اِدھر مظفرگڑھ میں 134 ترقیاتی اسکیموں کی جانچ پڑتال کے دوران بے ضابطگیاں ثابت ہونے پرمقدمات درج کیے گئے ،جسے گزشتہ روز اینٹی کرپشن مظفرگڑھ نے گرفتارکیا تھا۔

  • ڈیرہ،ٹرائیبل ایریا میں ٹریکٹرٹرالی الٹنے سے 2ہلاک،8مزدور زخمی

    ڈیرہ،ٹرائیبل ایریا میں ٹریکٹرٹرالی الٹنے سے 2ہلاک،8مزدور زخمی

    ڈیرہ غازیخان کے ٹرائیبل ایریا میں ٹریکٹرٹرالی الٹنے سے 2ہلاک،8مزدور زخمی
    باغی ٹی وی رپورٹ. ڈیرہ غازیخان کے ٹرائیبل ایریا بی ایم پی تھانہ رونگھن کے علاقہ یکبائی میں روڈ پر کام کرنے والے مزدور صبح آٹھ بجے ٹریکٹر ٹرالی پر کام پر جارہے تھے ،تیزرفتاری کے باعث موڑکاٹتے ہوئے ٹریکٹر کے بریک فیل ہونے پر ٹریکٹرٹرالی بے قابو ہوالٹ گئی ،جس سے دوافراد جن میں ایک ٹریکٹرڈرائیورفداحسین جوکہ چوٹی زیریں کارہائشی تھا موقع پردم توڑگیاجبکہ دوسرا ہلاک ہونے والامزدور عابدحسین ولدخادم حسین ہیڈ محمد کا رہائشی تھا موقع پردم توڑگیا،اس حادثہ میں 8 مزدور زخمی ہوگئے جن میں اللہ وسایا ہیڈ محمد، ریاض حسین چوٹی زیریں، خلیل احمد جامپور، جاویدمنشی جامپور، شاہ بخش جامپور، یاسین راجن پور، شاہداور مجاہددونوں بھائی پسران محمداسلم، بلال حسین ولدکالوخان ہیڈ محمد اور بابرجوکہ کروڑلعل عیسن کارہائشی ہے زخمیوں ہوگئے ۔اس علاقہ میں کسی ایمرجنسی کی صورت میں ریسکیو1122کی سہولت نہیں ہے ،جس کی وجہ سے زخمیوں کوبروقت طبی امداد نہ مل سکی تاہم اطلاع ملتے ہی بارڈرملٹری پولیس کے جوان بروقت جائے حادثہ پر روانہ ہوگئے جنہوں نے وہاں پہنچ کر مقامی افرادکی مدد سے زخمیوں کو ٹرالی سے نکالا،اپنے محدود وسائل اورمقامی آبادی کے تعاون سے زخمیوں کوہسپتال منتقل کیا

  • بجلی،گیس اورپٹرول کی قیمتوں میں ہوشربااضافہ صنعتوں اور عوام کیلئے زہرقاتل ہے۔چیمبر آف کامرس

    بجلی،گیس اورپٹرول کی قیمتوں میں ہوشربااضافہ صنعتوں اور عوام کیلئے زہرقاتل ہے۔چیمبر آف کامرس

