ڈیرہ غازیخان (تنویر احمد)پولیس ملازمان کے ڈسپلن اور ٹرن آؤٹ کو بہتر بنانے کے لیے پولیس لائن میں جنرل پریڈ کا انعقاد،ضلع بھر سے پولیس افسران و ملازمان،ڈولفن فورس، ایلیٹ فورس،ٹریفک پولیس اور لیڈیز اہلکاروں کی شرکت، ڈی پی او اسد سرفراز نے پریڈ کا معائنہ کیاترجمان پولیس کے مطابق پولیس ملازمان کے ڈسپلن اور ٹرن آؤٹ کو بہتر بنانے کے لیے پولیس لائن میں جنرل پریڈ کا انعقاد کیا گیا ضلع بھر سے پولیس افسران و ملازمان،ڈولفن فورس، ایلیٹ فورس،ٹریفک پولیس اور لیڈیز اہلکاروں نے شرکت کی جبکہ ڈی پی او ڈی جی خان اسد سرفراز نے پریڈ کا معائنہ کیا اس موقع پر اہلکاروں سے خطاب کر تے ہو ئے ڈی پی او اسد سرفراز کا کہنا تھا کہ پولیس افسران وملازمان کی ویلفیئر کے لیے تمام ممکن اقدامات کو یقینی بنائیں گے عوام کی خدمت کو نصب العین بنا کر قانون اور انصاف کی بالا دستی کو مقدم رکھا جائے اپنے فرائض نیک نیتی اور محنت سے سر انجام دیئے جا ئیں پریڈ کے بعد سرکاری گاڑیوں کی انسپکشن کی اور MTO کو ہدایت کی کہ تمام گاڑیوں کی منٹیننس برقرار رکھی جائے۔
Category: ڈیرہ غازی خان
ایمرجنسی سروس میں کنٹرول روم ریڑھ کی ہڈی کی حیثیت رکھتا ہے.ڈاکٹر ناطق حیات
ڈیرہ غازیخان(تنویر احمد) ڈسٹرکٹ ایمرجنسی آفیسر ریسکیو 1122ڈاکٹر ناطق حیات غلزئی نے کہا ہے کہ ایمرجنسی سروس میں کنٹرول روم ریڑھ کی ہڈی کی حیثیت رکھتا ہے اور ملازمین فرائض منصبی دیانتداری ، دلجمعی سے انجام د یں انہوں نے یہ بات کمپیوٹر آپریٹر سے مانیٹرکوآرڈینیٹرترقی پانے والے ریسکیورز فیصل ، مرید حسین ، شفقت اور ضیاءالحق کو رینک لگانے کی تقریب سے خطاب کرتے ہوئے کہی تقریب میں ایمر جنسی آفیسر ڈاکٹر حسین میاں، ریسکیو اینڈ سیفٹی آفیسرز محمد اختر بھٹہ ، حسنین رضا، کنٹرول روم انچارج میاں عبدالرﺅف اور تمام اسٹیشن کوارڈینیٹرز نے شرکت کی ڈاکٹرناطق حیات نے ریسکیواہلکاروں کے جذبہ خدمت کو سراہتے ہوئے فرائض منصبی خوش اسلوبی سے انجام دینے کی ہدایت کی انہوںنے ترقی پانے والو ں کیلئے نیک خواہشات کا اظہار کیا.