    ڈیرہ غازیخان ۔ چیمبر آف کامرس اینڈ انڈسٹری ڈی جی خان کی ایگزیکٹو کمیٹی کا اجلاس ، نیپرا کے ذریعے بجلی کی قیمتوں میں ہوشربااضافے کومسترد کرتے ہوئے اسے صنعتوں اور عوام کیلئے زہرقاتل قرار دے دیا ،بجلی پٹرول اور LPGکی قیمتوں میں اضافہ فوری واپس لینے کا مطالبہ،چیمبر آف کامرس اینڈ انڈسٹری کے آفس کی قطعہ اراضی کے لئے ایک کمیٹی بنانے کا اعلان، ڈیر ہ غازیخان میں ایف بی آر کا آر ٹی او آفس اور کلکٹر کسٹم کا آفس فوری طور پر قائم کر نے کا اعلیٰ حکام سے مطالبہ۔
    باغی ٹی وی رپورٹ تفصیلات کے مطابق چیمبر آف کامرس اینڈ انڈسٹری ڈیرہ غازیخان کی ایگزیکٹو کمیٹی کا ایک اجلاس صدر چیمبرڈاکٹر محمد شفیق خان کی زیرِصدارت منعقد ہوا جس میں سینئرنائب سردار شہباز علی خان نصوحہ ، نائب صدرسردار خلیل احمد خان علیانی سابق صدور خواجہ محمد یونس ،سردار ذوالفقار علی خان نصوحہ، سابق سینئر نائب صدور محمد لطیف خان پتافی ،شیخ محمد طارق اسماعیل قریشی ، شیخ محمد زاہد نظام ، سابق نائب صدر مرزا محمد ظفر اقبال ممبران ایگزیکٹوکمیٹی ،سینئر ممبران چیمبر، سیکریٹری جنرل چیمبر محمد مجاہدملک کے علاوہ دیگر ٹریڈرز ایسو سی ایشن کے نمائندگان اور مرکزی انجمن تاجران کے سٹی اور ضلعی عہدیدارن و صدور نے شرکت کی اجلاس میں گذشتہ روز حکومت کی طرف سے نیپرا کے ذریعے بجلی اورپٹرول کی قیمتوں میں ہوشربااضافے کو مسترد کرتے ہوئے اسے صنعتوں اور عوام کیلئے زہرقاتل قرار دیتے ہوئے قیمتوں میں اضافہ فوری واپس لینے کا مطالبہ کیا گیا،اجلاس میں ممبر ایگزیکٹو کمیٹی عبدالکریم خان کھوسہ نے خطاب کرتے ہوئے کہاکہ میرا چیمبر آف کامرس کی توسط سے حکومت پاکستان،وزیراعظم پاکستان اورFBRکے اعلیٰ حکام سے مطالبہ ہے کہ ڈیرہ غازیخان میں FBRاپنا RTOآفس قائم کرے جہاں FBRبڑی کمپنیوںاور بڑے اداروں کو درپیش مسائل حل کرے ان بڑے اداروں کے انکم ٹیکس کے گوشوارے ،ان کے ری فنڈ کے کیس دیگر اپیل کی سماعت اور فیصلے کرنے کیلئے فی الفور اپنا RTOآفس ڈیرہ غازیخان میں قائم کرے کیونکہ یہاں کی کاروباری برادری اور بڑی کمپنیوں اور اداروں کو ملتان جانا پڑتا ہے جس سے ان کا ایک تو وقت کا ضیا ع ہو تا ہے اور مزید کئی پریشانیوں کا سامنا کرناپڑتا ہے ڈیرہ غازیخان میںRTO قائم ہونے سے ہماری آمدنی کا ٹیکس جو ایف بی آر ملتان میں جمع ہوتا ہے اس کا شماربھی ڈیرہ غازیخان میں ہو گا اور اس سے جو سہولیات اور مراعات حاصل ہوں گی ان کا ریلیف بھی ڈیرہ غازیخان کے تاجروں اور بڑی کمپنیوں کوحاصل ہوگااس سے ان کو وقتی پریشانیوں سے نجات مل جائے گی اور اس سے علاقے کی عوام کو فائدہ حاصل ہوگا۔ نیز انہوں نے یہ بھی مطالبہ کیا ڈیرہ غازیخان کلکٹر کسٹم کا آفس بھی ڈیرہ غازیخان میں قائم کیا جائے کیونکہ ڈیرہ غازیخان بلوچستان کے بارڈر پر واقع ہے یہاں سے غیرملکی گاڑیو ں کا گزر اور دیگر مصنوعات کا بھی گز ر ہوتا ہے اگر یہاں کلکٹر آفس قائم کیا جائے اس ملک کی کسٹم آمدنی میں خاطر خواہ اضافہ ہواور لوگوں کو ملتان کی بجائے ڈیرہ غازیخان میں یہ سہولیات میسر آئیں گی اس پر چیمبر آف کامرس اینڈ انڈسٹری نے حکومت پاکستان ، وزیراعظم پاکستان اور ایف بی آر کے اعلیٰ حکام سے مطالبہ کیا کہ ڈیر ہ غازیخان میں ایف بی آر کا آر ٹی او آفس اور کلکٹر کسٹم کا آفس فوری طور پر قائم کیا جائے ۔اجلاس میں چیمبر آف کامرس اینڈ انڈسٹری کے آفس کی قطعہ اراضی کے لئے صدر چیمبر ڈاکٹر محمد شفیق خان پتافی نے ایک کمیٹی بنانے کا اعلان کیایہ کمیٹی سردار ذوالفقار علی خان نصوحہ سابق صدر و چیئرمین سٹینڈنگ کمیٹیز کی قیادت میں باہمی مشاورت سے کام کرے گی اس کمیٹی کاکام چیمبر آفس کی بلڈنگ کی تعمیر کیلئے پرائیویٹ رقبہ کی شہر کے اندر یا شہرکے قریب ترین مقامات پر نشاندہی کرے گی اوراس کی قیمت کے بارے میں رپورٹ مرتب کرے گی جس کی روشنی میں ایگزیکٹو کمیٹی اپنی اگلی میٹنگ میں رقبہ کی خریداری کے لئے فیصلہ کرے گی اور آئندہ کا لائحہ عمل اختیار کرے گی اجلاس میں ڈیرہ غازیخان میں سمال انڈسٹریل اسٹیٹ کے قیام کے بارے میں غور کیا گیا ڈیرہ غازیخان میں چیمبر کی طرف سے ٹیکس فری انڈسٹریل زون اور انڈسٹریل اسٹیٹ قائم کرنے کے بارے میں حکومت سے مطالبہ کیا کیونکہ کو ئٹہ روڈپر حکومت پنجاب کا وسیع رقبہ موجود ہے اور پچھلے دور حکومت میں انڈسٹریل اسٹیٹ کے قیام کیلئے رقبہ ڈکلیئراور مختص کیاجاچکاتھا اس پر کام شروع کیا جائے حکومت وہاں انڈسٹری کے قیام کیلئے خصوصی مراعات اعلان کرے اور کم از کم دس سال کیلئے ٹیکس ہالیڈے کا علان کرے ۔اجلاس کے آخر میں چیمبر کی رکنیت کیلئے موصول ہونے والی نئی دس ممبر شپ درخواستوں کی منظور ی بھی دی گئی جوکہ چیمبر کے قواعد وضوابط کے مطابق ہر لحاظ سے مکمل تھیںاجلاس میں تاجروں اور صنعتکاروں کو درپیش دیگر مسائل پر بھی گفتگو کی گئی اور یکم جولائی سے کاروبارکی بندش کے اوقات کار کو ختم کرنے کا مطالبہ کیا گیا۔