محسن انسانیت حضرت محمدؐ کی شخصیت ہمارے لئے رول ماڈل کی حیثیت رکھتی ہے.سردار ذوالفقار علی خان کھوسہ
ڈیرہ غازیخان (تنویر احمد)سابق گورنر پنجاب سردار ذوا لفقار علی خان کھوسہ نے کہا ہے کہ محسن انسانیت حضرت محمدؐ کی شخصیت ہمارے لئے رول ماڈل کی حیثیت رکھتی ہے انہوں نے ریاست مدینہ میں حکمرانی کا جو انداز نبھایا ہر مسلمان حکمران کیلئے مشعل راہ ہے اپنی رہائش گاہ کھوسہ ہاؤس میں قبا ئلی مقد مین،سابق ناظمین اور معزز ین شہر سے بات چیت کرتے ہوئے کیا سردار ذوالفقار علی خان کھوسہ نے کہا کہ سرزمین عرب جہالت میں ڈوبی ہوئی تھی ایسے میں حضرت محمدؐ نے اللہ کے دین سے دنیا کو منور کیا اپنی سیرت سے دلوں پر حکمرانی کی ریاست مدینہ میں انصاف کا بول بالا کیا انسانیت کو شرف عطا کیا انہوں نے کہا کہ حضرت محمدؐکے طرز حکمرانی کو اپنا فلاحی ریاست بنائی جا سکتی ہے جو دنیا بھر کے حکمرانوں کے لئے روشن مثال ہے۔
پاکستان فلور ملز ایسوسی ایشن (پنجاب)کے وفد کی چئیرمین نیب سے ملاقات..اہم حکم جاری
ڈیرہ غازیخان (نمائندہ باغی ٹی وی) پاکستان فلورملز ایسوسی ایشن (پنجاب) کے ایک وفد نے گزشتہ روز چیئرمین نیب (ریٹائرڈ) جسٹس جاوید اقبال سے اہم ملاقات کی اس مو قع پر فلورملز ایسوسی ایشن کے وفد نے چیئرمین نیب (ریٹائرڈ) جسٹس جاوید اقبال کو فلورملنگ انڈ سٹری کو درپیش مسائل اور اپنے تحفظات بارے آگاہ کیا۔ وفد نے چیئر مین نیب کو جنوبی پنجاب کی فلورملوں کو نیب کی جانب سے ملنے والے نو ٹسز کے بارے بھی بتایا فلورملز ایسوسی ایشن کے رہنماؤں سے گفتگو کے بعد چیئر مین نیب (ریٹائرڈ) جسٹس جاوید اقبال نے جنوبی پنجاب کی فلورملوں کو نیب کی جانب سے جاری کئے گئے نو ٹسز فوری طور پر واپس لینے کے احکامات صادر کئے بلکہ فلورملز ایسوسی ایشن کے وفد کو یقین دہائی کروائی کہ فلورملز پاکستان بھر میں کھل کر کام کریں نیب کسی بھی کاروباری ادارے کو نہ توتنگ کرے گا اور نہ ہی کسی بھی قسم کی ہراسمنٹ پیدا کی جائے گی، نیب کے دروازے آپکے لئے ہمہ وقت کھلے ہیں آپ جب چاہیں مجھ سے ملاقات کر سکتے ہیں، فلورملز ایسوسی ایشن (پنجاب) کے وفد میں چیئر مین پی ایف ایم اے (پنجاب) حبیب الر حمن خان لغاری، گروپ لیڈ ر عاصم رضا احمد، چوہدری عبدالرؤف مختار اور میاں ریاض احمد شامل تھے آخر میں چیئر مین پی ایف ایم اے حبیب الر حمن خان لغاری نے چیئر مین نیب (ریٹا ئرڈ) جسٹس جا وید اقبال کا فوری مسائل حل کرنے پر انکا شکریہ ادا کیا۔
ڈی پی او ڈی جی خان اسد سرفراز کی نماز جمعہ کے بعد کھلی کچہری کا انعقاد،نمازیوں سے خطاب میں کیا کہا جانئے اس رپورٹ میں
ڈیرہ غازیخان(نمائندہ باغی ٹی وی)ڈی پی او ڈی جی خان اسد سرفراز کی فیصل مسجد نزد آؤٹ ایجنسی چوک میں نماز جمعہ کے بعد کھلی کچہری،ڈی پی او اسد سرفراز نے مسجد میں آئے نمازیوں سے خطاب کیا تفصیلات کے مطابق ڈی پی او ڈی جی خان اسد سرفراز نے فیصل مسجد نزد آؤٹ ایجنسی چوک میں نماز جمعہ ادا کی نماز جمعہ کے بعد کھلی کچہری میں نمازیوں سے خطاب کر تے ہو ئے کہا کہ ڈی جی خان کے شہریوں کے مسائل حل کرنا میری واحد ترجیح ہے اور حکومت پنجاب کی ہدایت پر اوپن ڈور پالیسی پر عمل درآمد کیا جا رہا ہے عوام کے جان و مال کا تحفظ ہماری ذمہ داری ہے تاکہ شہریوں کے مسائل خود سن کر حل کر سکوں اورڈی جی خان کے شہریوں کو امن و امان کے قیام میں پولیس کا ساتھ دینا ہو گا۔گھر گھر تک انصاف کی فراہمی کو یقینی بنانے کے لئے تمام ایس ایچ اوزکو نماز جمعہ کی ادائیگی کے بعد مسجد میں ہی عوام کے مسائل سننے کے احکامات دے دیئے گئے ہیں ڈی پی او نے کہا کہ ہر شہری ذاتی طور پر اچھے شہری ہونے کا کردار ادا کرے اوراپنے بچوں کو بغیر لائسنس کے موٹر سائیکل مت چلانے دیں اور مشکوک شخص کے متعلق اطلاع دے کر مہذب شہری ہونے کا ثبوت دیں۔
وزیر اعلی پنجاب کے شہر ڈیرہ غازی خان میں جہالت کی انتہا..افسوسناک خبر آ گئی
ڈیرہ غازی خان(نمائندہ باغی ٹی وی)ڈی جی خان کی تحصیل کوٹ چھٹہ کے علاقہ مانہ احمدانی میں جہالت کی انتہا، مبینہ طور پربد چلنی کے شبہ پر سگے بھائی نے تیز دھار آلے سے اپنی بہن کا پاؤں کاٹ دیا تشویشناک حالت میں ہسپتال منتقل، ڈی پی او اسد سرفراز کا واقعہ کا نوٹس،تھانہ کوٹ چھٹہ پولیس نے ملزم گرفتار کر لیا اس سلسلہ میں مزید تفصیلات کے مطابق ڈیرہ غازی خان کی تحصیل تھانہ کوٹ چھٹہ کی حدود مانہ احمدانی میں جہالت کی انتہاء کردی گئی سگے بھائی نے اپنی ہی بہن کا تیز دھار آلے سے پاؤں کاٹ دیا سلمی بی بی اپنے بھائی شاہنواز احمدانی کے گھر ملنے گئی تو بھائی نے طیش میں آکر تیز دھار آلے سے بہن کا پاؤں کاٹ دیا متاثرہ سلمی بی بی کا کہنا تھا کہ بھائی رشتہ داروں کے گھر جانے سے منع کرتا تھا اور مجھ پر شک بھی کرتا تھا اسی کا میرے بھائی کو رنج تھا آج جب میں گھر آئی تو بھائی نے طیش میں آکر تیز دھار آلے سے میرا پاؤں کاٹ دیا وقوعہ کی اطلاع ملنے پر ریسکیو کے امدادی اہلکاروں نے خاتون کو تشویشناک حالت میں تحصیل ہیڈ کوارٹر ہسپتال کوٹ چھٹہ میں منتقل کردیا گیا ہے، ایس ایچ او تھانہ کوٹ چھٹہ عبدالشکور قیصرانی کے مطابق بدچلنی کے شبہ پر بھائی شاہنواز احمد انی نے اپنی ہی سگی بہن سلمی بی بی کی ٹانگ کاٹ دی ہے اور مقدمہ درج کر دیا گیا ہے تھانہ کوٹ چھٹہ کی حدود میں پاؤں کاٹنے کے دلخراش وقوعہ کا ڈی پی او اسد سرفراز نے نوٹس لے لیاجس پر پولیس نے فوری طور پر ملزم شاہنواز احمدانی کو گرفتا ر کر لیا اس موقع پر ڈی پی او اسد سرفراز نے کہا کہ ظلم اور بربریت کسی صورت برادشت نہیں کی جائے گی مظلوم کی دادرسی اولین ترجیح ہے اور بالخصوص خواتین پر تشدد کسی صورت برداشت نہیں ہو گا۔