  • جامعات میں نشہ آور اشیاء کی روک تھام کیلئے کام کرنا ہوگا۔گورنر پنجاب

    جامعات میں نشہ آور اشیاء کی روک تھام کیلئے کام کرنا ہوگا۔گورنر پنجاب

    ڈیرہ غازی خان۔گورنر پنجاب محمد بلیغ الرحمن نے کہا ہے کہ کسی معاشرے کی ترقی میں اعلی تعلیم کا کردار مسلمہ ہے، جامعات کو انڈسٹریز، کامرس، آئی ٹی اور ای مارکیٹنگ کی ذمہ داریوں کے احساس کو سمجھتے ہوئے عملی فیلڈ میں آنا ہوگا، تعلیم کو وقت کے تقاضوں کے مطابق ڈھالنا بہت ضروری ہے.وفاق اورپنجاب حکومت اعلی تعلیم کے فروغ کیلئے بھرپور وسائل فراہم کررہی ہے .فارغ التحصیل طلبہ و طالبات کو کامیابیاں سمیٹنے پر مبارکباد پیش کرتا ہوں،طلبہ کے چمکتے چہرے اس بات کے عکاس ہیں کہ وہ اپنی صلاحیتوں کو بروئے کار لاکر ملک و قوم کا نام روشن کرینگے۔
    باغی ٹی وی۔ گورنر پنجاب محمد بلیغ الرحمن نے غازی یونیورسٹی ڈیرہ غازیخان کے پہلے کانووکیشن سے خطاب کرتے ہوئے کہاکہ ہماری زندگیوں میں والدین اور اساتذہ کا کردار بہت اہم ہے جن کا احسان اتارا نہیں جا سکتا،اعلی تعلیم میں بہترین صلاحیتیوں کو غازی یونیورسٹی بروئے کار لا رہی ہے، اساتذہ طلبہ کو مل جل کر کام کرنا سکھائیں کیونکہ دنیا میں اس کے بغیر ترقی ممکن نہیں ہے،طلبائوطالبات سافٹ ڈیجیٹل فیلڈز میں نام پیدا کریں، انہوں نے کہاکہ ہم سب ایک دوسرے کے محتاج ہیں،مل جل کر کام کرنے والی قومیں ہی دنیا میں عروج حاصل کرتی ہیں ، خوشی ہے کہ غازی یونیورسٹی اکیڈمک کیلنڈر بنانے والی پنجاب کی پہلی یونیورسٹی ہے، انہوں نے کہاکہ جدید علوم کے احیاء کے ساتھ جامعات میں نشہ آور اشیاء کی روک تھام کیلئے بھی کام کرنا ہوگا،طلبائوطالبات جو کام کریں اچھے طریقے سے کریں، ہمارا آنے والا دن گزرے دن سے بہتر ہونا چاہئے .وائس چانسلر غازی یونیورسٹی ڈیرہ غازیخان پروفیسر ڈاکٹر محمد طفیل نے استقبالیہ پیش کرتے ہوئے کہاکہ غازی یونیورسٹی کے کانووکیشن کا مقصد پاس آوٹ طلبائو طالبات کی حوصلہ افزائی کرنا ہے، یونیورسٹی میںطلبہ کو تعلیم حصول کے بعد درپیش چیلنجز سے نمٹنے کیلئے ای روزگار کی ٹریننگ بھی دی گئی ہے،جدید ٹیکنالوجی سے متعلقہ ڈپارٹمنٹس کا قیام میری اولین ترجیح رہی ہے،طلبہ وطالبات تعلیم حصول کے بعد ملک و قوم کی ترقی کیلئے صلاحیتیں بروئے کار لائیں.غازی یونیورسٹی کے پہلے کانووکیشن میں تین ہزار سے زائد طلبائو طالبات کو میڈلز اور ڈگریاں دی گئیں. قبل ازیںگورنر پنجاب محمد بلیغ الرحمن نے باقاعدہ کانووکیشن کے انعقاد کی اجازت دی اور یونیورسٹی کے پوزیشن ہولڈرطلبائو طالبات اور اساتذہ میں میڈلز تقسیم کیے۔

  • ڈیرہ غازیخان۔آئل ٹینکراورکنٹینرمیں ٹکر3افراد شدیدزخمی

    ڈیرہ غازیخان۔آئل ٹینکراورکنٹینرمیں ٹکر3افراد شدیدزخمی

    ڈیرہ غازیخان۔آئل ٹینکراورکنٹینرمیں ٹکر3افراد شدیدزخمی،حادثہ انڈس ہائی وے ڈی جی سیمنٹ فیکٹری موڑ پر پیش آیا
    باغی ٹی وی۔ڈیرہ غازیخان میں انڈس ہائی وے ڈی جی سیمنٹ فیکٹری موڑ پرتیز رفتار آئل ٹینکراورکنٹینر میں ٹکرہوئی ہے ،اس ٹکرکے نتیجے میں 3افراد شدید زخمی ہوگئے ،جہاں ریسکیو 1122نے فوری طور جائے حادثہ پرپہنچ کرابتدائی طبی امداد دی اور زخمیوں کو ڈیرہ غازیخان ٹیچنگ ہسپتال ٹراماسنٹر منتقل کر دیاہے ،ریسکیو ذرائع کاکہناہے کہ زخمیوں کی حالت بہتر ہے اوروہ خطرے سے باہر ہیں ،تاہم اس شدید حادثہ میں کوئی جانی نقصان نہیں ہوا۔