وزیر اعلیٰ پنجاب اچانک ڈی جی خان پہنچ گئے، ترقیاتی منصوبے جلد مکمل کرنے کی ہدایت
وزیراعلیٰ پنجاب سردار عثمان بزداراسلام آباد سے اچانک دورے پر ڈیرہ غازی خان پہنچ گئے۔وزیراعلیٰ عثمان بزدار نے ڈیرہ غازی خان شہرکے مختلف علاقوں میں صفائی اوردیگر امور کا جائزہ لیا۔ وزیراعلیٰ عثمان بزدارنے مقامی انتظامیہ کو ہدایت کی کہ ڈی جی خان شہر میں صفائی کے انتظامات مزید بہتر بنایا جائے۔
باغی ٹی وی کی رپورٹ کے مطابق وزیراعلیٰ عثمان بزدارشہر کے دورے کے بعدکمشنرڈی جی خان آفس پہنچ گئے اور کمشنر آفس ڈی جی خان میں ترقیاتی منصوبوں سے متعلق ہنگامی اجلاس کی صدارت کی۔کمشنر ڈی جی خان اسد اللہ فیض نے ترقیاتی منصوبوں سے متعلق بریفنگ دی۔وزیراعلیٰ نے اجلاس سے خطاب کرتے ہوئے کہا کہ ڈیرہ غازی خان سمیت پسماندہ علاقوں میں ترقیاتی سکیموں کی بروقت تکمیل یقینی بنائی جائے۔پسماندہ اور محروم علاقوں میں ترقیاتی منصوبوں کی خود مانیٹرنگ کروں گا۔ ترقیاتی منصوبوں میں شفافیت اورمعیار یقینی بنایا جائے۔
وزیراعلیٰ نے کہا کہ آئندہ بھی ہنگامی دورے کر کے صوبہ بھر کے مختلف شہروں میں عوام کو میسر سہولتوں کا جا ئزہ لیا جائے گا۔ہنگامی اجلاس میں کمشنر اوردیگر متعلقہ افسران نے شرکت کی۔ دریں اثناء وزیراعلیٰ نے کہا کہ کام نہ کرنے والے افسروں اوراہلکاروں کی گنجائش نہیں،عہدے خود چھوڑ دیں۔ریونیو میں تین سال سے ایک ہی جگہ تعینات ملازمین کو تبدیل کیا جائے۔انہوں نے کہا کہ افسران سرکاری ڈیوٹی کو کارخیر سمجھ کر سرانجام دیں۔وزیراعلیٰ عثمان بزدارنے ڈیرہ غازی خان میں ترقیاتی منصوبوں کی تکمیل میں تاخیرکا نوٹس،رکاوٹیں دور کرنے کا حکم دیتے ہوئے ہدایت کی کہ ڈیرہ غازی خان اورفورٹ منرو کے علاقوں میں صفائی کے ناقص انتظامات بہتر بنائے جائیں۔
اجلاس میں بارتھی میں ریسکیو 1122کی عمارت،سڑک اورپل کی تعمیرنہ ہونے پرجواب طلب کیاگیا۔وزیراعلیٰ نے ہدایت کی کہ ڈیرہ غازی خان اورتونسہ میں پارکوں کی بحالی کے منصوبے فوری شروع کیے جائیں۔پی ایچ اے ڈیرہ غازی خان کے داخلی اورخارجی راستوں کی تزئین نو کے منصوبے جلد مکمل کرے۔تونسہ اورڈیرہ غازی خان روڈ سمیت اہم شاہراہوں کی تعمیر و مرمت جلد مکمل کی جائے۔تونسہ میں انڈسٹریل سٹیٹ کیلئے اراضی کی نشاندہی اورتعمیر کے دیگرامور جلد مکمل کیے جائیں۔تونسہ میں چار سو کینال پر سمال انڈسٹریل سٹیٹ کا قیام علاقے کیلئے گیم چینجر ثابت ہوگا۔
وزیراعلیٰ نے کہا کہ ڈیرہ غازی خان میں گائنی وارڈکوتوسیعی عمارت میں جلد منتقل کیا جائے۔انہوں نے میر چاکر خان رند یونیورسٹی کے منصوبے کے بارے میں منظم تشہر کی ہدایت کی۔وزیراعلیٰ نے کہا کہ تحصیل کوہ سلیمان اوردیگر دوردراز علاقوں میں ہیلتھ کیمپ لگائے جائیں اورایمبولینس سروس فراہم کی جائے۔دوردراز کے مراکز صحت میں ضروری ادویات کی فراہمی یقینی بنائی جائے۔اجلاس میں کوہ سلیمان میں ٹورسٹ فیسٹول کے انتظامات کا جائزہ،ٹورسٹ ریزارٹ بنانے کاجائزہ لیاگیا۔انہوں نے کہا کہ شہر خاموشاں پراجیکٹ کی جلد از جلد تکمیل یقینی بنائی جائے۔اساتذہ کے تبادلوں کیلئے ای ٹرانسفر پالیسی پر عملدر آمد یقینی بنایا جائے۔وزیراعلیٰ کو بارڈر ملٹری پولیس کے تھانوں کی عمارتوں کی تعمیرپر پیش رفت سے آگاہ کیا گیا۔
وزیراعلیٰ نے ڈی جی خان انتظامیہ کو سیلاب کے ممکنہ خدشے کے پیش نظر فوری اقدامات کا حکم دیتے ہوئے کہا کہ کمشنر اورڈپٹی کمشنر فلڈ بنداورسیلاب سے نمٹنے کیلئے انتظامات کا جائزہ لینے کیلئے خود دورے کریں۔ڈیرہ غازی خان ٹیچنگ ہسپتال اورتونسہ میں پناہ گاہوں کے منصوبوں پر پیش رفت کا جائزہ بھی لیاگیا۔ہسپتالوں میں ڈاکٹر اورطبی عملے کی موجودگی یقینی بنائی جائے۔دارالامان ماڈل چلڈر ن ہومز میں بہترین سہولتوں کی فراہمی کا اہتمام کیا جائے۔ٹیچنگ ہسپتالوں سمیت مختلف اداروں کا اچانک دورہ کر کے خود جائزہ لیں گے۔
وزیراعلی پنجاب کے آبائی حلقہ میں ہسپتال انتظامیہ کی صحافی سے بدتمیزی، صحافی برادری کی شدید مزمت
وزیر اعلی پنجاب کے آبائی علاقے تونسہ میں ہسپتال انتظامیہ نے صحافیوں سے کیمرہ چھین لیا گیا اور بدتمیز ی کی گئی، اس واقعےکے خلاف صحافی برادری نے شدید احتجاج کیا اور وزیر اعلی سے واقعے کا نوٹس لینے کے مطالبہ کیا.
باغی ٹی وی رپورٹ کے مطابق وزیراعلیٰ پنجاب سردار عثمان بزدار کے علاقے تونسہ میں مقامی ہسپتا ل پر عملہ نہ ہونے اور مریض کو داوئی نہ دینے پر ایک کیمرہ مین صحافی نے مریض سے اس کا رد عمل لینا چاہا تو ہسپتا ل انتظامیہ کے عملے نے بد تمیزی کرتے ہوئے کیمرہ چھین لیا اور صحافی سے بد تمیزی کی.
اس بد تمیزی پر صحافی برادری احتجاچ کرتے ہوئے واقعے کی شدید مزمت کی اور اس بد تمیزی اور غیر مناسب رویے کو پر نوٹس لینے کا مطالبہ کیا ہے . واضح رہے کہ وزیراعلی کے اپنے علاقے میں صحت کی سہولیات کے یہ حال ہے تو باقی علاقوں میں کیا ہوگا .
کمسن ملازمہ پر تشدد، کھانے کو ایک روٹی ملتی تھی، متاثرہ بچی پولیس تھانہ پہنچ گئی
رحیم یار خان میں مالکان کی جانب سے کمسن ملازمہ پر مبینہ تشدد کا افسوسناک واقعہ منظرعام پر آیا ہے.
باغی ٹی وی کی رپورٹ کے مطابق 7سال کی ملازمہ گھر سے بھاگ کرتھانے پہنچ گئی اور خود پر ہونے والے ظلم سے آگاہ کیا. متاثرہ بچی نے الزام عائد کیا ہے کہ مالکان کھانے کوصرف ایک روٹی دیتے اورتشدد کرتے تھے.