  • ضمنی انتخاباتPP288امیدواروں کوانتخابی نشان الاٹ

    ضمنی انتخاباتPP288امیدواروں کوانتخابی نشان الاٹ

    ضمنی انتخاباتPP288امیدواروں کوانتخابی نشان الاٹ
    ڈیرہ غازیخان. ضمنی انتخاباتPP288امیدواروں کوانتخابی نشان الاٹ کردئے گئے،6امیدوارمیدان میں اترچکے ہیں، پی ٹی آئی اورن لیگ کے امیدواروں کے درمیان کانٹے دارمقابلہ ،تحریک لبیک پاکستان کے امیدوارسے ن لیگ کونقصان ہوگا۔
    باغی ٹی وی ،تفصیلات کے مطابق ڈیرہ غازیخان کے صوبائی حلقہ PP288کے ایم پی اے سردارمحسن عطاء کھوسہ کے ڈی سیٹ ہونے کے بعداس حلقہ میں ہونے والے ضمنی انتخابات میں حصہ لینے والے امیدواروں کوالیکشن کمیشن نے انتخابی نشان الاٹ کردئے ہیں، PP288میں کل چھ امیدوار میدان میں اترے ہیں جن میں سے تین آزاد اورتین پارٹی ٹکٹس پرالیکشن میں حصہ لے رہے ہیں، آزادامیدواروں میںاشفاق احمدکو "بیل” اللہ ڈتہ کو "چمچ”اورعلی محمدکو”بکری "کانشان دیاگیاہے،پاکستان تحریک انصاف کے امیدوارسردارسیف الدین خان کھوسہ کو "بلا”،مسلم لیگ ن کے امیدوارسردارعبدالقادرخان کھوسہ کو”شیر”اورتحریک لبیک پاکستان کے امیدوارعرفان اللہ کو”کرین”کانشان دیاگیاہے،اس حلقہ دوسردارزادوں سردارسیف الدین کھوسہ جوکہ پاکستان تحریک انصاف کے امیدوار ہیں ،دوسرے سردارعبدالقادرکھوسہ مسلم لیگ ن کے امیدوار ہیں کے درمیان کانٹے دارمقابلہ متوقع ہے ،جہاں اس حلقہ پی ٹی آئی کاووٹ بنک ہے وہیں اس حلقہ مسلم لیگ ن کا شخصی ووٹ بھی زیادہ ہے ،اس کے علاوہ اس حلقہ میں ٹی ایل پی کاچھ سات ہزارووٹ کا بنک ہے اگرتحریک لبیک کاامیدوارعرفان اللہ میدان میں رہاتو اس کانقصان مسلم لیگ ن کے امیدوارسردارعبدالقادرکھوسہ کوپہنچے گا،دوسری طرف ذرائع کا کہناہے ٹی ایل پی کاامیدوار مسلم لیگ ن کے امیدوارسردارعبدالقادرکھوسہ کے حق میں دستبردار ہوجائے گاجس سے ن لیگ کے امیدوارکی پوزیشن کافی مستحکم ہوجائے گی۔