مقامی پولیس کا کہنا ہے کہ مالکان اپنے گھر میں موجود نہیں اور فرار ہیں. پولیس نے متاثرہ بچی کی بیان پر مقدمہ درج کر لیا ہے اور اس واقعہ کی تحقیقات کی جارہی ہیں. واضح رہے کہ اس سے قبل بھی کمسن گھریلو ملازماؤں پر تشدد کےو اقعات پیش آتے رہے ہیں جبکہ حکومت ایسے واقعات کو روکنے میں ناکام رہی ہے.
واضح رہے کہ جس مکان مالک پر بچی پر تشدد کا الزام ہے ابھی ان کا موقف سامنے نہیں آ سکا ہے
ڈی پی او ڈیرہ کا تھانہ ریتڑہ کا اچانک وزٹ اہم خبر آ گئی…
ڈیرہ غازیخان (تنویر احمد)ڈی پی او عاطف نذیر نے تھانہ ریتڑہ کا وزٹ کیا، دوران وزٹ تھانہ کے رجسٹر ہائے اور ریکارڈ کے اندراج و تکمیل،بیٹ بکس کو چیک کیا آن لائن ریکارڈ کے اندراج اور تکمیل ریکارڈ فرنٹ ڈیسک پر چیک کیا اور ایس ایچ او کو ہدایت کی کہ ریکارڈ کو اپنی نگرانی میں بروقت تکمیل کرائیں اس موقع پر انہوں نے مزید کہا کہ مقدمات کی تفتیش میرٹ پرکریں اور تکمیل چالان ہونے پر عدالتوں میں فوری بھجوائیں ڈی پی او نے کہا کہ مجرمان اشتہاریوں کی گرفتاری کو یقینی بناتے ہوئے زیادہ سے زیادہ کاروائی عمل میں لائی جائے اور محکمہ کے لئے اچھا کام کرنے والوں کی حوصلہ افزائی کی جائے گی لیکن غفلت لاپرواہی برتنے والے افسران و ملازمان کے خلاف سخت محکمانہ کاروائی عمل میں لائی جائیگی انہوں نے کہا کہ تھانہ پر آئے سائلین کے ساتھ بہتر سلوک کیا جائے ان کی عزت نفس کا خیال رکھا جائے ان کے مسائل کو انتہائی توجہ سے سننے کے بعد فوری حل کرنے کے اقدامات کرتے ہوئے انصاف کی فراہمی کو یقینی بنایا جائے کیونکہ مظلوم کی دادرسی ہماری اولین ترجیح ہے۔انہوں نے مزید کہا کہ موجودہ ملکی حالات کے پیش نظر عوام الناس میں خوف و ہراس پھیلانے والے اور ناجائز اسلحہ رکھنے والوں کے خلاف بلاامتیاز کاروائی عمل میں لائیں جبکہ منشیات فروشوں کے گرد گھیرا تنگ کرتے ہوئے بھر پور کاروائی عمل میں لائی جائے۔ڈی پی او نے کہا کہ ٹریفک پولیس ملازمان اپنے فرائض منصبی ایمانداری سے ادا کرتے ہوئے کم عمر ڈرائیوران اور بغیر نمبر پلیٹ والی گاڑیوں کے خلاف بھر پور ایکشن لیتے ہوئے ان کی گاڑیوں کو بند کریں اگر کوئی بھی کمر عمر ڈرائیور یا بغیر نمبر پلیٹ کے ڈرائیونگ کرتا ہوا پایا جائے اس کے خلاف قانونی کاروائی عمل میں لائیں آخر میں ڈی پی او عاطف نذیر نے کہا کہ رمضان المبارک کے موقع پر نماز جمعہ اور مین بازاروں، زیادہ رش والی جگہوں پر سیکیورٹی کے فول پروف انتظامات کئے جائیں جبکہ بازاروں وغیرہ میں شاپنگ کے لئے آنے والی عوام الناس کو ٹریفک پرابلم نہ ہو اور ٹریفک کو رواں دواں رکھنے کے لئے کوئی کسر نہ چھوڑی جائے۔