  • ڈائریکٹراینٹی کرپشن ڈی جی خان برطرف،بزدارکے2بھائی دوبئی فرار

    ڈائریکٹراینٹی کرپشن ڈی جی خان برطرف،بزدارکے2بھائی دوبئی فرار

    ڈائریکٹراینٹی کرپشن ڈی جی خان برطرف،بزدارکے2بھائی دوبئی فرار
    باغی ٹی وی کی خصوصی رپورٹ :تفصیلات کے مطابق سرکاری زمین کی جعلی الاٹمنٹ کیس میں محکمہ انٹی کرپشن ڈی جی خان کی ملی بھگت سے گرفتاری سے بچ کرطاہر بزدار اور ایوب بزدار دبئی فرار ہو گئے، ڈی جی انٹی کرپشن پنجاب نے ڈائریکٹر اینٹی کرپشن ڈی بھی خان سید محمدعباس کو عہدے سے برطرف کردیا ،جعلی الاٹمنٹ کیس میں نامزد سابق چیف منسٹر عثمان بزدارکے بھائی طاہر بزدار اور ایوب بزدا رمحکمہ اینٹی کرپشن ڈی جی خان کے اہلکاروں کی ملی بھگت سے مبینہ طور پر دبئی فرار ہونے میں کامیاب ہو گئے۔ ڈی جی اینٹی کرپشن اسٹیبلشمنٹ رانا عبدالجبار نے طاہر بزدار اور ایوب بزدار کے دبئی فرار ہو جانے کا نوٹس لیتے ہوئے ڈائریکٹر انٹی کرپشن ڈیرہ غازی خان سیدمحمدعباس کو عہدے سے ہٹادیا۔مقامی اخبار کے مطابق ذرائع نے دعوی کیا ہے کہ دونوں بھائی بلوچستان کے راستے ایران اور پھر وہاں سے دبئی داخل ہونے میں کامیاب ہو گئے ہیں۔مقامی اخبار نے لکھا ہے کہ محکمہ انٹی کرپشن پنجاب لاہور دفتر میں اہم عہدے پر تعینات افسر نے نام ظاہر نہ کرنیکی شرط پر بیٹھ بتایا کہ ڈی جی اینٹی کرپشن اسٹیبلشمنٹ رانا عبدالجبار کو چیف منسٹر پنجاب حمزہ شہبازنے جعلی الاٹمنٹ کیس میں سابق چیف منسٹر عثمان بزدار، انکے بھائیوں و دیگر نامزدملزمان کی فی الفور گرفتاری کا حکم دیا تھا جس کیلئے ڈی جی اینٹی کرپشن اسٹیبلشمنٹ پنجاب نے سابق ڈائریکٹر اینٹی کرپشن ڈی جی خان شاہدمحبوب کی جگہ پولیس سروس آف پاکستان کے گریڈ 18 کے سیدمحمد عباس کو تعینات کیا گیا تھا اور انہیں بزدار بردران کی گرفتاری کا ٹاسک دیا تھا۔


    20 جون کوڈائر یکٹر سید محمد عباس کو کانفیڈنشل رپورٹ دی گئی کہ جعلی الاٹمنٹ کیس میں نامزد ملزمان میں سے عثمان بزدار کے بھائی ڈی جی خان اور تونسہ میں اپنے گھروں میں موجود ہیں جن کی گرفتاری کرنے کے لیے سید محمدعباس نے چھاپہ مارٹیم تشکیل دی لیکن جعلی الاٹمنٹ کیس کے مدعی اسسٹنٹ کمشنرتونسہ کوٹیم کے ساتھ نہ رکھا اور اینٹی کرپشن ڈی جی خان کی ٹیم نے ریڈ کا ٹوپی ڈرامہ ر چایا اور بزدار برادران کے گھروںکے باہر سے ہی واپس چلی آئی جبکہ اینٹی کرپشن ٹیم کے پاس بزدار برادران کے گھروں کی تلاشی لینے کے وارنٹ موجود تھے۔ ذرائع کیمطابق سابق وزیر اعلی کے دو بھائی طاہر بزدار اور ایوب بزدار کے ملک سے فرار کی اطلاعات ہیں اورمحکمہ اینٹی کرپشن ڈی جی خان کے افسران اور اہلکاروں نے عثمان بزدار کے بھائیوں، مزارعوں اور علاقہ پٹواری و عملہ ریونیو جو بوگس الاٹمنٹ کیس کے نامزد ملزمان کی گرفتاری میں ناکامی اورملی بھگت سے طاہر بزدار اور ایوب بزدار کو دبئی فرار ہونے کا موقع فراہم کر دیا۔ ڈی جی انٹی کرپشن اسٹیبلشمنٹ پنجاب رانا عبدالجبار نے اسے بزدار برادران کی گرفتاری میں ناکامی اور دو بھائیوں کے مبینہ دبئی فرار کا ذمہ دار ڈائریکٹر انٹی کرپشن ڈی جی خان سید محمد عباس کو قرار دیتے ہوئے ان کوعہدے سے ہٹادیا ۔رواں ہفتے کی گئی کارروائی میں تحصیل تونسہ کے موضع چونی میں 900 کنال سرکاری زمین کی بوگس الاٹمنٹ کے مقدمے میں نامزد سابق وزیراعلی عثمان بزدار کے گھرانے کے ملزم بھائیوں کی گرفتاری کیلئے محکمہ انٹی کرپشن ڈیرہ غازی خان ریجن کی ایک خصوصی ٹیم نے اسسٹنٹ ڈائریکٹر انٹی کرپشن اطہر کانجو کی قیادت میں پولیس کی بھاری نفری کیساتھ ڈیرہ غازی خان اور تونسہ میں بنے بزدار ہائوس پر چھاپے مارے گئے۔ علاقے میں کھلے عام گھومتے اور خفیہ رپورٹس کے بعد مارے گئے چھاپے کے باوجود اینٹی کرپشن ٹیم کو کوئی نہ ملااور وہ گھروں کے باہر سے ویڈیو بنا کرواپس لوٹ آ ئے اور حکام کو رپورٹ بھجوادی کہ کوئی ملزم نہیں ملا۔ واضح رہے کہ چھاپہ مار ٹیم کے تمام ممبران عثمان بزدار کے دور حکومت میں ان کے بھائیوں کی مبینہ منظوری کے بعد ہی اینٹی کرپشن ڈیرہ غازی خان میں تعینات ہوئے تھے یا پھر انکی رضا مندی سے وہاں تعیناتی جاری رکھ کر مال بنانے میں لگے ہوئے تھے۔ مذکورہ مقدمے میں نامزد سابق چیف منسٹر عثمان بزدار نے گزشتہ دنوں لاہور ہائیکورٹ کے ملتان بنچ سے 30 روز کی حفاظتی ضمانت لے رکھی ہے تا کہ وہ گرفتاری کے خطرے سے بچ کرسپیشل اینٹی کرپشن کورٹ ڈیرہ غازی خان سے عبوری ضمانت کراسکیں کیونکہ انکوخطرہ تھا کہ اینٹی کرپشن مقامی پولیس کی مدد سے انہیں اینٹی کرپشن عدالت تک پہنچنے سے پہلے ہی گرفتار نہ کرلے تا ہم شنید ہے کہ سابق چیف منسٹر سردار عثمان بزدار حفاظتی ضمانت کے باوجود سپیشل اینٹی کرپشن کورٹ جاکر عبوری ضمانت کی درخواست دینے بارے تذبذب کا شکار ہیں کیونکہ ان کو خدشہ ہے ایسانہ ہو کہ جج اینٹی کرپشن کورٹ ڈی جی خان انکی عبوری ضمانت کی درخواست مسترد کر دے اوروہ گرفتارہوجائیں۔محکمہ اینٹی کرپشن ڈیرہ غازی خان نے شہری بشیر چوہان کی درخواست پر سابق چیف منسٹر، انکے بھائیوں سمیت متعدد افراد پر موضع چونی تحصیل تونسہ میں جعلسازی سے 900 کنال اراضی ہتھیانے کیخلاف مقدمے کا اندراج کیا تھا۔ اس حوالے سے مقامی اخبارات میں عثمان بزدار دور میں منظم نیٹ ورک بنا کر اربوں کی کرپشن اور بے ضابطگیوں کے حوالے سے تفصیلات شائع ہوتی رہیں جن پر وزیراعلی پنجاب حمزہ شہباز نے نوٹس لیتے ہوئے نئے ڈی جی اینٹی کرپشن رانا عبدالجبارکوفوری سابق دور کے سکینڈلز کی تحقیقات کی ہدایت دی تھی۔ ڈی جی اینٹی کرپشن پنجاب نے 2 ہفتے قبل ڈیرہ غازیخان اور تونسہ شریف کا اعلی سطح ٹیم کیساتھ دورہ کر کے بزدار دور کے میگا پروکیٹس میں لوٹ مار کا خود مشاہدہ کیا جس میں اربوں روپے کھائے گئے جبکہ اس حوالے سے اینٹی کرپشن ڈیرہ میں لگائے گئے سابق وزیراعلی کے اپنے بندوںنے شہریوں کی جانب سے کرپشن کی مسلسل نشاندہی کوچھپائے رکھا۔